Novitâts

Mandi, o soi Peluza. Us vuidarai vie pai HM cheste stagjon... e o speri che ducj voaltris o cjatedis i miei tests interesants! Cheste stagjon probabilmentri o viodarin une scuadre gnove concuistà il plui grant sucès che une scuadre e pues vuadagnà, preparaisi a ricevi, probabilmentri, un gnûf campion!

Prin Turni

In chest turni cualchidune de scuadris plui fuartis e je stade mandade fûr: terranzX (139892), al è un bon esempli. Al à pierdût cuintri Kastelin (46947) de France, une scuadre pseudo-DI (DI al stâ par Ducj Indevant, lis scuadris che basin la lôr fuarce tal centricjamp, lassant pierdi la difese par vê vantaç). O podin viodi in azion ancje beltxis (27382). Al à un grum di zuiadôrs cun specialitâts che i dan un vantaç su lis altris scuadris.

Mighty Beavers FC (111516) cuintri Thesaurus (528508) al è stât un duel jenfri une scuadre CA cuntun poc di centricjamp (38% possession) e une scuadre concentrade sul centricjamp e l'atac su lis alis. La difese di Beaver e jere fuarte avonde par vinci.
La partide jenfri Rushin' Eagles (652481) e Ajax Persia (463367) no je stade mai vierte. Eagles al à vint di tant, ancje se al è di dîsi che la colpe e je dal aversari, che al à zuiât une vore ofensîf cuntun 2-5-3 ancje se al jere clarementri inferiôr al aversari. Paceri (241082) nol è stât cussì ofensîf, invezit al à zuiât un cuintripît cun valutazion divine, ma nol jere avonde par vinci.

Al è interesant viodi cemût che à zuiât l'Argentine chest turni. Dutis dôs lis scuadris e àn zuiât CA... A.C. Branca con Coca (326276) e à sielt un CA estremi, 5-2-3 cence centricjamp, nol è bastât a vinci. Di che altre bande, PALUMBO FC (445184) al à zuiât cuintri KIVA (22075) intune partide avonde strane. CA cuintri CA, e Kiva al è stât plui fuart, vincint cuntun numar di goi inspietât.

2nt Turni

I campions svedês, Zeta (39457), e fasin il debut tai HM di cheste stagjon, cuintri i fuarts vietnamits di CSG_FC (230601). Zuiant fûr, lis valutazions di Zeta a son stadis straordenaris, e o varesin ducj di tignîlu di voli, parcè che al à ancje un biel cont in bancje pront par comprâ cui che al covente par vinci. Falköpings BK (41536), la altre scuadre svedese, e a vint. Ogni stagjon lis scuadris svedesis a son candidadis, ma fin cumò no son rivadis mai a vinci la competizion... saraie cheste la ecezion?

AC Ziky team (481481), i vincidôrs de edizion precedente,e an zuiât cuintri la miôr scuadre irlandese de storie, GB Rovers (32038), un altre scuadre cntun grum di sotrie in chest torneu che à zuiât dutis lis precedintis edizions dai HM. Lis valutaizon di Ziky a son stadis supierbis, dimostrant il parcè che al à za vint une volte,e parcè che al à voie di vinci ancje cheste stagjon.

TURKSTRIKERS (652800) nus à mostrât ce che puedin fâ une clape di bestis mono-skill... une robe che al à fat ancje MARCOGAVI, paron di SQUARTA PRAGA (239619). Al è un brâf trader, che probabilmentri al stâ pensant di bati i aversaris cun la fuarce rude. Cuntun grum di divins, al è rivât a bati il gno amî Simontxo, intune de partidis plui impuartantis dal secont turni. Cheste volte i onipotents beltxis no son rivâts a vinci…

Prossim Turni…

La partide plui impuartante e sarà jenfri SQUARTA PRAGA (239619), che zuiarâ in cjase, e i campions de stagjon passade AC Ziky team (481481). Dutis dôs lis scuadris a son fuartis e a sarà une biele partide di viodi. Probabilmentri la scuadre che vinçarà cheste partide e sarà une serie candidade a deventà campion di cheste stagjon. Ziky rivaraie a vinci i HM dôs voltis? Rivaraie SQUARTA PRAGA a butâ fûr i campions, cussì come che veve fat cuintri beltxis?

Turni 3

Lis scuadris plui fuartis si cognossin, e lis partidis a si fasin simpri plui duris. O podin viodi dôs de scuadris plui fuartis: AC Ziky team e SQUARTA PRAGA, une biele partide dulà che Ziky, che al zuiave fûr cjase, al è rivât a vinci cuntri SQUARTA PRAGA. Dutis dôs lis scuadris a vevin zuiadôrs fuarts (e costôs). Une altre biele partide e je stade jenfri Artest FC e FC Rebel Stars, dulà che Artest al à dimostrât di jessi un seri candidât.

Cualchi scuadre e je lade indevant zuiant difensîf e cun cuintripît, come Transhumanists e PoCo Panthers. E àn dât une sperance a lis scuadris difensivis te bataie cuintri il, in teorie, plui fuart centricjamp. Ancje kashop al à zuiât CA, ma nol è rivât a bati Magnificent eleven intune altre partide interesante.

Une scuadre che à zuiât in maniere completementri divierse e je PFC_Beroe, che al à zuiât cun dome il portîr in difese, ma cuntun centricjamp fuart par tignî bale. Il so aversari, il lituan FK "Ateitis", al à zuiât cuntune formazion plui belançade, ma ancje lui al à cirût di concentrâsi sul centricjamp. Il centricjamp de scuadre bulgare al jere avonde fuart par tignî la scuadre in zûc.

TSV Kalkspur Oedheim, che e à vinçût di gnûf cuntun incredibil atac centrâl cuasi impussibil di fermâ par un grum di scuadris. E je stade une sorprese la partide di A.C. MILAN 1899. La scuadre polache no à vût possibilitâts cuintri i aversaris, e al somee che no vedi neancje provât a zuiase. Hashalom Beer-Sheva di Israel e à vincût cuintri un altri candidât, i Inglês di Potato Heads. Chest scontri jenfri dôs scuadris cussì fuartis al à passât i 400 hatstats, e la partide e je finide par 0-5, ma Potato Heads, al mancul, al meretave alc di plui. Al tornarà in Inghiltere, ma al pues sedi orgojios di ce che al à fat.

Un grum di altris scuadris fuartis e àn vinçût chest turni: BeoPower, FC Granit, kitrosu Targoviste, FightClub Football Club, MADP SAD e FC Partizan a son esemplis. E 'nd àn scuadris fuartis e belançadis, che ogni alenadôr al vares di analizâ par imparâ alc di impuartant sul zûc. Club Deportivo Pilsener di Salvador, di che altre bande, e je une de scuadris di une piçule nazion ancjemò in cope, fasint la storie.

Jorge Team e je la scuadre che rapresente la nazion plui grande di HT: La Spagne. Plui di 90.000 utents spagnoi a varessin di sedi orgojios di Jorge che al à batût Duffus 0-6 in cjase lôr. Bainræakjin di Faroer nol ven di une nazion cussì grande, ma la robe no i dâ fastidi e al à batût la scuadre che l'aversari nord american al à metût in cjamp. Barefoot United e jere une vore fuarte, ma la partide e je stade ecuilibrade, a viodi lis valutazions, ma no masse considerant i goi segnâts di Bainræakjin, e par cheste volte al à di tornâ a cjase.

Turni 4

Cuasi dutis lis scuadris ancjemò in Cope a son un grum fuartis, e di cumò ogni detai al pues fâ la diference tra là indevant o tornâ cjase. In chest turni o vin viodût che il centricjamp di PFC_Beroe al funzione ben: cence difese e ancje cence un fuart atac, al è bastât a bati FC Partizan, che nol è rivât a stâ daûr il centricjamp dal bulgar fûr cjase. Probabilmentri la storie e sares stade divierse zuiant a Kiev. Ma no si sà, e PFC_Beroe al à meretât il puest tal cuint turni.

La fuarte scuadre romene di kitrosu Targoviste e à pierdût ai rigôrs cuintri PoCo Panthers. La scuadre canadese e à zuiât CA di gnûf in chest turni, e la partide e je finide 3-3, ma e je rivade a vinci e a continuâ i HM. AC Ziky team, il vincidôr de passade edizion, e candidât a jessi la prime scuadre a vinci dôs voltis, al à vint di gnûf cuintri Falköpings BK intune partide ecuilibrade che je stade decidude tal prin timp. Zuiâ fûr nol è un problemi pe so scuadre esperte, come che al à dimostrât fin cumò. Viodarin cemût che si compuartarà cuintri lis scuadris restadis in zûc, come Artest FC, che al à vint cuintri i finlandês di Ruxumotors, confermant di jessi un seri candidât a deventâ campion.

TURKSTRIKERS e Zeta e an vint ancje cheste volte. Cun stîi diferents, e àn dôs grandis scuadris par vinci la competizion. Jorge Team e à pierdût cuintri i inteligjients lituans di BeoPower. Batint la fuarte scuadre spagnole al à fat viodi lis sôs abilitâts tal sielzi cemût zuiâ. Cence atac, si è concentrât su difese e centricjamp. Al podeve segnâ dome su punizion, rigôrs (gracie al posès) o events speciâi. L'unic gol al è rivât cuntune cjavade su corner.

TSV Kalkspur Oedheim e à decidût che par cheste partide il so fuart atac centrâl nol coventave. Si è concentrât sul centricjamp, e chest al à paiât. Asoi F.C. nol è rivât a stai daûr a centricjamp e al à pierdût. FC Granit al à zuiât cuintri Transhumanists. Dutis dôs lis scuadris e jerin fuartis, ma Granit al jere plui fuart (e fortunât). La scuadre slovene e je rivade a zuiâ come che voleve, da CA a belançât, mostrant di jessi un brâf alenadôr e probabilmentri al varà altris possibilitâts tai Hattrick Masters intun doman.

Prossim Turni…

O viodarin grandis partidis tal turni 5: PoCo Panthers - Zeta e sarà une buine partide par viodi lis possibilitâts di Zeta di deventâ campion, cuintri une grande scuadre cuntune buine difese che, zuiabt cjase, e podares sedi dure di bati. In PFC_Beroe - TIRKISTRIKERS o viodarin la scuadre bulgare zuiâ di gnûf in cjase, e tignint di ments trop che si concentre a centricjamp, e sarà une biele sfide pe scuadre turche par provâ se i siei zuiadôrs divins a puedin bati i bulgars fûr cjase.

Lis scuadris di cjase e àn di tignî di ments chest vantaç, e chest al podares puartâju a sot stimâ i aversaris. Ziky finalmentri al torne a zuiâ in cjase, viodarin se al cirarà un PIC cuintri Condenados par vê il vantaç dal spirit di scuadre la prossime partite.... ma saraial suficient cuintri i portughês? Risclaraial un PIC, o zuiaraial normâl par sedi sigûr di vinci? Puedial Condenados sorprindi ducj batint Ziky? La rispueste a chest dileme dopo la prossime partide.