A confe galega, a mellor conferencia do mundo
Cando dentro de HT atopas o teu rincón no mundo.
Cando un amigo me comentou que xogaba a un simulador de fútbol, a min, que viña da xeración do PC Fútbol, non facía falta moito mais para convencerme. O que non imaxinaba era que 16 anos despois aquí seguiría tentando entender como se xoga a isto. Porque si, en todos estes anos estiven a moitas cousas—pero precisamente a manexar un equipo, non.
Debut nunha xa esquecida XI, ascensos, descensos, novos ascensos e tope histórico alcanzado na Vª división. Despois chegaron novas sucursais que fun espallando polo mundo, cos mesmos miserables resultados.
Pero si algo me encheu durante moitos anos, foi a confe galega. Aquí pasei momentos inesquecibles en ambos lados da barra. Debates interminables entre deportivistas e celtistas. Participando nos torneos que se foron organizando, Pichichis, Ligas Galegas Xuvenís, quinielas e sobre todo o Desafío Norte-Sur. Gracias á confe, desvirtualicei a compañeiros en diferentes quedadas.
Por todo isto, agardo botar moitos anos mais na vosa compañía, pasándoo ben e aprendendo cada día. Unha aperta a todos e gracias por todos estes anos.
2024-04-08 23:11:53,
234 views
Link directly to this article (HT-ML, for the forum):
[ArticleID=23569]