Novitâts

Dopo che tancj utents nus àn segnalât un câl de afluence vie pe prime setemanis, o volin precisâ che cheste e jere une conseguence spietade dal gnûf sisteme. Lis spetancis dai tifôs a son pensadis par riduzi i grancj sbalçs di umôr dai tifôs, cuant che i tifôs a reazivin dome a la ultime partide. Cumò o sin tal periodi di stagjon dulà che un grum di scuadris e butin su l'umôr dai tifôs cun vitoris facilis in Cope. Cul gnûf sisteme i tifôs a reagjisin in mût plui realistic a chestis vitoris. Come risultât l'umôr dai tifôs al và su plui lentementri e chest al influençe ancje lis partidis di campionât. Plui indevant te stagjon, cuant che l'umôr dai tifôs al sarà tornât su e cuant che un grum di scuadris a varan ricostruît il stadi cun plui puescj sotet, o varessin di viodi afluencis plui altis al stadi.

Mancul impat dai tifôs forescj
Tal passât, cuant che sie la scuadre di cjase che chê foreste e jerin di bon umôr o viodevin afluencis altis, e si viodevin un grum di partidis cussì tal inizi di stagjon. Viodût che i tifôs forescj e 'nd àn mancul impat al dî di vuê, chestis partidis e varan mancul afluençe in cheste stagjon.
Di che altre bande, tes partidis dulà che i tifôs forescj e son di brut umôr (ma chei di cjase a son contents) o viodarin afluencis plui altis dal solit. Ma la maiôr part di chestis partidis no vignaran zuiadis a inizi stagjon.

Il prin turni al conte di mancul
I tiei tifôs a saran mancul interesâts ai risultâts de primis partidis di campionât. L'impat dai risultâts sul morâl dai tifôs al aumente ogni setemane al inizi di stagjon, e chest al vûl dîsi che al starà un poc di plui a rivâ al massim a inizi stagjon. Chest aument dal interès dai tifôs al è un mût par diminuì l'impuartance dal calendari dal campionât - cence chest mecanismi, une scuadre che scomence in cjase a vares in teorie un vantaç sul umôr dai tifôs vie pe stagjon, tai confronts dai aversaris che e àn scomençât fûr cjase. Vuê al impuarte avonde poc l'ordin che tu zuis lis partidis, ce che contin a son i risultâts.

L'incàs al è cirche il stès

vonde fevelâ di umôr dai tifôs e afluence, a la fin ce che e contin a son lis jentradis dai spetadôrs. Tu podaressis pensâ che la afluence plui basse e puartedi a jentradis plui bassis, ma di fat in gjenerâl no je cussì. Lis jentradis medis tal sisteme a restin lis stessis, a son ancje cressudis un tic. Dût câs te leghis plui grandis o vin viodût un câl des jentradis dai spetadôrs a tor dal 5%. Ce che si pues viodi al è che lis scuadris che zuin te primis 5 divisions de leghis plui grandis e fasin mancûl bêçs de stagjon passade, tant che lis scuadris de division plui bassis e àn lis stessis jentradis o alc di plui. La reson principâl e je che lis scuadris de division plui altis e viodin plui realistichementri lis vitoris di Cope (cemût che al è spiegât disore), ma ancje de ricjece de scuadris stessis. O continuarin a seguî i efiets economics di chest cambiament, specie parcè che si spietin di viodi un grum di scuadris che metin a puest il stadi, costruint plui sentis sotet vie pe stagjon.

Miorament de spetancis di Cope
Un problemi che o vin viodût, e che o vin cambiât pal cuart turni di cope, al jere il mût che vignivin calcoladis lis spetancis pe partidis di cope. Lis scuadris te leghis grandis e vevin un svantaç, viodût che lis spetancis dai tifôs pe cope e vigneve calcolade a seconde de spetancis stagjonâls (che, tra lis altris robis, e cjape il numar di nivei di divisions jenfri dôs scuadris pal calcul). Un scuadre di division 2 in Gjermanie che zuie cuintri une scuadre di division 6, e stâ zuiant cuintri une scuadre di medi-nivel, invezit une scuadre di division 2 in Venezuela che zuie cuintri une scuadre di division 6, e stâ zuiant cuntune scuadre dal ultin nivel de leghe.

Cumò o vin zontât un fatôr che al ten cont di cheste robe, fasint si che i tifôs e capidin miôr che tip di scuadre che cjatin in Cope. Chest al gjavarà lis diferencis jenfri nazions di dimensions diviersis, rindint dût plui realistic e belançât.