Novitâts
12-9-2008
Editoriâl: Un forum gnûf e sempliç
Ogni zornade a vegnin scrits plui o mancul 100.000 messaçs tai forum di Hattrick, e cuntun totâl di 178.000.000 messaçs il nestri forum al è un dai plui grancj forum internet tal mont. Cumò lu vin fat plui ingolosîf ancje pai gnûfs utents. Il nestri forum al è une vore plui facil di doprâ e di capî, e al è ancje plui biel di viodi!
Il forum nol è plui separât dal rest dal zûc, une volte che tu jentris tal forum tu varâs ancjemò la navigazion dal sît denant di te. Nol è plui dividût in dôs parts; il vecjo dâ un cuc al è stât integrât tal forum. Ancje se il forum al è deventât une vore miôr pai gnûfs utents, i utents plui esperts e cjataran ancjemò la maiôr part de funzionalitâts che e àn rindût il vecjo forum cussì grant e par prionte ancje cualchi gnove funzionalitat. Continue a lei par une guide ai gnûfs forum.
Un vecjo mût di dîsi al fâs "No val la pene savêlu se nol ven scrit tai forum di Hattrick". Bon, lu vin inventât - ma al varès podût sedi cussì pardabon! A la fin de fiere il forum al è un puest fantastic cuntune atmosfere vivarose e amichevule. Al somee ancje che a sedin altris robe te vite oltri a Hattrick che a meritin di jessi discutudis, parcè che i nestris forum no son doprâts dome par fevelâ di robis leadis a Hattrick. La maiôr part de feveladis e je fate su robis no-Hattrick.
I vecjos forum e plasevin une vore ai nestris utents esperts. Di chê strade al jere dificil pai utents gnûfs e no abituâi doprâlu e capîlu, duncje dome une minoranze di utents a doprave i forum cuntune cierte frecuence. Il gnûf forum al somee plui a un forum normâl e al è stât disegnât par rindi la vite plui facile pai utents mancul esperts che no àn visitât il forum di spès. Tal stès timp o vin vût une vore di rions dai utents esperts vie pe fase di test, parcè che sot il gnûf aspiet dal forum i utents esperts e àn cjatât la maiôr part di funzionalitâts che e jerin usâts a doprâ tal vecjo forum.
Une guide al gnûf forum
Se tu visitis il forum pe prime volte si spiegarâ di bessôl. Come che o vin dite prime, al somme un forum normâl. Sôt la superficie al è cualchi aspiet che al rindarà la vite tal forum plui divertente. Duncje, chi sôt tu cjatis une guide al gnûf forum. Se tu sês un utent espert di Hattrick ti racomandin di lei il cjapitul "Bon a savêsi pai utents esperts dal forum".
La pagjine principâl dai Forum
Te prime pagjine dal forum tu viodarâs subite i messaçs scrits a te. Tu puedis sielzi di lâ diretementri al messaç o di vê dome un cuc a ce che ti è stât scrit. Subite sôt tu cjatis lis discussione che tu âs visitât di resint, rindint plui sempliç cjatâ ce che tu ti sês lassât indaûr. Te prime pagjine tu cjatis ancje une ricercje pai forum e i forum racomandâts.
Il menu di çampe
Cuant che tu vierzis il forum tu viodarâs ducj i tiei forum tal menu di çampe. Tu puedis sielzi l'ordin che tu preferissis, la prioritât dai forum, te pagjine de preferencis (Il gno Hattrick > Preferencis). Cuant che tu slargjis un forum tu viodarâs dutis lis discussion. Par dutis lis discussions tu viodarâs il numar totâl dai messaç, e in naranç il numar di messaçs di lei. Il menu di çampe al à trê tabelis (e tu puedis sielzi la tabele di default te preferencis dai forum):
Gnûf al mostre lis discussione plui resintis tai tiei forum, tignint cont dal to ordin dai forum. Te preferencis tu puedis sielzi tropis discussions mostrâ.
Scurtis al mostre "Lis discussions che o seguis" (discussions dulà che tu âs scrit o che tu stâs seguint, viôt plui sôt) e "discussions di utents tai segnelibris" (discussions dulà che un utent preferît al à scirt).
Ducj ce crodistu che al fasedi; al mostre ducj i tiei forum.
Cjate e zonte un forum
Par cjatâ e zontâ un forum ai tiei forum al è un imprest di ricercje te prime pagjine, tu puedis ancje sielzi jenfri dai forum racomandâts te prime pagjine. Cuant che tu frachis su di un forum tu lu learâs come ospit. Par jentra tal forum, frache su "jentre tal forum" tal menu di çampe. Se tu vuelis lassâ un forum tu lu fasis de pagjine de preferencis.
La aree di leture
Cuant che tu frachis su une discussion i messaçs a vegnin mostrâts te aree principâl, e tu puedis doprâ lis frecis par sgarfâ jenfri lis pagjinis. Tu puedis sielzi trops messaç visualizâ par ogni pagjine te preferencis dai forum. Se no ti plâs la ju fin a la fin de pagjine tu puedis zontâ une sbare di scoriment de preferencis pal forum. La aree di leture e vignarà justade in automatic ae dimension dal schermi. Tu puedis ancje zontâ une sbare di scoriment al menu di çampe se tu vuelis.
Il menu a tendine al inizi de discussion dulà che normalmentri al è scrit "mostre ducj i messaçs" al pues sedi doprât par viodi i messaçs che tu âs scrit te dscussion, e ancje par filtrâ i messaçs di altris utents.
Sotscrizions e segnelibris
Tu puedis sielzi di sotscrivi a une discussion, cheste discussion e vignarâ mostrade tai tiei leams e al sarà plui facil continuâ a leile. Se tu scrivis intune discussion, cheste discussion e vignarâ sotscrite in automatic.
Se tu metis un utent tai segnelibris, dutis lis discussions dulà che lui/je al/e scrîf e vignaran mostradis te tabele de scurtis.
Avatars e firmis
I nestris supporters e àn la possibilitât di sielzi sie un avatar che une firme. Se no ti plasin tu puedis disativâju te preferencis dai forum. Lis firmis a puedin ancje sedi taiadis, al vûl dîsi che vignaran mostrâts dome i prins 50 caratars.
Ignorâ discussions (e utents)
Tu puedis ignorâ discussions dal menu di çampe francant la "x". Tu cjatarâs ancje la funzion ignore al inizi di ogni discussion. Lis discussions ignoradis a puedis in ogni câs sedi cjatadis slargjant i forum e sielzint "mostre discussions ignoradis". Al è ancje pussibil ignorâ un utent e i siei messaçs no vignaran mostrâts vie pe leture.
Bon a savêsi pai utents esperts
O cordin che tu ti abituarâs a la svelte ai gnûfs forum. Si pues dîsi che a son stâts doi grancj cambiaments a part la gnove grafiche: Dâ un cuc al è stât integrât tal gnûf forum e il vecjo sisteme di prioritât al è stât (finalmentri) sostituît di un miôr. Ordenâ i tiei forum te preferencis dai forum e je la prime robe che ti racomandin di fâ (no stâ dismenteâti di salvâ). Chi dilunc tu cjatis cualchi altre informazion impuartante:
• Tu cjatarâs il vecjo "Dâ un cuc" te pagjine principâl (messaçs par me) e te pagjine de scurtis.
• La prioritât dai forum (alt/bas) e je stade sostituide di un gnûf sisteme di prioritât dulà che tu puedis ordenâ i forum come che tu vuelis.
• La prioritat de discussions (alt/bas) e je stade sostituide de discussions sotscritis (mostradis te pagjine de scurtis) e discussions ignoradis.
• I messaçs di utents tai segnelibris (che une volte e deventavin di alte prioritât) no vegnin mostrâts di bessôi te pagjine de scurtis.
E viodût che tu sês usât ai frame ti tornin a visâ: se no ti plâs la ju fin in somp de pagjine tu puedis zontâ une sbare di scoriment sie tal menu che te aree di leture te preferencis dai forum.