Biz cookie-lərdən istifadə edirik - bu bizim sizə daha yaxşı oyun təcrübə verməyimizə kömək edir.
Saytı istifadə edərkən bizim cookies-lərin sizin cihazınıda yerləşdirməyə icazə verirsiz.

Oyunçular: Digər əlamətlər

Yaş

Oyunçunun dəqiq yaşını oyunçu səhifəsində görə bilərsiz. Bir Hattrick ili 112 gündür, hansı ki oyunçuların müəyyən yaşa və 0-111 günə malik olması mənasını verir.

Xəsiyyət

Bütün oyunçuların xəsiyyəti var. Onlar xoş və ya murdar, lider və ya yalqız, temperamentli və ya mülayim ola bilərlər. Hal-hazırda oyunçunun xəsiyyəti oyuna çox təsir etmir, ancaq məsələn yaxşı lider qabiliyyətinə malik olan oyunçunu komandanın kapitanını kimi təyin olunması ağıllı iş olardı.

Təcrübə

Təcrübə yaşlı oyunçunun bəzi şeyləri birbaşa onun bacarıqlarından asılı olmayaraq öyrənməsini göstərir, hansı ki, onun meydançada hərəkətlərinə müsbət təsir edir.

Loyallıq

Kluba loyallığı yüksək olan oyunşular meydançada daha yaxşı oyun nümayiş etdirirlər. Loyallıq klubda oynanılan müddətdən asılı olaraq artır.

Loyallıq iki cür olur:

Oyunçunun loyallıq bonusu

Oyunçunuz komandada kerçirdiyi hər gün onun komandaya olan loyallığını artırır. Və oyunçu komandaya nə qədər bağlı və loyal olarsa, o qədər də yaxşı oynayar.

Loyallıq səviyyəsi başlanğıcda daha tez artir və vaxt ötdükcə yavaş-yavaş artaraq davam edir. Loyallığın maksimal səviyyəsinə 3 mövsümdən sonra çatmaq olur, lakin onun yarısına isə artıq 12 həftədən sonra.

Maksimal bonus: Bütün qabiliyyət növlərinə +1 bacarıq səviyyəsi (dözümlülük daxil deyil)

Misal: Əli Məmmədov yetərli müdafiəsi olan yaxşı yarımmüdafiəçidir və o, maksimal loyallıq səviyyəsindədir (ilahi). O yaxşı müdafiəsi olan əla yarımmüdafiəçi kimi oynayacaq (bu onun ulduz reytinqinə də təsir göstərəcək).

Oyunçu loyallığın ilahi səviyyəsinə çatdıqda, tam bonusu əldə edir. Gənclər akademiyasından gələn oyunçunuz ilahi səviyyəsindən başlayır.

Unutmayın ki, oyunçunuzu digər kluba sattdıqda o, sizin komandaya olan loyallığını itirir. Beləliklə, gələcəkdə onu geriyə aldıqda, onun loyallığını əvvəldən qurmağa başlayacaqsız.

Ana klubu bonusu

Öz ana klubunda çıxış edən oyunçular, məsələn gənc akademiyadan gələn oyunçularınız və bütün karyeralarını həmin klubda keçirən oyunçular meydaçada bir az daha yaxşı oynayırlar, çünki döğma klub onların ürəyində xüsusi yer tutur.

Bonus: Bütün qabiliyyət növlərinə +0.5 bacarıq səviyyəsi (dözümlülük daxil deyil).

Bütün öz karyerasını ana klubunda çıxış edən oyunçular oyunçu səhifəsində ürək işarəsi ilə göstərilir. Nəzərə alın ki, satdığınız və sonra yenidən aldığınız hər-hansı gənc oyunçu bu bonusu əldə etməyəcək.

Hər iki bonusun alınması

Oyunçu hər iki bonusu asanlıqla ala bilər. Beləliklə, gənc oyunçunu əsas komandaya cəlb etdikdə (hansı gənc oyunçular sistemini istifadə etmənizdən asılı olmayaraq) həmin oyunçunu satmayana gədər o, bütün qabiliyyət növlərinə +1.5 qabiliyyət bonusu alacaq (dözümlülük daxil deyil).

Diqqət: Loyallıq anlayışı 47-ci Mövsümdə (Oktyabr/Noyabr 2011) tədbiq edilir. 47-ci Mövsüm ərzində loyallıq bonusunun yarısı hesablanacaq. 48-ci Mövsümdən (fevral 2012) isə artıq tam hesablanacaq.

Ümumi Bacarıq İndeksi (ÜBİ)

Ümumi Bacarıq İndeksi oyunçunun necə bacarıqlı olmasının göstəricisidir. ÜBİ məşqdən asılı olaraq artır və həmçinin formadan asılı olaraq arta və ya düşə bilər.

Forma

Oyunçu nə qədər yaxşı formada olarsa, bir o qədər yaxşı oyun nümaiş etdirəcək. Bu nə fiziki hazırlıqdan, nə də oyunçunun necə məşq aldığından asılı deyil. Hattrickdə forma oyunçunun tam potensiala çatmasının mümkünlüyünü və ya qarşısının alınmasını əks etdirir – məsələn hazırda həyatda onun şəxsi vəziyyətindən asılı olaraq.

Oyunçu səhifəsində oyunçunun "cari forma"-sını görə bilərsiz. Bu oyunlar üçün tətbiq olunur. Məsələn "əla" bacarıqlı "bərbad" formada olan oyunçu "yetərli" bacarıqlı "yaxşı" formada olan oyunçudan zəifdir.  Komandanın dözümlülük məşqinin miqdarı cari formaya mənfi təsir göstərir; nə qədər çox dözümlülük məşqi (faiz) verirsinizsə, mənfi təsir bir o qədər yüksək olur.

Əlavə olaraq, burada gizlin "arxafon forması" var, hansı ki, oyunçunun formasının necə dəyişəcəyini təyin edir. Hər həftə, məşqdən sonra, hər oyunçunun forması dəyişəcək, gizlin arxafon formasına doğru.  Cari forma arxa plan formasına bir dəfəlik bərabərləşmir. Əksinə, bir neçə həftə ərzində ona doğru hərəkət edir. Nə qədər böyük cari forma ilə arxa plan formasında fərq olarsa, cari forma bir o qədər kəskin dəyişəcək.

Məşqdən sonra cari forma dəyişir, və böyük ehtimalla hər oyunçunun arxafon forması da dəyişir. Hər oyunçunun arxafon formasının dəyişməsinin bərabər fərdi şansları var, və buna heç cürə təsir edə bilməzsiz.  Lakin əgər oyunçunun arxa plan forması dəyişməlidirsə, onda yeni arxa plan formasının necə olmasına bir neçə amil təsir edir:

  • Əgər oyunçu həftə ərzində oyunda iştirak edibsə. Bu çox vacibdir!
  • Məşqin intensivliyi – nə qədər ağır məşq verirsinizsə, bir o qədər ümumi forma yaxşı olur
  • Sizin məşqçiniz – nə qədər bacarıqlıdırsa, bir o qədər ümumi forma yaxşı olur
  • Forma Məşqçisi- Forma Məşqçisi formanın yaxşılaşdırılmasında ixtisaslaşır
  • Köməkçi məşqçilər – Köməkçilər də formanın yaxşılaşdırılmasına kömək edirlər

Xüsusi qabiliyyət

Demək olar ki, oyunçuların yarısının "xüsusi bacarıq" deyilən özəlliklıri var, hansı ki, matçlara təsir edir. Oyunçular üçün 5 fərqli xüsusi bacarıq mövcuddur: "Texnikalı", "Cəld", "Başla Oynayan", "Güclü" və "Gözlənilməz".  Hər əsas xüsusi qabiliyyətin yaxşı və pis cəhətləri var və bunlar Xüsusi Hadisələr bölməsində izah edilib. Xüsusi Qabiliyyətlər həmçinin müəyyən taktika növləri üçün xeyirli ola bilər, daha ətraflı Taktikalar bölməsində.

Daha iki nadir xüsusiyyət də mövcuddur: Elastik və Dəstək. Elastik xüsusiyyətə malik olan futbolçuların zədədən sağalma müddəti digər futbolçulara nisbətən daha azdır və bu tip futbolçular matç ərzində yüngül aradan qaldıra bilərlər. Dəstək xüsusiyyətinə malik olan futbolçular meydanda özlərinə yaxın komanda yoldaşlarına kömək etməyə çalışacaqlar. Əgər uğurlu olsalar bu komanda yoldaşlarının performansını yaxşılaşdıracaq, lakin, uğursuz olduqları təqdirdə ümumi komandanın təşkilatlıq səviyyəsi də aşağı düşə bilər.

Zədələr

Bəzən oyunçular zədə alır. Əgər bu baş verərsə və zədə ciddidirsə o zaman oyunçu müalicə aldığı dövrdə bir neçə oyun buraxacaq. Məşqin intensivliyi artdıqca v\ə ya heyətdə olan köməkçi məşqçilərin sayı və səviyyəsi artdıqca, zədələnmə riski bir o qədər çoxalır.

Yaşlı oyunçular daha gec sağalır və işə götürülən həkimlər oyunçuların daha tez sağalmasına kömək edəcək. Oyunçular qırx yaşlarına çatanda sağalmalmaq ehtimalları demək olar ki, heç yoxdur. Həmçinin yadınızda saxlayın ki, zədə müddəti sadəcə bir təxmindir - əgər sizin ulduz hücumçunuz bir həftəlik zədə alıbsa, onun sağalması üçün 1 həftəyədək vaxt lazım ola bilər.

Sarı və qırmızı vərəqələr

Oyunçular cəzalana və ya oyundan qovula bilər, daha aqressiv oyunçular (əsasən səmimiyyəti aşağı olan və az təcrübəyə malik olanlar) digərləri ilə müqaisədə daha tez-tez. Oyun ərzində 2 sarı vərəqə avtomatik olaraq oyunçunun meydançadan qovulmasına gətirib çıxaracaq. Oyundan qovulması növbəti rəsmi oyunu buraxması deməkdir.  Əgər mövsüm ərzində oyunçu 3 sarı kart alarsa, növbəti rəsmi oyunu buraxmalı olacaq. Liqa, kubok və seçmə oyunlarda alınan sarı və ya qırmızı vərəqələr eyni sayılır. Əgər oyunçu bir mövsüm içində liqa oyunlarında 2 dəfə sarı kart alıbsa və növbəti kubok oyununda təkrar sarı kart alsa, o zaman növbəti liqa, kubok və ya seçmə oyunu buraxmalı olacaq.

Oyundan əvvəl oyunçularınızın neçə dəfə cərimələndirilməsini oyunçuların siyahısında yoxlaya bilərsiz. 3 dəfə cəzalanan və ya son oyununda qırmızı alan oyunçu siyahıda qırmızı kart işarəsi ilə qeyd olunacaq.  Rəsmi görüş keçirildikdən sonra oyun buraxmalı olan oyunçunun cəzaları sıfırlanacaq. Həmçinin mövsüm sonu bütün oyunçuların cəzaları sıfırlanır. Yoldaşlıq görüşündə kart limitindən dolayı oynamama (və ya cəzaların sıfırlanması) mümkün deyil.

 
 
Server 080