Novitâts
10-21-2010
Editoriâl: Cope dal Mont XVI - Gare par ospitâle
La stagjon passade o sin restâts maraveâts dai incredibii videos presentâts dai candidâts. Duncje e je ore di tornâ a sedi creatîfs par partecipâ al concors par ospitâ la XVI cope dal mont. Daspò l'esperiment de stagjon passade, o vin cambiât un tichinin lis regulis par rindi la competizion plui divertente sei pai partecipants sei pai votants.
Cheste stagjon, lis nazions che e àn voie di candidâsi e àn di fa un video dulà che e mostrin parcè che si varès di fa la Cope te lôr nazion. Ten di ments... tire dentri la comunitât!
Cui?
O acetin une candidature par ogni nazion. Par fâ in mût che e vegni fate dome une candidature, cheste e varà di sedi uficializade sul forum locâl. Ten di ments che se la tô nazion e à bielzà ospitât la WC timp indaûr, la tô candidature e podarès sedi invalidade. E oviementri la ultime nazion ospitant, Bosnie e Erzegovine, e je escludude.
Cuant?
Il concors al sarà viert dal 22 di Otubar al 21 di Novembar aes 23.59 ore di HT.
Lis votazions si fasaran dal 25 al 30 di Novembar e il vincidôr al sarà anunciât te setemane dal 29.
Cemût?
Il contat uficiâl pe candidadure al à di jessi de nazion candidade su Hattrick e al à di mandâ:
- un leam al video su Youtube, che al vegnarà includût tal canâl Youtube uficiâl di Hattrick.
- un leam ae discussion uficiâl dal forum dulà che si certifiche che la tô e je la candidadure uficiâl.
tramit la pagjine di contat dai NTA cun l'ogjet XVI World Cup Bid (Siguriti di ricevi une rispueste di conferme). Ten di ments che la candidadure e sarà viodude in dut il mont, e duncje tu âs di scrivile almancul in Inglês.
Criteris :
- Creativitât
- Cualitât dal lavôr
- Partecipazion de comunitât
Bonus : Prospetive di gnûfs utents e atenzion di bande dai orghins informatîfs.
Di dutis lis candidaturis, o sielzarìn 5 che e saran metudis ai vôts di bande de comunitât.
Zurie :
A son 5 vôts
- Un vôt ae comunitât tramit scandai (no tu podarâs votâ pe tô nazion)
- Un vôt ai alenadôrs NT e U20
- Un vôt ai NTA
- Un vôt a HT-Johan
- Un vôt a HT-Anne