Regulis de cjase

Il to compuartament

Tu puedis fâ un grum di robis in Hattrick e cun Hattrick, ma par tignî il zûc divertent par ducj o vin bisugne di vê cualchi regule. Chestis regulis a son semplicis e avonde evidentis, e a valin in dut Hattrick. Hattrick al varès di jessi divertent e un puest sigûr, al di là de etât, dal ses, origjin o religjon. In pocjis peraulis, si spietìn che tu sedis zentîl, rispietôs, e soredut bon cui zovins e fruts che si zontin a Hattrick.

Cualsisedi utent che al va cuintri chestis regulis al podarès jessi butât fûr di Hattrick cun efiet imediât. Ten di ments che i GameMasters e àn l'autoritât assolude di decidi se cualchidun al stâ lant cuintri lis regulis.

A ti è severementri proibît, come zuiadôr di Hattrick, fâ une des robis che a vegnin.

• Inviâ menacis, insults o messaçs infamants vie pueste eletroniche, libri dai opsits, o cun altris mieçs, a altris zuiadôrs o tai forum di Hattrick. Fâ spam, che al vûl dî mandâ messaçs no stiçâts, come par esempli il mandâ messaçs di publicitât, domandâ amichevulis o domandâ di sedi supuartât. Al è ancje proibît vê un compuartament incivîl o doprâ peraulis, imagjinis resiaris.
• Cirî di sabotâ o freâ materiâl di proprietât de Hattrick Europe, o sburtâ altris a fâlu. Chestis proprietâts a son i servers, il software e dut ce che al è vuardât dal copyright.
• Fâ il scan dal sît, o creâ, distribuî e doprâ aplicazions che rindin automatichis parts dal zûc, fûr che no sedin stadis autorizadis dai svilupadôrs di Hattrick. No si puedin nancje inserî parts dal sît in altris sîts o aplicazions.
• Imbroiâ in cualsisei mût, par esempli provant a induvinâ la peraule clâf di un altri, o cirint di vuastâ il divertiment di chei altris.
• Ciri di acedi a informazion che no son mostradis tal sît, o ciri di meti dentri dât intun stîl simil. Tu puedis acedi a lis informazions o navigâ tal sît doprant un sgarfadôr o un program CHPP.
• Fâ acusis di barâ, fâ publicitât a bens reaî (chest al inclût ancje leams di cui tu puedis cjapâ beneficis) promovi ativitâts criminâls e/o droghis, mostrâ la pueste scambiade cui Uficiâi di HT, discuti di detais su lis decisions dai GM o MOD e fevelâ di decision specifichis.

Ultin ma no mancul impuartant, tu puedis vê dome un acont utent. Ancjemò, al è proibît controlâ plui di un acont. Se tu âs plui aconts, tu risclis la sospension di Hattrick. Nol jude se un dai tiei amîs al à regjistrât l'acont: si tu tu sês chel che lu controle (dant i ordins) tu sês considerât il paron. Il to acont al è considerât privât, al vûl dîsi che no tu puedis lassâ amîs o familiârs jentrâ e doprâlu, o dâlu vie a une altre persone. Al è proibît ancje comprâ zuiadôrs di amîs a un presit clarementri masse alt, ancje se tu âs dome voie di jessi zentîl! Se tu âs ricevût une ufierte masse alte par un tô zuiadôr, une buine robe e je contatâ subite i GM. Par contatâ un GameMaster, visite la nestre pagjine dai contats.

Par dutis lis situazions che no son descritis te regulis, i Uficiai di HT (GM, Mod, CHPP) e àn l'autoritât di risolvi lis situazions jenfri il spirt de regulis. Dutis lis conversazions cui Uficiai di Hattrick a son dal dut personâls e no puedin jessi publicadis o mandadis a altris par nissun motîf.