Gənclər akademiyasının oyunçuları

Məşq

Gənc komanda oyunçularınız eyni anda iki tip məşq ala bilərlər. Əsas məşq və ikinci məşq. Əsas məşq ikinci məşqə görə daha çox təsirə sahibdir. İki məşq tipini də eyni seçə bilərsiniz, amma məşqin təsiri iki məşqin iksini də ayrı-ayrı seçdiyiniz zaman daha çox olacaq.

Gənc oyunçular həm liqa oyunlarında (tam təsir), həm də yoldaşlıq oyunlarında (daha kiçik təsir) məşq ala bilərlər. Gənclər akademiyasında məşq prosesi hər matça uyğun hesablanır. Beləliklə onlar həftədə iki dəfə (bəzən isə üç dəfə) məşq ala bilər. Oyun başlamadan 10 dəqiqə öncə məşq növünü seçməlisiniz. Məşqin təsiri oyundan sonra dərhal özünü göstərir və oyundan sonra məşqçiniz sizə oyunçuların inkişafı ilə əlaqədar yaxşı ipucları verən hesabat hazırlayır. Siz həmçinin oyunçuların xüsusiyyətlərini də görmə imkanınız yaranacaq:

Əsas məşqiniz üçün məşqçiniz məşq verdiyiniz bölgədə ən az 44 dəqiqə oynayan bir oyunçunuzun mövcud bacarığı haqqında bilgi verəcək. İkinci məşq üçünsə, mövcud bacarıq yerinə çata biləcəyi ən üst səviyyə haqqında bilgi veriləcəkdir.

Əgər ikinci məşqiniz əsas məşqlə eynidirsə, ikinci məşqlə əlaqədar məlumat almayacaqsınız. Əgər məşq verilən bölgədəki bütün oyunçuların bacarıqları ortaya çıxıbsa, təbii olaraq məşqçiniz sizə bu barədə bilgi verməyəcək. Həmçinin əgər oyun sonunda meydanda 8-dən az oyunçunuz qalarsa, hər hansı bir bacarıq bildirişi almayacaqsınız.

Həmçinin məşqçiniz məşq verilməyən bölgələrdə ən yüksək potensiala sahib üç oyunçudan biri haqqında da məlumat verəcəkdir.