Novitâts

Par miorâ lis comunicazions cun voaltris di tant in tant o fasarin partî progjets setemanai tal forum Globâl (Inglês). I sogjets dai progjets a saran svariâts: di chei piçui (come spiegâ un ciert mecanismi di zûc) a plui vascj (come "Ask an HT"). Ducj i progjets a duraran cirche une setemane e l'obietîf al è che ducj e varan alc indaûr, cognosince e clariments in particolâr.

Il prin progjet che o vin mandât fûr al è stât Mythbuster, ispirât dal program TV cul stès non. Viodût che Hattrick al è plen di mîts o vin pensât che al sares stât divertent e util viodi se i mits a son vêrs o se o rivin a dîsi se a son fals. A diference dal program TV no podin doprâ nissun esplosîf o altri robis da gjienar, dungje i nestris test no son di grant intrateniment. Par di plui, viodût che o sin intun periodi di intens revision dai codiçs de pagjinis web no vin timp par une grancj tests. O vin scugnût fâ alc di plui piçul, un "Mythbuster light": robis che o podin controlâ avonde a la svelte tal codiç. In ogni câs, o vin domandât a la comunitât di scrivi i lôr mîts e daspò o vin sielt trê. O vin ancje zontât un cuart come bonus. Chi dilunc i risultâts dai mythbuster:

Mît: I Clown e alçin il spirit di scuadre - Fals!
Il mît dai mîts si è dimostrât fals, a dispiet ancje de regulis che disevin il contrari. Si diseve che i zuiadôrs cun alt carisme e influençavin il spirit di scuadre cun la lôr popolaritât, duncje plui alte e jere la popolaritât di un zuiadôr e miôr al jere il spirit di scuadre, secont il mît. Viodût che si crodeve che al bastave vê il zuiadôr in scuadre, la int e comprave zuiadôrs dome par cheste reson - di spes chescj zuiadôrs e jerin inutii tal cjamp, e jerin dome "clown".

Dût câs, no vin cjatât nissun codiç cun la minime pussibilitât di confermâ la esistence dai clown. Chest mît al è stât devinitivementri discrotât. I clown no esistin e la sezion de regulis su di lôr e je stade gjavade. No ai idee di cemût che e sedin finîts te regulis, ma il mît al è une vore vecjo (dai timps che Hattrick al jere zuiât di pôcs miârs di utents in Svezie e i svilupadôrs a svilupavin il zûc tal timp libar), forsi e jere un miorie pensade che je rivade te regulis ma no je mai stade realizade. Une robe dai gjenar al dî di vuê no pues capitâ, il mût di lavorâ al è dal dût diviers. O stin ancje tornant a scrivi lis regulis par fâlis plui facilis di lei e di capî, e biel che luj fasin o controlin che i contegnûts a sedin justs.

Mît: I fisioterapiscj no àn nissun impat – Fals!
Si diseve che i fisioterapiscj no sbassin il riscli di infortuni. Cuant che o vin controlât o fin cjatât avonde a la svelte che il mît nol jere nuie altri che un mît. Comu in ducj i mîts, daûr si nascuint alc di vêr. I fisioterapiscj e ridusin in riscli di infortuni, ma no (e no varessin) àn nissun impat sul timp dal infortuni une volte che un zuiadôrs si fâs mâl.

Mît: La ande de scuadre e à influençe su lis probabilitâts di segnâ une volte che si è otignude una azion - Fals!
Secont il mît, la ande de scuadre (cjapâle cun calme e altris) no dome e influençe il centricjamp (lis pussibilitâts di otignî une azion di gol) ma ancje lis probabilitâts di segnâun gol une volte otignude une azion. Par che sedi vere, la ande de scuadre e vares di sedi cjapade tal calcul "atac cuintri difese", ma no vin cjatât nuie dal gjenar e o podin discrotâ ancje chest mît.

Mît: La fidance in sè e à une influençe plui grande di chê che si viôt te valutazions de partidis - Confermât!
O vin zontât chest mît come bonus viodût che a son stâts dibatiments e studis su chest mît prime dal progjet Mythbuster, e o vin pensât che jere une buine idee fa un pôc di lusôr. Il mît al diseve che la fidance in sè e influençe i atacs plui di chel che al è dât a viodi te valutazions. Par che al sedi vêr al à di sedi doprât tal calcul dal atac - ma (ancje) fûr dal calcul de valutazions. E al jere propit chest il câs, la fidance in sè e ven doprade tal calcul dal atac, ma e ven doprade dôs voltis - une tal calcul de valutazion e une altre al di fûr de valutazions. Chest al vûl dîsi che la fidance in sè e 'nd à un efiet platât, e un efiet plui grant di chel che al ven mostrât te valutazions de partide.

Al moment o stin pensant a cemût compuartâsi cun la fidance in sè intun doman, e a son diviersis soluzions di considerâ. Une robe e je sigure: o vin voie di rindi la fidance in sè plui visibile di cemût che e je cumò.

Cualchi peraule par finî…
O vûl sedi onest: al è stât une vore divertent discrotâ cualchi mît, ancje cence esplosîf (e a viodi lis reazions de comunitât de discussions dai forum no si sin diviertûts dome noaltris). Cualchidun al à dît che ni mîts a rindin dût (fintremai un zûc) plui gustôs, e forsi e je vere. Ma ancje se probabilmentri no rivarin a discrotâ ducj i mîts, o crôt che o fasarin un altri progjet Mythbuster. Fortunatementri o rivarin ancje a fâ cualchi simulazion, par mostrâ cumût che a lavorin i nestris test.

Ma al sarà di spietâ. I progjets setemanai no puedin jessi dome sui mîts, la prossime volte o fasarin alc di diviers. Si viodarin in chê volte!