Hattrick Masters
Hattrick Masters ölkə çempionları və kubokun qaliblərinin iştirak etdiyi beynəlxalq turnirdir. Turnir 4 həftə davam edir və ölkə çempionatının 4-cü həftəsindən sonra başlayır. Oyunlar bazar ertəsi saat 16:00-da, cümə axşamı isə saat 20:00-da başlayır.
Təqvim
Masters-də 256 komanda iştirakə edə bilər və oyunlar ard-arda 8 mərhələdə oynanılır. Hər mərhələ üçün püşk tamamilə təsadüfi olur, və matçlar neytral meydançalarda oynanılır.
Əgər birinci mərhələ üçün komanda sayı az olarsa, təsadüfi şəkildə ikinci mərhələdən etibarən oynamaq üçün komandalar seçilir. Komanda sahibini itirərsə və yaxud dəyişərsə, o Mastersdən kənarlaşdırılır. Bir komanda həm ölkə kubokunun qalibi, həm də ölkə çempionu olarsa, Mastersdə həmin ölkəni sadəcə o komanda təmsil edəcək.
Turnirin xüsusi qaydaları
Masters oyunları üçün aşağıdakı qaydalar təyin edilmişdir:
Vərəqələr və zədələr: Vərəqələr nəzərə alınmır (qırmızı vərəqə alan oyunçu, təbii ki oyundan xaric edilir), lakin zədələr zədə kimi qalır.
Komanda Davranışı: “Mövsümün Oyunu” (MO) və “Sakit Oyna” (SO) komanda ruhunda dəyişiklik edir, lakin normal oyundakı kimi güclü dəyişiklik hiss edilmir. Komandanın əhval-ruhiyyəasi oyun vaxtı normal oyunlardakı kimidir.
Məşqlər: Masters oyunları oyunçuların məşqinə təsir etmir.
Masters oyunları əldə edilən gəlir
Əldə edilən gəlir ev sahibi və qonaq komanda arasında bərabər bölüşdürülür. Aşağıda göstərildiyi kimi, ən yaxşı komandalar həmçinin pul mükafatı alırlar.
Kubokda yüksək nəticə göstərən komandalar müəyyən miqdarda pul mükafatı alırlar. Hattrick Masters qalibi 800 000 US$, finaliçı 400 000 US$ və yarım finalda uduzan komandalar 200 000 US$ alır. ¼ finalda uduzanların hər biri 100 000 US$ və 1/16 uduzan hər bir komanda 50 000 US$ mükafat alır.