Novitâts
7-9-2009
Editoriâl: La nestre vision di Hattrick
Hattrick al è un zûc une vore grant. O vuelin rindilu ancjemò plui grant.
In this editorial we will share our view of the game, tell you where the game is heading and explain how it will affect your life as a manager.
“Svilupe il zûc come che tu vuelis zuiâlu, e tu sarâs ricompensât.” Cheste e je, par chel che o sai, la prime massime su la nestre idee di Hattrick, dite ancjemò cuant che Hattrick al jere un picjul progjet par un grup di pasionâts entusiascj di Hattrick. Un grum di chescj a son ancjemò chi, cun la diference che Hattrick nol è plui un picjul progjet – e je la nestre vite. Inche volte Hattrick al jere un grant zûc, daspò o vin volût miorâlu e son rivâts a fâlu. Vuê Hattrick al è plui grant di che volte, ma il nestri obietîf al è simpri chel: rindi Hattrick ancjemò miôr.
Come che tu sâs, o vuelin concentrâsi sul svilup dal cûr dal zûc, e cun chest obietîf o crodin che al podedi sedi util par ducj i utents savê la nestre idee su Hattrick e su dulâ che o vin voie di portâlu. Chestis a son lis robis che o vin simpri tal cjâf cuant che o svilupin Hattrick, un grum di chestis a son notis – ma a son cualchi modifiche che al è miôr savê:
Lis scuadris in detais
Hattrick al è fondât sul costruî e gjestî une scuadre di balon. Duncje la scuadre, l'alenadôr e lis partidis e àn di sedi simpri al centri dal zûc.
Competitivitât
Lis Competizions e son il motôr di Hattrick, e tu sês in competizion cun altris personis e no cuintri un elaboradôr. Dutis lis scuadris e partecipin a un campionât uficiâl e a une cope nazionâl, e a podaressin ancje partecipâ a competizions definidis dai utents.
Tantis stradis pal sucès
A son un grum di stradis par rivâ al sucès, ma nissune e varès di rinditi dal dût superiôr e no tu varessis di rivâ a cjapâlis dutis contemporanementri.
Tignîlu sempliç
Cualsisedi sielte tal zûc e varès di sedi semplice di capî e fâ. Dutis lis sieltis che tu fasis come gjestôr de scuadre e varessin di sedi significativis e belançadis cun lis altris sieltis.
Timps
Hattrick al è un zûc lent cence gratificazions tal timp curt, o sin sigûrs che tu âs pacience. Un manager nol à bisugne di plui di 30 minûts a setemane par mantignî une scuadre (par vê sucès al covente plui timp).
Un zûc cuntune comunitât
O sin guidâts de comunitât, ma no comandâts di je. O varessin di sburtâ, ma no pretindi, lis comunitâts a vignî fûr di plui.
Cambiaments di tignî di voli
Ancje se i principis chi disore a samein sempiçs, ma a disin un grum di plui di ce che al podaress sameâ al prin cuc. Se tu ju studiis di dongje tu podarâs viodi che no son complets al 100% a vuê, o vin bisugne di miorâ il zûc par completâju ducj. Cumò, la maiôr part di chescj cambiaments a vuelin dome dîsi che lis robis a saràn miôradis. Dut câs dôs robis e àn di sedi evidenziadis parcè che e cambiaran la vite dai utents in maniere avonde direte:
• Vuê tu puedis doprâ ducj i mûts par vê sucès insieme (par esempli tu puedis alenâ al 100% e al stès timp comprâ e vendi al 100%). Come spiegât di sore, intun doman no tu podarâs fâlu. No tu podarâs doprâ ducj i mûts al 100%, tu varâs di sielzi ce strategjie doprâ - e la sielte e à di sedi belançade cun lis altris sieltis.
• Vuê un grum di scuadris no zuin intune cope uficiâl. Intun doman o volaressin che dutis le scuadris e zuiassin intune cope uficiâl.
Altris principis impuartants pal futûr prossim
Fâ di plui cun ce che o vin
Cuant che o svilupin Hattrick o vin miôr miorâ alc che al esist za pluitos che zontâ alc di gnûf. In altris peraulis, une grande gnove funzion che e à efiets sul cûr dal zûc (come lis sostituzions) no sarâ probabile. Si concentrarin su lis ariis zâ tal zûc cuntun potenziâl no doprât e cun posibilitâts di mioraments. La psicologjie de scuadre e je un esempli.
Netâ il zûc des opzions muartis
Chest aspiet al è leât al titul disore, ma ancje al “mantignî dût sempliç” parcè che ogni sielte e à di sedi significative. A son opzions tal zûc che deventin “muartis” dopo un pôc, tu le impostis une volte e daspò no vegnin plui (o cuasi) tocjadis. Chestis opzions a varessin di sedi rivitalizadis (o gjavadis in cualchi câs) par tornâ a vê un parcè. L'intensitât dal alenament e il staff a son doi esemplis.
Belançâ e semplificâ il motôr dal zûc
Lis basis dal motôr dal zûc a son une vore indenant, ma e puedis sedi belançadis miôr. Specialmentri fevelant des formazions, ma ancje su la importance de varis parts de scuadre. Cualchi toc dal motôr di zûc al somee masse afidât al câs e altris tocs masse prevedibii; un belançament miorât jenfri random e prevedibilitât al è indicât par vê il massim de esperience di zûc comtinuant a tignî lis robis semplicis. A son ancje parts che puedis sedi semplificadis. Un motôr dulà che tu puedis sielzi la formazion cence vê zuiadôrs riposizionâts (il motôr curint al è basât dome sul 4-4-2) al podares judâ.
Control indiret de economie
L'unic mût par controlâ la economie al è chel di medi dentri e distribuî bêçs tal sisteme. Nol è un sisteme tant valit. Par fâ lavorâ miôr la economiee covente une conession plui fuarte jenfri dôs risorsis (abilitâts e bêçs) in mût di scambiâ miôr une cun che altre. Cuant che o miorarin diviersis ariis dal cûr dal zûc o fasarin in mût che a servedin a miorâ la economie, specie cuant che al covente a gjestîle cence intervignî diretementri.
Cualchi peraule finâl
O speri che o vedis plui clare la nestre vision sul futûr di Hattrick, e su dulâ che o vin voie di poartâlu. Al è di visâ che Hattrick nol è mai, mai plui e mai altri cambiât tal zîr di une gnôt – ma Hattrick al è simpri in evoluzion. Ducj i cambiaments no vignaran fats intune volte sole, ma e vignaran fats vie pai agns. Vie par cheste strade clarementri vi tignarin informâts sui nestris plans, che a cambiaran i vuestris plans di alenadôrs, ma no darin detais specifics sui cambiaments prime di vêju fats.
Une robe e je sigure: al stâ rivant un period une vore interesant, e o sin plens di energjis e contents par chest.