O doprìn i cookies - nus judin a dati une esperience di zûc plui biele.
Doprant il nestri sît tu acetis che o memorizedin cookies sul to aparât.

Vuide rapide

Cheste e jê la vuide rapide di Hattrick. Par informazions plui detaiadis viôt il manuâl.

Il to rûl

Tu tu sês il gjestôr de scuadre e tu sês responsabil di dut ce che al rivuarde la scuadre. Tu decidis tatichis e strategjiis, tu decidis il tip di alenament e cuâi zuiadôrs che a van in cjamp. Tu compris e tu vendis i zuiadôrs, tu gjestissis il stadi e tant altri.


Bêçs

I bêçs a son impuartants, duncje pense ben a cemût che tu ju spindis. Un bon consei al è chel di no spindi fintremai che no tu ses sigûr di ce che al è impuartant e di cemût che al è miôr doprâ i bêçs.

Tu cjapis bêçs des partidis, dai sponsor, dai tifôs e vendint zuiadôrs. I bêçs a son doprâts par fa front aes spesis: stipendis dai zuiadôrs, staff, manutenzion dal stadi - e ancje par investî su gnûfs zuiadôrs e mioraments dal stadi.


Zuiadôrs

Cjapiti il timp par cognossi i tiei zuiadôrs e lis lôr abilitâts. Frache sui leams des abilitâts par viodi a ce pont che a son. Il to alenadôr al à selezionât chei che secont lui a son i zuiadôrs clâf, par judâti a scomençâ.

La pluipart dai tips di zuiadôr e à bisugne di plui abilitâts, ma in prin cîr di concentrâti su chês primariis:


Posizion Abilitât principâl
Portîr Paradis
Difensôrs Difese
Centricjampiscj Regjie
Alis Cross
Atacants Atac

Partidis

Une stagjon di Hattrick a dure 16 setemanis: 14 zornadis di campionât, une setemane pai sparegjos e une setemane di polse. Tu zuis lis partidis di campionât tal fin setemane; amichevulis e partidis di cope si zuin vie pe setemane. Se e je une robe che tu âs di fa come gjestôr e jê che di fa la formazion pes partidis.

No sta a smenteâti di organizâ une amichevule ogni setemane, se no tu stâs zuiant in cope: e jê une robe svelte se tu dopris i grups. Zuiâ lis amichevulis ti permet di alenâ plui zuiadôrs ogni setemane, e fa rindi al massim l'alenament al è impuartant par la indevant tal zûc.


Funzionament des partidis

A fale facile, une partide e je dividude in trê parts. In ognun dai doi timps al ven fat un ciert numar di atacs:

  • Il to centricjamp al lote cuintri chel dal aversari par vuadagnâ un atac e il plui fuart al à plui pussibilitâts di vê la miôr. La abilitât regjie dai centricjampiscj e fâs la diference in cheste ocasion.
  • Cuant che il to centricjamp al 'vinç' un atac, al ven decidût di ce tip di atac che si trate: çampe, drete, centri o tîr plaçât.
  • Il to atac pal setôr designât al ven metût a confront cun la difese dal aversari tal stes setôr. La abilitât atac dai tiei atacants e je la plui impuartante, e la abilitât cross des alis e jude une vore tai atacs laterâi.

Alenament

L'alenament al è l'imprest principâl par miorâ la scuadre, e al è ancje une buine maniere par vuadagnâ un franc (plui su chest chi sot).

Dato che tu âs une gnove scuadre ti consein di sielzi une abilitât "primarie" di alenâ, come paradis, difese, regjie o atac e tignî chest alenament par un pôc prime di cambiâ.

I efiets dal alenament e vegnin aplicâts une volte a setemane. Un zuiadôr al ricêf un alenament complet cuant che al zuie 90 minûts te posizion corete in partidis de setemane. Zuiâ plui di 90 minûts nol dâ nissun efiet in plui tal alenament. Par ricevi un alenament intîr in regjie al à di zuiâ come centricjampist centrâl, par ricevi alenament in atac al à di zuiâ come atacant e vie dilunc.


Trasferiments

Tu puedis comprâ gnûf zuiadôrs dal marcjât trasferiments che al è ancje al puest dulà che tu puedis vendi i tiei zuiadôrs. Un sugjeriment al è chel di controlâ il "confronte trasferiments" par fâsi une idee di trop che un zuiadôr al puest costâ normalmentri.


Dipendents

Assumi dipendents al pues judati a svilupâ la scuadre in manieris diferentis. I assistents alenadôrs e sveltissin l'alenament e a puedin sedi une buine sielte par une gnove scuadre. Plui brâf al è un specialist e plui alt al sarà il so stipendi. Specialiscj une vore brâfs e puedin costa une vore, duncje sta lontan di lôr se che no tu sês sigûr di vê verementri bisugn. Tu puedis cjata oplui informazions sui dipendents tal manuâl.


Stadi

A un ciert pont tu varâs bisugne di ingrandî il stadi, e un bon consei al è di fâlu cuant che tu scomencis a vêlu simpri plen. Fâlu prime al è come butâ vie i bêçs.


Zuiadôrs zovins

Tirâ su i tiei zuiadôrs zovins e je une maniere divertente di cjoli gnûfs zuiadôrs pe scuadre, ma dal moment che al coste avonde, ti conseìn di spietâ fintremai che tu âs capît ben cemût che al funzione il zûc, juste par no butâ vie bêçs di bant.


Strategjiis par costruî la scuadre

Come gnove scuadre, une buine strategjie e je chê di costruî pal divignî e no pal presint. Il futûr de tô scuadre probabilmentri al aparten ai zuiadôrs plui zovins, duncje costruî la scuadre atôr di lôr al è un bon pont di partence. Des voltis al conven vendi il miôr zuiadôr par ve bêçs di investî sui zovins..

Concentriti sul alenament e costruìs un toc di scuadre ae volte. Lasse che i tiei zuiadôrs plui fuarts a zuin tes partidis di campionâ e compre cualchi zovin (cun la abilitât che tu alenis al mancul passabil o bon) di fâ zuiâ tes amichevulis. Cuant che tu scomencis la tô cariere no jê une brute idee fa zuiâ i zovins ancje tes partidis di campionât, se tu âs avonde bêçs. Cul timp tu vendarâs chescj zovins (une volte che lis lôr abilitâts a saran aumentadis) par plui bêçs (si spere!) di ce che tu ju âs comprâts – e tu varâs la pussibilitât di rinfuarçâ la scuadre cun gnûfs zuiadôrs.

Dopre la formazion par in maniere di fâ rindi al massim l'alenament, al mancul tes partidis amichevulis. Par esempli, se tu alenis atac, fâs zuiâ une formazion cun trê pontis almancul une volte par setemane – in maniere che plui zuiadôrs pussibil e cjapedin l'alenament. E se tu alenis difese, zuie cuntune formazion cun cinc difensôrs.


 
 
Server 080