Novitâts
3-17-2009
Editoriâl: Un grum di novitâts pai supporter
O sin une vore contents di mandâ fûr une gnove version dal nestri
pachet Supporter. In chest ultin an il sît al è stat une vore miorât in funzionalitât e stabilitât, e cumò il sît al vâ une vore ben (cemût che o varès sigurementri notât). Tignint chest di ment o vin prontât un grum di novitâts par chei che e àn rindût chescj mioraments pusibii, i nestris Supporter.
In chestis novitâts tu cjatarâs ancje la anteprime de partidis, che rint plui facil analizâ i aversaris.
Tu âs la opzion di creâ i tiei profii di ricercje dai zuiadôrs in liste di trasferiment e lis tôs scurtis. Tu cjatarâs ancje un editor di HT-ML pai comunicâts stampe e pal libri dai ospits, la condivision de divisis di zûc, mioraments te federazions e ancjemò altri in chest gnûf pachet pai Supporter.
Al è inutil dîsi che i nestris Supporter e il pachet Hattrick Supporter a sedin une vore impuartants par nôaltris. A son i nestris Supporter che rindin pussibil tignî Hattrick libar pe maiôr part di utents, e al è gracie a ducj i Supporter se o podin continuâ a svilupâ e miorâ Hattrick. Vie pal ultin an o vin fat il plui grant miorament di simpri tal sît di Hattrick; o vin tornât a scrivi dut il codiç, cuntune gnove grafiche e cualchi miorament al hardware. Il risultât al è stât un sît une vore stabil, afidabil e funzionâl. Pai nestris supporter o vin preparât cualchi gnove funzionalitât te gnove grafiche, ma prime di scomençâ gnûfs progjets o vin pensât che fos ore di dâ alc in plui ai nestris Supporter che e àn rindût chescj mioraments pussibii. Duncje, insieme ai nestris ringraciaments, o vin preparât chestis novitâts:
Muse a muse
O vin miorât la vecje muse a muse e trasformade intune splendide anteprime de partide. Ti dâ une panoramiche complete dal prossim aversari, rindint plui facil analizâlu e capî cemût superâlu. Tu savarâs subite se al à cartelins o infortunis, se al à fat trasferiments ultimamentri e tant altri. Tu cjatarâs la gnove muse a muse fracant su une de tôs prossimis partidis. La prime part e je mostrade a ducj. Il stât, lis ultimis partidis, la storie dome pai Supporter.
Creâ e modificâ lis tôs scurtis
Come Supporter tu varâs plui scurtis in alt a diestre. Cumò tu puedis ancje creâ di gnovis e cambiâlis come che tu vûs. Nuie di plui comut! Par cambiâ o modificâ lis tôs scurtis, passe parsore de iconis de scurtis.
Creâ profii di ricercje dai trasferiments personai
Cumò tu puedis creâ i tiei profii di ricercje e dâ une ricercje di base. Une vore comut di doprâ, e util par risparmiâ timp, cuant che tu fasis la stesse ricercje plui voltis. Tu puedis cambiâ i tiei profii te pagjine dai trasferiments.
Ten di voli i trasferiments
Se un dai tiei zuiadôrs tai segnelibris al ven metût in vendite ti rivarâ un avîs tal Gno Hattrick. Tu puedis ancje tignî di voli il zuiadôr, al vûl dîsi che il stât de sôs ufiertis al vignarâ mostrât te pagjine dai trasferiments, rindint plui sempliç seguî l'aste.
Creâ formazions pes partidis personâls
Te opzions pe formazion al sarà plui facil e svelt cambiâ, par esempli, tra formazion standard e formazion de riservis. Tu podaràs zontâ ordins doprant lis opzions de formazion sot i ordins pe partide. Tu puedis salvâ une formazion za doprade o doprâ une formazion pe prossimis partidis come formazion personâl (par salvâ la formazion personâl, prime di dut salve la formazion par une partide, dopo torne te pagjine dai ordins e zontile a une formazion personâl sot lis opzions de formazion). A vignaran cjapâts dentri ancje i ordins dai zuiadôrs.
Condivision divisis di zûc
O vin viodût un grum di bielis divisis di cuant che o vin mandât fûr il gnûf disegnadôr de divisis in Dicembar, e o sperin che a vignedin fatis ancjemò di plui. Di cumò tu puedis condividi la tô divise cun la comunitât, o disegnâ une edizion limitade par pocjis scuadris. Par chei che no àn il timp, l'interès o la cognosince par disegnâ la divise, a cjataran un intîr armaron dulà cirî une divise.
Mioraments te Federazions
O vin metût plui in lûs i membris de federazions e rindût la pagjine dai membris plui interesante. Tu puedis viodi cualchi informazion sui tiei compagns di federazion; bandiere, non de scuadre, posizion te serie, ultin risultât e comunicât stampe. O vin zontât ancje l'ultin visitatôr, navigazion jenfri i membris e une serie di propostis te ricercje di federazions.
Modifiche il to avatar
Tu puedis fâ che il to avatar al vedi il to stès umôr, o il contrari. Tu puedis cambiâ l'umôr dal avatar cambiant i voi e la bocje. Tu puedis cambiâ ancje il colôr dai cjavei e de piel. Lis musis dai zuiadôrs e àn di sedi abilitadis te preferencis par viodi i avatar.
Liste nere dai utents
Se par cualchi reson no tu vuelis che un utent ti supuartedi, o che al scrivedi tal to libri dai ospits, tu puedis metilu te liste nere tes preferencis.
Zontis al HT-ML e archivi des mail
In chest zornament dal Supporter o vin rindût pussibil il doprâ l'HT-ML tai comunicâts stampe e tal libri dai ospits. Tu puedis ancje salvâ lis mail de scancelazion salvanlis tal archivi des mail.
No plui banners
Ultin ma no mancul impuartant, come Supporter no tu varâs plui i banner. Fin cumò il banner nol vignive ri-cjamât pai supporter, ma cumò o vin fat un pas indenant e no tu varàs plui nissun banner. O podaressin in ogni câs vê cualchi reclam tal zûc (pai nestris prodots o par cualchi messaç dai sponsors) pai Supporter, ma i banner e deventaran come pampagals dal polo sud: inesistents.