Novitâts
6-7-2011
Editoriâl: Competizion par ospitâ la XVII Cope dal Mont
E je rivade la ore pe cuarte competizion par ospitâ la Cope dal Mont.
Cheste stagjon o vin fat cualchi cambiament. Di cumò indevant la competizion si fasarà ogni dôs stagjons, e il secont classificât al vinçarà la pussibilitât di organizâ la Cope dal Mont U20.
Ogni stagjon nus à lât il cûr a viodi ce tancj lavôrs che a vegnivin butâts vie cence sedi premiâts in nissune maniere, ma cun cheste modifiche o rivìn a premiâ doi lavôrs ae volte!
Cundiplui i vincidôrs e ricevaran ancje un blog su Hattrick United!
Cui?
O acetìn une candidadure par paîs. Par fâ in maniere che al vegni presentât un sôl candidât, chest al varà di sedi anunciât tal forum. Ten di ments che se il tô paîs al à bielzà ospitât la Cope dal Mont, chest al podarà invalidâ la candidadure. Oviementri, i ultins trê vincidôrs: Polonie, Indie e Bosnie e Erzegovine, no podaran partecipâ.
Cuant?
La gare è sarà vierte dai 7 di Jugn al 1 di Lui as 23:59 Ore di HT.
La votazion e sarà vierte di Lunis 4 di Lui a Domenie 10 di Lui e il vincidôr al sarà comunicât il 14 di Lui.
Cemût?
Il contat uficiâl pe candidadure al à di sedi dal paîs candidât in Hattrick, e al à di mandâ:
- un leam al video, cjamât su Youtube, che daspò al sarà includût tal canâl Youtube uficiâl di Hattrick.
- un leam ae discussion uficiâl tal forum dal so paîs, dulà che a ven dade conferme de candidadure
- il messaç al va inviât tramit il modul di contat de National Team Administration (NTA) cun ogjet XVII World Cup Bid (controle di ricevi une rispueste di conferme).
Ten di ments che chescj videos a saran viodûts a nivel mondiâl, duncje l'inglês al à di sedi almancul une des lenghis dopradis te presentazion.
Criteris
- Coinvolziment de comunitât
- Creativitât
- Cualitât dal lavôr
Bonus : Pussibilitât di cjapâ gnûfs utents e la atenzion dai media
O sielzarìn lis miôr 5 candidaturis che a saran presentadis ae comunitât par sedi votadis.
Zurie :
A son 4 vôts :
- Un vôt ae comunitât (no tu podarâs votâ pal to paîs)
- Un vôt pai alenadôrs di NT e U20
- Un vôt pai NTA
- Un vôt par HT-Johan
In câs di paritât, il paîs che al varà cjapât plui vôts di bande de comunitât al cjaparà un vôt in plui.
Il vincidôr al ospitarà la XVII Cope dal Mont e il secont classificât al ospitarà la XVII Cope dal Mont U20!
Buine fortune a ducj!