Come membri de scuadre origjinâl dal 2001 o ai fat dute la strade dal principi; di cuant che il nestri ufici e jere une stance par une persone (e forsit nancje par chê) tal daûr di une buteghe di rosis e ducj a lavoravin come volontariis, a cuant che la piçule samence e je cressude fintremai a deventâ il plui grant zûc gjestionâl di balon online di dut il mont e svilupâ Hattrick al è diventât il nestri lavôr. Duncje o crôt di podê disi che lis ai provadis dutis. Però, o scugni disi che movisi intun ufici 650 km a sud intune citât completamentri gnove e je stade une novitât
E come simpri, cuant che al sucêt un cambiament cussì grant tu ti domandis preocupât ce che al sucedarà. Fin che al salte fûr che il cambiament al è stât une vore miôr di ce che tu speravis, e chest cambiament nol fâs ecezion. In istât mi soi preocupât une vore, ma la gnove scuadre e à tacât a cressi e cumò e je bielzà un grup adun e plen di voie di fâ. E jo no mi preocupi plui, anzit, o sint di vê plui energjiis pal futûr.
Ben, cumò lin indevant cun la presentazion:
La scuadre di Hattrick dal 2011 e je une biele misture jenfri HT vieris e esperts e HT gnûfs e plens di entusiasim. Cualchidun dai gnûfs al è stât cjatât te comunitât di Hattrick, altris a son rivâts di fûr. Ce che nus met adun e je une grande passion pai zûcs e/o pes comunitâts, e il plui di nô al è de stesse fasse di etât (i gloriôs trente, cognossûts come la etât par cambiâ panzìts) e duncje o condividin esperiencis similis fûr di Hattrick.
La scuadre di Hattrick e je organizade in maniere avonde lineâr, ma come dutis lis grandis organizazions, no podarès lâ indevant cence un gjestôr.
Gjestion dal grupJacob al è il CEO di Hattrick Ltd, la aziende che ti met a disposizion chest zûc. Svilup dai afârs, contrats e altris robis leadis ai afârs - Jacob al cure i afârs.
Gjestion dal svilupJohan al è il nestri Diretôr Creatîf. Johan al è responsabil da progjetazion dal prodot. Al fâs part ancje di altris scuadris.
Chris al è il CEO di Spelkultur (la gnove compagnie di Malmö, voltât dal svedês Spelkultur al vûl disi Culture dal Zûc), e il nestri responsabil dal svilup. Come che e sugjerìs la sô mansion, al vuide la scuadre dai svilupadôrs e al contribuìs ancje ae scriture di codiç.
Daniel al è il CTO di Spelkultur e il nestri architet di sisteme. Al à il plen control dai sistemis di Hattrick e des funzionalitâts principâls.
Progjetazion dal ZûcMi plâs precisâ che al è un tocut di progjetazion dal zûc in ognidun di nô de scuadre di Hattrick – al è cussì che o vin voie che vadin lis robis. O volin che dute la scuadre e dedi il so contribût, pluitost che lassâ che al fasedi dut un. Ce che o vin al è il Consei dal Zûc, che al è un forum par discuti la vision a lunc tiermin dal zûc e cuai mioraments che son plui impuartants intun ciert moment.
Jo, (
Tjecken), o soi il diretôr dal consei e o dirêç i lavôrs pal (futûr) dal zûc. O soi ancje un fissât cun la comunitât (viôt sot).
Klas al è un svilupadôr espert ormai. Klas al à ben di ments ce che al è Hattrick, e chest si viôt clarementri cjalant il lavôr che al à fat fin cumò.
Johan e
Daniel a fasin part dal Consei di Zûc.
Scuadre di svilupLa scuadre di svilup e je responsabil dal intîr sît, duncje nol è un svilupadôr esplicitementri responsabil di une cierte aree come che al sucedeve timp indaûr.
Mammo si è zontât ae scuadre in Avost, come un dai prins dai "gnûfs". Al à la esperience perfete par Hattrick, vint lavorât par une des plui grandis comunitâts de Svezie prime di zontâsi a noaltris.
Ulf si è zontât ae scuadre in Avost ancje lui. E al è subit diventât l'HT che al à plui zûc s in scjatule (plui di un centenâr), che al è un sucès considerant l'alt numar di apassionâts di zûcs in scjatule te scuadre.
Michael si è zontât ae scuadre prime di Nadâl, al à une lungje esperience come svilupadôr di software e consulent tecnic, e al à une grande passion par doprâ lis tecnologjiis Web in maniere gnove e creative.
Oxidus nol è sigurementri un novizi, chest inglês al zuie a Hattrick dal 2003. Al fâs part de scuadre di 4 agns e al fâs gran part dal lavôr cuant che si tabaie di rinovâ la interface dal sît.
Erik al è il nestri disegnadôr artistic e ancje un svilupadôr web. Ancje lui si è zontât ae scuadre te sierade e al ame i modei di elicotar.
Bodin al è il nestri ultin acuist. Al è l'utent svedês cognossût come bodinaren. Marcus al à une grande passion pal CHPP e pes scuadris nazionâls, une passion che e podarès cressi ancjemò di plui.
Jens al è il nestri gnûf aministradôr di sisteme e dal database, e al tignarà di ments ancje i nestris cjârs server. Un vêr zentilom, nol podarès mai lassà signorine di bessole te piste di bal
Gusy (di resint si faseve clamâ Mod-Gusyta) si è zontade il mês passât, e e lassarà il Venezuele pe Svezie apene che l'ufici de imigrazion al metarà adun dutis lis cjartis.
Ancje
Klas,
Daniel e
Chris a fasin part de scuadre di svilup.
Scuadre de comunitât e dal marketingLa scuadre de comunitât/marketing e ten di ments lis comunicazions e lis informazions, e a dirêç lis ativitâts di marketing e de comunitât.
Anne si è zontade ae scuadre un an indaûr. E je responsabile de comunitât e sigurementri la persone de scuadre plui in viste tai forum.
Aartspam al è il responsabil dai uficiâi di zûc (GM, Mod. LA, aministradôrs e editôrs CHPP).
Durelas al è il nestri om in Americhe Latine. Al svilupe i marcjâts de Americhe Latine, dal Messic ae Patagonie.
Johan e
jo o fasìn part ancje di cheste scuadre, e ancje
Jacob al fâs naturalmentri part dal marketing.
Puest libarScomençant o ai menzonât il fat che al è ancjemò un puest libar te scuadre, e al è un puest par un svilupadôr web cuntun grum di esperience in web design e doprabilitât, preferibilmentri in zûcs e/o comunitâts. Se tu pensis di sedi adat e tu âs voie di trasferiti a Malmö, controle la pagjine
lavore par nô par plui informazions.
Chestis e son lis personis che e svilupin il zûc par te. Se tu sês daûr a imagjinâ ce che o sin daûr a preparâ pal futûr, chest al sarà l'argoment dal gno prossim editoriâl che al vegnarà publicât la prossime setemane. Si viodin!