Вашыя асноўныя справы

Вашая новая каманда

Рэгіёны і надвор'е

Вашая каманда належыць пэўнаму рэгіёну, да якога, магчыма, нейкім чынам належыце вы. Рэгіёны ўведзеныя ў гульню для таго, каб карыстальнікам было лягчэй знаходзіць суседзей. Яшчэ адна важная асаблівасьць - кожны рэгіён мае сваё надвор'е. Прыродныя ўмовы ва ўсіх рэгіёнах аднолькавыя, беспадстаўна сцвярджаць, што, да прыкладу, у Брэсьце часьцей сьвеціць сонца, а ў Магілёве амаль кожны дзень дождж, а таму гэта не павінна ўплываць на вас пры выбары рэгіёну.

Надвор'е ў Hattrick уплывае на некаторыя аспекты гульні, самыя важныя з якіх - наведвальнасць (калі надвор'е дрэннае, то на стадыён прыйдзе менш гледачоў), а таксама гульня некаторых гульцоў. На старонцы рэгіёну (на якую можна патрапіць па спасылцы з яго назвай, якая ёсць на Вашай клюбнай старонцы) можна даведацца надвор'е сёння і прагноз надвор'я на заўтра. Надвор'е не змяняецца абсалютна выпадковым чынам кожныя суткі; яна залежыць ад таго, якое надвор'е стаяла напярэдадні. Напрыклад, калі сёння яснае надвор'е, то шанцы таго, што заўтра таксама будзе ясна, вышэй, чым шанцы таго, што будзе іншае надвор'е.

Пры жаданьні ў міжсэзоньні можна зьмяніць рэгіён. Але гэта вам будзе каштаваць 3% фанатаў, якія ў знак пратэсту выйдуць з фан-клюбу.

Важныя парады

На колькі добры ваш гулец?

У рэальным жыцьці мы кажам, што гулец - «неблагі вінгер» ці «зашыбенны абаронца», ацэньваючы гульні зь яго ўдзелам. У Hattrick мы робім прыкладна тое ж самае. Для гэтага мы выкарыстоўваем вызначаныя абазначэньні (дарэчы, не толькі для гульцоў). Шкала абазначэньняў здольнасьцей ідзе па ўзрастаньні ад «адсутнічае» да «боска». З Усімі абазначэньнямі можна азнаёміцца ў прыкладаньні да правілаў.

Розным гульцам патрабуюцца розныя здольнасьці

Усе гульцы не павінны быць добрыя ва ўсіх здольнасьцях, але трываласьць істотная для ўсіх.  Часам хапае таго, што гулец досыць добры ў нейкай адной здольнасьці, але вы атрымаеце значна больш ад гульца, калі ён мае добрыя веды некалькіх здольнасьцяў.  Здольнасьці (акрамя трываласьці) ад якіх гулец атрымае найбольш карысьці, залежаць ад пазыцыі, на якой ён будзе гуляць:

Брамнікі:

Цэнтральныя абаронцы:

Крайнія абаронцы:

Паўабаронцы:

Вінгеры:

Нападаючыя:

Зьмены здольнасьцяў

Узрост

Асоба

Досьвед

Гульцы, якія згулялі шмат матчаў, асабліва важных, становяцца больш дасведчанымі, і гэты досьвед можа па-рознаму дапамагчы ім у будучых гульнях. Дасведчаныя гульцы могуць уплываць на ўзнікненне спецыяльных падзей, пасля якіх забіваюць або прапускаюць галы, а таксама, апроч усяго іншага, дапамагаюць камандзе гуляць больш арганізавана. Мы адсочваем досьвед, як асобнае значэнне, не звязанае са здольнасьцямі гульца. Кожны згуляны матч дае досьвед, а колькасць атрыманага досьведу залежыць ад тыпу матчу. Усяго, гулец павінен набраць 100 ачкоў, каб атрымаць 1 ўзровень досьведу. Ачкі, набраныя за кожны тып матчу, прыведзены ў наступнай табліцы.

Агульны Індэкс Здольнасьцяў (TSI)

Форма

Чым лепш форма ў гульца, тым лепей ён гуляе. Але гэта ня ў сэнсе фізыялёгіі, і гэта не залежыць аж таго, наколькі добра ён натрэніраваны. Форма ў Hattrick адлюстроўвае набор рэчаў, якія дапамагаюць, ці не даюць гульцу дасягнуць свайго сапраўднага патэнцыялу – як напрыклад сытуацыя ў яго асабістым жыцьці ў бягучы момант.

На старонцы гульца вы можаце ўбачыць яго "бягучую форму". Яна ўжываецца пры падліку матчаў. "Выдатны" гулец ў "жахлівай" форме, напрыклад, звычайна гуляе горш, чым "здавальняльны" гулец у "добрай". На бягучую форму адмоўна ўплывае час на трэніроўкі трываласьці; чым больш увагі да трываласьці (у працэнтных суадносінах), тым больш адмоўны ўплыў.

Дадаткова, ёсьць яшчэ нябачная "схаваная форма", якая ўжываецца для падліку накірунку, у якім зьмяняецца форма гульца. Кожны тыдзень, падчас трэніроўкі, бягучая форма кожнага гульца зьмяняецца. Яна перасоўваецца ў бок нябачнай схаванай формы. Бягучая форма не адразу зьмяняецца на схаваную. Замест гэтага яна патрохі рушыцца ў той бок цягам некалькіх тыдняў, хаця чым далей яны адна ад адной, тым большыя крокі будуць насустрач.

Пасьля зьмены бягучай формы падчас трэніроўкі для кожнага гульца ёсьць шанец, што зьменіцца і схаваная форма. У любога гульца свой шанец на зьмену схаванай формы, і вы ня можаце наўпрост паўплываць на яго. Аднак, пры падліку шанца на зьмену схаванай формы, улічваецца некалькі чыньнікаў, якія могуць паўплываць на будучую форму:

• Калі гулец удзельнічаў у матчы цягам тыдню. Гэта вельмі важна!
• Інтэнсіўнасьць трэніровак – чым упарцей вы трэніруецеся, тым вышэй у сярэднім форма
• Ваш трэнэр – чым вышэй яго веды, тым лепей форма ў сярэднім
• Трэнер па фізпадрыхтоўцы спецыялізуецца ў паляпшэнні формы гульцоў.
• Памагатыя трэнэра - Памагатыя таксама паляпшаюць форму

Спецыялізацыя

Прыкладна ў паловы гульцоў ёсьць характарыстыка пад назвай "спэцыялізацыя", якая ўплывае на іх дзеяньні ў матчах. Любы гулец cа спэцыяльнасьцю атрымлівае бонус да заробку ў памеры 10%.

Існуе 5 асноўных спэцыялізацый: "Тэхнічны", "Хуткі", "Гульня галавой", "Магутны" і "Непрадказальны". Кожная асноўная спецыялізацыя мае добры і дрэнны бок, растлумачаны ў падзелы Падзей. Спецыяльнасьці могуць быць карыснымі і для некаторых тыпаў тактыкі, гэта растлумачана ў падзеле Тактыкі.

Існуе яшчэ дзве рэдкіх спецыялізацыі - "Моцнае здароўе" і "Камандны гулец". Гульцы са спецыялізацыяй "Моцнае здароўе" вылечваюцца ад траўмаў трохі хутчэй, чым усе астатнія гульцы, а яшчэ яны могуць адысці ад лёгкай траўмы па ходзе матчу. "Камандны гулец" будзе спрабаваць дапамагчы гульцам на суседніх пазіцыях. Пры паспяховай спробе партнёры пачнуць гуляць лепш, аднак, пры няўдалай спробе дапамагчы, гэта дзеянне можа выклікаць падзення ўзроўню арганізацыі гульні ўсёй каманды.

Траўмы

Часам гульцы атрымліваюць траўмы. Калі гэта адбываецца і траўма аказваецца сур'ёзнай, то гульцу даводзіцца прапусціць адзін або некалькі матчаў, аднаўляючыся ад наступстваў траўмы. Рызыка атрымання траўмы павышаецца, калі каманда павялічвае інтэнсіўнасць трэніроўкі, або сумарную колькасць узроўняў Памочнікаў Трэнера.

Старым гульцам патрабуецца больш часу, каб ачуняць, і доктары могуць быць нанятыя, каб дапамагчы гульцам хутчэй паправіцца. Медыкі таксама скарачаюць імавернасць траўм. Гульцы, якія набліжаюцца да сарака, будуць мець вялікія цяжкасці, каб зноў выйсьці на поле. Таксама памятайце, што адлюстраваны час толькі прыблізны, калі ваш зорны нападаючы мае пашкоджанне на тыдзень, то можна меркаваць, што ён вылечыцца на працягу тыдня.

Жоўтыя й чырвоныя карткі

Гульцы могуць атрымліваць папярэджаньні ці ўвогуле быць выдаленымі з поля падчас гульняў, вельмі агрэсіўныя (асабліва з нізкай сумленнасьцю ці бяз досьведу) часьцей за астатніх. 2 карткі за матч аўтаматычна вядуць да выдаленьня. Заўчасны канец матчу для гульца азначае і пропуск наступнага афіцыйнага матчу. Гульцы таксама дыскваліфікуюцца пасьля збору 3 папярэджваньняў у афіцыйных матчах сэзону. Карткі ў лізе, кубку і кваліфікацыйных матчах падлічваюцца разам. Калі гулец ужо быў двойчы папярэджаны ў матчах лігі ў сэзоне, і потым атрымлівае яшчэ адну картку ў кубкавым матчы, ён будзе дыскваліфікаваны на наступны афіцыйны матч, і бяз розьніцы - ці будзе гэта матч лігі, кубак альбо кваліфікацыйны.

Вы можаце праверыць сьпіс гульцоў каманды, каб убачыць колькасьць папярэджаньняў у вашых гульцоў перад матчам. Гулец, у якога назапасіцца тры жоўтыя карткі, ці які быў выгнаны з поля ў апошнім матчы, мае побач са сваім імем чырвоную картку як паказчык, што ён ня мае права гуляць у наступным афіцыйным матчы. Дыскваліфікацыя гульца скончваецца, калі адпаведны афіцыйны матч адбыўся. Таксама ўсе пакараньні сьціраюцца напрыканцы сэзону. Трансферы не абнуляюць папярэджанні. Гулец ня можа быць дыскваліфікаваны (ці яго дыскваліфікацы скончыцца) пасьля таварыскага матчу.

Стартавы склад і замены

Тэхнічныя паразы

Выбар тактычнай пабудовы

Тактыка і настрой на матч

Індывідуальная апека

Асабістыя загады

Асновы сымуляцыі матчу

Асноўныя атакі

Перавага хатняй каманды

Псыхолягі і прыхільнасьць трэнэра

Рэйтынг каманды гэта тое, над чым вы павінны сфакусаваць сваю ўвагу.

Пасьля таго як матч адбыўся, вы ўбачыце рэйтынгі кожнай часткі сваёй каманды. Гэтыя рэйтынгі скажуць вам, як добра вашая каманда гуляла ў матчы, і гэтыя рэйтынгі гэта тое, што важна пры падліке вынікаў матчу.

Узроўні рэйтынгаў матчаў (абазначаюцца ад "адсутнічае" да "боска") маюць чатыры падузроўні: надта нізкі, нізкі, высокі і вельмі высокі. Гэтыя падузроўні дазваляюць лепш зразумець, як гуляе вашая каманда на канкрэтным участку поля. Да прыкладу, зразумела, што что "добра (вельмі высокі)" ненашмат горш за "выдатна (вельмі нізкі)", але затое нашмат лепш за "здавальняльна (вельмі нізкі)".

Пасьляматчавыя рэйтынгі

Па сканчэньні кожнага матча гульцы атрымоўваюць рэйтынг у выглядзе зорак, які ацэньвае карыснасьць дзеяньняў кожнага гульца. Вось што яны азначаюць:

Памятайце, што зоркі адлюстроўваюць толькі індывідуальныя паказчыкі гульца на пэўнай пазіцыі, яны карысныя для параўнаньня гульцоў, якія гуляюць на адной і той жа пазіцыі. Памылкова вымяраць моц каманду аднымі толькі зоркамі. Каб даведацца пра гульню каманды ў цэлым, зірніце на рэйтынгі.

Таксама майце на ўвазе, што негатыўныя эфекты, напрыклад, за выкарыстаньне больш аднаго гульца на цэнтральнай пазыцыі (глядзі раздзел пабудова), не адлюстроўваюцца ў рэйтынгу зорак.

Звычайны выпадак

Коратка кажучы, стан паўабароны вырашае колькі галявых шанцаў створыць вашая каманда падчас матчу. Астатнія лініі каманды ўплываюць на імавернасьць таго, што атакі скончацца голам.

Наступная табліца дапаможа вам у выбары складу на матч. Заўважце, што гэта ўсё прыблізна.  Некаторыя здольнасьці, якія ідуць за іншымі могуць азначаць толькі невялічкую розьніцу, розьніца ж паміж іншымі можа быць досыць вялікай. Больш таго, асабістыя загады ці страта ўнёску з-за двух ці болей гульцоў у цэнтральнай пазыцыі (глядзі папярэдні разьдзел) ня ўлічаныя тут.

Узрост гульцоў і ўзровень здольнасьці

Маладыя гульцы звычайна хутчэй вучацца, чым старыя, але тое, як шмат ваш гулец вывучыць на трэніроўцы, залежыць і ад бягучага ўзроўню гульца - чым ніжэй узровень, тым хутчэй трэніроўка.  Трэніроўка на вельмі нізкіх узроўнях у шмат разоў хутчэйшая, чым на сярэдніх, а на вельмі высокіх - павольней, чым на сярэдніх.

Інтэнсіўнасьць трэніроўкі

Чым больш упарта вы трэніруецеся, тым лепш у сярэднім робіцца форма вашай каманды, і плён ад трэніроўкі паляпшаецца. Вы пазначаеце інтэнсіўнасьць трэніроўкі праз выбар значэньня паміж 0 і 100.  Недахопам высокіх узроўняў інтэнсіўнасьці зьяўляецца больш высокая рызыка атрыманьня траўмаў. Вы самі павінны вырашаць, які ўзровень вам падыходзіць - спытайцеся іншых трэнэраў на форуме.

Тып трэніроўкі

Трэнэрскі склад

Трэніроўка трываласьці

Трываласьць можа трэніравацца штотыдзень, як нейкая частка ад агульнай трэніроўкі каманды. Яе эфектыўнасьць будзе падаць на высокіх узроўнях інтэнсіўнасьці - лепей трэніраваць яе патрошкі штотыдзень, чым шмат, але толькі зрэдчас.  Старэйшым гульцам неабходна больш трэніровак, каб падтрымаць адпаведны ўзровень трываласьці. Гэта азначае, што мэнэджэрам прыйдзецца шукаць неабходныя для іх уласнай каманды і амбіцыяў суадносіны часу на трэніроўку трываласьці.  Гульцы, якія адгулялі хаця б 90 хвілін на гэтым тыдні за вашую каманду, атрымоўваюць 100% карысьці ад трэніроўкі трываласьці. Іншыя гульцы каманды (да прыкладу, якія выходзілі на замену) атрымаюць толькі 75% эфекту ад трэніроўкі + нейкі працэнт за кожную хвіліну, праведзеную на полі. Астатнія ж гульцы, якія дастаткова здаровыя для трэніроўкі (у тым ліку крыху пашкоджаных гульцоў) атрымаюць толькі палову ад эфэкту трэніроўкі. Траўмаваныя ж гульцы не атрымаюць трэніроўку трываласьці.

Асноўныя прынцыпы

Ступень эфектыўнасці трэніроўкі вызначаецца тым, колькі часу правёў гулец на поле ў матчах за тыдзень у падыходнай пазіцыі. Матчы, згуляныя за іншыя каманды, не бяруцца ў разлік трэніроўкі здольнасьці, хоць форма залежыць і ад іх. Калі ў гульца за ўвесь тыдзень не было "гульнявой практыкі" наогул, ці ён не правёў на полі хаця б 1 хвіліну, то трэніравацца ён не будзе. Гулец можа атрымаць 90 хвілінаў трэніроўкі за тыдзень. Адгуляўшыя болей 90 хвілінаў на трэніруемай пазыцыі ня дасьць ім больш ведаў. Згуляўшыя меней, напрыклад, 50 хвілінаў, атрымаюць меней - у дадзеным выпадку 50 з 90 хвілінаў трэніроўкі.

Калі гулец на працягу тыдня згуляў больш чым на адной пазіцыі, то падчас трэніровачнага абнаўлення будуць абраныя 90 хвілін, якія далі яму найбольшы эфект. Індывідуальныя загады не ўплываюць на трэніроўку.

Гульцы, якія выступаюць на пазіцыях крайніх паўабаронцаў, атрымліваюць толькі палову трэніроўкі паўабароны. Аналагічна, гульцы, якія гуляюць на пазіцыях крайніх абаронцаў, атрымліваюць толькі палову трэніроўкі фланга.

Ня мае значэньня, гуляе гулец у таварыскай, кубкавай або лізе - усе яны аднолькава эфектыўныя з пункту гледжаньня трэніровак.

Аднак, калі ў Вашым стартавым складзе няма дастатковай колькасьці гульцоў, каб пачаць матч, Вам будзе прысуджана тэхнічная параза. У гэтым выпадку вы страціце толькі трэніроўку для гэтай канкрэтнай гульні. Усе трэніроўкі на працягу тыдня ня будуць страчаны.

Зь іншага боку, калі вы зьявіцеся на спаборніцкі матч, а ваш апанэнт не - вы атрымаеце тэхнічную перамогу, і першая 11-ка атрымае трэніроўку як звычайна, але сустрэча не прынясе вопыту гульцам.

Дужкі азначаюць слабы эфект ад трэніроўкі, падвойныя дужкі - вельмі слабы.

Прыклад

Каманда на гэтым тыдні трэніруе фланг. Звярніце ўвагу, што час матчаў для кожнай краіны можа адрознівацца і не супадаць з прыведзеных у прыкладзе. Пад нядзельнымі гульнямі маюцца на ўвазе матчы ў лігах, а пад гульнямі ў сераду маюцца на ўвазе кубкавыя або таварыскія матчы.

• Алесь Адамовіч згуляў 90 хвілінаў у нядзелю на пазыцыі вінгера, а ў сераду адпачываў. Ён атрымае 90 паўнавартасных хвілінаў трэніроўкі.
• Баляслаў Быкаў згуляў 90 хвілінаў як вінгер у нядзелю і 90 хвілінаў як форвард у сераду. Ён таксама атрымае 90 паўнавартасных хвілінаў трэніроўкі фланга.
• Васіль Вішнявец згуляў 50 хвілін у нядзелю і 90 як крайні абаронца ў сераду. Ён атрымае 50 хвілін поўнай трэніроўкі флангу і 40 хвілінаў зьменшанай трэніроўкі флангу.
• Дзям'ян Дзенісюк згуляў 40 хвілінаў вінгерам у нядзелю і 90 хвілінаў як форвард у сераду. Ён атрымае 40 хвілінаў паўнавартаснай трэніроўкі флангу і 50 хвілінаў трэніроўкі флангу з вельмі слабым эфектам ("osmosis").
• Кастусь Колас згуляў 90 хвілінаў крайнім абаронцай і ў нядзелю і ў сераду. Ён усё роўна атрымае толькі 90 хвілінаў трэніроўкі флангу са зьменшаным эфектам.
• Зьміцер Зайновіч не гуляў ні ў нядзелю, ні ў сераду. Ён не павысіць свой навык.

Пагаршэньні здольнасьцяў

Калі гулец падыходзіць да 30-ці гадовага ўзросту, ён пачынае страчваць трохі ад сваіх здольнасьцяў штотыдзень. Наколькі вялікім будзе пагаршэньне залежыць ад узроста гульца і ад узроўня здольнасьці. Чым вышэй узровень здольнасьці, тым больш яна пагаршаецца. Больш старыя гульцы таксама пакутваюць ад большых убыткаў, чым маладзейшыя за іх.

Здольнасьці трэнэра

Здольнасьць: Здольны трэнэр ведае слушныя мэтады трэніроўкі гульцоў, каб зрабіць іх лепей. Чым больш таленавіты ваш трэнэр, тым больш эфектыўнай будзе трэніроўка. Трэнэр ніколі ня можа быць лепшым за ўзровень 5 (Выдатна). Усе новыя каманды на пачатку атрымліваюць трэнэра з узроўнем 3 (здавальняльна).

Лідэрства: Акрамя плянаваньня трэніровак, трэнэр таксама з’яўляецца крыніцай натхненьня для вашых гульцоў. Камандны лад вашай каманды будзе лепшым, калі трэнэр мае добры лідэрскі талент.

Тактыка: Ваш трэнэр можа быць прыхільнікам атакуючай, абарончай ці нэйтральнай тактыкі гульні, што ўплывае (толькі) на рэйтынгі каманды падчас матчу. Атакуючы трэнэр паляпшае атаку за кошт абароны, а абарончы - абарону за кошт атакі. Абарончы трэнер паляпшае абарону трохі больш, чым атакуючы - атаку, за кошт аднолькавых стратаў. Нэйтральны трэнэр - а ні абарончы, а ні атакуючы, што азначае, што ён не дапамагае аніякай лініі каманды і не пагаршае іншыя.

Пагаршэньне здольнасьцяў

Пасьля таго, як ваш трэнэр адпрацуе ў камандзе адзін сэзон, яго лідэрскія якасьці пачнуць патроху пагаршацца. Калі трэнэр дасягне катастрафічнага лідэрства, пагаршэньне пачне ўплываць і на яго здольнасьць трэніраваць.

Замена трэнэра

Калі вы незадаволеныя сваім трэнэрам, вы можаце наняць трэнэра звонку, ці зрабіць трэнэрам аднаго з сваіх гульцоў. Гулец павінен быць у вашай камандзе ня менш за 16 тыдняў, перш чым стаць трэнэрам.Замену трэнэра можна зрабіць на закладцы "Спэцыялісты" у меню Вашага клюбу.

Памятайце, усе трэнэры з адным узроўнем здольнасьці роўныя. Напрыклад, калі вы набылі трэнэра з узроўнем трэнэрскай здольнасьці 3 (здавальняльна), ён заўсёды будзе "сярэднім" трэнэрам узроўню 3 (але "выдатны" трэнэр 5-га ўзроўню, насамрэч, толькі на палову ўзроўня лепей за "добрага" трэнэра 4-га ўзроню).

Калі вы бярэце новага трэнэра, ваш стары настаўнік застаецца ў складзе каманды ў якасьці гульца, але ён больш ніколі ня здолее атрымаць пасаду трэнэра, і таксама вы ня здолееце яго прадаць. Калі вы не жадаеце яго трымаць, прыйдзецца яго звольніць.

Найм трэнэра звонку

Калі вы наймаеце новага трэнэра, спачатку вы вырашаеце прыхільнікам якога стылю гульні ён будзе, а потым на колькі добрага трэнэра вы жадалі б мець. Кожная камбінацыя лідэрства і здольнасьці мае свой фіксаваны кошт, чым лепей трэнэр тым вышэйшая цана.

	Лідэрства
Узровень	дрэнна (3)	квола (4)	недастаткова (5)	здавальняльна (6)	добра (7)
	10 000 US$	10 000 US$	10 000 US$	10 000 US$	10 000 US$
	10 000 US$	22 800 US$	41 200 US$	65 100 US$	94 600 US$
	79 600 US$	182 800 US$	329 700 US$	521 000 US$	757 100 US$
	268 700 US$	617 100 US$	1 112 900 US$	1 758 500 US$	2 555 500 US$
	4 000 000 US$	4 388 400 US$	7 914 600 US$	12 505 200 US$	18 172 500 US$

Зрабіць гульца трэнэрам

Калі вы абярэце гульца для трэнэрскай пасады, ён захавае сваё бягучае лідэрства. Ад яго досьведу залежыць, наколькі добрым трэнэрам ён будзе, і колькі будзе каштаваць кожны трэнэрскі ўзровень. Таму, калі ў вас ёсьць вельмі дасьведчаны гулец з высокім лідэрствам, ён будзе выдатным кандыдатам на гэтую пасаду. Трэнерская здольнасць не можа быць вышэй за бягучы досвед гульца. Таксама гулец павінен знаходзіцца ў вашым складзе сэзон (16 тыдняў) да таго часу, як вы здолееце зрабіць зь яго трэнэра.

Прыбыткі і выдаткі

На старонцы фінансаў вы бачыце бюджэт бягучага тыдня і стан вашага рахунку па вынікам папярэдняга тыдня. Вось што азначае кожны радок:

Прыбытак

Гледачы: Ваш прыбытак ад матчаў лігі дома і матчаў, згуляных пасярод тыдня. Чытайце падзел "Стадыён" для дадатковай інфармацыі па прыбытках ад гледачоў.

Фундатары: Штотыдзень вы атрымліваеце грошы ад сваіх фундатараў. Чытайце падзел "Заўзятары і фундатары” для дадатковай інфармацыі.

Прададзеныя гульцы: Калі Вы прадаеце гульца, грошы ад продажу ўлічваюцца тут. У раздзеле "трансфэры" Вы можаце прачытаць пра гэта падрабязьней.

Камісійныя: Калі Вы атрымалі грошы как папярэдні ці першы клюб гульца, то яны будуць адлюстраваныя менавіта тут. Глядзіце раздзел "Трансфэры" для больш падрабязнай інфармацыі.

Іншы: Усе іншыя прыбыткі назапашваюцца тут. Гэта могуць быць продажы гульцоў, унёскі фанклюбу і прызавыя грошы.

Выдаткі

Заробкі: Кожны тыдзень вы выплочваеце гульцам заробкі. За кожнага гульца вы плаціце 250 US$ плюс адпаведную суму, якая разьлічваецца сыходзячы з ўзроўняў яго здольнасьцяў і яго ўзросту. Таксама вы даплочваеце дадатковыя 20%, калі гулец прыехаў у краіну з-за мяжы.

Стадыён: Штотыднёвыя выдаткі на падтрымку і абслугоўваньне вашага стадыёну. Чытайце раздзел "Стадыён" для падрабязнай інфармацыі.

Будоўля стадыёну: Кошт пабудовы і сносу месцаў на стадыёне адлюстроўваецца тут.

Персанал: Заробак кожнага супрацоўніка складае ад 1 020 US$ да 33 840 US$ на тыдзень у залежнасці ад узроўню спецыяліста (1 - 5) і тэрміна кантракту (1-16 тыдняў).

Выдаткі на юнацкую школу: Штотыднёвы кошт утрыманьня юнацкай акадэміі, ці вашыя штотыднёвыя інвэстыцыі ў пошук маладых талентаў.

Набытыя гульцы: Грошы, заплочаныя за набыцьцё новых гульцоў на трансфэрах улічваюцца тут. Глядзі раздзел "Трансфэры" для дадатковай інфармацыі.

Іншыя: Усе вашыя астатнія выдаткі зьбіраюцца тут. Гэта можа быць набыцьцё гульцоў, звальненьне спецыялістаў і перавод маладых гульцоў у дарослую каманду.

Адсоткі: Калі вы залезьлі ў пазыкі, вам прыйдзецца даплочваць за гэта адсоткі.

Наяўныя сродкі і рэзерв фінансаў

Кіраўніцтва клуба абмяжоўвае даступныя для мэнэджэра наяўныя сродкі на заробкі, трансферы ці рэканструкцыю стадыёну. Любыя актывы, якія перавышаюць гэты ліміт, будуць зарэзерваваныя клубам, каб забяспечыць фінансавую стабільнасць у будучыні. Калі неабходна, кіраўніцтва выдзяляе грошы з рэзерву ў ваш працоўны капітал, але ў абмежаваным памеры.

Фінансавы дырэктар, якога можна наняць у раздзеле "Спэцыялісты", павялічвае працоўны капітал і ўзровень вываду сродкаў з рэзерву.

Пазыкі і банкруцтва

Нават калі бягучы баланс Вашага клуба нулявы, можна працягваць марнаваць грошы. Вы можаце сысці ў невялікі доўг, каб, напрыклад, купіць гульца або наняць трэнера. Як толькі доўг перавысіць 200 000 US$, выдаткі абмяжоўваюцца. Пры гэтым у Вас застаецца крэдытная лінія ў Банку на суму да 500 000 US$, але будзьце гатовыя да выплаты вялікіх працэнтаў за суму, узятую ў доўг. Калі вы залезьлі ў пазыку на 500 000 US$ і больш, вы атрымаеце папярэджаньне аб пагрозе банкруцтва. Вам будзе дадзена 2 тыдні, каб знізіць памер запазычанасьці да 500 000 US$, калі Вы ня зробіце гэтага - страціце каманду. Заўважце, што калі зробленыя стаўкі па гульцах будуць выводзіць вас у "бяспечную зону", альбо каманда мае дастатковы рэзерв у банку, банкруцтва аб'яўлена не будзе (але ўсё роўна будзе плаціць працэнты са свайго бягучага рахунку).

Настрой заўзятараў

Сябры вашага фанклюбу шмат вырашаюць, калі ідзе гаворка аб эканоміцы каманды. Сяброўскія ўнёскі (30 US$ / сябра) выплочваюцца штосэзон, але больш істотна тое, што іх настрой шмат вырашае пры падліку прыбыткаў ад продажу квіткоў.

Найпрасьцейшы шлях палепшыць іх настрой, і прыцягнуць больш гледачоў, гэта адпавядаць (ці пераўзыходзіць) іх чаканьням. Настрой фанатаў можна ўбачыць на старонцы фанатаў.

Чаканьні ад сэзону

На пачатку кожнага сэзону, заўзятары будуць паведамляць чаго яны чакаюць ад каманды. Іх прадчуваньні ў асноўным залежаць ад таго, што адбывалася ў мінулым сэзоне, чаго яны тады чакалі, і што ў выніку адбылося.

У той час, як ваш клюб падымаецца (ці апускаецца) ў сыстэме лігаў, вашыя заўзятары будуць патрохі прызвачайвацца да сытуацыі. Калі вы атрымаеце падвышэньне, заўзятары ня будуць шмат ад вас чакаць. Але, калі вы застаецеся ў адным і тым жа сэзоне год за год, заўзятары будуць мець тэндэнцыю чакаць трошкі большага.

Прадчуваньні на матч

Прадчуваньні на сэзон у сваю чаргу ўплываюць на чаканьні ад кожнай асобнай гульні. На старонцы заўзятараў, вы можаце ўбачыць, чаго заўзятары чакаюць ад кожнай гульні. У сярэднім, заўзятары чакаюць ад вас лепшых выступаў, калі вы гуляеце дома.

Калі вынік матчу адпавядяе таму, чаго яны чакаюць, вы будзеце падабацца фанатам у выніку перамогі (і яны будуць ня так моцна расчараваныя ў выпадку прадказанай імі паразы). Калі вынік лепей за прадчуваньні, яны будуць яшчэ шчасьлівей. Але калі наадварот, і вынік горш, гэта адаб'ецца на іх настроі адмоўна. Для першых некалькіх раўндаў сэзону рэакцыя заўзятараў будзе трохі болей падкантрольнай.

На пачатку сэзону, чаканьні ад сустрэчы базуюцца на прадчуваньнях на сэзон фанатаў абедзьвюх камандаў. Калі сэзон ужо распачаўся, бягучае месца ў лізе і колькасьць ачкоў абедзьвюх каманд робяцца ўсё важнейшымі. У кубкавых матчах прадчуваньні заўзятараў абедзьвюх каманд базуюцца толькі на спадзяваньнях на сэзон (з улікам узроўняў дывізіёнаў).

Камандны настрой і грошы на рахунку клюбу ўплываюць на заўзятараў

Каманда гульцам "Гуляць напаўсілы" ці ў "Матч сэзону" таксама ўплывае на рэакцыю ад выніка матчу. Калі вынік адпавядае прадчуваньням (ці нават пераўзыходзіць), гульня ў палову сілы зьменшыць станоўчы ўплыў, а ў "матч сэзону" - павялічыць.

Калі вынік горш за чаканьні, гульня ў паўнагі павялічыць адмоўны ўплыў, а матч сэзоне - зьменшыць.

Калі на вашым рахунку шмат грошай, вашых заўзятараў цяжэй задаволіць, бо яны адчуваюць, што ў вас ёсьць сродкі на дасягненьне посьпеху. Фанаты багатых камандаў рэагуюць на паразы мацней, а на перамогі - кволей, чым заўзятары бедных клюбаў. Чым болей грошай клюб трымае, тым большы ўплыў маюць гэтая адчуваньні.

Фундатары

Фундатары таксама зьяўляюцца важнай крыніцай даходу для вашага клюбу. Як і ў выпадку з фанатамі, гэта азначае, што больш пасьпяховыя каманды таксама атрымліваюць большы заробак. Але спонсары таксама спаборнічаюць паміж сабой і маюць розныя стратэгіі, як яны жадаюць узнагародзіць вашу каманду, і гэта тое, што разумны мэнэджэр можа выкарыстоўваць у сваіх інтарэсах.

На 16-м тыдні, за тыдзень да пачатку новага сэзону, мэнэджару прадстаўлены шэраг спонсарскіх прапаноў на наступны сэзон.

Усе каманды ў лізе маюць аднолькавы шанец атрымаць пэўную прапанову, але сумы могуць адрозьнівацца, паколькі фундатары засноўваюць свае прапановы на ўзроўні фан-клюбу, а таксама на ўзроўні дывізіёна. Гэта азначае, што ўсім камандам будзе прадстаўлена унікальная сумесь прапаноў, што патрабуе ад мэнэджэра стараннага абдумваньня таго, што лепш за ўсё падыдзе да яго ці яе камандзе.

Усе кантракты заключаюцца зь фіксаваным штотыднёвым прыбыткам. У дадатак да гэтага яны таксама маюць адну або некалькі бонусных выплат. Некаторыя зь іх будзе вельмі лёгка выканаць у абмен на пэўную ўзнагароду, у той час як іншыя больш рызыкоўныя, але таксама маюць большы патэнцыйны бонус. Тэрмін дзеяньня кантрактаў заканчваецца ў канцы кожнага сэзона, і тады вы атрымаеце новыя кантракты на выбар.

Калі вы ня выберыце кантракт, Рада зробіць гэта за вас. Яна заўсёды будзе выбіраць кантракт з найменшай колькасьцю рызыкі і, такім чынам, зь меншай патэнцыйнай узнагародай.

Выдаткі і кошты

На вашым стадыёне можа быць некалькі тыпаў месцаў, кожны зь якіх будзе прыносіць розны даход і іх утрыманьне будзе каштаваць (штотыднёвыя абавязковыя выплаты) таксама па-рознаму.

У справаздачах пра хатнія матчы вам будуць бачныя вынікі продажу квіткоў на кожны тып месцаў. Прыбытак ад матчаў будзе падзяляцца паміж клюбамі па-рознаму ў залежнасьці ад тыпу згулянай сустрэчы:

Матчы ў лізе: Хатняя каманда бярэ ўвесь прыбытак ад квіткоў.

Кубкавыя сустрэчы: каманда гаспадароў забірае 67% прыбытку, а госьці — 33%, акрамя апошніх 6 раўндаў, якія гуляюцца на нэйтральным полі, пры гэтым даход дзеліцца пароўну.

Таварыскія і кваліфікацыйныя матчы:Прыбытак дзеліцца пароўну.

Колькасьць гледачоў

Колькасьць гледачоў, якія прыйдуць паназіраць за гульнёй моцна залежыць ад Вашых заўзятараў. Самыя важныя фактары, якія ўплываюць на наведвальнасьць, - настрой заўзятараў і памер фан-клюбу. Для матчаў лігі таксама важна Вашае месца ў турнірнай табліцы, а таксама суадносіны паказчыкаў у табліцы Вашай каманды і каманды суперніка.

Пэўным чынам на наведвальнасьць матча ўплываюць заўзятары гасьцей (іх настрой і памер фан-клюбу), мажліва, нехта зь іх вырашыць прыехаць на гасьцявы матч. Чым бліжэй канец сэзону, тым вышэйшая цікаўнасьць заўзятараў. У цэлым, звычайна у канцы сэзону заўзятараў прыходзіць болей, чым у пачатку.

На колькасьць гледачоў значна ўплывае надвор'е. У дрэннае надвор'е гледачоў на матч прыйдзе менш, але затое большая частка зь іх набудзе дарагія квіткі на месцы пад дахам. Таму прыбытак ад продажу квіткоў пры розным надвор'і будзе прыкладна аднолькавы, калі, вядома ж, на Вашым стадыёне дастаткова месцаў розных тыпаў.

Павелічэньне стадыёну

Добрай думкай будзе мець на стадыёне розныя тыпы месцаў, каб прапаноўваць іх вашым заўзятарам. Большасьць людзей захоча набыць квіток на месцы на тэрасах, таму такіх месцаў павінна быць больш за астатнія тыпы. Некаторыя людзі наведваюць матчы толькі тады, калі могуць сядзець на ўтульных сядзеньнях (а частка зь іх яшчэ захочуць і дах на галовамі), таму вам таксама патрэбна шмат такіх месцаў. А ёсьць яшчэ і "алігархі", якім падавай VIP ложы, іх ня так шмат, але ня трэба забывацца і на ніх. Месцы пад дахам і VIP ложы ня так моцна пусьцеюць пры дрэнным надвор’і, як астатнія тыпы месцаў.

Досьвед пабудовы

Вашая каманда можа гуляць у любой пабудове, але гулцы могуць разгубіцца і згуляць горш, чым маглі б, калі ў іх будзе недастатковы досьвед гульні ў такой пабудове. Каб пазьбегнуць гэтага, каманда мусіць рэгулярна гуляць з дадзенай пабудовай. Вы атрымліваеце некаторы вопыт для пабудовы кожны раз, калі вы яе выкарыстоўваеце (таварыскія і спаборніцкія матчы прыносяць аднолькавую колькасьць досьведу, а турніры, лесьвіцы, дуэлі або Hattrick Masters не лічацца). Колькасць вопыту, якую вы атрымліваеце за кожную пабудову, якую вы выкарыстоўваеце, залежыць ад колькасьці хвілін (максімум 90 хвілін на матч), гэтак жа, як і для трэніровак. Тым ня менш, калі вы атрымаеце тэхнічную перамогу і выставіце ня менш за 9 гульцоў у стартавым складзе, вы таксама атрымаеце досьвед пабудовы, як калі б матч доўжыўся 90 хвілін. Калі вам не ўдасца адправіць склад зь мінімум 9 гульцоў, што прымусіць іншых чыноўнікаў зрабіць гэта за вас, вашы гульцы не атрымаюць досьведу пабудовы.

Атрыманьне большага досьведу пабудовы становіцца цяжэй на высокім узроўні досьведу пабудовы. Калі вы не гуляеце з пэўнай фармацыяй, вопыт з часам будзе памяншацца. Пры продажы гульца таксама ёсьць рызыка страціць невялікі вопыт пабудовы.

Разгубленасьць

Калі досьвед пабудовы недастатковы, каманда можа разгубіцца на полі, а гэта негатыўна паўплывае на іх гульню ў сустрэчы. Выдатны (альбо вышэй) досьвед пабудовы гарантуе бясьпечную гульню. Пры горшым узроўні досьведу узьнікае рызыка разгубленасьці каманды. Калі Вы хочаце згуляць у пабудове, досьвед якой у Вас малы, досьвед Вашых гульцоў можа выратаваць Вашу каманду ад няўпэўненасці на полі.

Разгубленасьць можа быць рознай. Чым ніжэй досьвед гульні ў дадзенай пабудове, тым большая можа быць разгубленасьць. Калі вашыя гульцы разгубяцца на полі, у справаздачы матчу з'явіцца адпаведны запіс, у якім будзе ўказаны ўзровень арганізацыі вашай каманды. Разгубленасьць, што прывяла да падзеньня арганізаванасьці да ўзроўню "жудасна" значыць, што ў каманды справы дрэнь, а вось падзеньне да ўзроўню "добра" зусім нязначна паўплывае на гульню. Калі вашыя гульцы разгубіліся ў першай палове сустрэчы (ці перад дадатковым часам), Ваш трэнер можа палепшыць арганізацыю гульні падчас перапынку.

Індывідуальны досьвед гульцоў

Досвед гульца станоўча ўплывае на ягоную гульню. Гульцы атрымоўваюць досвед дзякуючы ўдзелу ў матчах. Удзел у матчах нацыянальнага ці дывізійнага кубку гульцы атрымаюць удвая больш досведу за матчы лігі. Кубкі выкліку і надзеі даюць палову досведу ад гульні ў лізе. Міжнародныя таварысцкія сустрэчы даюць прыкладна ў пяць разоў менш досьведу, чым сустрэчы лігі, але гэта ўсё ж удвая больш, чым досьвед за таварысцкую сустрэчу з камандай з вашай краіны. Гульні за нацыянальную зборную даюць больш за ўсё досьведу, другім турнірам у гэтым рэйтынгу стаіць Hattrick Masters.

Атрымоўваемы досьвед залежыць ад трэніроўкі і колькасьці хвілін, якія гулец правёў на полі. Гулец ня можа атрымаць больш досьведу, чым ён атрымоўвае за 90 хвілін сустрэчы.

Капітан каманды і агульнакамандны досьвед

На кожны матч вы можаце прызначыць капітана каманды. Самыя важныя параметры капітана - досьвед і лідарства, бо яны ўлічваюцца ў якасьці бонусу пры падліку агульнакаманднага досьведу, які дапамагае пазьбегнуць разгубленасьці каманды. Заўважце, што разгубіцца можа толькі каманда з меншым, чым у суперніка, агульнакамандным досьведам на канкрэтны момант матчу, і толькі ў кубкавых альбо кваліфікацыйных матчах. Калі каманда разгубіцца, то ад розьніцы ў досьведзе будзе залежыць узровень разгубленасьці.

Капітан мусіць быць абраны з стартавага складу каманды. Калі вы не прызначылі капітана, гульцы ўзгадаюць старую дзіцячую лічылку і абяруць капітана з дапамогай яе.

Пенальтысты

Кубкавыя і кваліфікацыйныя матчы могуць скончыцца сэрыяй пасляматчавых пенальці, калі нават у дадатковы час ня будзе выяўлена пераможцы. Выканаўцы пэнальці абіраюцца на адмысловай закладцы на старонцы загадаў на матч. Памятайце, сэрыя пасляматчавых пэнальці - самая напружаная падзея ў гульні. Кожны пэнальці ў сэрыі (у адрознасьці ад пэнальці ў гульнявы час) - праверка на дасьведчанасьць гульца, які выконвае ўдар. Акрамя досьведу гульца пры выкананьні пэнальці ўлічваюцца яго здольнасьці стандартаў і нападзеньня, а таксама наяўнасьць спэцыялізацыі "тэхнічны". Брамніку, каб адбіць пэнальці, патрэбна добра разьвітая здольнасьць брамніцтва і спэцыялізацыя "хуткі".

Стандартныя становішчы

Некаторыя з вашых звычайных атак будуць сканчацца магчымасьцю забіць са стандартнага становішча. Як і ў сапраўдным футболе, добрыя веды стандартаў могуць прынесьці вам шмат ачкоў. Існуюць два тыпы стандартных становішчаў: прамыя і непрамыя.

Прамыя стандартныя становішчы

Непрамыя стандартныя становішчы

Пры разьліку выніку ўлічваецца (у парадку істотнасьці): сярэднія ўзроўні здольнасьцяў нападзеньня гульцоў у полі, іх здольнасьці да выкананьня стандатаў і здольнасьць стандартных становішчаў выканаўцы штрафнога. Для абароны ад стандарта ўлічваюцца (у парадку істотнасьці): сярэдні ўзровень здольнасьці да абароны гульцоў у полі, іх сярэдняя здольнасьць да стандартных становішчаў, а таксама здольнасьці брамніка (вельмі важна!) у брамніцтвы і стандартах.

Спецыяльныя падзеі

Акрамя рэгулярных атак, вы можаце яшчэ забіць у выніку "спецыяльных падзей". Спецыяльныя падзеі засноўваюцца на індывідуальных здольнасьцях гульца, у прыватнасьці, на яго спэцыялізацыі, што ўносіць стратэгічны складнік у фармаваньне складу, сбалансаванага па спецыялізацыях.

Існуюць два тыпу спецыяльных падзей: камандныя і індывідуальныя. Шанец атрымаць камандную спецыяльную падзею залежыць ад адсотка валодання мячом у матчы. Калі Ваша каманда валодае мячом 55% часу, то і шанец атрымаць камандную спецыяльную падзею складае 55%.

Індывідуальныя спецыяльныя падзеі залежаць ад спецыялізацый гульцоў на полі. Наяўнасць вялікай колькасці гульцоў са спецыялізацыямі можа быць перавагай, але гэтага не дастаткова для ўзнікнення падзеі. Для гэтага важна, каб гулец з патрэбнай спецыялізацыяй гуляў на канкрэтнай пазіцыі. Таму вельмі важна знайсці аптымальны баланс спецыялізацый у камандзе.

Кожная спецыяльная падзея, якая адбылася ў матчы, зніжае шанец узнікнення наступнага.

Умовы надвор’я

Некаторыя спецыялізацыі лепш падыходзяць для гульні пры адпаведным надвор’і. Гульня ўсіх гульцоў у матчы схільная ўплыву некаторых тыпаў надвор'я з самых першых хвілін гульні.

Тэхнічныя гульцы атрымліваюць дадаткова 5% да ўсіх сваіх здольнасцяў у сонечнае надвор'е, але губляюць тыя ж 5% у дождж.

Моцныя гульцы атрымліваюць дадаткова 5% да ўсіх сваіх здольнасцяў ў дождж, але губляюць тыя ж 5% у сонечнае надвор'е.

Хуткія гульцы губляюць 5% у дождж і на сонцы.

Калі ўмовы надвор'я паўплывалі на гульца, гэта адлюстроўваецца ў матчавай справаздачы і ў "зорных" рэйтынгах гульца.

Галявыя падзеі

Спецыялізацыі (і іншыя здольнасьці гульца) могуць даць вам дадатковыя шанцы ў нападзеньні. У дадатак да пералічанага ніжэй, гульцу, які атрымлівае шанец, (часта, але не заўсёды гэта той жа гулец, які стварыў гэты шанец) патрабуецца нейкі ўзровень здольнасьці да забіцьця галоў, каб скарыстацца гэтай магчымасьцю.

Непрадказальныя брамнікі, крайнія і цэнтральныя абаронцы могуць выкарыстоўваць свой Пас для таго, каб рабіць нечаканыя доўгія перадачы, а непрадказальныя цэнтральныя і крайнія паўабаронцы і нападаючыя могуць выкарыстоўваць Нападзенне для таго, каб нечакана перахопліваць мяч. Непрадказальнасць палявых гульцоў сама па сабе можа прывесці да стварэння галявога моманту. Чым менш Абарона ў непрадказальнага абаронцы, або цэнтральнага паўабаронцы, тым вышэй шанец таго, што яны зробяць недарэчнае дзеянне ў абароне, якое дасць суперніку магчымасць забіць гол. Акрамя таго, непрадказальны нападаючы або крайні паўабаронца з нізкім пасам можа выклікаць хаос у абароне вашай каманды, які можа прывесці да выпадковага голу у свае вароты.

Хуткія крайнія і цэнтральныя паўабаронцы і нападаючыя ўмеюць ствараць моманты, выкарыстоўваючы хуткасны прарыў. Гэтаму можа супрацьстаяць каманда суперніка, выкарыстоўваючы абарончага гульца (цэнтральнага абаронцу або крайняга абаронцу), які таксама хуткі. Акрамя гэтага, каманда атрымлівае дадатковы бонус да ўзроўню валодання тактыкай контар-атак за кожнага хуткага крайняга або цэнтральнага паўабаронцы і нападаючага, які грае ў камандзе. Пры гэтым каманда суперніка можа знізіць атрыманы бонус наяўнасцю хуткіх цэнтральных паўабаронцаў, крайніх і цэнтральных абаронцаў ці брамнікаў (памяншаецца толькі бонус, але не зыходны ўзровень валодання тактыкай).

Тэхнічныя крайнія і цэнтральныя паўабаронцы і нападаючыя могуць ствараць моманты для ўзяцця варот, калі ў камандзе суперніка ёсць брамнік, абаронца або цэнтральны паўабаронца які з'яўляецца спецыялістам па гульні галавой (ён не абавязкова павінен займаць дакладна супрацьлеглы слот). Больш за тое, кожны тэхнічны абаронца (крайні або цэнтральны) дасць вашай камандзе невялікі шанец стварыць нетактычную контар-атаку з сарванай атакі суперніка. Чым больш Пас абаронцы, тым больш гэты шанец.

Вінгеры з дастатковай здальнасьцю Фланг могуць стварыць шанец, які павінен быць рэалізаваны іншым крайнім паўабаронцам, паўабаронцам, або нападаючым. Калі ў прымаючага перадачу гульца дастатковая здольнасць Нападзенне, яму будзе прасцей завяршыць атаку, а калі ён добра Гуляе Галавой, шанец забіць становіцца яшчэ больш.

Кутні: Каб павысіць шанец забіць пасля падачы кутняга, выконваючы кутні гулец павінен валодаць дастатковай здольнасьцю Стандартаў, і неабходна мець высокі агульны атакуючы рэйтынг стандартаў у параўнаньні з агульным абарончым рэйтынгам стандартаў суперніка. Існуе два тыпу кутніх. Для першага тыпу, чым больш колькасьць спецыялістаў па гульні галавой (не лічачы выканаўцы стандартаў) у вашай камандзе, і чым менш яно ў камандзе суперніка, тым вышэй ваш шанец забіць гол. Адсутнасьць у камандзе гульцоў, якія добра гуляюць галавой зробіць каманду вельмі слабой у абароне і вельмі слабой ў атацы пры розыгрышы кутніх. Для другога тыпу кутніх шанец забіць залежыць ад Нападзеньня гульца, які атрымлівае падачу з кутняга. Зьвярніце ўвагу, што розыгрыш кутняга часам прыводзіць да жоўтай картцы для каманды атакі, але калі ў вашага гульца жоўтая картка ўжо ёсьць, то ён будзе граць вельмі асцярожна, так што рызыка атрыманьня другой карткі зніжаецца.

Досьвед: дасьведчаны нападаючы можа скарыстацца сваімі вопытам, каб забіць гол. Недасьведчаныя абаронцы і паўабаронцы могуць даць суперніку дадатковы шанец.

Стомленасьць: Стомленыя гульцы цэнтра абарончы могуць рабіць памылкі. Калі супрацьстаялыя ім гульцы пярэдняга краю не стаміліся, гэта можа прывесці да стварэння моманту для ўзяцця варот супернікам.

Астатнія падзеі ў матчы

У матчы могуць узнікаць некаторыя дадатковыя падзеі акром пералічаных вышэй. Шанец узьнікненьня гэтых падзей не залежыць ад сілы паўабароны, а значыць, не павялічваецца пры дамінаваньні ў паўабароне.

Кантратакі: Нават калі вы не выкарыстоўваеце тактыку кантратак, у Вас ёсьць невялічкі шанец, што Вашая каманда ўсё ж арганізуе кантратаку. Гэтыя незалежныя ад тактыкі кантратакі не патрабуюць ад Вашай каманды пройгрышу паўабароны (а гэтая ўмова абавязковая пры тактыцы кантратак). Больш падрабязная інфармацыя - у раздзеле, прысьвечаным тактыкам.

Удары здалёк: Нават калі Вы не выкарыстоўваеце тактыку ўдараў здалёк, у Вашай каманды ёсьць невялікі шанец на ўдалы ўдар здалёк. Падрабязьней пра гэта напісана ў раздзеле прысьвечаным тактыкам.

Магутныя цэнтральныя паўабаронцы з загадам гуляць абаронча (апорныя паўабаронцы) могуць канцэнтравацца на разбурэнні нападаў і адборы мяча. Калі ў паўабаронцы атрымоўваецца прэсінг, атака суперніка спыняецца. Для паспяховай гульні ў гэтым стылі гулец павінен мець высокую здольнасць Абароны і Трываласьці.

Магутныя нападаючыя, з загадам гуляць у нармальнай пазіцыі (таранны форвард) могуць праштурхнуцца ў патрэбнае месца, атрымаўшы другі шанец зрабіць удар і забіць, калі каманда запарола атаку. Для гэтага ім патрэбныя здольнасьці Паўабарона і Нападзенне. Звярніце ўвагу, што іх сілавы стыль гульні можа прыводзіць да жоўтых картак, але калі гулец ўжо мае адну, то ён стане гуляць асцярожней.

Ваша каманда атрымае "штраф за перанаселенасць", калі на полі будуць гуляць два ці тры гульца, якія маюць аднолькавы набор спецыялізацый і пазіцый з наступнага спісу: тэхнічныя абарончыя нападаючыя, магутныя нармальныя нападаючыя і магутныя абарончыя цэнтральныя паўабаронцы. Калі вы выставіце двух гульцоў аднаго тыпу, то ўклад кожнага паменшыцца на 4%, а калі трох - то кожны стане гуляць на 7.5% горш.

Веды тактыкі

Тое як вы будзеце карыстацца тактыкай залежыць ад вашых тактычных ведаў менавіта абранай тактыкі. Гэтыя веды базуюцца на здольнасьцях гульцоў разам з бонусам за дасьведчаннасьць кожнага гульца, які ёю карыстаецца.

Прэсінг

Прэсінг азначае, што вашыя гульцы будуць прэсаваць суперніка і сканцэнтруюцца на размубрэньні яго гульні, а не на пабудове ўласных атак. Прэсінг можа быць добрай задумай, калі вы адчуваеце сябе слабейшым і ня хочаце прапусьціць шмат.

Перавагі: Вы можаце зьменшыць колькасьць галявых момантаў (абедзьвюх камандаў) у матчы.

Недахопы: Гэта зьменшыць трываласьць вашых гульцоў хутчэй, чым звычайна.

На тактычныя веды ўплываюць: Агульная здольнасьць абароны і трываласьці ўсіх вашых гульцоў. Калі гулец "Магутны", яго здольнасьць абароны ўлічваецца ў падвоеным памеры. Чым больш стамляюцца вашыя гульцы, тым менш яны здольныя на прэсінг суперніка.

Контар-атакі

Тактыка контар-атак азначае, што вы дабраахвотна дазваляеце вашаму суперніку болей кантраляваць мяч, а ў выпадку страты валоданьні ім, арганізоўваеце хуткую контар-атаку. Абраньне контар-атак мае сэнс, калі ў вас добры ўзровень абароны і атакі (пры досыць дрэннай паўабароне), асабліва ў камбінацыі з слабой эфектыўнасьцю атак супэрніка.

Перавага: Вы можаце атрымаць дадатковыя атакі (вы атрымліваеце шанец на контар-атаку, калі вашая абарона здолела спыніць атаку супэрніка).

Недахоп: Вы страчваеце 7% эфектыўнасьці вашай паўабароны.

На тактычныя веды ўплываюць: Агульная сума пасу і абарончай здольнасьці абаронцаў. Пасы ў два разы важнейшыя за здольнасьць да абароны.

Атака праз цэнтар

Атака праз цэнтар (AIM) азначае, што вашая каманда сфакусуе свае атакі на цэнтры абароны супэрніка, за кошт атакуючых дзеяньняў па краям. Іншымі словамі, вы мяняеце атакі па краям на цэнтральныя атакі. Аднак, калі гэта адбываецца, шанец зрабіць гэта яшчэ раз змяншаецца.

Перавага: Каля 15-30% вашых атак па краі будуць канвертаваныя ў атакі праз цэнтар.

Недахоп: Вашая абарона па абодвум краям трошкі пагаршаецца.

На тактычныя веды ўплываюць: Агульная здольнасьць пасу ўсіх гульцоў на полі, акрамя брамніка.

Атакі па флангах

Гэтая тактыка працуе гэтак жа, як і “Атакі праз цэнтр”, толькі ў адваротным кірунку: вы змяняеце цэнтральныя атакі на атакі па флангах. Паколькі звычайна большасьць момантаў узнікае на флангах, колькасьць атак, якія пераводзяцца на фланг крыху болей у адсоткавых суадносінах. Аднак, калі гэта адбываецца, шанец зрабіць гэта яшчэ раз змяншаецца.

Перавага: Каля 20-40% вашых атак праз цэнтар будуць канвертаваныя ў атакі праз краі.

Недахо: Цантральная абарона пагаршаецца.

На тактычныя веды ўплываюць: Агульная здольнасьць да пасу ўсіх гульцоў на полі акрамя брамніка.

Гуляць творча

Загад гуляць творча заклікае вашых гульцоў часьцей карыстацца сваімі спэцыяльнымі і іншымі здольнасьцямі.

Перавага: Вы павялічваеце максімальную колькасць магчымых спецыяльных падзей у матчы для абедзвюх каманд, але ў Вашай каманды шанец іх атрымаць (як станоўчыя, так і адмоўныя) некалькі вышэй.

Недахоп: Вашыя гульцы пацерпяць у сваёй здольнасьці да абарончы.

Удары здалёк

Пры выкарыстаньні тактыкі ўдараў здалёк Вашыя гульцы атрымліваюць указаньне часьцей біць здалёк, а не імкнуцца ў штрафную. Іншымі словамі, частка атак па цэнтры і па флангах замяняюцца ўдарамі здалёк. Удар здалёк - гэта супрацьстаяньне гульца, які наносіць удар, і брамніка. Дадзеная тактыка можа быць карыснай, калі ў вас мала шанцаў прайсьці абарону суперніка, але ёсьць добрыя выканаўцы ўдараў здалёк, якія могуць о-го-го як улупіць па браме!

Перавагі: Тактыка ўдараў здалёк дазваляе замяніць да 30% атак па цэнтры й па флангах на ўдары здалёк.

Недахопы: Крыху зьніжаюцца рэйтынгі атак па цэнтры й па флангах, а таксама рэйтынг паўабароны.

Пры падліку ўзроўню валоданьня гэтай тактыкай улічваюцца здольнасьці нападзеньня й стандартаў вашых палявых гульцоў. Здольнасьць нападзеньня ўтрая важней за здольнасьць стандартаў.

Калі атака была заменена на дальні ўдар, а каманда супэрніка ўжывае тактыку прэсінгу, то яна мае шанец сапсаваць момант для дальняга ўдару. Калі справа ўсё ж дайшла да ўдару, палявы гулец (паўабаронцы і вінгеры маюць удвая болей шанцаў на такі ўдар) наносіць удар. Яго якасьць залежыць ад здольнасьцяў да нападзеньня і да выкананьня стандартных становішчаў абранага выканаўцы ўдару. Далей брамнік можа паспрабаць адбіць удар з выкарыстаньнем сваіх здольнасьцяў да брамніцтва і стандартных становішчаў. І выканаўцы ўдару і брамніку патрабуюцца абедзьве здольнасьці, і лепей мець патрохі абедзьвюх здольнасьцей, чым шмат толькі адной.

Пра ўсе ўдары здалёк паведамляецца ў справаздачы аб матчы, нават пра нерэалізованыя моманты.

Папярэдне абумоўленыя замены

Даданьне папярэдне абумоўленай замены

Даданьне зьмены паводзінаў

Вы можаце зрабіць пяць загадаў гульцам

Загады выконваюцца, калі выконваюцца ўмовы

Усе вашыя загады гульцам будуць зробленыя ў матчы, як толькі зададзеныя перад матчам умовы будуць выкананыя. Калі ўмова ня спраўдзілася, загад ня будзе выкананы. Калі вы аддалі загад для замены на 65-й хвіліне пры любым ліку, замена і адбудзецца на 65-й хвіліне. Калі вы аддалі загад для замены на 70-й хвіліне ў выпадку перавагі ў ліку, замена будзе зроблена на любой хвіліне пасьля 70-й хвіліне, калі ўмовы выканаюцца. Таму, калі вы атрымаеце перавагу на 80-й хвіліне, замена будзе зроблена адразу пасьля гэтага.

Калі вы аддалі два загады для 70-й хвіліны, адзін на выпадак перавагі, а другі для замены ў выпадку перавагі больш, чым на адзін мяч, і вы перамагаеце зь лікам 3-0 к гэтаму часу - абодва загады выканаюцца.

Заўвага. Калі Вы заплануеце две змены з аднолькавымі ўмовамі (напрыклад, лік, час гульні), яны НЕ адбудуцца адначасова, а ў парадку, у якім Вы іх стварылі.

Вы ня можаце рэагаваць на траўмы

Камандны лад

Камандны настрой моцна ўплывае на гульню каманды. Камандны лад уплывае ў першую чаргу на паўабаронцаў, што ў сваю чаргу ўплывае на валоданьне мячом. Чым лепей камандны лад, тым больш упэўнена дзейнічае паўабарона. На камандны лад уплывае шмат фактараў, сярод іх - узровень лідарства трэнера, настрой на мінулыя гульні, трансфэры і камандны псіхолаг.

Упэўненасьць

Настрой каманды

Перад кожным афіцыйным матчам вы паведамляеце сваім гульцам, наколькі наступны матч важны. Настрой вашай каманды паўплывае на валоданьне мячом. У вас ёсьць тры варыянты:

Матч сэзону: Вашыя гульцы будуць рабіць усё магчымае, каб перамагчы ў гэтым матчы. Аднак адразу пасьля гэтай сустрэчы камандны лад зьменшыцца, а гэта азначае, што гульцы ня будуць паказваць свой лепшы футбол ў наступным матчах.

Звычайны: Гульцы будуць гуляць нармальна.

Гуляць напаўсілы: Вы можаце сказаць гульцам гуляць напаўсілы, калі Вы жадаеце паберагчы сілы каманды да наступных, больш важных сустрэч. Каманда будзе гуляць горш за свае магчымасьці, але па заканчэньні матчу камандны лад палепшыцца, і ў наступнай сустрэчы яны будуць гуляць лепей.

Індывідуальнасьць гульца

Псіхалагічныя аспекты сустрэчы

Некаторыя падзеі, што адбываюцца падчас гульні, могуць паўплываць на каманду. Яны ня зьменяць камандны лад альбо ўпэўненасьць, але адаб'юцца на выніку сустрэчы. Каманда, якая мае перавагу ў ліку ў 2 мячы і больш, пачынае збаўляць тэмп і ўдзяляць больш увагі абароне. Гэты эфект павялічваецца з кожным голам адрыву: кожны наступны гол памяншае атаку на 9% і павялічвае абарону на 7,5%. Калі розніца ў ліку памяншаецца, папярэдняе змяненне атакі і абароны адмяняецца. Калі розніца забітых і прапушчаных дасягае 8, рэйтынгі каманды перастаюць змяняцца.

У некаторых сітуацыях каманды здольныя вытрымаць гэты псыхалягічны эфэкт. Калі камандзе выдадзена каманда "матч сэзону", то яны ня будуць адыходзіць назад нават пры значнай перавазе. Тое ж самае адбываецца, калі каманда гуляе ў фінале аднаго з Нацыянальных Кубкаў альбо Hatttrick Masters а таксама ў апошнім туры сэзону лігі. У спаборніцтвах нацыянальных зборных каманда не адыходзіць назад пачынаючы з паўфіналаў Кубку Свету, а ў Кантынентальным Кубку і Кубку Нацый не адыходзіць назад пачынаючы ад чвэрцьфіналаў.

Акрамя таго, калі каманда ў першым тайме гуляла вельмі дрэнна, яна можа палепшыць гульню пасля разносу ад трэнера ў перапынку.

Недаацэнка суперніка

Калі Вы сустракаецеся з камандай, якая займае больш нізкую пазіцыю за Ваш клюб, і ўпэўненасьць каманды высокая, то яна можа недаацаніць суперніка і згуляць ніжэй за свае магчымасьці. Рызыка недаацэнкі залежыць ад розьніцы ў пазыцыях і пунктах паміж камандамі і ўзроўню ўпэўненасьці, а таксама настрою на матч (гульня "напаўсілы" падвышае рызыку недаацэнкі, а "матч сэзону" гарантуе нулявую яе верагоднасьць).

У выпадку недаацэнкі суперніка памеры яе наступстваў будуць залежаць ад розьніцы ў ачках, узроўня ўпэўненасьці, настрою на матч і ад таго, гуляеце Вы дома ці ў гасьцях (на чужым полі эфэкт меншы). У залежнасьці ад выніку першага тайма дзеяньне недаацэнкі можа зьмяніцца: калі Вы перамагаеце з розьніцай у адзін мяч, зьнікне траціна эфэкту, пры нічыі - дзьве траціны, а пры пройгрышы - зьнікне цалкам.

Заўважце, што недаацэнка можа адбыцца толькі ў матчах лігі, і толькі пасьля трэцяга туру.

Продаж гульца

Каб прадаць гульца, трэба выставіць яго на трансфэр (гэта можна зрабіць на старонцы гульца). Вам неабходна толькі пазначыць пачатковы кошт продажу. Гулец мусіць згуляць хаця б адзін матч за Вашую каманду, і Вы ня можаце выстаўляць гульца на продаж больш разоў, чым ён згуляў матчаў за Вашую каманду. Гэтае абмежаваньне не датычыцца гульцоў, якіх вам выдалі разам з камандай і гульцоў, абраных Вамі з юнацкай школы. Гулец будзе знаходзіцца на трансфэры на працягу 3 сутак, пасьля чаго пяройдзе ў клюб, які прапанаваў за яго самыя вялікія грошы, альбо застанецца ў Вас, калі ні адзін клюб не паставіць нават пачатковага кошту. Прададзены гулец пераходзіць у новую каманду адразу ж па сканчэньні гандлю, за выключэньнем выпадкаў, калі адзін з клюбаў, якія ўдзельнічаюць у трансфэры, гуляе ў гэты час матч. У гэтым выпадку ён прыбудзе ў новы клюб, як толькі матч скончыцца. Калі пакупнік ня знойдзецца, ён застанецца ў вашым клюбе. Калі вы памылкова выставілі гульца на продаж, вы можаце адмяніць трансфэр. Гэта магчыма на працягу 10 хвілін пасьля ўключэньня гульца ў сьпіс, пакуль не было ніякіх ставак. Ваша плата за выстаўленьне на трансфэр ня будзе вернута. За гэтым акном у вас заўсёды ёсьць магчымасьць купіць яго самастойна!

Набыцьцё гульца

Каб набыць гульца, зайдзіце на старонку пошуку трансфэраў (мой клюб - гандаль - сьпіс трансфэраў) Там Вы можаце знайсьці патрэбнага Вам гульца. Каб зрабіць стаўку, зайдзіце на старонку гульца. Неабходна паставіць ня менш за тую суму, якую просіць прадавец, альбо узняць стаўку як мінімум на 1 000 US$ альбо на 2%. Зьвярніце ўвагу, што агульная сума зробленых вамі ставак і заробкаў гульцоў, на якіх вы паставілі (адразу па прыбыцьці ў клюб гулец атрымоўвае першы тыднёвы заробак), ня можа заводзіць вашую каманду ў мінус на больш чым 200 000 US$.

Рабіць стаўкі на гульца можна ў любы момант да сканчэньня гандлю. Калі хтосьці зробіць стаўку за менш чым тры хвіліны да сканчэньня гандлю, гандаль аўтаматычна падоўжыцца яшчэ на тры хвіліны.

Аўтастаўка

Аўтастаўка працуе абсалютна як звычайная барацьба ставак на трансфэрным рынку. Калі Вы ўсталёўваеце максымальную стаўку, то сыстэма пачынае адсочваць трансфэр, робячы па меры неабходнасьці стаўкі з мінімальна магчымым крокам (2%, 1 000 US$).

Вы можаце зьмяніць (як павялічыць, так і паменшыць) вашу максымальную стаўку ў любы момант, але вы, вядома ж, ня можаце адмяніць бягучую (вышэйшую) стаўку. Ваша максымальная стаўка вядомая толькі вам, іншыя мэнэджэры бачаць толькі актуальную.

Вы можаце прызначыць толькі адну актыўную аўтастаўку адначасова. Калі ваша аўтастаўка дасягае свайго максымуму, яна ўжо ня лічыцца як аўтастаўка, і вы можаце прызначыць іншую.

Для надзвычайных выпадкаў (напрыклад, калі дзьве каманды робяць аднолькавыя аўтастаўкі, ці калі аўтастаўкі перабіваюць адна адну) мы ўбудавалі пэўную логіку паводзін, вось тут ёсьць некалькі прыкладаў, каб растлумачыць яе.

Адступленьні агенту, роднаму клюбу і папярэдняму клюбу

Выставіць гульца на продаж каштуе 1 000 US$. Пасля продажу трэба будзе выплаціць некаторую суму агенту гульца, клюбу, у якім гулец пачынаў кар'еру і папярэдняму ўладальніку. На старонцы гульца Вы заўсёды можаце ўбачыць, колькі адсоткаў ад заплочаных пакупнікоў грошай пойдуць у бюджэт Вашага клюбу ў выпадку яго продажу. Вось некалькі асноўных момантаў:

Сума, якую атрымае агент, залежыць ад таго, як доўга гулец знаходзіўся ў Вашым клюбе.

Родны клюб заўсёды атрымоўвае 2% ад канчатковага кошту гульца. Гэта значыць, што за гульца, які пачынаў кар'еру ў Вашым клюбе, Вы будзеце атрымоўваць 2% ад сумы продажу за кожны новы пераход у іншую каманду. Майце на ўвазе, што вы не плаціце і не атрымліваеце грошай роднага клюба, калі прадаеце дамарослага гульца ў першы раз.

Папярэдні клюб атрымоўвае 3% ад кошту продажу гульца. У выпадку, калі Ваш клюб быў папярэднім месцам працы гульца, сума грошай, якія Вы атрымаеце, залежыць ад колькасьці гульняў, якія гулец згуляў за Ваш клюб.

Больш падрабязная інфармацыя - у гэтых табліцах.

Перавод выручкі ў рэзэрвы Рады

Пры продажы некаторых гульцоў Рада можа прыняць рашэньне аб пералічэньні часткі грошай у рэзервы Рады для наступнага выкарыстаньня клубам.

Гэта адбываецца толькі з асобнымі гульцамі, і для большасьці мэнэджэраў будзе вельмі рэдкай зьявай.

Праўленьне паведаміць вам падчас працэсу ўключэньня ў трансфэры, адбудзецца гэта ці не, і, калі так, працэнт выручкі, які пойдзе ў рэзэрвы.

Праўленьне можа зрабіць гэта, калі лічыць, што гулец гандлюецца па спэкулятыўных прычынах або як спосаб захаваць сваю каштоўнасьць. Яны будуць разважаць, што камандзе ня трэба замяняць гульца па канкурэнтных прычынах. (Гістарычна такіх гульцоў супольнасьць называла «залатымі зьліткамі» за іх здольнасьць захоўваць каштоўнасьць на працягу доўгага часу).

У цяперашні час Праўленьне будзе разглядаць магчымасьць утрыманьня грошай толькі для брамнікаў (прынамсі ў якіх салідныя варатарскія навыкі) або патэнцыйных будучых трэнэраў (прынамсі, добрае лідэрства плюс недастатковы досьвед).

Адсотак ад продажу, які Праўленьне накіроўвае ў рэзэрвы, залежыць ад таго, колькі апошніх матчаў гулец згуляў за вашу каманду.

Агульнае правіла заключаецца ў тым, што для рэгулярных гульцоў стартавага складу ўсе грошы застаюцца наяўнымі - грошы не ідуць у рэзервы. Быць рэгулярным гульцом азначае гуляць ня менш за 60 хвілін адзін раз у тыдзень.

Адсутнасьць на полі з-за траўмы ня ўлічваецца, але калі здаровыя гульцы выбылі з гульні, больш грошай будзе выдзелена для рэзерву Рады дырэктараў.

Прыклад: Гулец, які адпавядае крытэрам «Залаты зьлітак», увесь сэзон выходзіў у стартавым складзе ў матчах лігі. Калі мэнэджэр разглядае пытаньне аб продажы гульца, Рада адступае - уся выручка (пасьля аплаты агентам) будзе даступная трэнэру ў выглядзе наяўных. Аднак, калі трансфэр не адбываецца, і замест гэтага гульца садзяць на лаўку запасных. Праз два тыдні 12% даходаў ад пераводу цяпер будуць прызначаныя для рэзерваў Рады праўленьня. Пасля чатырох тыдняў знаходжаньня на лаўцы запасных гэтая лічба вырасьце да 24%. Потым трэнэр вырашае ізноў выпусьціць гульца ў стартавым складзе. Пасьля шасці тыдняў пасьля вяртаньня ў каманду, гуляючы ў лізе або Кубку, гулец зноў можа быць прададзены і грошы не патрапяць у рэзэрвы Рады праўленьня.

Як правіла, патрабуецца тры тыдні гульні ў лізе або Кубку, каб аднавіцца за кожныя два тыдні бязьдзейнасьці. Калі вы гуляеце толькі ў таварыскіх матчах, аднаўленьне займае ў два разы больш часу. Калі гулец быў выхаваны ў вашай камандзе, грошы не будуць ісці ў рэзэрвы Рады, незалежна ад навыкаў і стартавага статусу гульца. Гэта таксама тычыцца гульцоў, якія далучыліся да клюбу ў апошнія два тыдні і не пасьпелі стаць гульцамі стартавага складу.

Трансфэры могуць уплываць на камандны лад

Адключэньні сервераў

Сумленная Гульня на трансфэрным рынку

Моцныя гульцы і высокія даходы - гэта ключ да посьпеху ў Hattrick, таму вельмі важна, каб ні адна каманда не атрымлівала пераваг над іншымі за кошт чыіхсьці некарэктных паводзінаў на трансфэрным рынку. У прыватнасьці, гэта азначае, што ўсе стаўкі на гульца павінны быць у межах яго разумнай цаны, а ўсе дзеяньні, якія прыводзяць да атрыманьня прыбытку камандай за кошт завышанай цаны - забаронены. Гэта не адносіцца да ўнікальных гульцоў, якія маюць рэдкі набор навыкаў або патэнцыял, а таксама гульцоў нацыянальных зборных NT/U21.

У Гэйммайстроў ёсьць права адмяняць або карэктаваць залішне завышаныя цэны, выдаваць штрафы і нават выганяць парушальнікаў з гульні. Калі на Вашага гульца паставілі неапраўдана высокую стаўку, неадкладна зьвяжыцеся з Гэйммайстрамі. Для звароту да Гэйммайстроў выкарыстоўвайце кантактную старонку.

Дрэва ліг

Колькасьць дывізіёнаў можа быць розным і залежыць ад краіны, але пры гэтым агульная структура паўсюль аднолькавая. Возьмем, да прыкладу, Італію:

1 Першая ліга (Serie A)
4 II лігі (II.1, II.2, II.3, II.4)
16 III ліг (ад III.1 да III.16)
64 IV лігі (ад IV.1 да IV.64)
256 V ліг (ад V.1 да V.256)
1024 VI лігі (ад VI.1 да VI.1024)
1024 VII лігі (ад VII.1 да VII.1024)
2048 VIII ліг (ад VIII.1 да VIII.2048)
2048 IX ліг (ад IX.1 да IX.2048)
4096 X ліг (ад X.1 да X.4096)
4096 XI ліг (ад XI.1 да XI.4096)

Зьвярніце ўвагу, што пачынаючы з узроўню VI, колькасьць ліг у дывізіёне падвойваецца праз раз.

Пераход у іншую лігу і кваліфікацыя

Калі Вы станеце чэмпіёнам сваёй лігі, Вашая каманда альбо праходзіць у лігу дывізіёнам вышэй, ці гуляе кваліфікацыйны матч за права гуляць там. У дывізіёнах з II па VI палова пераможцаў ліг з лепшымі паказчыкамі праходзяць аўтаматычна, астатнія ўдзельнічаюць у кваліфікацыі. У ніжэйшых дывізіёнах усе пераходы аўтаматычныя. З няцотных дывізіёнаў (VII, IX, XI) таксама праходзяць вышэй каманды, якія занялі 2 месцы.

Пераможцы ліг, якія не праходзяць аўтаматычна, гуляюць стыкавыя матчы з камандамі, якія занялі 5-6 месцы ў лігах дывізіёнам вышэй. Пры гэтым самая моцная каманда сустракаецца з самай слабой камандай, што заняла 6-ае месца, а самая слабая - з самым моцным 5-ым месцам. Гульня праводзіцца на полі каманды з вышэйшага дывізіёна. Калі перамагае каманда з ніжэйшай лігі, яны мяняюцца месцамі, у адваротным выпадку ўсе застаюцца на сваіх месцах.

Калі Вы зоймеце ў сваёй лізе 7 альбо 8 месца, Вашая каманда аўтаматычна пяройдзе ў лігу дывізіёнам ніжэй (за выключэньнем, зразумела ж, ліг самага нізкага дывізіёна). Лепшая каманда з сёмых месцаў памяняецца месцамі з лепшым пераможцам лігі дывізіёнам ніжэй. Горшая каманда з восьмых месцаў памяняецца месцамі з самым слабым пераможцам.

Стыкавыя матчы гуляюць каманды, што занялі 3 і 4 месцы ў дывізіёнах VII і IX, і каманда, што заняла 2 месца ў дывізіёнах VIII и X.

Змена лігі ў дазволены перыяд

Калі Ваша каманда гуляе ў адным з трох самых нізкіх дывізіёнаў Вашай краіны, Вы маеце магчымасць змяніць лігу. Для гэтага неабходна, каб у лізе, куды Вы жадаеце перайсці, было вольнае месца, якое будзе адлюстроўвацца ў табліцы ў міжсезонне, калі дазволены пераход. Акрамя таго, калі Вы кіруеце дадатковай камандай у межах опцыі Supporter, забаронены пераход двух Вашых каманд у адну лігу.

Паніжэньне і падвышэньне ботаў

Каманды-боты ніколі не пераходзяць у дывізіён вышэй рангам, нават калі яны занялі першае месца ў сваёй лізе. У канцы кожнага сэзону каманды-боты ў дывізіёнах 6 і ніжэй перамяшчаюцца ў максымальна нізкі дывізіён. За адзіным выключэньнем: калі бот зойме першае месца ў дывізіёне 6, то ён усё ж пазмагаецца за праход дывізіёнам вышэй.

Па меры таго, як каманды-боты адпраўляюцца ў больш нізкія дывізіёны, дадатковыя каманды з уладальнікамі пераходзяць у дывізіёны вышэй узроўнем, займаючы іх месцы. Гэтыя каманды будуць абраныя з ліку "Лакі лузер" - альбо тыя, якія прайгралі стыкавыя матчы, альбо, у некаторых выпадках, тыя, хто вылецеў у гэтым сезоне напрамую. Вы можаце адмяніць магчымасць такога павышэння ў настройках каманды.

Калі колькасьць мэнэджэраў ў ніжэйшым дывізіёне менш чым колькасьць ботаў у астатніх лігах, то сыстэма аўтаматычна закрывае ніжэйшы дывізіён.

Рэйтынг і пазіцыя ў лізе

Прызавыя

За месцы ў лізе з першага па чацьвёртае Вы атрымоўваеце прызавыя, якія залежаць ад месца і ад узроўню лігі, у якой Вы гуляеце:

Прэмія за пераход

Камандам, якія наўпрост пераходзяць у больш высокую лігу, выдаецца прэмія. Больш за тое, каманды, пераходзячыя ў больш высокую лігу, павялічваюць памер фан-клюбу на 10% (а каманды, пераходзячыя ў больш нізкую лігу, губляюць 10% заўзятараў). Аднак калі каманда атрымлівае "бясплатнае" падвышэнне (па-за звычайных умоў павышэння), то яна атрымае толькі бонус да памеру фан-клюбу. Такое павышэнне магчыма за кошт спуску ботаў з больш высокіх дывізіёнаў. А яшчэ ў сапраўдны момант падобныя павышэння прадугледжаны ў лізе Hattrick International.

Кубкавыя сустрэчы

Кубкавыя матчы гуляюцца ў сярэдзіне тыдня, дакладны дзень і час можна ўбачыць на старонцы "каляндар падзей". Першыя раўнды Нацыянальнага Кубку і Кубку Лігі заўсёды праводзяцца перад першым турам лігі. Каманды з Нацыянальнага Кубку і Кубку Лігі трпаляюць у асобныя Кубкі Выкліку. Кубак Выкліку пачынаецца на тыдзень пазней за асноўныя кубкі. Ваш першы супернік па кубку і кубак, у якім Вы будзеце гуляць, вызначаюцца за тыдзень да матчу. У наступных раўндах супернік вызначаецца амаль адразу пасля сканчэння ўсіх матчаў раўнду папярэдняга.

Кубкавыя пляцоўкі

Галоўнае правіла: наймацнейшая каманда, якая спаборнічае за Кубак, будзе гуляць у гасьцях супраць самай слабой каманды, якая гуляе ў Кубку. Каб вырашыць гэта, мы выкарыстоўваем Кубкавы рэйтынг, які тлумачыцца ніжэй.

У апошніх шасьці раўндах Кубка рэйтынг больш не ўплывае на перавагу гульні дома або ў гасьцях, паколькі ўсе матчы праводзяцца на нэйтральных пляцоўках.

Жараб'ёўка Кубка

Як вызначаецца ваш супернік у Кубку?

У першым раўндзе Кубка каманда з самым высокім рэйтынгам заўсёды будзе гуляць у гасьцях супраць каманды з самым нізкім рэйтынгам у Кубку.

Перад пачаткам першага раунда праводзіцца лёсаваньне другога раунда. Мяркуецца, што для гэтага розыгрышу ўсе каманды з высокім рэйтынгам пераходзяць з першага раунда.

Калі каманда ніжэйшага рангу перамагае ў першым раундзе, яна займае месца свайго суперніка ў другім раундзе.
Аднак гэта перавага не працягваецца. Перад пачаткам другога раунда праводзіцца лёсаваньне трэцяга раунда. Зноў жа, усе астатнія каманды з высокім рэйтынгам будуць гуляць супраць каманд з нізкім рэйтынгам.

The advantage of this system is that for any Cup round, all remaining teams will know what happens if they progress to the next round. There is always another match, the winner of which will play the winner of your match in the next round.Перавага гэтай сыстэмы ў тым, што ў любым раўндзе Кубка ўсе астатнія каманды будуць ведаць, з кім яны будуць гуляць, калі яны пяройдуць у наступны раўнд. Заўсёды ёсьць іншы матч, пераможца якога ў наступным раўндзе згуляе з пераможцам вашага матчу.

Вось прыклад таго, як працуе лёсаваньне Кубка ў Hattrick:

1. У першым раўндзе ў нас 16 каманд і матчаў:

Першы Раўнд

КамандаРэйтынгам16-КамандаРэйтынгам1
КамандаРэйтынгам15-КамандаРэйтынгам2
КамандаРэйтынгам14-КамандаРэйтынгам3
КамандаРэйтынгам13-КамандаРэйтынгам4
КамандаРэйтынгам12-КамандаРэйтынгам5
КамандаРэйтынгам11-КамандаРэйтынгам6
КамандаРэйтынгам10-КамандаРэйтынгам7
КамандаРэйтынгам9-КамандаРэйтынгам8

Чакаемыя матчы 2 раунда, якія сталі вядомыя перад пачаткам 1 раунда, наступныя:

КамандаРэйтынгам8-КамандаРэйтынгам1
КамандаРэйтынгам7-КамандаРэйтынгам2
КамандаРэйтынгам6-КамандаРэйтынгам3
КамандаРэйтынгам5-КамандаРэйтынгам4

Аднак два матчы скончыліся нечаканай перамогай аўтсайдэраў - каманды 16 і 14 перамаглі. З-за гэтага фактычныя матчы ў 2 раўндзе будуць наступнымі:

КамандаРэйтынгам8-КамандаРэйтынгам16
КамандаРэйтынгам7-КамандаРэйтынгам2
КамандаРэйтынгам6-КамандаРэйтынгам14
КамандаРэйтынгам5-КамандаРэйтынгам4.

Цяпер, калі жараб'ёўка 3-га раунда завершана, сыстэма зноў мяркуе, што перамогуць каманды з самым высокім рэйтынгам, і такім чынам ствараецца гэты розыгрыш:

КамандаРэйтынгам8-КамандаРэйтынгам2
КамандаРэйтынгам6-КамандаРэйтынгам4

Калі каманда 16 зноў пераможа, яна атрымае месца каманды 8.
Калі пераможа каманда 14, яна зойме месца каманды 6.

Кубкавы рэйтынг

Кубкавы рэйтынг выкарыстоўваецца пры стварэнні розыгрышу Кубка. Гэта статычны рэйтынг, які не мяняецца пасля пачатку Кубка. Першым фактарам рэйтынгу зьяўляецца тое, у якім дывізіёне каманда гуляе ў бягучым сэзоне. Затым каманды размяшчаюцца ў гэтых дывізіённых групах наступным чынам:

1. Актыўныя каманды, якія перайшлі з больш высокага дывізіёну
2. Актыўныя каманды, якія не пераходзілі ні вышэй ні ніжэй
3. Каманды, якія самі перайшлі з больш нізкага дывізіёну
4. Каманды, якія атрымалі "бясплатнае" падвышэньне (за кошт ботаў)
5. Каманды-боты (пры наяўнасьці вольных месцаў).

Каманды, якія патрапілі ў адну катэгорыю, сартыруюцца паводле рэйтынгу на момант сканчэньня мінулага сэзону. Рэйтынг не зьмяняецца на працягу ўсяго кубка.

Далучэнне да другасных кубкаў

Для кубкаў Выкліку і Надзеі час удзелу таксама ўлічваецца ў пачатковым складзе. Каманды, якія далучыліся рана, гарантавана будуць пасеяны вышэй, чым тыя, хто далучыўся пазней. Рэйтынг кожнай каманды ў Кубку па-ранейшаму мае значэнне, але толькі для таго, каб вырашыць, у якім парадку будуць пасеяны каманды, якія заяўляліся на тую ж дату.

Адзін з прыкладаў: вашай камандзе ўдасцца дайсьці ў Нацыянальным Кубку да 5-га або 6-га раунда, перш чым вылецець. Вы працягнеце ў Кубку выкліку ніжэйшага ўзроўню, вы заўсёды будзеце пасеяны ніжэй, чым каманды, якія далучыліся да вас. Каманда з самым высокім рэйтынгам з тых, хто заяўляўся ў першым раўндзе, згуляе з камандай з самым нізкім рэйтынгам з тых, хто заяўляўся апошнім.

Розныя кубкі і іх фарматы

Самы важны кубак у кожнай краіне - Нацыянальны Кубак (у Беларусі - Кубак Беларусі). У ёй удзельнічаюць усе каманды 6 вышэйшых дывізіёнаў, якія маюць жывых уладальнікаў. Толькі найлепшыя каманды маюць шанец перамагчы, але нават некалькі пройдзеных раўндаў прынясуць неблагія прэміяльныя.

Як бы там ні было, усім камандам, якія выляцелі з Нацыянальнага Кубку на ранняй стадыі, будзе дадзены другі шанец. Калі Ваша каманда выляціць у першых 6 раўндах Нацыянальнага Кубку, ёй будзе гарантавана месца ў адным з 3 нацыянальных Кубкаў Выкліку. Удзел у Кубку Выкліку таксама прэстыжны, але прызавы фонд значна меншы. Барацьба за Нацыянальны Кубак з фінансавага пункту гледжання заўсёды лепей.

Кубак Выкліку складаецца з трох падкубкаў - Смарагдавы, Рубінавы і Сапфіравы. У Смарагдавы Кубак трапляюць каманды, якія вылецелі з Нацыянальнага Кубку ў 1 і 6 раўндах. Каманды, якія вылецелі ў раўндах 2 і 5, трапляюць у Рубінавы Кубак. Каманды, якія вылецелі ў 3 і 4 раўндах, трапляюць у Сапфіравы Кубак. Усе тры падкубкі гуляюцца адначасова з Нацыянальным Кубкам і кожны мае свайго пераможцу. Назвы Кубкаў у розных краінах могуць адрознівацца ад арыгінальных ангельскіх.

Каманды, што вылецелі з Смарагдавага ці Рубінавага кубку Выкліку ў першым раўндзе, будуць прымаць удзел у Кубку Надзеі. Пераможца атрымлівае асобны трафей, але прызавога фонду і іншых пераваг Нацыянальнага Кубку ўжо не будзе.

У вялікіх ХТ-краінах для каманд з нізкіх дывізіёнаў (7 і ніжэй) арганізуюцца кубкі ліг. Кубкі ліг маюць тую ж структуру, што і нацыянальны кубак: галоўны кубак, тры падкубкі і кубак надзеі. Агульны прызавы фонд кубка лігі меншы за прызавыя ў нацыянальным кубку.

Памер Кубкаў залежыць ад колькасці каманд і мэнэджэраў у краіне. Заўсёды абіраецца найменшы памер кубку, у які ўпісваюцца ўсе каманды з мэнэджэрамі. Пасля запаўнення кубку жывымі камандамі рэшта месцаў запаўняецца ботамі.

1. разлічваецца колькасць жывых каманд
2. Абіраецца найменшы магчымы памер кубку, у які ўпісваюцца ўсе жывыя каманды
3. Кубак запаўняецца камандамі з мэнэджэрамі
4. Дадаюцца боты з сістэмы ліг
5. Калі гэтага недастаткова, дадаюцца каманды-боты, адмыслова створаныя для Кубку.

• Каманды, якія выляцелі з Кубка Беларусі у раўндах 1 і 6, патрапяць у Кубак Крывічаў (першы Кубак Выкліку).
• Каманды, якія выляцелі з Кубка Беларусі у раўндах 2 і 5, патрапяць у Кубак Дрыгавічоў (другі Кубак Выкліку).
• Каманды, якія выляцелі з Кубка Беларусі у раўндах 3 і 4, патрапяць у Кубак Радзімічаў (трэці Кубак Выкліку).
• Каманды, якія выляцелі з раўнду 1 Кубка Крывічаў і Кубка Дрыгавічоў, патрапяць у Кубак Надзеі.

Уплыў на каманду

Адной з важных перавага выступу ў Кубку з'яўляецца атрыманне шырокіх тактычных магчымасцей. Вы прасоўваецеся ўверх па турнірнай лесвіцы, гуляеце з усё больш моцнымі камандамі, а таксама атрымліваеце магчымасць павялічыць упэўненасць і камандны лад перад гульнямі ў лізе. Акрамя гэтага, гульцы атрымліваюць больш досведу ў кубкавых матчах, што пры ўмове большых прыбыткаў ад матчаў надае важнасць удаламу выступу ў Кубку. Аднак не ўсе кубкі працуюць аднолькава.

Ва ўсіх кубках карткі і траўмы працуюць аднолькава. Калі Ваш гулец атрымаў картку ў гульні, ён можа прапусціць наступны матч у лізе.

Камандны лад, упэўненасць і настрой заўзятараў: гэтыя параметры будуць змяняцца толькі ў матчах Нацыянальнага Кубку і Кубку Лігі. Матчы ва ўсіх астатніх кубках будуць праводзіцца па правілах таварыскіх сустрэч (без уплыву на настрой заўзятараў, камандны лад і ўпэўненасць).

Досвед. У матчах Нацыянальнага Кубку і Кубку Лігі гульцы атрымліваюць удвая больш досведу, чым у матчах чэмпіянату. У матчах Кубку Выкліку і Кубку Надзеі - удвая менш, чым у матчах чэмпіянату.

Прыбытак ад матчаў кубку

Прыбытак ад продажу квіткоў з'яўляецца вялікім бонусам пры паспяховым удзеле ў Кубках. Чым дольш Вы пратрымаецеся ў любым з кубкаў, тым больш гледачоў будзе хадзіць на матчы. Нацыянальны Кубак і Кубак Лігі прыцягваюць увагу большай колькасці фанатаў, чым кубкі рангам ніжэй. У той час, як першыя два кубкі збіраюць прыкладна столькі ж гледачоў, як матчы лігі, то іншыя кубкі - прыкладна як таварыскія сустрэчы. Матчы Кубку Выкліку збіраюць у 3 разы болей зазятараў, чым міжнародныя таварыскія матчы паміж тымі ж супернікамі. Матчы Кубку Надзеі збіраюць у 2 разы больш заўзятараў. Матчы Кубку Выкліку для каманд з ніжэйшых дывізіёнаў (7 і ніжэй) збіраюць у 2 разы больш заўзятараў. Матчы Кубку Надзеі для каманд з ніжэйшых дывізіёнаў (7 і ніжэй) збіраюць у 1,5 разы больш заўзятараў.

Гаспадары атрымліваюць 67% прыбытку ад продажу квіткоў, госці - 33%. У апошніх 6 раўндах каманды дзеляць прыбытак пароўну - 50/50. У асноўным, заўзятары не вельмі актыўна ходзяць на першыя раўнды кубка, але з прасоўваннем каманды наперад іх цікаўнасць урастае. Таксама заўзятары каманды з нізкага дывізіёна будуць радыя прыйсці на матч з грандам - камандай з больш высокага дывізіёну, але не наадварот. Лепшыя каманды атрымліваюць прызавыя згодна з табліцай ніжэй. Узнагароды за лепшага бамбардыра ў кубку няма.

Нацыянальны Кубак

Прызначэньне таварыскай сустрэчы

Найпрасьцей знайсьці суперніка для таварыскай гульні праз таварыскую суполку. Абярыце, якога суперніка Вы жадаеце атрымаць і па якіх правілах будзе праходзіць гульня, і суполка аўтаматычна абярэ Вам суперніка і прызначыць Вам таварыскую сустрэчу (калі, вядома ж, знойдзецца каманда, якая будзе адпавядаць усім вашым патрабаваньням).

Для таго, каб запрасіць каманду на таварыскую гульню, па-першых, знайдзіце гэтую каманду! Калі каманда выбыла, альбо ня ўдзельнічае ў кубку, а таксама не дамовілася на таварыскую гульню з іншай камандай (і калі ўсё гэта можна сказаць і пра ваш клюб), Вы маеце магчымасьць адправіць ёй запрашэньне. Таксама некаторыя каманды не могуць удзельнічаць у таварыскіх матчах, бо яшчэ не атрымалі Ліцэнзіі Мэнэджэра.

Усе запрашэньні (тыя, якія даслалі Вы, і тыя, якія адправілі Вам) можна ўбачыць на старонцы “Запрашэньні”. Як толькі адно з запрашэньняў прымаецца, ў распісаньні з'яўляецца таварыская сустрэча, і Вы можаце прызначыць склад на яе.

Перадсезонныя матчы

На 15 і 16 тыднях Вы зможаце гуляць перадсезонныя таварыскія матчы на выходных, калі толькі Ваша каманда не гуляе кваліфікацыі.

Фармаванне перадсезонных таварыскіх матчаў будзе праходзіць крыху інакш. Для адпраўкі запрашэння трэба будзе ўказаць, калі Вы жадаеце згуляць матч (у будні ці на выходных).

Акно для запрашэнняў на перадсезонныя таварыскія матчы на выходных (міжнародныя ці нацыянальныя) будзе адчынена з 6:00 панядзелка да 23:59 пятніцы.

Тыпы таварыскіх сустрэч

Існуе два тыпы таварыскіх сустрэч: звычайная і па кубкавых правілах. У другім выпадку, калі асноўны час заканчваецца ўнічыю, прызначаецца дадатковы час, а потым і сэрыя пэнальці.

Міжнародныя таварыскія сустрэчы

Вы можаце дамовіцца на таварыскую сустрэчу за мяжой, альбо запрасіць каманду з іншай краіны на ваш стадыён. Матч будзе згуляны па мясцовым часе. Да прыкладу, калі Вы будзеце гуляць у Партугаліі, сустрэча пачнецца ў аўторак у 9:45 вечара па Сярэднім Эўрапейскім Часе.

Незалежна ад таго, у якую краіну выпраўляецца каманда, ад'язджае яна ў 18:00(CET) у аўторак, а вяртаецца ў 8:00(СЕТ) у чацвер. Міжнародныя гульні можна прызначыць не пазьней за аўторак 18:00(СЕТ), а калі вашая каманда выправілася за мяжу, наступную таварыскую сустрэчу можна будзе прызначыць толькі па іх вяртаньні ў чацвер. Калі вашая каманда не гуляла міжнароднай таварыскай сустрэчы, наступны матч можна пачынаць прызначаць ужо ад 6:00(СЕТ) у чацвер.

Кожная вандроўка за мяжу будзе каштаваць вам 6 000 US$, але з іншага боку міжнародныя сустрэчы прыцягваюць увагу большай колькасьці заўзятараў.

Іншае

Колькасьць гледачоў на таварыскіх сустрэчах значна менш, чым на афіцыйных. Крыху больш гледачоў прыходзяць на гульні па кубкавых правілах, яшчэ больш - на міжнародныя.

Камандны лад і ўпэўненасьць гульцоў не зьмяняюцца, гэтак жа як і настрой заўзятараў і фундатараў.Але рызыка атрымаць пашкоджаньне ў гульцоў не зьмяншаецца проста ад таго, што матч таварыскі.

Гульня на нэйтральным полі

Калі Вы жадаеце, каб у таварыскай сустрэчы ні ў кога не было перавагі за кошт хатняга стадыёну, Вы можаце абраць для гульні нэйтральнае поле. Заўважце, калі Вы гуляеце на нэйтральным полі ў сваёй краіне з камандай з іншай краіны, у Вас усё адно застаецца перавага (нават калі для вас матч абазначаны як гасцявы!) Гульні, праведзеныя на нэйтральным полі, не прыносяць прыбытку ўладальніку стадыёну.

Калі Вы захапляецеся калекцыянаваньнем сьцягоў, ведайце, што матчы на нэйтральным полі не даюць гэтых сьцягоў аніводнай з каманд за выключэньнем выпадку, калі сустрэча праводзіцца у краіне каманды-гаспадыні, але на іншым стадыёне. У гэтым выпадку каманда гасьцей усё ж такі атрымае сьцяг.

Стварыць альбо далучыцца да турніру

Hattrick Arena мае гнуткую сыстэму стварэньня турніраў. Вы можаце далучыцца да турніраў, створаных іншымі карыстальнікамі, або стварыць турнір для сябе і сваіх сяброў, выкарыстоўваючы індывідуальныя правілы, каб зрабіць спаборніцтва больш цікавым.

Як стваральнік турніру, вы можаце вырашаць усе яго аспэкты. Імя, фармат, памер, час матчаў і спецыяльныя правілы, такія як дазвол толькі пэўнай катэгорыі гульцоў (дамарослыя, мінімальны або максымальны ўзрост) або ўстанаўленьне ліміту заробку або магутнасьці для каманд-удзельніц.

Кожны можа наладзіць турнір, выкарыстоўваючы крэдыты Hattrick. Стварэньне турніраў або ўдзел у іх бясплатна таксама магчыма, калі вы зьяўляецеся ўладальнікам падпіскі Gold, Platinum ці пDiamond Supporter.

Дні матчаў на Arena

Матчы ў спаборніцтвах Hattrick Arena праводзяцца на нэйтральных пляцоўках, і яны не прыносяць вам ніякага даходу ад гледачоў (таксама не прыносяць новых членаў у ваш фан-клюб).

Бітва дывізіёнаў і Кубкі

Вы таксама знойдзеце некалькі афіцыйных конкурсаў на Hattrick Arena. Яны створаны Hattrick, і вы можаце прыняць удзел бясплатна, калі вас запросяць.

У Бітве дывізіёнаў вы і іншыя мэнэджэры з вашай лігі змагаецеся разам зь іншымі лігамі ў вашым дывізіёне. Кожны раўнд ваша ліга разыгрываецца ў жараб'ёўцы зь іншай лігай, дзе кожная з каманд-удзельніц будзе супрацьстаяць адной з каманд другой. Мэта складаецца ў тым, каб вашу лігу прызналі лепшай у вашым дывізіёне ў канцы сэзона!

Hattrick таксама арганізуе два Кубкавыя турніры, абодва гуляюцца ў міжсэзоньне. Кубак Пакаленьняў - гэта турнір, дзе мэнэджары, якія пачалі гуляць у Hattrick прыкладна ў той жа час, змагаюцца адзін з адным.

Кубак Supporter'аў - гэта турнір, у які запрашаюцца ўсе цяперашнія ўладальнікі падпіскі Supporter Hattrick.

Эфэкты Hattrick Arena ў дэталях

Усе падрабязнасьці, якія вам трэба ведаць аб матчах Arena, пералічаны тут:

• Камандны лад: Камандны лад у матчах Hattrick Arena зафіксаваны на ўзроўне "задаволеныя".
• Упэўненасьць каманды: у матчах на Арэне ўпэўненасьць заўсёды ўсталёўваецца на фіксаваны ўзровень (цудоўная).
• Траўмы: у матчах на Арэне ня будзе траўмаў, але калі ваш гулец ужо атрымаў траўму ў звычайным матчы Hattrick, ён ня зможа гуляць.
• Карткі (уласныя турніры): Турніры маюць уласную сыстэму падліку картак. Гэта значыць, што любая атрыманая ў турніры картка ўлічваецца толькі ў сустрэчах гэтага турніру (і ня ўлічваецца ў "звычайным" Hattrick), і наадварот. Напрыклад, гулец, выдалены ў "звычайным" Hattrick, можа гуляць сустрэчу ў турніры.
• Карткі (Ляддэры): У ляддэрах карткі ніяк ня ўлічваюцца.
• Трэніроўка: Гульцы не атрымаюць аніякіх трэніровак ад сустрэч у турнірах.
• Досьвед: Гулец не атрымае досьвед, гуляючы ў турніры.
• Пабудовы: У сустрэчах турніру выкарыстоўваецца ваш бягучы досьвед пабудовы са "звычайнага" Hattrick. Аднак, ад сустрэч у турнірах вы не атрымаеце досьведу да вашай пабудовы.

Лесьвічныя спаборніцтвы

У ляддэры ваша мэта - дасягнуць найвышэйшай пазыцыі ў табліцы і стаць «Уладаром гары», і пратрымацца на вяршыні як мага даўжэй. На шляху да вяршыні вы змагаецеся зь іншымі камандамі, і, ў выпадку перамогі, займаеце іх месца ў табліцы.

Правілы спаборніцтваў

Каманды, якім вы можаце кінуць выклік, вызначаюцца ў залежнасьці ад становішча вашай каманды ў табліцы.

Каманда, што зрабіла выклік, плаця за сустрэчу, і выкліканая каманда аўтаматычна прымае выклік. Матч адбываецца праз 24 гадзіны пасьля таго, як быў зроблены выклік. Калі зрабіўшая выклік каманда перамагае, Крэдыты вяртаюцца.

Пазыцыя мяняецца пасьля сустрэчы

Калі вы робіце выклік і перамагаеце, вы займаеце месца гэтай каманды. Выкліканая каманда апускаецца ўніз на 1 пазыцыю (гэта таксама тычыцца й іншых каманд, што знаходзяцца між двума камандамі ў ляддэры).

Прыклад. Каманда "А" знаходзіцца на 54 месцы, а выклікаемая каманда "Б" - на 47. Калі "А" перамагае, то займае 47 радок. "Б" апускаецца на 48 месца, каманда, што займала 48 месца, апускаецца на 49, каманда, што займала 49 месца, апусаецца на 50, і так далей.

Калі прайграеце, абедзьве каманды застаюцца на сваіх месцах.

Час устрыманьня ад выклікаў

Пасьля таго, як адбыўся матч, у якім вас выклікаў супернік, іншыя клюбы ня змогуць выклікаць вас бліжэйшыя 12 гадзін (ад моманту пачатку вашай апошняй сустрэчы). Гэта значыць, што ў вас будзе выдатны час, каб кінуць выклік іншай камандзе і падняцца ўвверх у ляддэры.

Пасьля гульні, калі рабілі выклік вы, вы ня зможаце выклікаць іншую каманду 12 гадзін (ад пачатку вашай апошняй сустрэчы). Гэта дае шанец іншым клюбам выклікаць вас (а таксама каб прадухіліць сцэнарыі, у якіх, напрыклад, каманда №2 заўсёды адразу выклікае №1, што робіць немагчымым №3 выклікаць №2 ды заняць яе месца).

Спаборніцтвы зборных

Зборныя каманды спаборнічаюць адзін з адным у трох звязаных турнірах. Гэта Кантынентальныя чэмпіянаты, Кубку Нацый і, нарэшце, Чэмпіянат Сьвету. Цыкл спаборніцтваў складае два сэзоны. Ён пачынаецца з рэгіянальных кубкаў Еўропы, Амерыкі, Афрыкі і Азіі/Акіяніі і заканчваецца Чэмпіянатам Сьвету.

Каманды, якія не прабіліся ў Чэмпіянат Сьвету, прымаюць удзел у Кубку Нацый, які праходзіць паралельна Чэмпіянату Сьвету.

Зборныя каманды маюць свой уласны статут штрафных картак, незалежны ад сістэмы чырвоных і жоўтых картак "нармальнага" Hattrick. Такім чынам, любая картка, атрыманая ў матчах асноўных ці моладзевых зборных, мае значэнні толькі для афіцыйных матчаў зборных. І наадварот, калі гулец атрымае чырвоную картку ў звычайным матчы Hattrick, ён усё роўна можа гуляць у матчы за зборную. Карткі згараюць у канцы любога спаборніцтва (ці пры вылеце каманды з гэтага спаборніцтва).

Чэмпіянаты кантынентаў

Кожнай зборнай гарантаванае месца ў чэмпіянаце свайго кантынента. Яго розыгрыш праходзіць у групах па 6 каманд. Каманды размяркоўваюцца па групах у адпаведнасці з рэйтынгам зборных (гл. ніжэй).

Чэмпіянат кантынента мае кругавы фармат (па 2 матчы - дома і ў гасцях), працягваецца 10 тыдняў з чвэрцьфіналамі, паўфіналамі і фіналам на апошнім тыдні.

Лепшыя 8 каманд кожнага кантынента ў залежнасці ад іх становішча, ачкоў, розніцы мячоў і забітых галоў будуць гуляюць у чвэрцьфіналах, паўфіналах і фіналах, у той час як астатнія трэнеры зборных прызначаюць пятніцкія таварыскія матчы. У чвэрцьфінале 4 лепшыя каманды (у залежнасці ад пазыцыі, ачкоў, розьніцы мячоў, забітых мячоў, а калі ўсе паказчыкі аднолькавыя, то выпадковым чынам) гуляюць з 4 апошнімі камандамі, якія выйшлі ў чвэрцьфінал. Таксама дзьве каманды з адной групы не сустрэнуцца ў чвэрцьфінале між сабой. Пераможца фіналу становіцца чэмпіёнам кантынента і атрымлівае залаты кубак. 2-я каманда атрымлівае сярэбраны, а каманды, якія занялі 3-е і 4-е месцы - бронзавыя кубкі.

Кубак Сьвету

Чэмпіянат Сьвету пачынаецца на 13 тыдні сэзону 1 і працягваецца на працягу астатняй часткі сэзона 1 і ўвесь сэзон 2. Ён дзеліцца на 5 раўндаў, за якімі ідуць паўфіналы і фінал.

96 каманд удзельнічаюць у раўндзе 1, яны падзеленыя на 16 груп па 6 каманд, гульні праходзяць у кругавым фармаце. Першыя 4 каманды з кожнай групы праходзяць у раунд 2, астатнія выбываюць з турніру.

У раўндзе 2 застаецца 16 груп па 4 каманды, гульні праходзяць у кругавым фармаце, першыя 2 каманды з кожнай групы праходзяць у раўнд 3.

У раўндзе 3 застаецца 8 групаў па 4 каманды, каманды праводзяць па адным матчу з кожным супернікам на нэйтральным полі, 2 лепшых каманды з групы праходзяць у раўнд 4.

У раўндах 4 і 5 застаецца адпаведна 4 і 2 групы па 4 каманды. Каманды праводзяць па адным матчу з кожным супернікам на нэйтральным полі, 2 лепшых каманды з групы праходзяць у наступны раўнд.

Паўфіналы і фінал праходзяць на нэйтральным полі. Пераможца фіналу аб'яўляецца Чэмпіёнам Сьвету, і атрымлівае залаты кубак. Тыя хто прайгралі ў фінале і паўфіналах атрымліваюць сярэбраны і бронзавыя кубкі.

Перад кожным раўндам камандны лад і ўпэўненасць будуць поўнасцю або часткова скідацца да значэння скіду. Напрыклад, калі бягучы камандны лад мае значэнне 9, а значэнне скіду - 5, то пры 80% скідзе, камандны лад знізіцца на (9 - 5) * 0.8 = 3.2 ўзроўню. Значэнне скіду і сярэдняе значэнне для штодзённых абнаўленняў як для каманднага ладу, так і для ўпэўненасці роўна 5.0.

Кубак Нацый

Каманды, якія не прайшлі адбор на Чэмпіянат Сьвету, возьмуць удзел у Кубку Нацый, які праходзіць адначасова з Чэмпіянатам Сьвету. Гэты турнір праходзіць па швейцарскай сістэме (гэтак жа як Кубак Supporter).

Гэта не проста суцяшальны турнір, ён важны для невялікіх камандаў, так як канчатковае размеркаванне месцаў у Кубку Нацый выкарыстоўваецца для лёсавання наступнага кантынентальнага чэмпіянату. У канцы розыгрышу Кубка Нацый, падчас паўфіналаў і фіналаў Чэмпіянату Сьвету 8 лепшых каманд правядуць турнір на выбываньне, а пераможца атрымае трафей - 4 лепшыя каманды (па пазіцыі, балах, розніцы мячоў), забітых галоў, выпадковым чынам, калі ўсе астатнія роўныя) выпадковым чынам сутыкаюцца з 4 апошнімі камандамі, якія выйшлі ў чвэрцьфінал.

У гульнях Кубка Нацый, гульцы не траўміруюцца, аднак карткі працуюць як у любым іншым турніры. Досвед пабудоў пераносіцца з кантынентальнага чэмпіянату (з магчымасцю скіду досведупабудовы як перад пачаткам чэмпіянату свету) і затым абнаўляецца як звычайна пасля кожнага матчу Кубка Нацый.

Пераможца атрымлівае Кубак Нацый

Кваліфікацыя Кубка Сьвету

96 каманд трапляюць на Чэмпіянат Сьвету з кантынентальных чэмпіянатаў.

У кожнага кантынента ёсць свае слоты на Чэмпіянат Сьвету, якія дастаюцца лепшым камандам групавога этапу Кантынентальнага чэмпіянату. Як відаць з табліцы ніжэй, Еўропа атрымлівае 32 месцы, Азія-Акіянія - 21 месца, Афрыка - 12, Амерыка - 20 месцаў.

Каманды, якія не праходзяць наўпрост на Чэмпіянат Сьвету пасля групавога этапу, могуць прэтэндаваць на 11 дадатковых месцаў. 22 каманды, якія занялі больш высокае месца, якія маюць лепшыя паказчыкі ачкоў і розніцы галоў у кантынентальным этапе, адбіраюцца ў дадатковы этап плэй-оф.

У гэтым дадатковым этапе каманда з найлепшым рэйтынгам (рэйтынг таксама ўлічвае вынікі папярэдняга Чэмпіянату Сьвету) будзе гуляць з камандай, якая мае найгоршы рэйтынг. Каманда з другім рэйтынгам сустрэнецца з камандай, у якой другой рэйтынг з канца, і гэтак далей. Гульні дадатковага этапу праходзяць дома і ў гасцях з поўным скідам каманднага ладу і ўпэўненасці перад першым матчам. У выпадку нічыйнага выніку па суме матчаў у другім матчы будзе дадатковы час і пенальці.

Рэйтынг зборных

Кожная зборная мае ўласны рэйтынг, які выкарыстоўваецца для размеркавання каманд па групах у Кантынентальны чэмпіянат. Улічваюцца вынікі за апошнія 5 сэзонаў, аднак эфект саслабляецца з часам, гэта значыць, што больш старыя вынікі будуць мець меншы ўплыў на рэйтынг.

3 фактару ўплываюць на Рэйтынг: вынік кожнага матчу (M), важнасць матчу (I) і сіла каманды-суперніка (T). Формула, якая выкарыстоўваецца для разліку Рэйтынг: P = M x I x T

Для вызначэння значэння T, мы адымаем рэйтынг суперніка ад лічбы 250.

Канчатковы рэйтынг - гэта сярэдняе значэнне ачкоў (P) за апошнія 5 сэзонаў, са укладам 100%, 70%. 50%, 30% і 20% адпаведна. Уклад бягучага сэзона 100%, папярэдняга - 70%, і гэтак далей да 20%. Рэйтынгі абнаўляюцца пасля кожнага матчу.

Лёсаванне кантынентальнага чэмпіянату

Для фарміравання груп чэмпіянату кантынента мы выкарыстоўваем рэйтынг зборных для стварэння кошыкаў. Першую пазіцыю ў кожнай групе зоймуць лепшыя каманды, а менавіта, першая па рэйтынгу каманда патрапіць першай у групу 1, другая па рэйтынгу - першай у групу 2, і т. Д. Затым мы ствараем 5 кошыкаў, па адной для кожнай пазіцыі ў групе, запоўненых астатнімі камандамі, адсартаваных па іх рэйтынгу. Напрыклад, у Чэмпіянаце Амерыкі, у нас 5 груп па 6 каманд. Першыя пазіцыі ў групах дастануцца першым 5 камандам па рэйтынгу. Другія пазіцыі дастануцца камандам, якія займаюць з 6 па 10-е месца ў рэйтынгу, трэція пазіцыі атрымаюць каманды, з месцамі ад 11-га да 15-га. У працэсе лёсавання мы запоўнім усе групы, спустошыўшы ўсе кошыкі.

Лёсаванне Чэмпіянату Сьвету

Камандны рэйтынг у бягучым сэзоне вызначыць нумар гэтай каманды ў лёсаваньні Кубка Сьвету. У першым раўндзе Кубка Сьвету ўдзельнічаюць 16 груп, і першая каманда для кожнай групы выбіраецца аўтаматычна. Лепшая еўрапейская каманда Кантынентальнага чэмпіянату (Эўр#1 у табліцы ніжэй) заўсёды будзе першай камандай, абранай для Групы 1, а каманда з Амерыкі, якая заняла 8-е месца, заўсёды будзе першай камандай, абранай у Групе 16.

Як толькі ў кожную групу прызначана па адной камандзе, астатнія каманды выбіраюцца ў працэсе "жывога" лёсавання. Вынікі ў чэмпіянаце кантынента ўсё яшчэ маюць важнае значэнне, але замест прамога траплення ў групы, каманды размяркоўваюцца па кошыках. Калі паглядзець у табліцу ніжэй, то ў калонцы "Каманда 2", у першым кошыку знаходзяцца 4 каманды. Гэта - 8-я, 7-я, 6-я і 5-я каманды Афрыкі. З гэтага кошыка яны будуць адпаведна лёсавання выбраны на другое месца ў групах 1, 2, 3 і 4. Яшчэ 4 каманды трапляюць у другі кошык, і размяркоўваюцца ў групы 5, 6, 7 і 8. Гэты працэс працягваецца, пакуль не будуць абраныя ўсе 6 каманд у кожнай з 16 груп.

Сістэма з аднаго боку дэтэрмінавана, каб усе лепшыя каманды наймацнейшага кантынента не траплялі ў адну групу. Але ў той жа час мы хацелі дадаць элемент выпадковасці, каб мэнеджэры не маглі прадказаць падчас чэмпіянату кантынента, як будуць выглядаць групы Чэмпіянату Сьвету, так як гэта магло прымусіць некаторыя каманды наўмысна прайграваць, каб атрымаць лепшае месца на Чэмпіянаце Сьвету. Таксама гэта робіць больш цікавым працэс "жывога" лёсавання.

Еўр: Еўропа
Амер: Амерыка
Афр: Афрыка
АзА: Азія/Акіянія
Дад: Дадатковае месца

Выбары

Выбары праводзяцца ў пачатку сэзона, пачынаючыся праз 2 дні пасля фіналу Чэмпіянату Сьвету. Кожны другі сэзон Вы выбіраеце трэнера асноўнай зборнай, і кожны два сэзону - трэнера зборнай U21. Кожны трэнер выбіраецца на тэрмін у 2 сэзону, заканчваючы сваю працу прыкладна праз тыдзень пасля фіналу Чэмпіянату Сьвету. Памятаеце. што для магчымасці галасаваць на выбарах трэнера зборнай, Вы павінны гуляць у Hattrick не менш аднаго сэзону.

Моц голасу

Вы можаце прагаласаваць толькі адзін раз на выбарах. Аднак гэта галасаванне можа атрымаць дадатковую вагу ў канчатковым падліку. Гэтая сістэма моц голасу ўзнагароджвае за прыхільнасць гульні, але асноўная прычына гэтага складаецца ў тым, каб абцяжарыць маніпуляванне выбарамі.

Калі вы з'яўляецеся мясцовым карыстальнікам, вы атрымліваеце свой першы голас пасля 1 сэзона ў гульні. Затым вы атрымліваеце другі пасля 5 сэзонаў, трэці пасля 10 сэзонаў і чацвёрты пасля 15 сэзонаў. Такім чынам, мясцовыя каманды могуць атрымаць у агульнай складанасці 4 галасы.

Калі ў вас ёсць дадатковая каманда ў другой лізе (акрамя Hattrick International), вы атрымліваеце свой першы голас пасля двух сэзонаў і другі і апошні галас за выслугу гадоў пасля 10 сэзонаў.

Усе карыстальнікі таксама атрымліваюць да двух галасоў за ўдзел, у залежнасці ад таго, наколькі актыўна кіраўніцтва каманды. Мы не будзем тлумачыць, як менавіта яны працуюць, каб было складаней імі маніпуляваць, але яны былі распрацаваны так, каб іх было вельмі лёгка рэалізаваць для любой нармальна кіраванай каманды, але вельмі стомна, калі вы падтрымліваеце набор фальшывых каманд. Звярніце ўвагу, што як карыстальнік вы не ўбачыце дакладную вагу вашага голасу, мы проста раслумачым прынцыпы, якія ляжаць у аснове сістэмы.

Зборная каманда

Трэнер зборнай адбірае да 26 любых гульцоў (з каманд з уладальнікамі) сярод гульцоў з падыходнай нацыянальнасцю. Аднак, гульцы зборнай U21 павінны быць не маладзей 19 гадоў, а гульцы старэйшай зборнай - не маладзейшы за 22 гадоў. Пасля адбору гульца трэнер зборнай можа ўбачыць тыя ж параметры гульцоў зборнай, што і ўладальнік каманды, якой належыць гулец.

Кожная нацыянальная каманда мае свой уласны досьвед расстаноўкі, і ў пачатку кожнага кантынентальнага чэмпіянату і Кубка сьвету / Кубка нацый у нацыянальных трэнэраў будзе каля тыдня, каб вырашыць, якія 6 пабудоў будуць мець узровень "значна", у той час як астатнія будуць пачынаць з "дрэнна". Ёсьць два перыяды селекцыі: першы - ад дня заканчэньня выбараў да дня скіду каманднага духу і каманднай упэўненасьці перад першым матчам на кантынентальным чэмпіянаце. Другі пачынаецца на 12-м тыдні да дня скіду каманднага ладу і ўпэўненасьці ў камандзе на 13-м тыдні.
Зьвярніце ўвагу, што штодзённыя абнаўленьні каманд NT/U21 адбываюцца кожны дзень у 03:00.

Наяўнасць гульца зборнай у камандзе

Калі адзін з Вашых гульцоў трапляе ў зборную каманду, яго магчымасць выступаць за Вашу каманду захоўваецца. Гульні зборнай і гульні клубаў праводзяцца ў розныя дні, таму Вы заўсёды можаце выстаўляць яго на поле. Матчы за зборныя не дадуць Вашаму гульцу трэніровак, аднак у яго будзе рызыка атрымаць траўму ў гульні зборнай.

Калі гулец Вашай каманды гуляе за зборную, Ваш клуб атрымлівае некаторыя бонусы:

- Вы атрымліваеце кампенсацыю зарплаты гульца ў 33% ці 40% у залежнасці ад таго, гуляе ён за мяжой або ў сваёй краіне.

- Гулец атрымлівае вялікі досьвед. Колькасць досьведу залежыць ад узроўню матчаў, у парадку змяншэння гэта фінал і паўфіналы Чэмпіянату Сьвету, групавыя гульні Чэмпіянату Сьвету, фінал, паў- і чвэрцьфіналы чэмпіянатаў кантынента, групавыя матчы чэмпіянатаў кантынента, матчы Кубка Нацый і, нарэшце, таварыскія гульні зборнай.

- Калі гулец атрымлівае траўму і вымушаны пакінуць поле ў матчы зборнай, клуб атрымлівае кампенсацыю ў памеры 100% заробку, памножанай на плануемы час аднаўлення ад траўмы. Гэтая кампенсацыя выдаецца ў дадатак да стандартнай.

У таварыскіх матчах зборных ігракі не атрымліваюць траўмы.

Памятаеце, што вы не павінны падрываць гульню нацыянальных зборных, сабатуючы гульцоў зборных, якія знаходзяцца ў Вашай камандзе. Адміністратары зборнай, у якасці крайняй меры, маюць права выстаўляць гульцоў на свабодны трансфер у выпадках сабатажу.

Калі Вы плануеце балатавацца на пасаду трэнера зборнай, ці проста хочаце больш падрабязна вывучыць механізм нацыянальных зборных, прачытайце правілы для нацыянальных зборных.

Расклад Чэмпіянату Сьвету - Сэзон 1

Расклад Чэмпіянату Сьвету - Сэзон 2

Матчы

У Masters могуць прымаць удзел да 256 каманд, матчы праходзяць па кубкавай сыстэме. Усяго гуляецца 8 раўндаў. Пры лёсаваньні няма ані пасеву, ані ранжыраваньня, а гульні праходзяць на нэйтральных палях.

Калі каманд для першага раўнда недастаткова, некаторая колькасьць каманд (абіраецца выпадкова) пачынае турнір адразу з другога раўнда. Калі каманда пазбаўляецца ўладальніка, альбо зьмяняе яго, яна не ўдзельнічае ў Masters. Калі каманда выйграе ў адным сэзоне і кубак і чэмпіянат, то яна становіцца адзіным прадстаўніком краіны на Masters.

Асаблівасьці правілаў Masters

Наступныя правілы дзейнічаюць толькі для матчаў Hattrick Masters:

Карткі і пашкоджаньні: Карткі ня ўлічваюцца (акром чырвоных картак у час гульні, зразумела ж), а вось пашкоджаньні гульцоў нікуды не зьнікаюць.

Камандны лад: Загады гульцам "Матч сэзону" (МС\MOTS) і "Гуляць напаўсілы" (ГН\PIC) ня ўплываюць на камандны лад як у звычайным матчы. Уплыў каманднага ладу - такі ж, як і ў звычайным матчы.

Трэніроўкі: Гульні Masters ня ўлічваюцца пры правядзеньні трэніроўкі.

Прыбытак ад удзелу ў Masters

Прыбыткі дзеляцца пароўну паміж гаспадарамі і гасцямі. Лепшыя каманды да таго ж яшчэ атрымоўваюць прызавыя, памеры прызавых глядзіце ніжэй.

Каманда-пераможца Hattrick Masters атрымлівае 800 000 US$, за другое месца выплочваецца 400 000 US$. Каманда, якая выбудзе ў паўфінале, атрымае 200 000 US$, у чвэрцьфінале - 100 000 US$, у адной восьмай - 50 000 US$.

Заснаваньне дадатковага клюба

Заснаваць дадатковы клюб можна ў любы час. Ваш дадатковы клюб можа гуляць у той жа краіне, што і ваш асноўны клюб, ці ў іншай краіне, калі там ёсьць вольныя месцы.

Дадатковы клюб з самага пачатку будзе мець пэўныя грашовыя сродкі (як і любая іншая новая каманда), а ўладальнікам ня трэба будзе атрымліваць ліцэнзію мэнэджэра.

Агульныя правілы

Вы можаце мець два дадатковых клюба.

Вы не зможаце здзяйсняць ніякіх трансфераў паміж Вашымі камандамі і не зможаце купляць гульцоў, якія даюць грашовае паступленне іншай Вашай камандзе за родны або папярэдні клуб.

Дадатковы клюб у адной краіне

Ваш асноўны і дадатковы клюбы ня змогуць гуляць у адной лізе, сустрэцца ў кваліфікацыі ці ў кубку (за выключэньнем фіналу). Абодва клюбы могуць гуляць у адным дывізіёне (II, III, IV), аднак у розных лігах.

У малаверагоднай, але не немагчымай сітуацыі, калі тры каманды аднаго карыстальніка трапляюць у паўфінал, відавочна, адна з каманд будзе супрацьстаяць сястрынскай камандзе.

Калі адзін клюб гуляе ў вышэйшай лізе, а іншы атрымаў права на павышэньне ў гэтую лігу, гэтае павышаньне ня будзе задаволена. Замест гэтага, месца дастанецца камандзе зь ліку тых, хто павінен быў апусьціца з вышэйшага дывізіёна, і заняла найвышэйшае месца. Гэта будзе апрацавана пасьля таго, як будуць згуляны кваліфікацыйныя матчы.

Калі абодва клубы выходзяць у Вышэйшую лігу адначасова, то туды патрапіць толькі асноўны клюб.

Дадатковы клюб у іншай краіне

Колькасьць месцаў для дадатковых каманд "замежных" мэнэджараў у пэўнай краіне залежыць ад колькасьці каманд, якія не выкарыстоўваюцца ў гэтай краіне, што ў сваю чаргу зьвязана з памерам краіны і колькасьцю карыстальнікаў, якія ўжо гуляюць у гэтай краіне.

Мінімум 50% клюбаў у краіне зарэзэрвавана мясцовым карыстальнікам. Гэта значыць, у краіне з 168 клубамі, мясцовым карыстальнікам зарэзэрвавана 84 клюбы (астатнія 84 клюбы могуць атрымаць ва ўласьнікі любога, мясцовага ці замежнага мэнэджэра). Калі ў краіне запоўнена 90% месцаў, рэшта свабодных каманд рэзэрвуецца мясцовым карыстальнікам.

Зьмена лігі

У дадатковых клубаў існуе магчымасьць абмену лігамі (калі гэта магчыма) у пэрыяд абмену лігамі ў міжсэзоньне. Абмежаваньні - вы ня можаце зьмяніць уласную лігу на тую, у якой гуляе ваша другая каманда.

Сьцягі

Сьцягі зьбіраюцца клюбамі асобна, дадатковы клюб зьбірае ўласную калекцыю сцягоў.

Гуляючы супраць дадатковага клюба вы атрымліваеце сьцяг гэтак жа, як і гуляючы супраць любой іншай каманды. Дадатковы клюб, у сваю чаргу, атрымлівае адпаведны сьцяг.

Дасягненьні

Дасягненьні зьбіраюцца мэнэджэрам, такім чынам яны назапашваюцца на карыстальніку, а не на яго клюбах.

Галасаваньне на выбарах

Калі ў вас ёсць дадатковая каманда ў іншай лізе (акрамя Hattrick International), вы атрымліваеце свой першы голас праз два сэзоны і другі і апошні пасля 10 сэзонаў.

Банкруцтва

Калі ваш асноўны клюб становіцца банкрутам, вы страціце доступ і да сваёй дадатковай каманды.

Калі ваш дадатковы клюб становіцца банкрутам, можна пачынаць кіраванне іншым дадатковым клюбам праз 16 тыдняў ад даты пачатку кіраваньня папярэднім клюбам (гэта значыць, калі вы кіравалі бягучым дадатковым клюбам больш за 16 тыдняў, вы адразу можаце пачаць кіраваць новым).

Спыненьне кіраваньня дадатковым клюбам

Вы ў любы момант можаце зачыніць сваю другую каманду. Але ў гэтым выпадку вам прыйдзецца чакаць як мінімум 16 тыдняў з моманту стварэння папярэдняй каманды, каб адкрыць новую. Нельга закрыць дадатковую каманду, калі ў ёй ёсць гульцы, выстаўленыя ў дадзены момант на трансфер.

Пратэрмінаваная падпіска Platinum / Diamond

Калі ваша Platinum ці Diamond падпіска завяршаецца, вы застаяцеся мэнэджэрам дадатковай каманды яшчэ на адзін тыдзень, пасьля гэтага тыдня вы больш ня зможаце ім кіраваць. Праз 7 тыдняў пасьля заканчэньня тэрміну дзеяньня сыстэма адключыць ваш дадатковы клюб. Калі вы на працягу гэтых 7 тыдняў зноў набудзеце Platinum, дадатковую клубную ліцэнзію або Diamond, вы зноў атрымаеце доступ да дадатковага клюба. Але калі вы гэтага ня зробіце, клюб застанецца без гаспадара, і вы ня зможаце ў яго вярнуцца.