O doprìn i cookies - nus judin a dati une esperience di zûc plui biele.
Doprant il nestri sît tu acetis che o memorizedin cookies sul to aparât.

Hattrick Football Manager | Zontiti al mont dal balon gratis 

Hattrick Football Manager | Zontiti al mont dal balon gratis


Gjestìs - al tô ritmi

Hattrick al è un zûc strategjic di balon dulà che tu costruisis e gjestisis la tô scuadre pal futûr. Jentre ogni dî o une volte a setemane - se tu fasis lis sieltis justis to âs la stesse pussibilitât di deventâ un campion!

 

Met adun e alene la tô scuadre

Fas incressi la scuadre cul alenament. Controle lis tôs financis. Cjate gnûfs zuiadôrs tal marcjât o vierç une academie zovanîl par cjatâ e tirâ su i talents de prossime gjenerazion.

 

Cir di sedi plui svelt dai tiei aversari

Tu competis cuintri altris gjestôrs tal sisteme dai campionâts di Hattrick e te cope uficiâl. Partiss des seriis plui bassis - scjale fin ae cime! Tu puedis ancje creâ torneus privâts par zuiâ cui tiei amîs.

 

Comunitât e aplicazions

La comunitât e jê une part une vore impuartante di Hattrick. Jentre tai forum e cjate gnûfs amîs ator pal mont. O vin bielis aplicazions par iPhone e Android, come ancje aplicazions di tierçs di podê scjamâ.

25 Agns
54 Lenghis
144 Paîs
13 930 445 Utents totâi
360 990 908 Messaçs dai forum
809 141 155 Partidis zuiâdis

Il Classic Zûc Gjestionâl di Balon Online

Hattrick al è un zûc gjestionâl di balon online dulà che tu cjapis il rûl di manager cun la mission di puartâ la tô scuadre al massim nivel de tô leghe! Tu âs in cjarie ducj i aspiets gjestionai di une scuadre: Comprâ e vendi zuiadôrs tal marcjât dai trasferiments, decidi cuale abilitât alenâ, preparâ une tatiche par ogni partide che la tô scuadre e zuiarà te leghe nazionâl e te cope, come USA e US Open Cup.

Cuant che la to partide e tache, la partide e vignarà simulade dal nestri sisteme e tu puedaras stâ daûr lis azions tal nestri visualizadôr di coments dal vîf e intant chatâ cul gjestôr aversari! Se tu preferisis tu puedis cjalâ e analizâ la partide dopo.

Hattrick al è prime di dut un zûc strategjic gjestionâl dulà che tu âs di planificâ a tiermin lunc. Âstu di investî inte scuadre zovanîl o spindi beçs par comprâ un zuiadôr stagjonât ma di mistîr che al pues miorâ lis prestazions in timp curt? Âstu di promovi difensôrs o atacants de tô scuadre zovanîl?

Sielç ben, i tiei zovins a podaressin sedi lis stelis de scuadre par tantis stagjons, tu podaressis cjatâ ancje il prossim Lionel Messi, Cristiano Ronaldo o Kylian Mbappé dal mont di Hattrick!

Una grande part dal divertiment e je che e je una esperience multizuiadôr - lis scuadris che tu frontis e son gjestidis di altris personis, che a ciraràn di superati in astuzie. E je una riche comunitât dulà butati par imparâ dut rivuart lis miôrs manieris par alenâ, impuestâ lis tatichis di scuadre e miorâ in amniere finanziarie la to scuadre.

I tiei fenomens a puedin ancje jessi selezionâts pai impegns internazionâi, zuiant pe USA scuadre nazionâl! Ogni stagjon, Hattrick al organize una Cope dal Mont, sei pes scuadris senior che pes U21. I campions curints de Cope dal Mont di Hattrick a son Italia, sintinlu di lôr!

Se tu diventis tu stes un grant alenadôr, tu puedis candidati aes elezions par direzi la scuadre nazionâl e jesi elet in incarghe dai tiei coleghis alenadôrs online. Al moment, a son 144 campionâts nazionâi in Hattrick e tu puedis jessi un candidât pe ognune di chestis ancje se la to scuadre e je intun altri campionât.

In Hattrick, al è simpri alc di fâ, sei che sei di pasâ il timp sui forum a cjacarâ di Hattrick o gnovis gjenerâls di balon o di cirî di cjatâ ocasions sul marcjat vie pe una stagjon stupide.

Ma al è impuartant savê che Hattrick al è ancje un zûc che tu puedis simpri zuiâ ae to velocitât. Se tu spindis 30 minûts par setemane par impuestâ i ordins pe partide e inzornâ i plans di alenament de to scuadre, tu saràs bon di competi e fâ benon intes competizions principâls - fin che tu cjolis decisions inteligjentis.

A diference di tancj altris zûcs, no tu âs di colegati ogni dî par colezionâ bonus o vuadagnâ monede di zûc. No je pussibilitât di comprâ vantaçs di zûc in Hattrick. Tu puedis dut câs diventâ un Hattrick Supporter, che ti darâ un grum di funzionalitâts progjetadis par rindi il zûc plui divertent e interessant ma che no ten dentri efetîfs vantaçs di zûc.

Hattrick al è il zûc original di balon gjestionâl in linie e no sin stâs in linie dal 1997. I fondadôrs e son ancjemò atîfs e si impegnin ancjemò a ufrî Hattrick come zûc di balon gratuit.

O crodìn che Hattrick al tegni insiemi il miôr dal tradizionâl zûc gjestionâl di balon par computer, come la serie Football Manager ma intune maniere plui ecitante dât che tu zuis simpri cuintri personis reâls.

Al ten dentri ancje aspets dai zûcs di Fantebalon e dai zûcs di balon par console come FIFA Ultimate Team, dulà che tu cjapis su e costruisis scuadris di balon par zuiâ cuintri altris utents o par colezionâ trofeus e concuistis.

Vi din il benvignût su Hattrick - il miôr zûc gratuit strategjic di balon in circolazion! Regjstrasi al è dal dut gratis, no son domandâts download e tu â ancje aces a fantastichis applicazions gratuidis par iOS o Android midiant lis cualis tu puedis gjestî ducj i aspets dal zûc, fasint di Hattrcik ancje un zûc di balon mobile.

Ma atenzion, Hattrick pues creâ dipendence - tancj dai nestris utents a àn zuiât par 10 o plui agns e a son ancjemò daûr lâ fuart.

 
Server 080