As túas tarefas básicas

O teu novo equipo

Rexións e clima

O teu equipo pertence a unha rexión, probabelmente a rexión coa que te sentes máis identificado. As rexións están aí para que poidas atopar xente da mesma zona ca ti. Outra función importante é que cada rexión ten o seu propio clima. Non hai rexións con mellor clima que outras, son todas igual de boas, así que non tes que preocuparte por faceres unha mala elección.

O clima afecta a varias cousas, pero principalmente ten influencia na asistencia aos partidos (cando chova, menos xente quererá ver os teus partidos). Na páxina de cada rexión podes ver o tempo que fai hoxe e unha predición do tempo que fará o día seguinte. Se hoxe brilla o sol é bastante probable que mañá tamén brille (comparado con outros tipos de tempo), así que o tempo non é completamente aleatorio.

Se queres, poderías cambiar de rexión en pretempada. De facelo, ten en conta que che custará 10 000 US$ e ademais o 3% dos teus socios daranse de baixa.

O noso mellor consello

Son bos os meus xogadores?

No fútbol real podes dicir que un xogador é un extremo bastante xeitoso ou un defensa impenetrable cando os ves xogar. No Hattrick facemos o mesmo para describir aos xogadores. Empregamos denominacións (e non soamente para os xogadores) e temos unha escala para tódalas posibles habilidades, que vai dende nulo até caralludo. Podes ver as escalas completa de tódalas variables no noso apéndice.

Xogadores distintos necesitan distintas habilidades.

Non todos os xogadores precisan ser bos en todas as habilidades, aínda que a resistencia é realmente importante para todos.  As veces é suficiente que un xogador sexa bo nalgunha habilidade (distinta da resistencia), pero sacarás o máximo proveito da meirande parte dos teus xogadores se son bos en varias habilidades.  Que habilidades (aparte da resistencia) benefician a un xogador depende da posición na que vaia xogar:

Porteiro:

Defensas centrais:

Defensas Laterais:

Mediocampistas:

Extremos:

Dianteiros:

Cambios nas habilidades

Idade

Personalidade

Experiencia

Os xogadores collen experiencia ó xogaren partirod importantes. Esta experiencia élles moi útil, por exemplo mellorando as súas capacidades para certos eventos especiais ou axudando a evitar a desorganización do equipo. A experiencia ten o seu valor aparte, desconectado das habilidades do xogador. Dependendo do tipo de encontro que sexa, cada encontro terá un efecto diferente na experiencia. En total, un xogador precisa de 100 puntos de experiencia para subir de nivel, e os puntos varian segundo o tipo de partido, como podes ver nesta táboa.

Índice Total de Habilidades (TSI)

Forma

Canta mellor forma teña un xogador, mellor renderá. Non é polo contexto físico, xa que non se refire a se un xogador está ben adestrado. A forma en Hattrick reflicte unha combinación de aspectos que fan posíbel ou evitan que un xogador acade o seu máximo potencial, como por exemplo a súa vida privada nese momento.

Na páxina do xogador podes ver a súa forma actual, que será a que teña durante os encontros. Un xogador excelente coa forma en nefasto é normalmente peor que un xogador pasable con forma en bo, por poñer un exemplo. A forma actual vese afectada negativamente pola porcentaxe de adestramento de resistencia do equipo. A máis resistencia, máis negativos serán os efectos sobre a forma.

Adicionalmente, existe unha forma oculta que é usada para valorar cara a onde tende a forma actual. Cada semana, durante o adestramento, a forma actual de cada xogador cambiará, tendendo cara a esa forma oculta. A forma actual non cambia de golpe á forma oculta. O cambio prodúcese por pasos en varias semanas, non obstante, canto máis lonxe estea da forma oculta máis grandes serán eses pasos.

Despois de que a forma actual cambie durante o adestramento existe a posibilidade de que tamén cambie a forma oculta para cada xogador individualmente. Tódolos xogadores teñen a mesma probabilidade de ter un cambio na forma oculta e non hai nada no que poidas intervir para modificar esta probabilidade. De todas formas, cando se establece que vai variar a forma oculta, hai varios factores que poden influír en cal será esa nova forma:

• Se o xogador participou nun encontro durante a semana. Isto é moi importante!
• Intensidade de adestramento - canto máis forte adestres, mellor forma en xeral terás.
• O teu adestrador - canto mellor sexa a súa habilidade de adestrador, mellor forma en xeral
• Preparador físico - un Preparador Físico está especializado en mellorar a forma.
• Adestradores auxiliares - tamén axudan a subir a forma

Especialidade

En torno á metade dos xogadores teñen unha característica chamada "especialidade", que afecta aos partidos. Un xogador con especialidad cobrará un suplemento do 10%. Hai 5 especialidades principais dispoñibles: "Técnico", "Rápido", "Xogo aéreo", "Potente" e "Imprevisible". Tódalas especialidades principais teñen un lado bo e outro malo, como se explica no capítulo dos Eventos Especiais. As especialidades poden ser moi útiles para certo tipo de tácticas, como se explica no capítulo de Tácticas.

Dúas inusuais especialidades conviven coas típicas: "Rochoso" e "Patrón". Os xogadores coa especialidade Rochoso recupéranse das lesións lixeiramente máis rápido que o resto de xogadores e son máis resistentes ás que poidan sufrir durante os encontros. Os Patróns tratan de axudar ós compañeiros que teñen máis preto no campo. Se todo sae ben, farán que os xogadores das zonas contiguas rindan mellor. Se o evento non ten éxito, podería provocar unha caída na organización do equipo.

Lesións

Ás veces, os xogadores máncanse. Pode chegar o caso, salvo que a lesión sexa moi leve, de que un xogador teña que perderse varios partidos a causa do tratamento. O perigo de lesións aumenta se o equipo aumenta a intensidade dos adestramentos ou se contratas adestradores auxiliares.

Os xogadores máis vellos tardan máis tempo en curarse. Podes contratar doutores que axuden os teus xogadores a repoñerse antes. Os doutores tamén axudan a reducir o risco de lesións. Con todo, os xogadores que andan cerca dos 40 anos teñen moito máis difícil a súa recuperación ou incluso non recuperarse. Lembra tamén que o tempo de lesión é soamente unha estimación - se o teu dianteiro estrela ten unha lesión dunha semana poida que tarde 8 ou 9 días en recuperarse de novo.

Cartóns amarelos e vermellos

O árbitro poden amoestar ou expulsar aos teus xogadores durante os partidos. Os máis agresivos (especialmente se son tamén pouco honestos e teñen pouca experiencia) reciben máis amoestacións que o resto. Dous cartóns amarelos durante un partido levarán automaticamente a que o xogador sexa expulsado. Se un xogador é expulsado perde o seguinte partido oficial por sanción. Un xogador será tamén suspendido por un partido se acumula tres amoestacións en partidos oficiais durante unha tempada. As amoestacións recibidas na liga, na copa ou nos partidos de promoción se contan todas xuntas. Se un xogador viu xa dous cartóns amarelos en partidos de liga e recibe un terceiro cartón en copa na mesma tempada, perderase o seguinte partido oficial, sen ter en conta se é un partido de liga, de copa ou de promoción.

Podes comprobar na lista dos teus xogadores cantas amoestacións teñen acumuladas antes dun partido. Se un xogador ten xa 3 amoestacións aparecerá cun cartón vermello, para indicarche a súa suspensión. Despois dun partido oficial tódolos xogadores suspendidos serán perdoados. Tódalas amoestacións son perdoadas tamén ao final dunha tempada. A efectos de sancións, non se contan os partidos amigables, nin para sumar amoestacións nin para perdoar suspensións. En caso de venta/compra, as tarxetas mantéñense.

Aliñación inicial e substitucións

Incomparecencias (Walkovers)

Elixindo a aliñación do equipo

Tácticas e actitude do equipo

Orde "Marcaxe ó home"

Ordes individuais

Conceptos básicos da simulación dos encontros

Os ataques normais

Vantaxe do equipo local

Psicoloxía e mentalidade do adestrador

Ao que deberías prestarlle atención é ás cualificacións do equipo

Despois da disputa dun encontro, obteredes unhas cualificacións do equipo para cada parte do equipo. Estas cualificacións informaranvos do nivel de rendemento das diferentes demarcacións do teu equipo e esas cualificacións son tamén o que determinan na actualidade o cálculo do encontro.

As denominacións das cualificacións dos partidos divídense en catro subniveis: moi baixo, baixo, alto e moi alto. Sabendo que a escala vai dende nulo até caralludo, é sinxelo coñecer como son as túas cualificacións, dentro duns rangos. Por exemplo, unha cualificación de "bo (moi alto)" é lixeiramente peor que un "excelente (moi baixo)", pero bastante mellor que un "pasable (moi baixo)"

Cualificación en Estrelas

Despois dun partido os teus xogadores reciben unha cualificación en estrelas polo seu rendemento durante o mesmo. A máis estrelas, mellor actuación.

Ten en conta que as estrelas só valoran o rendemento individual do xogador na súa posición e son de utilidade para comparalas con outros xogadores que xogaran na mesma posición. De todos xeitos non é o mellor camiño para evaluar o rendemento do equipo, para comparar a nivel global ese rendemento (e a súa vez comparalo con outros equipos) debes mirar as cualificacións do equipo.

Debes ter en conta tamén que os efectos do equipo (coma a perda de contribución para máis dun xogador na posición central, ollar o capítulo básico de aliñacións) non se ven reflectidos nas cualificacións.

Un caso normal

En resumo, o estado do medio do campo decide o número de oportunidades que o teu equipo producirá durante un encontro. As outras partes do equipo decidirán a probabilidade de que eses ataques se convertan en goles.

A seguinte táboa axudarache algo cando fagas a aliñación. Ten en conta que só se trata dunha aproximación.  Algúns niveis de habilidades seguindo a outros poden significar só lixeiras diferenzas no rendemento, mentres que para outros as diferenzas poderían ser moito maiores. Ademais, as ordes individuais ou a perda de contribución para dous ou máis xogadores na posición central (ver o capítulo previo) non foron tomadas en consideración.

Idade do xogador e nivel de habilidade

Os xogadores máis novos xeralmente aprenden máis axiña que os máis vellos, pero a velocidade de aprendizaxe do teu xogador nos adestramentos tamén depende do nivel que teña na habilidade en cuestión. Canto máis baixo estea ese nivel, máis rápido adestrará.  Adestrar en niveis moi baixos é, a miúdo, varias veces máis rápido que facelo en niveis de habilidade medios, mentres que o adestramento en niveis moi altos é máis lento que en niveis medios.

Intensidade do adestramento

Canto máis duro adestres, mellor será a forma do equipo en xeral, e os efectos do adestramento incrementaranse. Ti decides a intensidade do adestramento indicando un número entre 0 e 100.  Un alto nivel na intensidade fará que o risco de lesións aumente. Terás que decidir ti mesmo que nivel de intensidade é o apropiado para o teu equipo. Tamén podes preguntarllo a outros mánagers nas conferencias.

Tipo de adestramento

Equipo de adestradores

Adestramento de resistencia

A resistencia debe ser adestrada cada semana, como unha porcentaxe do adestramento total do equipo. A súa eficiencia caerá para niveis máis altos de intensidade. É mellor adestrar un pouquiño cada semana que moito de cando en cando.  Os xogadores máis vellos precisarán de máis adestramento cada semana para manter un certo nivel de resistencia, o que, á súa vez, significa que cada mánager terá que atopar o seu adestramento de resistencia particular adaptado ao seu equipo e obxectivos.  Os xogadores que participasen polo menos 90 minutos durante a semana recibirán o 100% do efecto do adestramento de resistencia do equipo. Os que xogasen menos de 90 minutos, os substituídos, por exemplo, recibirán un 75% do efecto do adestramento, ao que se lles engadirá unha bonificación por cada minuto que estivesen no campo. O resto de xogadores do equipo que non disputasen ningún minuto durante a semana pero que estean en condicións de adestrar (mancados inclusive) recibirán a metade do efecto. Os xogadores lesionados non recibirán nada do adestramento de resistencia.

Principios básicos

A cantidade de adestramento que recibe un xogador depende do número de minutos que xogara co teu equipo durante a semana na posición que esteades a adestrar. Os encontros xogados con outros equipos contarán unicamente para a actualización da forma, e non se recibirá adestramento ningún. Se un xogador non ten alomenos un minuto de xogo durante a semana, non adestrará nada. Un xogador pode recibir 90 minutos (como máximo) de adestramento durante unha semana. Xogar máis de 90 minutos na posición que se adestra non dará máis adestramento. Xogar menos dos 90 minutos, por exemplo 50, si que dará menos adestramento, neste caso 50 minutos sobre 90.

Se un xogador participou en máis dunha posición diferente durante a semana, os 90 minutos que lle dan a maior cantidade de adestramento elixiranse na actualización do adestramento. Os comportamentos individuais dos xogadores durante os partidos non afectan o adestramento.

Os xogadores na posición de extremo recibirán só a metade do adestramento cando adestren xogadas. O mesmo ocorrerá cos defensas laterais cando adestren extremo.

Non ten importancia se o encontro no que participou o xogador era amigable, de copa ou liga, son todos igual de efectivos desde o punto de vista do adestramento. Con todo, se non tes os xogadores necesarios para comezar un encontro de competición daráselle a vitoria ao equipo contrario por non presentarte (walkover) e perderás o adestramento correspondente a ese encontro. Por outro lado, se fas a aliñación e o teu rival non, gañarás por incomparecencia do rival e os 11 xogadores titulares recibirán o adestramento completo, pero naturalmente non recibirán experiencia.

Parénteses indican efectos pequenos. Dobres parénteses indican efectos moi pequenos.

Exemplo

O equipo adestra «Extremo» esta semana. Ten en conta que o día exacto do encontro pode variar: Domingo refírese ao encontro de liga do fin de semana, mentres que Mércores é o encontro amigable ou de copa de metade da semana.

• Mario Marpapu xogou 90 minutos como extremo o Domingo e non xogou o encontro do Mércores. Este xogador recibe 90 minutos completos de adestramento de extremo.
• Carlos Cotroso xogou 90 minutos como extremo o Domingo e 90 minutos como dianteiro o Mércores. Este xogador recibe 90 minutos completos de adestramento de extremo.
• Nacho Díaz xogou 50 minutos como extremo o Domingo e 90 minutos como defensa lateral o Mércores. Este xogador recibe 50 minutos completos de adestramento de extremo máis 40 minutos dun adestramento de extremo pero cun rendemento menor.
• Alfonso Daniel Rodríguez xogou 40 minutos como extremo o Domingo e 90 minutos como dianteiro o Mércores. Este xogador recibe 40 minutos completos de adestramento de extremo e 50 minutos residuais dese mesmo adestramento.
• Castelao Galiza xoga 90 minutos como defensa lateral tanto o encontro do Domingo coma o do Mércores. Só recibe 90 minutos de adestramento de extremo cun efecto menor.
• Manolo Cabesón non xogou nin o domingo nin o mércores. Non mellorará a súa habilidade.

Baixada de habilidades

Cando un xogador chega a unha idade preto dos 30 perde un chisco de habilidades cada semana. A magnitude da perda depende do vello que é o xogador e do alto que sexa o nivel de habilidade no que estea. Canto maior sexa o nivel de habilidade, a perda será maior. Os xogadores máis vellos tamén sofren maiores baixadas que os máis novos.

Habilidades do adestrador

Habilidade: Un adestrador xeitoso coñece os mellores métodos para adestrar os seus xogadores para facelos mellores. Canto máis talento teña o teu adestrador, máis efectivo será o adestramento. A habilidade máxima dun adestrador é excelente (nivel 5). Tódolos novos equipos comezan cun adestrador pasable (nivel 3).

Liderado: Aparte de planificar o adestramento, o teu adestrador tamén ten un papel como inspirador do xogo dos teus xogadores. O espírito do teu equipo verase beneficiado, en xeral, se o teu adestrador ten un bo liderado.

Mentalidade: O teu adestrador pode ser ofensivo, defensivo ou neutro, o que soamente afecta á actuación do teu equipo durante os partidos. Un adestrador ofensivo mellora o teu ataque en detrimento da túa defensa e un defensivo mellora a defensa a cambio de perder un pouco de ataque. Un adestrador defensivo mellora a defensa un chisquiño máis do que un ofensivo mellora o ataque, tendo os dous a mesma perda. O neutro non é nin ofensivo nin defensivo, o que quere dicir que non axuda a ningunha parte do equipo, pero tampouco penaliza ningunha.

Perda de habilidades

Tras cumplir unha tempada no equipo, o teu adestrador comezará a perder paulatinamente o seu liderado. Cando chegue a liderado arrepiante, comezará a diminuír o seu nivel de adestrador.

Cambio de adestrador

Se non estás satisfeito co teu adestrador sempre poderás ou contratar a un novo adestrador de fóra do club ou facer a un dos teus xogadores adestrador. Para poder facer adestrador a un dos teus, o xogador deberá levar polo menos 16 semanas no club. Podes cambialo na pestana de «Empregados», dentro do menú «Club».

Lembra que tódolos adestradores novos dun certo nivel de habilidade son iguais. Se contratas un adestrador de habilidade pasable (nivel 3), por exemplo, vai ser pasable "medio" (ten en conta que un adestrador excelente -nivel 5- soamente é medio nivel mellor que un bo).

Cando contrates un novo adestrador, o teu vello adestrador permanecerá no equipo como un xogador máis, pero nunca poderá volver a ser o teu adestrador e tampouco poderás vendelo. Se non queres que permaneza no teu equipo, terás que despedilo.

Contratar un adestrador de fóra

Cando contrates un novo adestrador o primeiro que tes que decidir é de que estilo de xogo queres que teña, e despois decidir como de bo o queres. Cada combinación de liderado e habilidade ten un prezo fixo, canto mellor sexa o adestrador, tamén será máis caro.

	Liderado
Nivel	pobre (3)	feble (4)	insuficiente (5)	pasable (6)	bo (7)
	10 000 US$	10 000 US$	10 000 US$	10 000 US$	10 000 US$
	10 000 US$	22 800 US$	41 200 US$	65 100 US$	94 600 US$
	79 600 US$	182 800 US$	329 700 US$	521 000 US$	757 100 US$
	268 700 US$	617 100 US$	1 112 900 US$	1 758 500 US$	2 555 500 US$
	4 000 000 US$	4 388 400 US$	7 914 600 US$	12 505 200 US$	18 172 500 US$

Converter un xogador en adestrador

Cando convertes a un xogador no adestrador do teu equipo manterá o seu nivel de liderado. Canta máis experiencia teña, máis barato será o curso de adestrador. Por iso se tes un xogador moi experimentado e cun nivel alto de liderado pode ser todo un choio. En calquera caso, un xogador non pode acadar un nivel de adestrador maior có seu nivel de experiencia e ademáis non poderás convertelo en adestrador ata que non leve no equipo polo menos unha tempada completa (16 semanas).

Ingresos e gastos

Na sección de finanzas podes ver o estado actual das túas contas así como o da pasada semana. Isto é o que significan os distintos epígrafes:

Ingresos

Venda de entradas: Os ingresos dos partidos de Liga na casa e dos partidos de metade de semana. Olla o capítulo 10 'Estadio' para máis información sobre este tipo de ingresos.

Patrocinadores: Cada semana consegues unha suma de diñeiro dos patrocinadores do club. Repasa o capítulo de 'Seareiros e patrocinadores' para saber máis sobre isto.

Venda de xogadoress: Cando vendes un xogador, os ingresos amósanse aquí. Olla o capítulo 'Traspasos' para máis información.

Comisión: Se recibes cartos pola venda dun xogador que estivo no teu equipo ou por ser o club de orixe amosarase aquí. Olla o capítulo de 'Traspasos' para máis información.

Outros: Calquera outro ingreso acumularase aquí, coma por exemplo as cotas dos socios e os cartos por premios.

Gastos

Salario dos xogadores: Cada semana deberás pagarlle o seu salario aos xogadores do equipo. O seu salario base será de 250 US$ máis unha bonificación en base ás súas habilidades e á súa idade. Os xogadores estranxeiros cobran ademais un 20% que se engade automaticamente ao seu salario.

Mantemento do estadio: O custo semanal por manter funcionando o estadio. Olla o capítulo 10 'Estadio' para ter máis información.

Construción do estadio: Aquí amosaranse os custos de ampliar ou reducir o tamaño estadio no caso de facelo.

Empregados: Cada empregado custarache entre 1 020 US$ e 33 840 US$ á semana, dependendo do seu nivel de habilidade (1 a 5) e da duración do seu contrato (1 a 16 semanas).

Rede de olladores: Custo semanal da túa Academia de Xuvenís ou do teu investimento na Rede de Olladores.

Novas fichaxes: Amosaranse aquí os custos polo traspaso de xogadores. Mira o capítulo sobre 'Traspasos' para máis información.

Outros: Os custos extraordinarios acumúlanse aquí, coma por exemplo o despedimento de empregados ou o custo de promover xogadores ao primeiro equipo.

Xuros: Se tes débedas, terás que pagar os xuros que ocasionen. Súmanse neste apartado.

Reservas na caixa e Reservas da Xunta Directiva

A Xunta Directiva limita o diñeiro disponible na caixa para o mánager, para gastos tales como salarios, traspasos ou ampliacións do estadio. Todos os activos por enriba deste activo circulante (o diñeiro disponible), será reservado pola Xunta Directiva para asegurar a viabilidade futura do club. Se o precisar, a Xunta liberará cartos das reservas cara ó activo circulante, pero co límite máximo dun porcentaxe das reservas cada semana (tipo de retorno).

O Director Financieiro—ó cal podes asinar como empregado—pode aumentar tanto o activo circulante como o tipo de retorno das reservas de caixa.

Débedas e bancarrota

Podes seguir gastando cartos incluso se o saldo da túa conta chega a cero euros —ata -200.000€ se non tes poxas activas por algún dos teus xogadores—. De feito, tes aberta unha liña de crédito de 500 000 US$ no banco, pero terás que pagarlles un elevado tipo de xuro polos cartos que che empresten. Se as túas débedas pasasen dos 500 000 US$, daranche un aviso de creba. Pero ten coidado, se non conseguises volver a un saldo inferior a eses 500 000 US$ de límite nas dúas semanas posteriores ao aviso de creba, perderías o teu equipo de Hattrick! Ten en conta que se un equipo nesa situación ten xogadores á venda con poxas suficientes como para alcanzar esa "zona segura", ou ten cartos nas reservas da Xunta Directiva, o equipo non entrará en bancarrota (aínda que seguirá pagando intereses).

Ánimo dos seareiros

Os seareiros marcarán moito a evolución das finanzas do equipo. As cotas de socio (30 US$ por socio) páganse unha vez por tempada, pero o máis importante é que o seu ánimo fará moito á hora dos ingresos pola venda de entradas.

O camiño máis doado para manter alto o seu ánimo e atraer a máis seareiros, é cumprir (ou inclusive superar) as súas expectativas. O ánimo actual dos seareiros pode ser ollado na páxina dos seareiros.

Expectativas dos seareiros

Ao comezo de cada tempada os seareiros transmitiranvos o que esperan do equipo. As súas expectativas dependen sobre todo do que ocorreu na última tempada, das expectativas que tiñan os seareiros e do que o equipo chegou a conseguir.

Segundo o teu equipo ascenda ou descenda de división os teus seareiros hanse adaptar paseniño á nova situación. Se es un equipo con pouco tempo na categoría os seareiros non esperarán demasiado de ti. Pero se estás na mesma división ano tras ano, os seareiros tenderán a desexar un pouquiño máis.

Expectativas do encontro

De agora en diante as expectativas da tempada inflúen nas expectativas de cada encontro. Na páxina dos seareiros pode verse o que eles esperan de cada encontro. Por norma xeral, os seareiros esperan máis do equipo cando xoga na casa.

Se non hai sorpresa no resultado do encontro, os seareiros estarán ledos no caso de gañar (e non se sentirán moi decepcionados se as expectativas de perder cúmprense cunha derrota). Se o resultado é mellor do esperado estarán aínda máis felices. Pero se o resultado é peor do que esperaban afectaralles negativamente ao seu ánimo. Nas primeiras xornadas da liga a reacción dos teus seareiros será un pouco máis moderada que máis tarde na tempada.

Ao comezo da tempada as expectativas dos encontros faranse en función das esperanzas dos seareiros de ámbolos dous equipos (o local e o visitante). Ao longo da tempada a posición actual na Liga e a cantidade de puntos de ámbolos dous equipos irán cobrando máis forza. Nos encontros de Copa, as expectativas dos seareiros calcúlanse só en función das expectativas para a tempada de ámbolos dous equipos, tendo en conta a división na que se atopa cada equipo.

A actitude do equipo e os cartos que teñas na conta inflúen nos seareiros

A reacción dos seareiros tamén varía en función do resultado do encontro e tendo en conta se o teu equipo "xogou relaxado" ou xogou "o encontro da tempada". No caso de que o resultado sexa o esperado, ou incluso mellor, "xogar relaxado" diminuirá os efectos positivos e polo contrario xogar como "encontro da tempada" aumentará eses efectos positivos.

E no caso de que o resultado sexa peor do esperado, "xogar relaxado" aumentarán os efectos negativos e pola contra xogar "encontro da tempada" diminuirán eses efectos negativos.

Se tes cartos a esgalla na túa conta, os seareiros han ser un pouco máis difíciles de compracer xa que son sabedores de que hai cartos para investir e acadar éxitos. Os seareiros de "equipos ricos" teñen unha reacción máis forte ao perder e máis feble ao gañar ca un "equipo pobre". Cantos máis cartos ten o equipo, máis fortes son esas reaccións a perder ou gañar.

Patrocinadores

Os ingresos por patrocinio sonche unha fonte moi importante de ingresos para ó teu club. Canto máis éxito teña o teu club, máis pagarán os patrocinadores. Estes tamén compiten entre eles e teñen diferentes estratexias de recompensa, algo que os mánagers máis agudos poderán empregar no seu beneficio propio.

Na semana 16, xusto antes do comezo da nova tempada, os patrocinadores faranlle diferentes ofertas ó club con vistas a temporada entrante.

Todos os equipos da mesma división teñen a mesma probabilidade de recibir unha determinada oferta, aínda que os importes variarán segundo o número de seareiros—aparte da división. Isto significa que todos os equipos recibirán unha selección de ofertas única, polo que os mánagers deberán pensalo dúas veces antes de decidirse por unha.

Todos os contratos teñen un ingreso fixo semanal. Aparte disto, tamén terán un ou varios bonus por obxectivos. Algúns deles serán doados de acadar, mentres que outras seranche máis complicadas—pero a recompensa tamén será moito maior. Os contratos rematan ó final de cada tempada, cando recibirás unha nova rolda deles.

Se non escolles ningún contrato, a Xunta o fará por ti—escollendo o contrato con menor risco e tamén menor beneficio potencial.

Ingresos e gastos

O estadio pode ter catro tipos de bancadas, cada unha con diferente afluencia de público e custo de mantemento semanal (o cal hai que pagar sempre).

Nos informes dos encontros que se xogan como local pódese ver cantos asentos foron vendidos por cada tipo de bancada. Os ingresos dos partidos son distribuídos de xeito diferente entre os clubs dependendo do tipo de partido que se estea a xogar:

Encontros de Liga: O equipo local lévase tódolos ingresos.

Encontros de Copa: O equipo local lévase os 2/3 dos ingresos e o equipo visitante 1/3, salvo nas últimas seis rondas, que son neutrais e a recadación repártese ó 50%.

Amigables e encontros de promoción: Os ingresos son repartidos a partes iguais.

Asistencia de público

A cantidade de espectadores que acudan aos teus partidos dependerá dos teus seareiros. O seu estado de ánimo e o teu número de socios son os factores máis importantes á hora de determinar a asistencia de público. Para partidos de liga tamén se teñen en conta a túa posición actual na liga e a diferenza entre a túa posición e a do teu opoñente.

O estado de ánimo e o tamaño do club de seareiros do teu rival tamén se teñen en conta, algún deles quererá vir ao encontro! Convén saber que a asistencia aos estadios aumenta conforme vai pasando a tempada. En xeral, obterás mellores asistencias ao campo cara ao final da tempada que ao principio.

O tempo atmosférico, por suposto, tamén ten a súa importancia. Acudirán menos espectadores ao teu estadio con mal tempo, pero por outro lado, os que vaian estarán dispostos a comprar entradas máis caras e a sentarse baixo teito. Así que é posible que, a fin de contas, os ingresos sexan os mesmos con independencia do tempo, sempre que houbese suficientes localidades baixo teito a disposición.

Ampliar o estadio

Unha boa idea é ter diferentes tipos de bancadas para os teus seareiros. A maioría da xente quere mercar entradas para os fondos, polo tanto esa bancada debería ser a máis grande en número de asentos. Algunha xente só asiste a encontros se teñen uns sitios confortábeis (e incluso algúns demandan a maiores asentos baixo teito), así que se debería ter bastante capacidade nesas bancadas. Tamén está o grupiño "fashion", que só quere sentarse en palcos VIP, non son moitos pero non debes esquecerte deles. Aos asentos baixo teito e aos palcos VIP non lles afecta moito o mal tempo, ao revés que noutras bancadas.

Experiencia nas formacións

O teu equipo pode xogar coa formación que prefiras, pero os teus xogadores poden estar confusos e xogar por debaixo das súas capacidades se decides empregar unha formación que non coñezan o suficiente. Coller experiencia coas formacións e así evitar que se produza confusión simplemente é cousa de práctica. Gañarás experiencia nunha formación cada vez que a empregues (os partidos oficiais e os amigables teñen a mesma influencia; pero os torneos, escadas, pachangas ou a Hattrick Masters non contan). A cantidade de experiencia que consegues con cada formación depende dos minutos que xogases con ela (cun máximo de 90 minutos por partido), exactamente igual que co adestramento de xogadores. Se gañas por incomparecencia do rival, recibirás os 90 minutos de experiencia na formación sempre e cando a túa aliñación para ese encontro tivera polo menos 9 xogadores. Con todo, gañar experiencia faise mais difícil nos niveis altos. Se non xogas cunha determinada formación, a experiencia desa formación irá diminuíndo co tempo. Existe tamén o risco de perder experiencia nunha formación en calquera momento cando vendes un xogador.

Confusión

Se os teus xogadores non teñen a práctica suficiente coa formación empregada, arríscaste a provocar certa confusión que afectaría negativamente ao seu rendemento no terreo de xogo durante calquera momento do partido. Un nivel excelente de experiencia na formación (ou mellor) é suficiente para estares seguro. Para niveis máis baixos, o risco de provocar confusión aumenta canto máis baixo é o teu nivel de experiencia na formación. Se o teu equipo tivese unha experiencia total elevada (ler máis abaixo) o risco de sufrir confusión diminuiría.

No caso de confusión a experiencia da formación tamén inflúe no nivel de confusión dos xogadores. A menor nivel de experiencia da formación máis confusos estarán os xogadores. Cando o teu equipo teña confusión durante un encontro informarase do nivel de organización co que estea a xogar en cada momento. Un evento que diga que o nivel de organización do teu equipo é "feble" significa que é bastante baixo, porén, se di que é "bo" terá un efecto menor no rendemento do equipo. Se a confusión chega antes do descanso (ou antes da prórroga) o teu adestrador tentará solucionar a situación cun repaso á táctica nos vestiarios.

Experiencia individual dos xogadores

A experiencia afecta ás actuacións dos xogadores no campo. Conséguese xogando partidos. Os partidos da Copa Nacional e Divisional dan o dobre de experiencia que os encontros de liga. Os encontros das copas satélite e consolación dan a metade de experiencia que os encontros de liga. Un amigable internacional dá arredor dun quinto da experiencia que se pode obter cun partido de liga; nun amigable cun equipo do teu país conséguese arredor da metade da experiencia que nun amigable internacional. Os encontros de seleccións son os que reparten máis experiencia, seguidos dos da Hattrick Masters.

A cantidade de experiencia que gaña un xogador depende dos minutos que tivese xogado, ao igual que o adestramento. Un xogador non pode obter máis de 90 minutos de experiencia por partido.

O capitán e a experiencia total

Podes elixir o capitán do equipo para cada partido. Para escollelo debes reparar na súa experiencia e liderado, posto que os niveis do capitán nesas dúas habilidades contan máis á hora de calcular a experiencia total do equipo – o que pode previr ao teu equipo tanto de sufrir confusión como de poñerse nerviosos en partidos importantes e dramáticos. Nalgunhas ocasións, o equipo con menor experiencia total pode poñerse nervioso, e isto soamente acontece nas roldas finais da copa ou nos partidos de promoción. Se un equipo se pon nervioso, a diferenza entre os niveis de experiencia dos dous equipos determinará o nivel de nerviosismo. Este fenómeno nunca poderá aparecer nos encontros de liga nin nos amigables.

O capitán ten que estar na aliñación coa que comezas o partido. Se non seleccionaches un capitán os xogadores farano por ti rifándoo xusto antes de comezar o partido.

Lanzadores de penaltis

Os partidos de copa e os de promoción poden rematar cunha rolda de penaltis se despois da prórroga aínda hai un empate no marcador. Ti elixes os lanzadores a través dunha pestana no formulario da aliñación. Cando os elixas lembra que non hai unha situación con máis tensión que unha rolda de penaltis e que cada penalti, a diferenza do que ocorre no tempo normal do partido, é unha proba para os nervios e a experiencia do tirador. Ademais da experiencia tamén inflúen nestas situacións límite tanto a anotación como a habilidade en balón parado. Tamén inflúe favorablemente se o xogador é técnico. Para os gardametas, tan só e importante a habilidade de portería e a especialidade rápido.

Lanzamentos de balón parado

Algunhas das túas oportunidades normais rematarán nun lanzamento de balón parado. O mesmo que na vida real, podes sacar un bo proveito de ser bo neste tipo de lances do xogo. Hai dous tipos de lanzamentos de balón parado: directos e indirectos.

Lanzamentos directos

Saques de falta indirectos

Arredor de unha de cada tres das túas oportunidades a balón parado serán saques indirectos de falta. O éxito nestas ocasións depende do esforzo de todo o equipo. Para o ataque empréganse, en orden de importancia: a habilidade de balón parado e de anotación de tódolos xogadores de campo e a habilidade de balón parado do teu lanzador de faltas. Para defender utilízanse (en orde de importancia): a media de defensa dos xogadores de campo, as súas medias en balón parado, o nivel de portería do gardameta e, por último, o seu nivel de balón parado.

Eventos especiais

Ademais das ocasións normais, tamén pode ser que ocorran "eventos especiais". Estes eventos poden darse en cada encontro e dependen das características dos xogadores, en particular, das súas especialidades. Isto fai que compoñer un equipo que teña un bo balance nas especialidades sexa unha parte máis da estratexia do xogo.

Hai dous tipos de eventos especiais: eventos de equipo e eventos individuais. A probabilidade de acadar un evento especial de equipo dependerá da posesión de balón (se tes una posesión do 55%, tes un 55% de probabilidades de conseguir un evento especial de equipo).

O evento especial individual ríxese polas especialidades que teñan os xogadores que están no campo. Ter moitos xogadores con especialidades pode darte vantaxe, pero non é suficiente. Debes asegurarte tamén de que teñan o nivel suficiente en certas habilidades para que ocorran. É moi importante atopar o equilibrio entre as especialidades dos teus xogadores.

Cada vez que un evento especial teña lugar nun encontro, as probabilidades de que ocorra outro son máis baixas.

Condicións meteorolóxicas

Algunhas especialidades son máis adecuadas para certas condicións climáticas. O rendemento de tódolos xogadores que teñan unha especialidade susceptible de ser afectada polas condicións meteoróloxicas do momento sufrirá unha penalización dende o comezo do encontro.

Técnico: Os xogadores gañan un 5% de rendemento en todas as súas habilidades nos días de sol, pero perden esa mesma porcentaxe coa choiva.

Potente: Os xogadores rinden un 5% máis nos días de choiva e perden esa mesma porcentaxe co sol.

Rápido: Os xogadores perden un 5% da súa contribución tanto nos días soleados como nos de choiva.

Cando as condicións meteorolóxicas afecten a algún xogador, verás o reporte asociado no encontro e tamén a variación no rendemento nas estreliñas e nas cualificacións do encontro.

Eventos especiais de gol

As especialidades (e outras características dos xogadores) poden facerche gañar oportunidades de gol adicionais. Ademais do que se enumera a continuación, o xogador que ten a ocasión (normalmente, pero non sempre, o mesmo xogador que a crea) tamén necesita de algo da habilidade de anotación para marcar nese tipo de ataques.

Imprevisible: Este tipo de xogadores empregan a súa habilidade de pases para crear pases longos inesperados—no caso dos porteiros, defensas laterais e defensas centrais—, e a súa habilidade de anotación para interceptar o balón—no caso dos mediocentros, extremos e dianteiros. Se son xogadores de campo, a súa imprevisibilidade pode tamén crear ocasións da nada.

Por outra banda, canto máis baixo o nivel de defensa dos teus defensas e mediocentros, máis posibilidades haberá de que fagan o parvo e provoquen unha ocasión de gol en contra.

Por último, extremos e dianteiros con pouco nivel de pases poderán crear o caos na túa defensa, resultando nun gol en propia porta.

Rápido: Os mediocentros, extremos ou dianteiros rápidos poderán crear unha oportunidade tirando proveito da súa velocidade. Isto podería ser contrarrestado polo equipo contrario se un defensa (central ou lateral) que tamén sexa rápido estea atento para paralo. Os mediocentros, extremos e dianteiros rápidos daranche tamén un pulo no teu nivel de contraataque. Ó mesmo tempo, este pulo poderá ser reducido ou neutralizado se o teu opoñente tamén ten mediocentros, defensas e/ou porteiro rápidos (só o nivel extra, nunca reducirá o nivel inicial da táctica).

Técnico: Os mediocentros, extremos e dianteiros técnicos poderán crear ocasións de gol se teñen enfronte un porteiro, defensa ou mediocampista con especialidade en xogo aéreo—non ten por qué ser na posición oposta exacta. Por outra banda, cada defensa ou lateral técnico darache unha pequena posibilidade de crear un contraataque non táctico a partires dunha oportunidade fallada polo teu opoñente. Canto máis pases teña o defensor, maior será a probabilidade de que esto aconteza.

Extremo: Un extremo co suficiente nivel de habilidade en extremo pode crear oportunidades de gol que deberán ser rematadas por outro extremo, un centrocampista ou por un dianteiro. Se o outro xogador ten a suficiente habilidade de anotación, haberá máis posibilidades de que a xogada remate en gol, e se é especialista en xogo aéreo o terá aínda máis fácil para anotar.

Córner: Para marcar nun lanzamento de córner, terás máis posibilidades canto máis alta sexa a habilidade de balón parado do teu lanzador, e canto máis alta sexan as túas cualificacións ofensivas de faltas indirectas. Hai dous tipos de córner, nun deles, canto maior número de xogadores de campo coa especialidade de xogo aéreo teñas—sen contar ó teu lanzador—, e menor número de xogadores con esa especialidade teña o opoñente, máis probabilidades terás de marcar. Non ter ningún especialista en xogo aéreo fará o teu equipo moi feble defendendo os córner e tentando marcar as túas propias oportunidades nos córner que teñas.No outro tipo, a probabilidade de marcar dependerá na habilidade de anotación que teña o receptor do córner. Ten en conta que os corners terán un risco extra de provocar un cartón amarelo para o equipo atacante, pero se o xogador xa ten un cartón irá cun chisco máis de coidado, polo que o risco de segunda amarela será máis baixo.

Experiencia: Os dianteiros poden marcar un gol empregando a súa experiencia. Pola contra, os defensores pouco experimentados pódenlle dar oportunidades extra ao teu opoñente.

Cansazo: Os defensores e mediocampistas centrais que estean fatigados poden cometer erros. A non ser que o atacante estea tamén cansado de máis, pódese crear unha ocasión de gol para o teu opoñente.

Outros eventos nos partidos

Hai tamén algúns eventos que poderían ocorrer durante o partido. A probabilidade de que ocorra un destes eventos non depende das cualificacións de medio campo, polo que as túas opcións de que ocorran non aumentan inda que domines o medio do campo.

Contraataques: Aínda que non empregues a táctica de Contraataques, tes algunha oportunidade de ter algún contragolpe durante un partido. Estes contragolpes independentes da táctica non requiren que o teu equipo perdese o medio do campo, como pasa cos contragolpes normais. Le o capítulo O encontro: Tácticas para ter máis información sobre os contraataques.

Tiros de lonxe: Aínda que non empregues a táctica de Tiros de lonxe, tes a oportunidade de que durante un partido che apareza algún. Le o capítulo O encontro: Tácticas para ter máis información sobre os Tiros de lonxe.

Os Mediocentros potentes, xogando coa orde en defensivo—tamén chamados pivotes defensivos ou MauroSilvas—poderán parar ataques do opoñente roubándolles a bóla. Se realizan esta presión con éxito, neutralizarán o ataque do opoñente. Para iso, dependerán en grande medida do seu nivel de defensa e de resistencia.

Os Dianteiros potentes, xogando coa orden normal—tamén chamados dianteiros tanque ou arietes—poderán corpear para gañar espazo no área e gañar o rexeite, creando así unha segunda oportunidade despois dunha ocasión normal fallada polo teu equipo. Para iso precisarán ter dabondo de xogadas e de anotación. Ten en conta que o seu despregue físico poderá provocar cartóns amarelos, pero se o xogador xa ten un cartón, tentará non meterse en leas e ir con máis coidado nesas situacións.

Terás unha penalización por ateigamento se pós no campo dous ou tres xogadores na mesma posición e cunha destas tes combinacións de especialidades e ordes: dianteiros defensivos técnicos, dianteiros normais potentes e mediocentros defensivos potentes. Se pós dous xogadores do mesmo tipo, a penalización será de 4% cada un, e se pós 3, dun 7,5% cada un.

Nivel das tácticas

A influencia da táctica no encontro virá determinada polo nivel que acaden os teus xogadores para esa táctica en particular. Este nivel determínase polas diferentes habilidades dos xogadores, xunto cunha bonificación pola súa experiencia.

Presión

Presión significa que os teus xogadores centraranse máis en destruír as oportunidades do teu contrincante máis que en crear as súas propias ocasións. Pode ser unha boa opción cando te sintas inferior ao teu rival e queiras que o marcador se manteña baixo.

Vantaxe: Podes reducir o número de oportunidades potenciais para o partido (para ámbolos dous equipos).

Desvantaxe: A resistencia dos teus xogadores diminuirá máis rápido do normal.

A ter en conta: O teu nivel de táctica na presión calcúlase tendo en conta o total de nivel de defensa e o total de nivel de resistencia de tódolos teus xogadores. Se un xogador é de especialidade "Potente" a súa defensa contará o dobre. Canto máis cansos estean os teus xogadores peor será a súa capacidade de presionar aos seus opoñentes.

Contraataques

Significa que voluntariamente deixas que o teu contrincante teña o control do balón para, tan pronto como o perdan nun dos seus ataques, saír rapidamente ao contragolpe. Xogar contraataques pode ser unha boa idea se tes unha moi boa defensa e ataque e un medio malo, especialmente se isto se combina con que o teu opoñente teña un ataque moi pouco efectivo.

Vantaxe: Podes conseguir oportunidades de marcar gol adicionais cando a túa defensa consiga parar un dos ataques do teu rival.

Desvantaxe: Perdes un 7% da túa capacidade no medio do campo.

A ter en conta: O teu nivel de táctica no contragolpe calcúlase tendo en conta a suma total das habilidades de pases e defensa dos teus defensores. Para estes cálculos pases ten o dobre de importancia que defensa.

Atacar polo medio

Atacando polo medio (Attacking in the middle ou AIM en inglés) significa que o teu equipo buscará a maioría das súas ocasións polo centro do campo, descartando moitas veces atacar polas bandas. Noutras palabras, cambias ataques polas bandas a cambio de ataques polo medio. Cada vez que ocorre esta redirección, as probabilidades de unha segunda diminúen.

Vantaxe: Ao redor dun 15-30% dos teus ataques polas bandas serán convertidos en ataques polo medio.

Desvantaxe: A túa defensa lateral polas dúas bandas empeora un pouquiño.

A ter en conta: O teu nivel táctico en ataques polo centro calcúlase tendo en conta o total do nivel de pases de tódolos teus xogadores de campo.

Atacar polas bandas

A táctica "Atacar polas bandas" funciona do mesmo xeito que “Atacar polo medio” pero ao contrario; é dicir, que consegues dirixir as túas ocasións ás bandas. Como normalmente hai menos ataques polo medio que polas bandas, a porcentaxe de ataques que se converten é algo maior neste caso. Cada vez que ocorre esta redirección, as probabilidades de unha segunda diminúen.

Vantaxe: Ao redor dun 20-40% dos teus ataques polo medio serán convertidos en ataques polas bandas.

Desvantaxe: A túa defensa central perde algo de eficacia.

A ter en conta: O teu nivel táctico en ataques polas bandas calcúlase tendo en conta o total do nivel de pases de tódolos teus xogadores de campo.

Xogar creativamente

Xogar creativamente (XC) significa que os teus xogadores tentarán aproveitar máis as súas especialidades e doutras habilidades.

Vantaxe: Increméntanse as oportunidades de que ocorran eventos especiais durante o partido para os dous equipos, pero o teu terá máis probabilidades de conseguilos (tanto positivos como negativos).

Desvantaxe: O teu equipo defende un pouco peor neste encontro.

Tiros de lonxe

Cando se xoga coa táctica de tiros de lonxe (LS en inglés) os teus xogadores reciben instrucións de facer un xogo máis directo cara a portería tentando máis tiros de lonxe en vez de rematar as ocasións cun ataque máis elaborado. Noutras palabras, cámbianse ataques que serían polas bandas ou polo medio por tiros de lonxe. O tiro de lonxe enfronta aos disparadores contra o porteiro. Isto pode ser útil se tes dificultades en marcar atacando polo medio ou polas bandas, pero tes a disparadores decentes.

Vantaxe: A táctica de tiros de lonxe transforma até ao redor dun 30% dos ataques polo medio e polas bandas en tiros de lonxe.

Desvantaxe: Os teus ataques polas bandas e polo medio, ao igual que o medio do campo, serán un pouco peores.

A ter en conta: O nivel de táctica en tiros de lonxe calcúlase tendo en conta o nivel de anotación e de balón parado dos xogadores de campo. A anotación é tres veces máis importante que o balón parado.

Cando un ataque se converte nun disparo de lonxe, calquera equipo defensor que utilice a táctica de presión ten a posibilidade de evitar o lanzamento. Se o disparo non se evita, un xogador de campo (os medios e os extremos teñen o dobre de posibilidades) realiza o disparo. A calidade do disparo depende das habilidades de balón parado e anotación do lanzador, mentres que o porteiro tentará parar o tiro usando as habilidades de balón parado e portería. Tanto para o que dispara coma para o porteiro é necesario un pouco das dúas habilidades, sendo mellor que teña algo das dúas que só moito de unha.

Tódolos tiros de lonxe son informados durante as crónicas dos partidos, incluíndo as oportunidades desperdiciadas.

Substitucións programadas

Preparando unha substitución

Preparando un cambio no comportamento

Podes programar até cinco ordes distintas os xogadores

Os cambios fanse cando as condicións establecidas ocorren

Todas as túas ordes os xogadores levaranse a cabo durante o partido tan pronto como as condicións que estableceras antes do partido sucedan. Se as condicións non se dan, os cambios que prepararas tampouco se farán. Se programas unha substitución para o minuto 65 con calquera resultado, o cambio farase no minuto 65. Se a túa orden é que o cambio se faga despois do minuto 70 se o teu equipo vai gañando, a substitución farase en calquera momento despois dese minuto en canto as outras condicións tamén se cumpran. Así que se te adiantas no marcador no minuto 80, a substitución levarase a cabo nese momento.

Ten en conta que se programas dúas ordes para o minuto 70, un se vas gañando e outro se gañas por máis dun gol, e nese momento vas por diante 3-0 faranse os dous cambios que tiveras planificados.

OLLO Ó DATO: se puxeches dúas ordes con exactamente as mesmas condicións (por exemplo, mesmo minuto e resultado), estas NON serán executadas ó mesmo tempo, senón na orde na que foron creadas.

Non podes reaccionar ante as lesións

Espírito do equipo

O ambiente que rodea ó equipo ten unha gran influenza sobre o rendemento do equipo. O espírito de equipo afecta ás cualificacións do medio campo, canto mellor espírito teñas mellor renderá o mediocampo. Isto determinará a cantidade de posesión de pelota que obterás. O espírito do equipo á súa vez pode verse afectado por varias cousas, en particular polo liderado do teu adestrador, a actitude do equipo que escollas para o encontro, os traspasos e o psicólogo.

Confianza

Actitude do equipo

Antes de cada encontro debes dicirlle ao teu equipo como de importante é ese encontro. A actitude do equipo afecta a canta posesión de balón terás. Existen tres posibilidades:

Encontro da Tempada: Os teus xogadores farán calquera cousa por gañar este partido. Non obstante, inmediatamente despois do partido o espírito do equipo caerá, o que significa que os teus xogadores non estarán no seu mellor estado para os seguintes encontros.

Normal: Os xogadores tomaranse o encontro como un máis.

Xogar relaxados: Os teus xogadores reciben instrucións de tomarse o encontro sen tensión, de cara a outros encontros posteriores máis importantes. Inmediatamente despois do encontro o espírito do equipo subirá e os xogadores estarán mellor preparados para os seguintes encontros.

Personalidade do xogador

Eventos psicolóxicos nos partidos

Os desenvolvemento do encontro pode afectar ó rendemento do equipo mais aló das indicacións do adestrador. Estes eventos psicolóxicos poden ter un grande impacto no partido en si, pero non afectarán nin ó espírito do equipo nin á confianza, só ó encontro que se está a disputar. Cando un equipo obteña unha vantaxe de dous ou máis goles comezará de xeito automático a perder o seu ímpeto atacante e a ir cara atrás para centrarse máis na defensa. Este efecto aumentará se a vantaxe tamén aumenta: por cada gol que incremente a vantaxe, o teu ataque baixará nun 9%, e a defensa subirá nun 7,5%. por gol. Por outra banda, se o opoñente consegue reducir a vantaxe, producirá o efecto contrario. Hai un límite máximo de 8 goles de diferencia, a partires do cal as cualificacións deixarán de cambiar.

En certas situacións, os equipos poden aturar este efecto psicolóxico. Se o equipo ten a orde "Encontro da Tempada", non se botarán atrás aínda que leven unha ampla vantaxe. O mesmo acontece se o equipo está a xogar as finais da Copa Nacional, a Copa do Mundo, a Hattrick Masters ou calquera outra copa nacional, e tamén se está a xogar o último encontro de liga da tempada. Na Copa do Mundo non ocorrerá nas semifinais, e na Copa de Nacións e Continental non pode pasar dende os cuartos de final.

Ademais, un equipo que estea a xogar mal de carallo na primeira parte podería ter unha boa bronca do adestrador durante o descanso, facéndolles reaccionar na segunda metade.

Exceso de confianza

No caso de que o teu rival sexa un equipo en peor posición ca ti e a túa confianza sexa forte ou mellor, os teus xogadores poden ter exceso de confianza e xogar por debaixo da súa capacidade normal. O risco de ter exceso de confianza depende da diferenza de puntos e de posición entre os dous equipos, e tamén do teu nivel de confianza e da actitude do teu equipo para o partido. Canto máis grande sexa a diferenza, máis altos os niveis, etc, entón o risco será máis alto tamén. O único xeito de evitar por completo o exceso de confianza é xogando "partido da tempada".

No caso de que subestimes ao teu rival, a diferenza de puntos, o nivel de confianza, a actitude do equipo e se xogas fóra ou na casa, determinará o nivel dese exceso de confianza. Dependendo de como vaia o partido podes recuperarte no tempo de lecer: recuperación completa se perdes, de 2/3 en caso dun empate e de 1/3 se gañas por un.

Ten en conta que o exceso de confianza pode ocorrer só en partidos de Liga, pero non ocorrerá nas tres primeiras xornadas.

Vender a un xogador

Para vender un xogador hai que poñelo no mercado de fichaxes, e para facelo tes que ir á páxina do xogador que queres vender. Indicar o prezo que pides por el e por último colócalo no mercado. Para ter unha idea do valor do xogador, podes usar a ferramenta "Comparación de traspasos" onde se nos suxerirá un prezo realista. Para poder vender un xogador, ten que ter disputado como mínimo un partido co teu equipo e non podes poñelo á venda máis veces que partidos tivese xogado. Esta limitación non se aplicará a xogadores promovidos da túa canteira ou a xogadores que xa estaban no teu equipo cando te fixeches cargo del. O xogador estará no mercado de fichaxes durante 3 días, e despois iríase ao club que ofrecese máis cartos por el, sempre e cando alguén poxase por riba do teu prezo inicial. Un xogador vendido é transferido inmediatamente ao seu novo club cando a poxa remata, a non ser que un dos equipos implicados estea xogando un partido nese momento, en cuxo caso, chegará en canto remate o partido. Se non se encontra comprador, o xogador queda no teu equipo. Unha vez posto un xogador á venda tes 10 minutos para cancelalo se o fixeches por erro, sempre e cando non haxa ningunha puxa xa por el. En caso de cancelalo, perderás os cartos da fianza.

Mercar un xogador

Para mercar un xogador visita o Mercado de fichaxes baixo o menú de O meu club, ou a través do menú O mundo, ou na icona da esquina superior dereita. Procura o tipo de xogador que queres e, para facer unha oferta, introdúcete na páxina do xogador premendo no seu nome. Debes superar a poxa como mínimo en 1 000 US$ ou nun 2%, a cantidade que sexa maior das dúas. Se non hai ningunha poxa actualmente, podes igualar o prezo solicitado, sempre que ese sexa igual ou superior a 1 000 US$. Tes que ter en conta que a suma das túas poxas máis os soldos dos xogadores polos que estás a poxar (sempre se paga o primeiro salario inmediatamente despois da merca) non poden superar os 200 000 US$ de débeda.

Podes poxar por un xogador ata que remate o prazo. Se alguén fai unha oferta a menos de tres minutos do límite, este prazo amplíase por outros tres minutos desde o momento no que se fixese a poxa.

Poxas automáticas

As poxas automáticas funcionan da mesma forma que calquera poxa normal. Se estableces unha poxa máxima, o sistema automaticamente poxará por ti cando sexa necesario, sempre aumentando a poxa anterior na cantidade mínima posible (un 2%, 1 000 US$ mínimo).

Podes cambiar (tanto incrementar coma diminuír) a túa poxa máxima en calquera momento, pero, por suposto, non podes eliminar a túa poxa (máis alta) actual. A túa poxa máxima só pódela ver ti, os demais mánagers só poden ver a poxa actual.

Só podes ter unha poxa automática á vez. Se a túa poxa máxima alcanzou o seu máximo, xa non contará como poxa automática e poderás establecer outra distinta se queres.

Para casos especiais (como cando dous equipos fan a mesmo poxa automática ou cando dous poxadores automáticos se enfrontan entre si), construímos unha especie de lóxica intelixente, aquí hai algúns exemplos que che axudarán a entender esta lóxica.

O axente, o club de orixe e as taxas de traspasos

Poñer un xogador á venda custa 1 000 US$. Despois de rematada a poxa, o axente do xogador, o club de orixe, e o anterior equipo do xogador recibirán todos a súa parte do prezo final. Na páxina do xogador podes ver sempre canto poderías conseguir se vendes ao xogador. Aquí están os básicos:

A cantidade que se leva o axente depende de canto tempo leva o xogador no teu equipo.

O club de orixe sempre se leva o 2% do prezo da venda. Cando es o club de orixe sempre se recibe ese 2% cada vez que o xogador é vendido. Recorda que isto ocorre despois da primeira venda, non mentras o teu canteirán estea no teu equipo.

O equipo anterior do xogador lévase sempre o 3% do prezo da venda. Cando o teu club é o equipo anterior os cartos que recibes dependen do número de encontros que disputou o xogador no teu equipo.

Olla o Apéndice 4. Taxas nos traspasos do manual para ter máis información.

Ingresos dos traspasos ás reservas da Xunta

En algunhas transferencias, a Xunta poderá decidir mandar parte dos cartos á reserva da Xunta, que poderán ser usadas pasado un tempo.

Isto ocorre só en algúns xogadores en concreto, e para a maioría de mánager é pouco probable.

A Xunta darache un toque—se é que procede—cando poñas un xogador á venda, e nese caso unha porcentaxe da futura venda irá ás Reservas.

A Xunta pode tomar esta decisión se pensa que un xogador está a ser comprado para especular ou gardar valor con el. Na súa opinión, o equipo non precisa ó xogador para competir—noutras palabras, o xogador é un «lingote de ouro».

Actualmente a Xunta só reterá cartos dos traspasos de porteiros—con alomenos bo Portería—ou futuros adestradores—alomenos insuficiente experiencia.

A Xunta mandará a Reservas unha porcentaxe da venda en función dos encontros xogados recentemente polo xogador traspasado no teu equipo.

Noutras palabras, no caso dun titular todos os cartos da posible venda estarán dispoñibles inmediatamente en efectivo—nada irá para a Reserva. Ten en conta que consideramos titular ó xogador que xogue alomenos 60 minutos no mesmo encontro unha vez á semana.

Os encontros non xogados por lesión non contarán para este cómputo. Polo contrario, cada semana sen xogar fará que un chisco máis dos cartos da venda vaian para a Reserva.

Nembargantes, se non se fai a venda e o xogador comeza a quentar o banco, tras dúas semanas sen xogar, o 12 % dos ingresos da súa venda irían a Reserva. Tras catro semanas bocexando no banco, o 24 % da súa venda irá ás Reservas. Se por contra o adestrador, farto das súas parvadas decide facelo xogar de novo, despois de seis partidos—de liga ou de copa—como titular, xa volvería a poder ser vendido sen que a Xunta retire nada para a Reserva.

n resumo, por cada dúas semanas de inactividade, o xogador precisará de tres semanas con alomenos unha titularidade en cada. Pola outra banda, se o xogador só xoga en amigables, levará o dobre en recuperar. Por último, se o xogador é Feito na Casa, a Xunta nunca levará cartos da venda—sexan cales sexas as súas habilidades. Isto tamén aplica a xogadores que chegaran ó teu club nas dúas últimas semanas e que aínda non tiveran tempo de chegar á titularidade.

Os traspasos poden afectar ao espírito do equipo.

Caídas dos servidores

Xogo limpo no mercado de fichaxes

Ter bos xogadores e ter cartos son aspectos básicos en Hattrick, o que fai que sexa moi importante que ningún equipo saque un beneficio anormal das súas actividades no mercado de fichaxes. Isto significa que está prohibido mercar xogadores a prezos inflados, así coma calquera outra actividade dirixida a proporcionar a un equipo calquera tipo beneficio anormal. Tan só os atributos do xogador, como son as habilidades, a idade, as peculiaridades, o potencial para ser seleccionado polo Equipo Nacional ou o Sub21 e todo o que teña influencia no xogo, será o que determinará o seu valor no mercado.

Os GameMasters están plenamente autorizados para cancelar ou axustar traspasos con prezos anormais, poñer multas aos equipos implicados ou incluso para expulsar aos seus donos do xogo. Se recibes unha destas poxas desorbitadas por algún dos teus xogadores, contacta cos GM inmediatamente. Para contactar cun GM fai o favor de visitar a nosa páxina de contacto.

A estrutura das divisións

O número de divisións na Liga pode ser diferente dun país a outro, pero a estrutura básica é sempre a mesma. Por exemplo, o sistema de divisións en Italia é así:

1 División I (Primeira)
4 Divisións II (II.1, II.2, II.3, II.4)
16 Divisións III (III.1, III.2, etc ata III.16)
64 Divisións IV (IV.1, IV.2, etc ata IV.64)
256 Divisións V (V.1, V.2, etc ata V.256)
1024 Divisións VI (VI.1, VI.2, etc. ata VI.1024)
1024 Divisións VII (VII.1, VII.2, etc. ata VII.1024
2048 Divisións VIII (VIII.1, VIII.2, etc. ata VIII.2048)
2048 Divisións IX (IX.1, IX.2, etc. ata IX.2048)
4096 Divisións X (X.1, X.2, etc. ata X.4096)
4096 Divisións XI (XI.1, XI.2, etc. ata XI.4096)

Se te fixas a partir da división VI, o número de grupos duplícase cada dúas divisións.

Ascensos, descensos e promocións

Se gañas na túa Liga ascenderás directamente a unha división superior ou xogarás a promoción. Os gañadores das Ligas da división II ata a división VI que teñan máis puntos ascenderán directamente, mentres que o resto promocionarán. Nas divisións máis baixas tódolos gañadores ascenden directamente. Nas divisións impares (VII, IX, etc) tamén os segundos ascenden directamente.

Os gañadores das Ligas que teñan que xogar a promoción veranse as caras cos 5º e 6º clasificados das divisións superiores. Sen contar aos equipos que ascenden directamente, sen promoción, o equipo campión coa mellor clasificación global enfróntase ao peor 6º clasificado, e o peor deses mesmos campións enfróntase ao mellor 5º clasificado. O equipo de superior categoría xoga na casa. Se gaña o encontro o que tenta ascender, os dous equipos intercambian os seus lugares na Liga. Se gaña o que loita por salvarse do descenso permanecen nas súas respectivas Ligas.

Se rematas nos postos 7º ou 8º, serás descendido á división inmediatamente inferior (agás se xa estás na última división). De 6ª división para arriba, o equipo coa mellor puntuación global de entre todos os descendidos (o mellor equipo daqueles que rematen en sétima posición) cambiará o seu posto co equipo que ascenda coa mellor clasificación global. O descendido coa peor clasificación, intercámbiase co peor clasificado dos que ascenden. Se descendes desde 6ª división (ou dunha división inferior) o equipo coa mellor puntuación global de entre todos os descendidos cambiará o seu posto co equipo con peor clasificación global dos que ascendan.

Nas divisións VII e IX, os equipos que rematen na 3ª e 4ª praza xogarán promoción, e así tamén nas divisións VIII e X, os segundos xogarán promoción.

Cambiar liga no periodo de cambio

Se o teu equipo compite nunha das tres últimas divisións da túa liga, é posible cambiar dunha a outra liga sempre que sexa na mesma división. Para que isto funcione, debe haber un oco libre na liga á que te queiras unir, algo que amosaremos na táboa da clasificación durante o periodo de cambio na pretempada. Se tes un equipo adicional como parte do teu Supporter, non poderás movelo á mesma división que o teu otro equipo.

Descenso e promoción de bots

Ao final de cada tempada, todos os equipos bot que haxa da división VI para abaixo descenderán á última división posible. A única excepción a isto encóntrase no cume da división VI, onde calquera equipo bot que quede campión do seu grupo poderá ascender ou xogar un partido de promoción, como de costume. Aos equipos bot da división V para arriba trátaselles da mesma forma que se trata os equipos dirixidos por mánagers humanos en canto aos ascensos e descensos se refire.

Ao tempo que estes bots descenden, outros equipos adicionais ascenderán de divisións inferiores, ocupando os seus lugares. Estes equipos serán seleccionados de entre un grupo de “Perdedores Molóns”, que veñen a ser os equipos que perderon os encontros de promoción, ou ás veces equipos que descenderon directamente. Podes rexeitar esta promoción na configuración do equipo.

Se hai máis bots que managers nas divisións non inferiores, o sistema pecha automaticamente a división inferior e, polo tanto, fai os preparativos necesarios.

Posto na Liga e Clasificación Global

Premios

Se rematas en primeira, segunda, terceira ou cuarta posición terás como recompensa un premio en metálico. A cantidade dependerá da posición que ocupes e en que división te atopas:

Premio polo ascenso

Se ascendes a unha división superior obterás unha prima polo ascenso a maiores do premio económico. Ademais, o ascenso tamén fará crecer o teu número de socios. Obterás un 10% máis de socios (ao igual que no caso de descender perderás o 10% dos teus socios). Se ascendes "pola cara bonita"—por exemplo, no caso de limpa de bots, ou por plazas extras temporais na Hattrick International—só obterás o incremento do número de socios.

Encontros de Copa

Os encontros de Copa dispútanse sempre entre semana. A primeira rolda da Copa Nacional e das Copas Divisionais sempre teñen lugar uns cantos días antes do teu primeiro partido de liga da tempada. As Copas Satélite confórmanse cos equipos eliminados tanto da Copa Nacional como das Divisionais. Por esa razón, a primeira copa Satélite comeza unha semana despois que as Copas Nacional e Divisionais. Existen copas Satélite distintas para a Copa Nacional e para cada unha das Copas Divisionais. Tanto a copa na que participarás como o teu primeiro rival seranche notificados cunha semana de antelación. Nas seguintes roldas, o próximo rival e a copa na que participarás seranche notificados pouco despois de rematar todos os encontros da rolda actual de copa.

Sedes da Copa

A principal regra é que o equipo máis forte que siga en Copa xogará contra o máis feble dos clasificados. Para decidir isto, usaremos o ranking da Copa, explicado un pouco máis abaixo.

Nas últimas seis rondas de Copa o ranking xa non influirá en xogar como local ou visitante, xa que tódolos partidos xóganse en campo neutral.

Sorteo de Copa

Como se decide o teu próximo rival na Copa?

Na primeira rolda de Copa, o equipo que teña o ranking máis alta xogará contra o máis baixo desa clasificación.

Antes de que comece a primeira rolda, xa estará feito o sorteo para a segunda rolda. Para este sorteo, dase por feito que tódolos equipos que estén nas posicións máis altas do ranking pasarán á seguinte rolda.

Se algún dos equipos co ranking máis baixo gaña na primeira rolda, heredará a plaza do seu oponente na segunda rolda, polo que podería implicar un enfrontamento máis sinxelo do agardado.
Así a todo, esta posible vantaxe non dura moito. Antes de que dé comezo a a segunda rolda faise o sorteo da terceira. E, de novo, tódolos equipos da parte alta do ranking son emparellados cos que queden da zona máis baixa.

A vantaxe principal deste sistema é que, para calquera rolda de Copa, tódolos equipos que estén a xogala saberán o que pode pasar na vindeira rolda se logran clasificarse. Sempre haberá outro partido que acabará por definir o enfrontamento da seguinte rolda.

Aquí tes un exemplo de como se fai o sorteo de Copa:

1. Na primeira rolda temos os seguintes 16 equipos e emparellamentos:

Primeira Rolda

Ranking16-Ranking1
Ranking15-Ranking2
Ranking14-Ranking3
Ranking13-Ranking4
Ranking12-Ranking5
Ranking11-Ranking6
Ranking10-Ranking7
Ranking9-Ranking8

Os posibles emparellamentos da Rolda 2, sorteados xa antes de que comezara a Rolda 1, son:

Ranking8-Ranking1
Ranking7-Ranking2
Ranking6-Ranking3
Ranking5-Ranking4

Así e todo, dous dos partidos acabaron en sorprendentes vitorias para os equipos que non eran favoritos—o Ranking14 e o Ranking16. Dada esta circunstancia, os encontros para a rolda 2 serán:

Ranking8-Ranking16
Ranking7-Ranking2
Ranking6-Ranking14
Ranking5-Ranking4.

Cando a terceira rolda esté creada, o sistema volverá a asumir que os equipos da parte máis alta do ranking gañarán e, polo tanto, formulará estos emparellamentos:

Ranking8-Ranking2
Ranking6-Ranking4

Se o Ranking16 volve a gañar, ocupará o lugar do Ranking8.
Se o Ranking14 volve a gañar, ocupará o lugar do Ranking6.

Ranking de Copa

O ranking de Copa úsase para crear o sorteo de Copa. É un ranking estático que non varía unha vez que da comezo a Copa. O primeiro factor a ter en conta é a división na que xoga o equipo durante a tempada actual. Despois diso, os equipos son clasificados nestes subgrupos:

1. Equipos activos descendidos
2. Equipos activos que non veñen nin de ascender nin de descender
3. Equipos que ascenderon por méritos propios
4. Equipos que obtiveron un ascenso extra (substituindo a un bot descendido)
5. Bots, no caso de que haxa vacantes

Os equipos de cada grupo dos anteriores son ordenados de acordo coa súa clasificación ó remate da anterior tempada, e esta clasificación mantense mentres dure a copa.

Unirse a unha copa secundaria tras caer eliminado

Para as copas Satélite e de Consolación, o momento de entrada ten que ver na orixe do ranking. Os equipos que entren máis cedo terán garantizado un ranking máis alto que os que se uniron máis tarde. O ranking de Copa de cada un deles sigue contando como tal, pero soamente para determinar a orde dos que entraron á vez.

Un exemplo sería que o teu equipo é quen de chegar ata a rolda 5 ou 6 da Copa de España, onde cae eliminado. Como a túa aventura copeira continúa nunha Copa Satélite con menor nivel, terás un ranking máis baixo comparado cos equipos que xa estaban a participar nesa copa. O equipo co ranking máis alto de aqueles que entraron na primeira rolda xogará contra o equipo co ranking máis baixo dos que acaban de incorporarse.

As diferentes Copas e os seus formatos

A copa máis importante de calquera liga é a Copa Nacional. Esta está aberta a todos os equipos desde 6ª División para arriba que teñan un mánager humano. Tan só os mellores equipos terán a oportunidade de gañar a Copa Nacional, pero calquera equipo que chegue lonxe nesta competición será ben recompensado.

Non obstante, se o teu equipo cae eliminado pronto da Copa Nacional, terás unha segunda oportunidade. Se es eliminado nunha das seis primeiras roldas da Copa Nacional, pasarás a disputar unha das tres Copas Satélite nacionais. Participar nas copas Satélite tamén vai ser moi atractivo para o teu club, aínda que os premios serán moi inferiores aos da Copa Nacional. De seres capaz, manterte na Copa Nacional sempre debería pagar a pena.

As tres Copas Satélite reciben orixinalmente os nomes de Esmeralda, Rubí e Zafiro. A Copa Esmeralda componse dos equipos eliminados da Copa Nacional na 1ª e na 6ª rolda. Os equipos eliminados na 2ª e na 5ª rolda pasan á Copa Rubí. E os equipos eliminados na 3ª e 4ª rolda pasan á Copa Zafiro. As tres copas dispútanse á vez xunto coa Copa Nacional, e haberá un gañador distinto en cada unha delas. Ten en conta que as copas Satélite poden ter nomes diferentes dos orixinais nalgunhas ligas.

Os equipos eliminados na primeira rolda da Copa Satélite Esmeralda e na primeira rolda da Copa Satélite Rubí pasarán a participar na Copa de Consolación. Esta copa non dará ningún premio en metálico nin ningunha outra gratificación, aínda que si se entregará un trofeo ao gañador.

Nas ligas con máis de seis divisions, organízanse Copas Divisionais a partir de 7ª División para abaixo. As Copas Divisionais seguen o mesmo padrón que a copa principal, con tres Copas Satélite: Esmeralda, Rubí e Zafiro, así como unha Copa de Consolación. A única diferenza é que o premio en metálico é inferior.

O tamaño das Copas vén determinado polo número de equipos xestionados por humanos que se clasifiquen para esta. O tamaño de Copa máis pequeno posible que dea cabida a todos os equipos humanos será o que se elixa. Unha vez incluídos todos os equipos humanos, encheranse os ocos libres con bots ata completar o cadro inicial.

1. Calcúlase o número de equipos clasificados xestionados por humanos
2. Elíxese o tamaño de copa máis pequeno que dea cabida a todos estes equipos
3. Na cadro da Copa, colócanse primeiro os equipos xestionados por humanos
4. Despois tírase dos bots "habituais" do sistema ligueiro
5. Se non fose suficiente, crearíanse novos equipos bot exclusivamente para a Copa

• Os eliminados na primeira e na sexta rolda da Copa Nacional integraranse na Copa Satélite Esmeralda.
• Os eliminados na segunda e na quinta rolda da Copa Nacional integraranse na Copa Satélite Rubí.
• Os eliminados na terceira e na cuarta rolda da Copa Nacional integraranse na Copa Satélite Zafiro.
• Os eliminados na primeira rolda da Copa Satélite Esmeralda e na primeira rolda da Copa Satélite Rubí integraranse na Copa de Consolación.

Efectos sobre o equipo

Un aspecto importante das Copas son as posibilidades tácticas que presentan. Aguantar na Copa durante moitas roldas posibilítache xogar encontros máis competitivos, o que implica ter máis oportunidades de aumentar a confianza e o espírito do equipo como preparación para a liga. Os encontros de Copa tamén lle achegarán máis experiencia aos teus xogadores, o que unido a unha maior recadación pola venda de entradas fai moi atractiva a aposta por permanecer moito tempo na copa. Con todo, non todas as Copas terán o mesmo impacto sobre o teu equipo.

Os cartóns e as lesións teñen todos os efectos en calquera das copas. Se recibes un cartón nun encontro de copa, o teu xogador estará sancionado para o vindeiro encontro ligueiro.

Espírito do equipo, confianza e ánimo dos seareiros: Tan só os encontros das Copas Nacional e Divisional terán un verdadeiro efecto sobre estes valores. Os encontros que se disputen en calquera outra copa terán o mesmo comportamento que un amigable, no que se refire ao impacto sobre o espírito do equipo, confianza e ánimo dos seareiros no futuro.

Experiencia: As Copas Nacional e Divisional danlle aos xogadores que participen no encontro o dobre de experiencia se se compara cun encontro de liga. Os encontros das Copas Satélite e de Consolación danlle aos teus xogadores a metade de experiencia da que obterían nun encontro de liga.

Ingresos da Copa

A venda de entradas supón un importante ingreso derivado dunha exitosa tirada copeira. Canto máis progreses en calquera Copa, máis espectadores acudirán polo que o beneficio xerado será maior. A Copa Nacional e as Copas Divisionais son moito máis atractivas para a afección que as correspondentes copas Satélite e de Consolación. Mentres que un encontro da Copa Nacional ou Divisional (polo menos nas últimas roldas) pode atraer a un número semellante de espectadores que un encontro de liga, as outras copas son máis parecidas a un amigable, no que se refire a afluencia de público. A Copa Nacional Satélite atraerá tres veces máis espectadores que un encontro amigable internacional. A Copa Nacional de Consolación atraerá dúas veces o número de espectadores dun encontro amigable internacional. A Copa Divisional Satélite atraerá dúas veces o número de espectadores dun encontro amigable internacional. A Copa Divisional de Consolación atraerá un 50% máis de espectadores que un encontro amigable internacional.

O equipo da casa obtén 67% da recadación por entradas e o equipo de fóra obtén 33%. Nas últimas seis roldas, os equipos dividen a recadación ao 50%. Por norma xeral, os seareiros non prestan moita atención ás dúas primeiras roldas de copa. Este interese irá aumentando a medida que se avance de rolda. Tamén é certo que os seareiros dun equipo de división inferior quererán ver un encontro contra un rival de superior categoría, pero isto non acontece ao contrario. Os mellores equipos da copa tamén reciben un premio en metálico segundo se mostra na táboa de embaixo. Non hai premio para o máximo anotador da copa.

Copa nacional

Conseguir un amigable

O xeito máis sinxelo de atopar un amigable é engadindo o teu equipo á bolsa de amigables na páxina de desafíos. Elixe o tipo de partido e de rival que che gustaría ter, e unha vez na bolsa, o teu equipo emparellarase automaticamente con outro concertando o amigable (tan axiña como atopemos un equipo que se axuste ás túas preferencias)

No momento que quedes eliminado da copa, e non teñas concertado aínda un amigable, poderás desafiar outros equipos que estean libres. Pode ser que algúns equipos non poidan ser desafiados debido as súas preferencias ou ao estado da Licenza de Mánager.

Todos os teus desafíos (incluídos os dos equipos que te desafiaron) amósanse na páxina de "Desafíos". No intre en que aceptes un desafío, este aparecerá no calendario de encontros e poderás seleccionar o teu equipo da forma habitual.

Amigables na pretempada

Durante as semanas 15 e 16 da tempada tamén terás a posibilidade de xogar encontros amigables na fin de semana sempre que non coincidan cun encontro de promoción.

Neste período, o xeito de desafiar a alguén será algo diferente. Cando prepares un desafío, terás unha nova opción onde podes escoller entre un amigable de entre semana ou de fin de semana.

O período durante o que poderás facer desafíos para os encontros da fin de semana—tanto nacionais como internacionais—, abrirase o luns ás 06:00 e durará ata o venres ás 23:59.

Tipos de amigables

Hai dous tipos de encontros amigables: o encontro normal e o encontro con regras de copa. Cando se xoga o amigable coas regras da copa, non caso de empate ao final do partido, haberá prórroga e mesmo penaltis.

Amigables internacionais

Pódese escoller xogar no estranxeiro, ou convidar a un equipo doutro país ao teu estadio. Se xogas no estranxeiro, o encontro disputarase á hora local de onde se xoga. Por exemplo, se vas xogar en Portugal, o partido xogarase á hora en que se disputan os encontros os Mércores en Portugal (neste caso 21:45 CET).

Independentemente do lugar de destino, a viaxe do teu equipo comezará contra as 18:00 (CET) do martes e o regreso será por volta das 08:00 (CET) do xoves. Os amigables internacionais deben estar planeados os martes antes das 18.00 (CET), e non poderás concertar ningún outro amigable ata que o equipo volva para casa o xoves. Se o teu equipo non xogou un amigable internacional, o da semana seguinte podes concertalo a partir das 06:00 (CET) do xoves.

Cada viaxe ao estranxeiro custarache 6 000 US$, pero tamén é verdade que os amigables internacionais levan máis espectadores ao campo.

Varios

A venda de entradas nun amigable é moi inferior en comparación coa dun partido de competición. Os amigables con regras de copa atraen a máis seareiros que os amigables normais, e á súa vez, os amigables internacionais aínda xuntan a máis xente.

A confianza e o espírito do equipo non se ven afectados por estes encontros, nin tampouco os seareiros nin a súa moral. Iso si, o risco de lesións non diminúe por tratarse dun amigable.

Xogar en campo neutral

Se queres xogar un amigable sen darlle a vantaxe de xogar como local a ningún dos equipos, podes elixir xogar en campo neutral. Con todo, se o partido termina disputándose na rexión á que pertence o teu equipo, aínda terás a vantaxe de xogar como local (mesmo que no encontro figures como equipo visitante). O dono do estadio non recibirá cartos pola cesión do seu terreo para este amigable.

Independentemente de onde decidas xogar, calquera partido xogado contra un equipo estranxeiro considérase amigable internacional.

Crear ou unirse a un torneo

Tes que ser Supporter Gold, Platinum ou Diamond para crear un torneo, senón só poderás crear torneos “Avanzados”. O creador decide o tamaño, o nome, etc. e logo invita mánagers ao torneo. Os Supporters Gold e Platinum poden unirse de balde nun único Torneo “Simple” á vez, pero terán que adquirir Credits para os demais torneos. Os demais poden unirse tamén a través de Hattrick Gears. Os Supporters Diamond poderán tamén participar nun torneo “Simple” e ata en 10 torneos ó mesmo tempo coa opción “Avanzado”, e non terán que pagar Credits por participar neles.

Cando o torneo estea completo, dará comezo automaticamente ao tempo que se creará unha conferencia específica para o torneo. Se un Torneo Simple non está completo 72 horas antes do comezo do primeiro encontro, o día de comezo aprazarase unha semana. No caso dun Torneo Avanzado, o comezo atrasarase se non está completo 24 horas antes do primeiro encontro, e o encontro moverase ó seguinte posible día.

Os partidos dos torneos simples dispútanse os luns, en tanto que os partidos dos torneos avanzados poden disputarse en calquera momento ao longo da semana.

Encontros do torneo (Escadas e outros)

Os encontros xóganse en campo neutral e non proporcionan ningún ingreso procedente dos espectadores (nin novos socios do teu club)

Non hai efectos despois do encontro

Os encontros do Torneo non teñen efecto no teu equipo ou nos teus xogadores despois do encontro. Así, os xogadores non perciben adestramento ou experiencia deses encontros, nin ten efecto sobre a experiencia nas formacións, ou o espírito do equipo.

Detalles

Todos os detalles que precisas saber sobre os encontros dos torneos están nesta lista:

• Espírito do equipo: o Espírito do equipo posúe un nivel fixo (satisfeitos) nos encontros de Hattrick Arena.
• Confianza do equipo: a confianza posúe un nivel fixo (fantástica) nos encontros do torneo.
• Lesións: Non se producirán lesións nos encontros do torneo, pero calquera xogador lesionado no Hattrick "normal" non poderá xogar.
• Cartóns (torneos propios): Os Torneos teñen a súa propia conta de cartóns, sendo completamente independente da conta do Hattrick 'normal'. Isto é, calquera cartón recibido nun encontro dun torneo só contabilizará para ese torneo. De igual xeito, poderías ter un xogador sancionado por cartón vermello no Hattrick normal e podería xogar un encontro dun torneo.
• Cartóns (Escadas): Os cartóns non se teñen en conta nos Torneos de escada.
• Adestramento: Os xogadores non perciben adestramento dos encontros do torneo.
• Experiencia: O xogador non gaña ningunha experiencia por xogar os encontros do torneo.
• Formacións: A túa actual experiencia na formación no Hattrick "normal" é usada tamén nos encontros do torneo. Nembargantes, ti non gañas experiencia na formación nos encontros do torneo.

Torneos de escada

Nunha escada o teu obxectivo é alcanzar o chanzo máis alto e converterte no "Rei da Pista". E despois permanecer aí tanto como poidas. Para chegar ao cume debes retar outros equipos situados por cima de ti para ocupar o seu lugar na escada.

Normas dos retos

A túa posición na escada decidirá a que equipos podes retar.

Quen reta paga polo encontro e os equipos retados aceptarán automaticamente o desafío. O partido disputarase 24 horas despois de confirmarse o reto. Se o xogador que reta gaña o encontro devolveránselle os credits.

O posto muda despois do encontro

Se retas un equipo e lle gañas, ocuparás a súa posición. O equipo retado descende un posto (o mesmo lle ocorrerá ao resto de equipos que había na escada entre estes dous).

Exemplo: O equipo A está no posto 54 e reta a B, actualmente 47º. Se A gaña, A ocupará o posto 47 ocupado por B. B descenderá ao posto 48 e o equipo que ocupaba o 48º lugar descenderá ao 49º, o equipo que ocupaba o 49º lugar descenderá ao 50º, e así sucesivamente.

Se perdes, ambos equipos permanecerán nos seus respectivos postos.

Retar en períodos de graza

Tras un encontro onde fuches retado, non poderás recibir outro reto ata pasar 12 horas (desde o comezo dese encontro). Isto é, terás un período de graza que che permitirá a ti ser o que retes para poder subir na escada.

Despois dun partido retado por ti, non podes retar a outro equipo ata pasadas 12 horas (desde o inicio do anterior encontro). Isto dálle a outros de equipos a oportunidade de retarte. E tamén prevén de situacións onde, por exemplo, B sempre rete inmediatamente a A, facendo imposible que C o poida retar a él para tentar ocupar a súa posición.

Competición de Seleccións

As seleccións compiten entre elas en tres torneos: as copas continentais, o Mundialiño e a Copa do Mundo. A competición abrangue dúas tempadas dende o seu comezo ata o seu final, comezando primeiro polas copas de Europa, América, África e Asia/Oceanía e rematando coa Copa do Mundo.

O Mundialiño é o torneo de menor nivel, ó cal acceden as seleccións que non se clasifican para a Copa do Mundo. O Mundialiño e a Copa do Mundo xóganse en paralelo.

As seleccións teñen o seu propio sistema de acumulación de cartóns e sancións. Calquera cartón amosado durante un encontro internacional—sexa absoluto, sexa U21—contará só para os encontros da competición da que forme parte. Pola outra banda, se un xogador é amonestado ou expulsado nun encontro «non internacional», ese cartón non afectará para nada e poderá sempre xogar coa selección. Os cartóns nas competicións internacionais limparanse ó remate das mesmas—ou cando a selección sexa eliminada.

Copas Continentais

Todas as seleccións compiten nas copas continentais, repartidas en grupos de 6 equipos, os cales fórmanse tomando como base o Ránking de Seleccións (bótalle un ollo aquí abaixo).

As copas continentais ten un formato de eliminatoria a dobre partido (ida e volta) e dura 10 semanas, xogándose os cuartos, as semis e a final na última semana.

Os mellores 8 equipos de cada rexión -tendo en conta a posición, os puntos, a diferenza de goles e os goles marcados- xogarán cuartos, semis e final mentres que o resto de seleccionadores poderán programar amigables os venres. O sorteo de cuartos relizarase de forma aleatoria entre os 4 mellores e os 4 seguintes. O gañador recibirá unha copa de ouro moi xeitosa, o segundo a de prata e os outros dous semifinalistas levarán a de bronce respectivamente.

Copa do Mundo

A Copa do Mundo comeza na semana 13 da primeira tempada e dura ata o final da segunda. Divídese en 5 fases preliminares, que rematan coas semifinais e a gran final.

Na primeira fase, participan 96 equipos, que se reparten en 16 grupos de 6 xogando unha liguiña a partido dobre. Os primeiros 4 de cada grupo pasan á 2ª fase.

Na 2º fase haberá 16 grupos de 4 equipos cada un, que xogarán unha liguiña a partido dobre, pasando os 2 primeiros de cada grupo á 3ª fase.

Na 3ª fase haberá 8 grupos cada un de 4 equipos, que xogarán un encontro con cada rival en campo neutral. Os dous primeiros pasarán á 4ª fase.

A fase 4ª e a 5ª terán 4 e dous grupos respectivamente, sempre de 4 equipos cada un. Cada equipo xogará un encontro con cada un dos seus rivais en campo neutral, e os dous primeiros de cada grupo se clasifican para a fase seguinte.

Tanto as semifinais como a final xogaranse en campo neutral. O gañador será o Campión do Mundo, e levará un trofeo dourado e moi ben feitiño. Para o segundo será a prata, e para os terceiros, o bronce.

Ó comezo de cada fase resetearemos parcialmente o espírito e a confianza. Por exemplo, se temos o espírito no nivel 9—e o valor por defecto é 5—co reseteo do 80% o teu espírito caerá (9 - 5) * 0,8 = 4 niveis. Ten en conta que o punto medio ó que tende tanto o espírito do equipo como a confianza non variou (segue a ser 5).

O Mundialiño

Os equipos que sexan eliminados nas copas continentais, pasarán ó Mundialiño, que xógase en simultáneo á Copa do Mundo. Este torneo xógase co formato suízo (o mesmo do Torneo de Supporter)

O Mundialiño non é un segundo prato, senón un saboroso postre para os equipos pequenos, xa que lles axudará a mellorar o seu ránking, que se usará para facer os emparellamentos da seguinte copa continental. Ó final do Mundialiño, e paralelamente ás semifinais e final do Mundial, os 8 mellores equipos xogarán un torneo de eliminatoria directa, e o gañador levará unha copa. Os mellores 4, baseándonos na posición, puntos, goles, etc , xogarán contra os últimos 4 clasificados para os cuartos de final.

No Mundialiño non haberá lesións, pero sí que haberá cartóns, igual que en calquera outro torneo. O nivel das formacións será o correspondente ao da Copa Continental (con posibilidade de reseteala experiencia delas coma antes da Copa Mundial) e irase actualizando segundo as normas xerais despois de cada encontro do Mundialiño.

O gañador levantará a copa do Mundialiño. Ou a morderá. Ou que sei eu.

Clasificación para a Copa do Mundo

Os mellores 96 equipos das copas continentais clasificaranse para a Copa do Mundo.

Cada rexión ten as súas prazas para o Mundial, que corresponderán aos mellor clasificados de cada Copa Continental. Europa ten 32 prazas, Asia/Oceanía 21, África 12 e América 20.

Xogarase un Torneo da Galleta entre os mellores 22 equipos non clasificados para o mundial. Serán escollidos en base á súa clasificación, puntos e diferencia de goles na fase de grupos das Copas Rexionais. Finalmente, 11 equipos serán repescados.

Na repesca, o equipo co mellor ránking (baseado nos resultados en anteriores edicións da Copa do Mundo), xogará co equipo con peor ránking, o segundo mellor contra o segundo peor, e así sucesivamente. A repesca xogarase a dobre partido, en casa e fóra, con un reinicio total de espírito e confianza antes do primeiro encontro. O gañador pasará á Copa do Mundo. De haber empate, o segundo encontro terá prórroga e penaltis.

Ránking de Seleccións

Cada selección ten o seu ránking, o cal se usa para formar os grupos das copas continentais. Este ránking ten en conta os resultados das últimas 5 tempadas, pero cunha maior ponderación canto máis recente sexa o resultado.

Hai tres factores que afectan ó ranking: o resultado de cada encontro (M), a importancia do mesmo (I), e como de forte era o rival (T). A fórmula resultante para calcular o ránking é P = M x I x T

Para a variable T, restamos a 250 o valor do ránking do opoñente.

Logo, o ránking final é a media de puntos (P) das últimas 5 tempadas, ponderados ó 100%, 70%, 50%, 30% e 20%, sendo 100% a ponderación da tempada actual, e 20% de fai 4 tempadas. O ránking actualízase despois de cada encontro.

Sorteo das copas continentais

Para as copas continentais usaremos o ránking de seleccións para facer os bombos. A primeira posición será sempre para os cabezas de serie, indo o mellor ó grupo 1, o segundo mellor ó 2 e así. A continuación teremos 5 bombos, un por cada posto no grupo, no que estarán o resto de equipos ordenados por cadanseu ránking. Por exemplo, na Copa América teremos 5 grupos de 6 equipos. A primeira posición de cada grupo irá para os 5 mellores equipos por ránking. A segunda irá a equipos co ránking entre o 6º e o 10º. A 3ª para equipos entre o 11º e o 15º, e así sucesivamente. No noso sorteo en vivo, iremos enchendo todos os grupos.

Sorteo para a Copa do Mundo

O ránking da tempada actual determinará a puntuación no sorteo da Copa do Mundo. Hai 16 grupos no sorteo da primeira rolda, e o primeiro equipo de cada grupo será elixido de forma automática. O europeo con maior rango na Copa Continental (o 1º de EU na táboa) será o primeiro equipo do grupo 1, e o 8º de América será sempre o primeiro do grupo 16.

Así que os cabezas de serie sexan asignados, comeza o sorteo para asignar ós demais equipos. O ránking das copas continentais ten un papel fundamental, pero os equipos non son asignados directamente, senón postos en diferentes bombos. Na táboa, na columna do Equipo 2, ponse catro equipos no primeiro bombo. Isto corresponde ó 8º, o 7º, o 6º o 5º do ránking africano. Deste bombo sonche asignados como segundos dos grupos 1, 2, 3 e 4 segundo saia no sorteo. Outros catro novos equipos entran no segundo bombo e van para os grupos 5, 6, 7 e 8. Este proceso continúa ata que énchense os 16 grupos con 6 equipos cada un.

Este sistema é un tanto dirixido, para asegurar que os mellores equipos a priori non coincidan todos no mesmo grupo. Pero tamén teñen o seu compoñente aleatorio, para que os mánagers non poidan facer contas durante as copas continentais para saber cal vai ser o seu grupo na Copa do Mundo, e evitar que fagan amaños.

EU: Europa
AME: América
AFR: África
ASO: Asia / Oceanía
L: Libre

Eleccións

As eleccións celebraranse ó comezo da tempada, empezando dous días antes da final da Copa do Mundo. Cada tempada escollerase ben o seleccionador nacional ben o sub 21, sendo o seu mandato de dúas tempadas, e terminando este unha seana antes da final da Copa do Mundo. Ten en conta que para poder votar precisas de ter estado no Hattrick alomenos unha tempada.

Ponderación do voto

Nas eleccións só poderás votar unha vez. Aínda así, o teu voto poderá gañar peso na ponderación final. Este sistema de ponderación do voto recompensa a túa dedicación ó xogo, pero a razón principal e dificultar a manipulación de eleccións.

Se es un usuario local, terás o teu voto cando cumpras unha tempada no xogo, dous cando cumpras 5 tempadas, 3 cando leves 10 tempadas e chegarás a 4—o máximo—cando leves 15 tempadas no xogo.

Se tes un equipo adicional noutra liga (menos no HT International) terás un voto ó cumprir dúas tempadas, e o un segundo ó cumprir dez.

Todos os usuarios recibirán por riba dous votos adicionais pola súa actividade no xogo. Non che imos dicir que parámetros imos ter en conta—para evitar manipulacións—, pero están deseñados para que calquera equipo activo os poda conseguir fácil, pero que se tes un feixe de equipos falsos sexa moi difícil conseguilo. Por último, ten en conta que como usuario nunca verás directamente a ponderación do teu voto, pero queremos que saibas os principios do sistema.

Convocatoria da selección

Cada seleccionador escolle ata un máximo de 26 xogadores coa nacionalidade correspondente. No caso da sub 21, os xogadores teñen que ter alomenos 19 anos, e no caso da absoluta alomenos 22. Unha vez convocados, o seleccionador poderá ver todos os datos sobre o xogador, tal e como o ve o dono do equipo do xogador.

Cada selección ten os seus niveis de experiencia en cada formación, e en cada copa continental ou Copa do Mundo/Copa de Nacións, os seleccionadores terán unha semana para decidir qué 6 formacións queren en formidable, comezando as restantes en nivel pobre. As convocatorias poderanse facer dende o primeiro día e ata o reseteo da confianza e o espírito previo ó primeiro encontro, e na semana 12 no reinicio da confianza e espírito previo á semana 13.
Ten en conta que as actualicacións das seleccións fanse todos os días ás 03:00 h.

Se tes un xogador internacional

Se tes un xogador internacional, este poderá xogar sen ningún impedimento tamén co teu equipo, xa que os encontros se xogan en días diferentes. Ten en conta que os encontros coa selección non contan para adestramento, pero si poden ocasionar lesións.

Cando o teu xogador xoga un encontro coa selección, o teu club tamén se beneficiará:

– Unha reducción salarial do 33% (se o xogador está a xogar nun equipo estranxeiro) e do 40% (se está xogar no seu país).

– O teu xogador collerá moita experiencia. A cantidade varía en cada encontro, sendo os encontros que máis experiencia dan a final e as semifinais da Copa do Mundo, e logo en orde descendente, os restantes encontros da Copa do Mundo, as eliminatorias das copas continentais, os encontros das copas continentais, o Mundialiño e os amigables de seleccións.

– Se o teu xogador lesiónase durante un encontro internacional, o teu club recibirá unha compensación polo 100% do seu salario base das semanas estimadas que estará fóra do campo. Isto vai a maiores da redución por xogar cada encontro.

Xa que sonche moito máis calmos, non hai risco de lesión nos amigables internacionais.

Esperamos que ninguén tente sabotear as seleccións nacionais por medio do seu club. Os Administradores das Seleccións teñen sempre a última decisión, e poderán sacar xogadores ás venda en caso de sabotaxe.

Se estás valorando ser seleccionador, ou simplemente queres ter máis información, recomendámosche ler as Regras para as Seleccións Nacionais.

Calendario da Copa do Mundo—1ª Tempada

Calendario da Copa do Mundo—2ª Tempada

Encontros

Na Masters poden participar 256 equipos ao longo de 8 roldas a partido único. Os sorteos de cada rolda son completamente aleatorios, e os encontros xóganse en campo neutral.

Se non hai suficientes equipos para encher a primeira rolda por completo, algúns equipos (seleccionados de xeito aleatorio) evitarán esta primeira rolda e accederán directamente á segunda rolda. Se algún dos gañadores da Copa ou da Liga chegan a quedar sen dono (ou cambian de propietario) non poderán participar na Masters. Se algún equipo gana tanto a Liga como a Copa na mesma tempada, será o único equipo dese país en participar na Masters.

Regras especiais do torneo

Existen algunhas regras especiais aplicábeis á Hattrick Masters:

Cartóns e lesións: Os cartóns non contan (agás os cartóns vermellos, por suposto), por outro lado as lesións si son rexistradas como normais.

Actitude do Equipo:Xogar "Encontro da Tempada" (MOTS) ou "Xogar relaxados" (PIC) non baixará nin subirá o espírito do equipo tanto como nun encontro normal. Non obstante, o efecto durante o partido é o mesmo que durante un partido normal.

Adestramento: Os partidos de Masters non contan para o adestramento dun xogador.

Ingresos da Masters

A recadación pola venda de entradas repártese ao 50% entre o equipo local e o visitante. Os mellores equipos tamén recibén os premios en metálico que se amosan embaixo.

O campión da Hattrick Masters gaña 800 000 US$, o finalista gaña 400 000 US$, e os dous semifinalistas gañan 200 000 US$. Os eliminados en cuartos de final terán de premio 100 000 US$ e os eliminados en oitavos de final obterán 50 000 US$.

Fundar un club adicional

Podes poñer en marcha o teu club adicional en calquera momento. O teu club adicional pode xogar no mesmo país que o teu club principal ou noutro país, sempre e cando haxa un sitio dispoñible.

O club adicional empeza cunha certa cantidade de diñeiro inicial (como calquera outro club), pero non terás que facer a Licenza de Mánager.

Regras xerais

Podes ter ata dous clubs adicionais.

Non poderás facer traspasos entre os teus clubs e os clubs non poden mercar xogadores que pertenceran aos outros se coa compra o outro club recibiria cartos por club nai ou por club anterior.

Club adicional na mesma liga

O teu equipo principal e o adicional non poderán xogar na mesma liga nin atoparse nunha promoción ou copa (excepto nas finais). Os dous clubs si poden coincidir na mesma división, pero en diferentes grupos.

No caso improbable—que non imposible—no que tres equipos do mesmo mánager acaden as semifinais, obviamente dous deles enfrontaranse. E que gañe o mellor. Ou non.

Se un dos teus clubs xa estaba na primeira división e outro consegue ascender, a este último negaráselle o ascenso. O lugar correspondente será ocupado polo club que descendera esa tempada na posición equivalente. Isto procesarase cando rematen os encontros de promoción.

Se os dous clubs conseguen o ascenso á primeira liga na mesma tempada, só ascenderá o club principal.

Club adicional noutra liga

O número de sitios dispoñibles para clubs adicionais dirixidos por managers "estranxeiros" nunha liga depende de cantos equipos están inutilizados nesa liga, o cal depende do tamaño da liga e de cantos usuarios están xa xogando nela.

Un mínimo de 50% dos clubs nunha liga están reservados para usuarios locais. Polo tanto, nunha liga con 168 clubs, polo menos 84 deles están reservados para usuarios locais (e os outros 84 pódense utilizar por calquera manager, xa sexa local ou estranxeiro). Pero, se nunha liga están ocupados o 90% dos sitios, reservamos o resto para usuarios locais.

Cambia de grupo na ventá para cambios

Os clubs adicionais poden cambiar de grupo (cando sexa posible) na ventá para cambio de grupo durante o período entre tempadas, pero non é posible cambiar para a serie na que esta xogando o teu outro equipo.

Bandeiras

As bandeiras cóntanse por separado, os clubs adicionais teñen a súas propias coleccións de bandeiras.

Xogando contra clubs adicionais consegues bandeiras do mesmo xeito que xogando contra calquera outro club, e o club adicional tamén consegue unha bandeira para a súa colección.

Logros

Os logros conséguense polo manager e, polo tanto, gárdanse no usuario (e non en cada club).

Votando nas eleccións

Se tes un equipo adicional en outra liga (excepto Hattrick International), acadarás a túa primeira oportunidade de votar despois de dúas tempadas, pero terás que botar alí 10 tempadas para acadar o definitivo "voto plus".

Bancarrota

Se o teu club principal quebra, perderás tamén o acceso ó teu club adicional.

Se o teu club adicional quebra podes empezar outro equipo pasadas 16 semanas desde o momento no que empezaches o teu primeiro club adicional (polo tanto, se tiveches o teu club adicional por máis de 16 semanas podes empezar un novo club inmediatamente).

Pechar o club adicional

Podes pechar o teu club adicional en calquera momento. Pero, se pechas o teu club adicional, tes que esperar polo menos 16 semas desde o momento no que empezaches o teu previo club adicional para empezar un novo. E recorda que non podes pechar o equipo se tes xogadores á venda nese momento!

Caducidade da subscrición Platinum / Diamond

Se a túa subscrición a Platinum, Diamond ou de equipo extra remata, seguirás sendo o mánager do teu club adicional durante unha semana máis. Tras ese período, xa non poderás xestionalo. 7 semanas despois do fin da subscrición, o sistema desconectará o teu club adicional. Se mercas Platinum de novo dentro desas 7 semanas, terás acceso ó teu club adicional de novo. Pero se non, o club quedará sen dono e xa non poderás acceder a el nunca máis.