Novitâts
10-3-2011
Editoriâl: Fedeltât dai zuiadôrs
Tal mont di Hattrick ai zuiadôrs no i interesse nuie de scuadre dulà che a zuin o se a vegnin vendûts un grum di voltis. Chest al è une vore strani se tu i pensis parsore. Te realtât un zuiadôr al à bisugne di un pôc di timp par ambientâsi intune gnove scuadre, e cuant che al è ambientât al zuie un pôc miôr.
A partî de prossime stagjon o zontarìn un gnûf concet ae simulazion: la Fedeltât.
Tignî un zuiadôr in scuadre par plui timp lu fasarà diventâ plui fedêl ae tô societât e duncje al rindarà di plui sul cjamp.
Cun la fedeltât o volìn che al sedi plui convenient tignî un zuiadôr in scuadre par plui timp, e o volìn ancje promovi la sielte di costruî la scuadre a partî dai zuiadôrs cressûts in cjase.
Chest concet al sarà introdusût in maniere graduâl in dôs stagjons. I zuiadôrs a cjaparan metât dal bonus la prossime stagjon e il bonus intîr a partî de stagjon subit dopo (che a scomence in Fevrâr).
Din un cuc ai detais. A son doi tips di fedeltât:
Bonus pe fedeltât dal zuiadôr
Par ogni zornade di file che tu tegnis un zuiadôr te scuadre, chest al deventarà un pôc plui fedêl ae societât. Plui al divente fedêl e miôr al zuiarà.
La fedeltât e aumente plui ae svelte in prin, daspò a scomence a cressi simpri plui planc cul passâ dal timp. La fedeltât massime si à daspò trê stagjons, ma daspò 12 setemanis si è rivâts bielzà a mieç.
Bonus massim: +1 nivel di abilitât su dutis lis abilitâts (fûr de resistence), daspò 3 stagjons (336 days).
Esempli: Adam Adams al è un regjist bon e passabil in difese, e al à la fedeltât al massim (divin). Duncje al zuiarà come se al fos un centricjampist ecelent e bon in difese (e chest si viodarà ancje te valutazion a stelis).
La fedeltât di un zuiadôr si viodarà te sô pagjine e a sarà visibil a ducj, e a vegnarà doprade la stesse scjale che si dopre pes abilitâts. Cuant che un zuiadôr al rive ae fedeltât massime al cjape il bonus intîr. I zuiadôrs des zovanîls a partissin bielzâ cun la fedeltât divine.
Ten di ments che un zuiadôr al piert la fedeltât pe to scuadre tal moment che tu lu vendis. Duncje, se tu tornis a comprâlu, tu varâs di tornâ a fâ su la sô fedeltât di zero.
Bonus pe scuadre di origjin
I zuiadôrs che a zuin pe lôr scuadre di origjin, come i zuiadôrs des zovanîls, e lu àn fat par dute la lôr cariere, a rindin simpri un pôc di plui dal moment che a zuin pe scuadre che a àn tal côr.
Bonus: +0.5 nivel di abilitât par dutis lis abilitâts (fûr de resistence)
I zuiadôrs che a àn zuiât simpri pe stesse scuadre a vignaran segnalâts cuntune icone te lôr pagjine. Ten di ments che i zuiadôrs che tu âs vendût e tornât a comprâ no cjaparan chest bonus.
Cjapâ ducj e doi i bonus
Par un zuiadôr al è pussibil cjapa ducj e doi i bonus. Cuant che tu promovis un zuiadôr des zovanîls (nol impuarte cual sisteme di zovanîls che tu dopris) chest al cjaparà un bonus di +1,5 su dutis lis abilitâts (fûr che resistence) fintremai che no tu lu vendis.
Il passât dai zovins al conte
Il timp che i tiei zuiadôrs des zovanîls a àn passât in scuadre al conte dal principi, duncje cualsisei zuiadôr che al è stât in scuadre tes ultimis trê stagjons al cjaparà il bonus intîr dal inizi.
Nazionâls e fedeltât
Pes nazionâls nol è nissun bonus di fedeltât, duncje i bonus di fedeltât non si doprin tes partidis des nazionâls.
Gnûf stât dal staff
Par sierâ l'editoriâl us din un piçul inzornament sul gnûf sisteme dal staff. Come che o vevi dit tal ultin editoriâl dal 30 di Jugn, o vin scomençât a lavorâ sul gnûf sisteme in cheste stagjon, ma purtrop no rivarìn a da fûr il sisteme prime de a finissi la stagjon.