Novitâts
12-9-2008
Editoriâl: Benvignûts tal mont modern
L'aspiet dal 2008 di Hattrick al è finalmentri rivât. Al è un aspiet net e diret, e carateristic, cun elements discrets e modernis - e al è ancjemò il charme dal vecjo Hattrick! Al è fât pi schermis dal dî di vuê, cun caratars plui grancj che lu rindin plui facil di lei.
O vin dât plui impuartance soredut a navigazion e doprabilitât, e ducj i doi a son stâts une vore miorâts. Il gnûf menu di çampe al à mancul opzions e al è simpri presint, rindint la navigazion plui facile. Come che al à dît un dai utents che lu à provât: "Al è une vore intuitîf. Daspò 5 minûts ti somee di vêlus doprât di simpri."
Par di plui no vin podût fâ a mancul di zontâ un biel pocs di aspiets gnûfs tal sît. Ancje un zornament dal pachet pai Supporter, par esempli il gnûf disegnadôr de divise.
O vin lavorât par un biel pôc su la gnove grafiche (e su la dotnetificazion), e al è biel savê di sedi rivâts a la fin. Vie pe vore o vin vût un bon reon dai utents che le àn provade, e ancje da la comunitât, cuant che o vin mostrât cualchi anteprime. Fin dal inizi il spirit al è simpri stât positîf, e vie vie al è deventât simpri plui positîf.
La prime volte che la grafiche e je stade la prioritât
La reson par cui che la gnove grafiche e je plasude cussì a la svelte e di cussì tante int no je tant strane. Cheste e je la prime volte te storie di Hattrick dulà che o vin privilegjât la grafiche, pensant dutis le pagjinis dal nuie. Il risultât e je une struture une vore miôr, dulà che o vin tignût cont di mioraments futûrs. Po daspò dutis lis imagjinis e iconutis a son stadis fatis dal stès artist, cumò o sin sigûrs che il stîl dal sît al è dut compagn.
Come che o vin dite chi disore o vin scrît di gnûf dut il codiç, cumò al è dut in .NET. Chest al vûl dîsi la fin dai sgnervants time-out continuis, e par no al sarà plui facil zontâ gnûfs aspiets al sît. Parcè che si, o vuelin miorâ il gnûf sît ancje daspò chest zornament.
La logjiche daûr il menu in alt
Lis fondis in cheste gnove struture si cjatin tal menu in alt, che al è dividût in sîs categorîs, dulà che ogni categorie e vierç un menu te çampe cun altris opzions. Sot Gno Hattrick tu cjatis dut ce che al è leât a te stès e ae comunitât, sot Gno Scuadre tu cjatis dut ce che al è leât a la tô scuadre e Mont ti mostrarà dut ce che al è ator de to scuadre a nivel nazionâl e internazionâl. Lis categorîs Forum e Buteghe e son par lôr cont, e par finî sot Jutori tu cjatis dut l'aiût che ti podarès coventâ.
Doi aspiets al presit di un
La gnove grafiche e je disponibile cun dôs "skin" diferentis (di base e semplice) e un doman a vignaran zontadis altris. La skin semplice e je disegnade in particolâr pai schermis plui piçui e lis conesions a internet plui lentis, ma a podarès sedi dome une cuestion di guscj.
Robis gnovis chi, lì, di ogni bande
Cumò a son robis gnovis plui o mancul in dutis lis pagjinis, duncje e je un grum di robe di scuvierzi. La prime robe che tu notarâs probabilmentri e son lis gnovis figuris tal sît; a mostrin l'umôr dai tifôs e sponsor - e naturalmentri lis musis dai zuiadôrs (o i profii). Lis musis a mostrin ancje se il zuiadôr al è infortunât, in vendite e se al à un cartelin ros.
Tu puedis sielzi di mostrâ lis abilitâts dai zuiadôrs cun sbaris invezit che tal mût classic. Lis sbaris a son di aiût specie pai gnûfs zuiadôrs che no àn ancjemò imparât a memorie dutis lis denominazions. Tu puedis sielzi la visualizazion preferide te pagjine de preferencis.
I No-Supporter e àn ancje l'acès a cuatri iconutis di scurte in alt te pagjine, rindint plui facil rivâ a la casele de pueste, Ht-Live, i trasferiments e l'imprest di ricjerce. Tu cjatarâs ancje cualchi statistiche par scuadris e zuiadôrs e te pagjine de seris tu puedis zontâ dutis lis partidis dal prossim turni al HT-Live intun colp - e lis partidis zontadis no spariran se ti rive un time-out. Fevelant di robis che no spariran; i zuiadôrs a cui tu âs fat ufiertis e pai cuai la tô ufierte no je plui che plui alte, a restaran visibii te pagjine dai trasferiments.
A tor di te a son altris umans
Tu viodarâs che no tu sês di bessol in chest zûc (se fin cumò ti someave cussì). Hattrick al è ancje un zûc sociâl e cumò tu podarâs ancje viodi la ativitât tal sît - rindint il zûc plui vîf. Te pagjinis de tô scuadre e de seris tu puedis viodi i visitadôrs resints, e lis scuadris suportadis a son mostradis pai Supporter (ma se no tu sês a to bielstâ cun altris che ti cjalin, tu puedis cambiâ lis impostazions pe privacy te preferencis pal sît). Te pagjine de seris tu puedis viodi trops parons che a son online, e te ultimis gnovis de seris tu cjatis comunicâts stampe, trasferiments di zuiadôrs, cuant che vegnin dâts i ordins pe prossimis partidis e tantis altris robis.
Un gnûf forum disegnât sie pai utents gnûfs che pai plui esperts
Tu cjatarâs ancje un forum gnûf di steche in chest zornament. Al è deventât une vore plui facil di doprâ e capî pai utents gnûfs e mancul esperts, ma cun la stesse profonditât domandade dai utents plui esperts. Lei di plui sui forum e su cemût doprâju tal editoriâl sul forum, o vin pensât che al meretave un dedicât.
L'incredibil disegnadôr di divisis e altris zornaments al Supporter
Se tu sês Supporter tu varâs l'aspiet plui fantastic di chest zornament, il gnûf disegnadôr di divise. Lis peraulis no bastin a dâ justizie a cheste aplicazion fantastiche, cumò si pues dîsi che tu puedis creâ la divise che tu âs simpri insumiât fin a vuê. E al è avonde facil di doprâ; cjape la forme che tu vuelis e strissinile su la divise, daspò sielz misure e colôr. No stâ dismenteâti di salvâ une volte a puest.
Lis divisis a son visibilis te pagjine de scuadre, te cronache de partide - e ancje te figuris dai zuiadôrs. Chest nus puarte a lis gnovis figuris dai zuiadôrs, fatis dome par Hattrick dal artist Beach (che al à fat ancje imagjinis in passât e ancje pal zûc di taule). Lis gnovis musis e dan a Hattrick e ai zuiadôrsun grum di caratar, plui di chês vielis. Lis gnovis musis a son basadis su lis vecjis carataristichis, ma viodût che cumò a son plui variantis (plui variantis di cjavei luncs o curts, plui variazions di colôrs di cjavei e vie indenant) cualchi carataristiche a podarès sedi un poc diferente. Clarementri, se no tu vuelis viodi lis musis tu puedis cambiâ la visualizazion te preferencis.
Come Supporter tu puedis vê un Avatar tal stîl di Hattrick, che al vignarâ mostrât ancje tai forums. In cheste prime version tu varâs une muse a câs ogni volte che tu cambis avatar, ma o vin in programe une seconde version dulà che tu podarâs sielzilu di bessol cambiant i diviers elements de muse. Ten di ments che se tu as studât lis musis no tu puedis sielzi il to avatar.
In dutis lis pagjinis dai tiei zuiadôrs tu cjatarâs la ultime presince in cjamp, i detais dal alenament e la fantastiche note a post-it. Dongje a cheste tu âs une iconute di scurte a la pagjine dai Supporter, supporter miorât e pagjine pe collezion di bandieris, e tu varâs un zornament gloriôs al pachet Supporter.
Prin pas viers la integrazion Alltid
Dentri la gnove grafiche al è il prin pas viers la integrazion cun lis statistichis Alltid. I membris Alltid Plus e àn cumò l'acès a lis statistichis Alltid jenfri Hattrick, frache su la icone Alltid te relativis pagjinis. Lis statistichis Alltid a saran disponibilis a plui utents plui indevantr, cuant che i pas di integrazion a saran completâts (che al puartarà vie cualchi mês).
Fâs lis tôs scuviertis
Ancje se o varessin voie di fâlu, al è praticamentri impussibil fevelâ di dutis lis piçulis robis de gnove grafiche. A un ciert pont o pensin che al sedi plui divertent scuvierzi lis robis di bessoi cun spazi pai moments a-ha. O sugjierin di fâ un zîr par scuvierzi il gnûf mont di Hattrick, e dînus tai forum cualis che son lis robis che tu preferissis. I Forum e son il miôr puest dulà fâ domandis su la gnove grafiche.
Cualchi ringraziament speciâl
Par finî o vuelin ringraciâ a ducj utents di prove: i nestris oficiâi (GM/LA/Mod/CHPP), il nestri grup GUI di reference, ducj i utents dal Stage e ducj i utents Svedês che insieme ai lôr amîs no utents di Hattrick e àn provât live la gnove grafiche tai nestris uficis. Gracie a ducj pe cjace ai baus, i reons, sugjeriments - e specie par tignî alt il nestri spirit, la motivazion e la energjie. Cence di voaltris chest nol sares mai sucedût.