Novitâts

Miorament al umôr dai tifôs
Il gnûf sisteme dai tifôs al à dât une gnove dimension al zûc. A saran simpri lis stessis jentradîs dai tifôs, ancje se la afluence e je plui basse. Dite chest o stin pensant a un pâr di mioraments par fâ deventâ i tifôs ancjemò miôr, e i mioraments a daran ancje jentradis un pêl plui altis come efiet secondari.

– O vin slargjât la scjale de spetance pe partide. "O podin vinci" e "O podaressin pierdi" a son stadis sostituidis di dôs gnovis denominazions.

– I tiei tifôs a reagjiran in maniere plui fuarte a lis vitoris/sconfitis e un pôc mancul fuart a grandis vitoris/sconfitis rispiet al passât

– Al sarà plui dificil che i tifôs a rivedin e a stedin a nivei une vore alts o bas di umôr, specie pal bas.

– L'umôr dai tifôs al nol vignarà scancelât dal dût a in stagjon. L'umôr al larà a mieze strade viers la metât.

Lei di plui sui miorament chi.

Cambiaments economics pe prossime stagjon
I presits dai trasferiments si son alçâts a la svelte e cumò a son a un nivel che nol và ben tal lunc tiermin. La HFA e la Bancje Centrâl di Hattrick si son sintudis in dovê di calmâ un tic la economie. A àn anunziât trê cambiaments economics pe prossime stagjon (a partî dal 16 di Jugn):

– Dutis lis scuadris a cjaparan il 3% di mancul dal sponsor.

– La resistence no sarà plui un fatôr pal stipendi dai zuiadôrs.

– Il stipendi dai specialiscj al passe a 1800€ a setemane.

A seconde di cemût che si evolvarà il marcjât tal rest de stagjon, la HFA e la HBC e podaressin fâ altris piçulis modifichis (ma no grandi robis)

I motîfs par chescj cambiaments a puedis jessi cjatâts chi.

Rimandadis lis gnovis punizions
I gnûfs tîrs di punizion a vignaran mandâts fûr plui tart di ce che o volevin. O volin ancjemò mandâ fûr i tîrs di punizion indirets te amichevulis in cheste stagjon, di chê strade la gnove tatiche sui tîrs di lontan a sarà disponibile pe amichevulis la prossime stagjon. Dutis dôs a saran disponibilis te stagjon dopo la prossime (Otubar 2008). Chest al sigurarà che ducj a podedin provâ lis gnovis opzions prime che sedin disponibilis te partidis uficiâls.

Alenament diferenziât
Viers la fin di cheste stagjon tu podarâs escludi zuiadôrs dal normâl alenament, ancje se e 'nd àn zuiât une partide. Il zornament de resistence e de forme al restarà normâl. Chest ti judarà a doprâ i zuiadôrs une vore fuarts cence l'aument de abilitâts e dai stipendis.

Miorament dal umôr dai tifôs
Il gnûf sisteme dal umôr dai tifôs, lis spetancis dai tifôs, al stâ lant avonde ben in gjenerâl. lis jentradis medis no son cambiadis masse rispiet il vecjo sisteme. Lis jentradis a saran plui altis gracie al presit plui alt dai biliets, ancje se la afluence e sarà plui basse. Dût câs al è cualchi piçul problemeche o vin voie di meti a puest par fâ funzionâ il sisteme ancjemò miôr, e che al podaress dâti cualchi jentrade in plui.

Gnovis denominazions pe spetancis de partidis
Par fâ capî miôr ce che si spietin i tifôs o vin slargjât la scjale de denominazions juste sore e sot il pont medi. "O podin vinci" e "O podaressin pierdi" e jerin masse largjis, par chest lis diferencis de spetancis pe stagjon e jerin masse picjulis par sedi notadis. Dût câs cheste modifiche e je dome a nivel di presentazion.

Reazions dai tifôs ai risultâts de partidis
Picjulis vitoris/sconfitis e vevin un impat masse picjul sul umôr dai tifôs in gjenerâl, specie partidis cun tancj goi ma dome un di diference. di chê altre bande, une grande diference di goi e dave un efiet enormi. Di vuê, lis vitoris/sconfitis plui piçulis e daran une reazion plui fuarte. Chest al sarà plui visibil te partidis che finissin 5-4, 4-3 e vie indevant. Lis vitoris (e sconfitis) cuntun ampli margjin a varan un impat ridusût, ancje se di poc.

Ancje il margjin di reazion dai tifôs al è stât ridusût di alc. I tifôs a reazisin in maniere fuarte, ma no cussì fuarte come prime.

Plui difficil rivâ ai nivei estrems dal umôr dai tifôs
Al sarà plui difficil rivâ (e restâ) a nivei une vore alts o bas dal umôr dai tifôs. Fin cumò al jere masse dificil tornâ su dai nivei plui bas e masse facil restâ ai nivei plui alts. Di cumò dome bruts risultâts costants a tignaran i tifôs ai nivei plui bas, e par restâ ai nivei plui alts a coventaran risultÂts miôrs di chei di une volte.

Scancelament parziâl dal umôr dai tifôs a fin stagjon
A fin stagjon al vignarà fat un scancelament parziâl dal umôr dai tifôs, l'umôr si spostarà a mieze strade viers il pont medi (il valôr origjinâl). Il gnûf sisteme al rint mancul util un scancelament totâl e i utents a puedin ancje sfrutâ chest sisteme.

Panoramiche economiche
Par capî parcè che o vin fat chescj cambiaments ti coventin plui informazions su cemût che funzione la economie dal zûc e cemût che e je influençade di ducj noaltris, e ancje sul stât atual de economie.

Stât corint
A son passadis dôs stagjons e mieze di cuant che o vin scomençât a meti dentri plui bêçs par fermâ la ande negative dai presits tal marcjât. I presits a son cressûts, e la maiôr part di voaltris e je intune situazion economiche miôr. Nissune maravee, cumò a son 2,5 voltis di bêçs tal sisteme e il totâl al aumente ogni setemane. Cualchidun al podaress dîsi che a son stâts metûts dentri masse bêçs, ma di che altre bande cualchi fat al à mostrât che al jere necessari.

La percentuâl di abandon e jere al dopli vie pe deflazion
La percentuâl di abandon (i utents che abandonin il zûc), par esempli, e jere al dopli di cumò tai dîs de piês deflazion, e si stave ancje alçant. O vin ancje notât un grum di faliments finanziaris. Par di plui un grum di utents e cjatavin ridicul che i lôr zuiadôrs a piardevin valôr ancje se vignevin alenâts par plui stagjons. Dût insieme chest al jere devastant pal zûc e un grum di utents no son rivâts a fâsi une biele esperience.

I presits alts a rindin l'alenament un "must"
Il sburt a la economie al à cambiât cheste situazion, ma nus à metût denant a altris problemis. Cussì come i presits bas ancje chei alts a son une brute robe pal zûc. I presits masse alts e rindin ducj chei altris coscj ininfluents e il zûc al piert profonditât. L'alenament al devente obligatori. Se no tu alenis i tiei zuiadôrs cuant che i presits a son alts, no tu rivarâs a sostituî i zuiadôrs vecjos cun altris plui zovins - chest al rint impussibil rivâ a mantignî lis prestazions de tô scuadre. Se ti somee di pejorâ la scuadre tu pierdis il divertiment dal zûc.

I utents e agjisin cence sentiment
Cualchidun al podaress dîsi che nol è un problema, viodût che ducj i utents a puedin alenâ i zuiadôrs cun la stesse eficience. E je vere, ma dome se ducj i utents e agjisin cun sentiment. Ma la maiôr part dai utents e agjis emotivamentri. Par esempli, tai dîs de deflazion un grum di alenadôrs a son lâts in faliment parcè che no volevin vendi i lôr miôr zuiadôrs. Nol impuarte se cheste soluzion par evitâ il faliment e jere semplice - dût câs no àn fât cheste sielte.

Riassunt
In pocjis peraulis, i nivei estrems di bêçs (sie alt che bas) no van ben pal zûc. Fintremai che o vin un sisteme economic che al rive a stâ daûr a lis azions dai utents (razionâls e no) e a belançâsi, o vin di controlâ la economie e fâ modifichis dome se al covente. No nus plâs fa chestis modifichis (e o savin che neancje a voaltris al plâs), ma a voltis si scugne. O stin lavorant a un sisteme economic solit, ma al vûl un pôc di timp par finîlu.

Efiet dai cambiaments
La inflazion dai presits e fâs mal al zûc e à di sedi fermade. Lis nestris stimis a disin che o podin ridusi un poc il flus di bêçs e tignî un nivel dai presits stabil. Chest al podares volê dîsi une lente deflazion, che al moment e je acetabile (ancje il 10% par stagjon). O podaressin (ancje se no o sperin di no) vê un salt dai presits come efiet psicologic a chescj cambiaments.

Cambiament a lis jentradis dai Sponsor
Dutis lis scuadris e cjaparan il 3% di mancul dai sponsor. Chest al alçarà ancje l'impuartance dai risultâts de partidis.

Resistence gjavade dai fatôrs pal stipendi
La resistence e influençe dome i stipendis dai regjiscj, che e je une robe cence logjiche viodût che ducj i zuiadôrs e àn bisugne de resistence al dî di vuê. Duncje o gjavarin la resistence dai fatôrs pal stipendi. I zuiadôrs (regjiscj) cun resistence sul ecelent bas e tignaran il lôr stipendi curint. I Zuiadôrs cun resistence plui alte e varan une riduzion dal stipendi e i zuiadôrs cun resistence plui basse e varan un aument. Chest cambiament al è ancje in linee cun lis dichiarazions di aumentâ il salari dai zuiadôrs plui vecjos, e no stâ spietati altris grancj cambiaments dai lôr stipendis.

L'efiet globâl al sarà un aument ator il 2%, no impuarte la division. Si podaress spietâsi un impat plui grant de divisions plui altis.

Stipendi dai specialiscj
Ogni specialisct al cjaparà un aument di 300€, chest al vûl dîsi che ogni specialist al costarà 1800€.