Novitâts

Lis copis amichevulis e chês di federazion a fasin part de storie di Hattrick di un grum di timp. Ma par podê zuiâ cuintri i tiei amîs in maniere competitive, doprant i miôrs zuiadôrs de to scuadre nol ere convenient. Fin cumò! Duncje par me al è un onôr presentâ la gnove funzionalitât pai Torneus, soredut parcè che e jê une robe che o domandais di un grum di timp.

Cui Torneus o jemplìn un spazi vueit tal mont di Hattrick. Disi che cheste funzion e zonte une gnove dimension al zûc e pues someâ une bombe, ma no jê par nuie une esagjerazion. I Torneus e zontin tantis pussibilitâts e a vierzin un tip di competizion completementri gnûf. Une competizion dulà che tu zuis cuintri lis personis che tu sielzis tu. Dulà che la rivalitât e la interazion sociâl a zontin morbin ae tô esperience su Hattrick.

Viodìn ben cemût che al funzione:

Regulis di Base
Lis partidis di Torneu si zuin une volte a setemane, di Lunis, e tu puedis partecipâ a un torneu ae volte. Il formât de cope al è chel de leghe cun eliminazions sei a 4 o a 8 scuadris. E coventin cuatri setemanis par completâ un torneu a cuatri scuadris, e cinc setemanis par un a vot scuadris.

Se tu vegnis eliminât di un torneu, tu sês libar di iscriviti a un altri.

Creà e partecipâ a un torneu
Tu cjatis i Torneus te sezion "la me scuadre", te sezion de Prime Scuadre. Tu âs di sedi un Supporter par creâ un torneu. Il creatôr al decît il numar di scuadris, il non, il trofeu e la ore che a scomencin lis partidis, e daspò al invide i utents a partecipâ al torneu. I Supporters a puedin partecipâ a gratis, i no-Supporter invezit e àn di doprâ 2 credits.

Cuant che lis iscrizions a saran completadis, il torneu al scomençarà in automatic e al sarà ancje creât un forum pal torneu.
Se lis iscrizions no saran completadis jenfri il Vinars, la date di inizi e sarà spostade al Lunis de setemane dopo. Chest par permeti a ducj i partecipants di preparà la formazion in timp pe prime partide.

In cheste prime version e jê ancje la pussibilitât di tornâ a scomençâ un torneu (scomençâ une stagjon 2 dal stes torneu), dant la pussibilitât al to torneu di diventâ un classic.

Par plasê, tent di ments che no son "posizions viertis" pai torneus, e son dome su invît. Duncje par partecipâ a un torneu tu âs di ricevi e acetà un invît, o creâ un par to cont (e invidâ altris utents a partecipâ). Se tu vuelis un invît par un torneu o tu âs bisugne di cualchidun di invidâ, tu puedis controlâ il forum dal to paîs (dulà che tu cjatarâs une discussion metude adun a pueste par chest).

Partidis
Lis partidis si zuin in cjamp neutri e no dan nissun incàs. Cundiplui, no son infortuniis tes partidis di torneu, duncje tu puedis doprâ i tiei miôrs zuiadôrs cence problemis.

Lis partidis di torneu e doprin i stes dâts des partidis normâls. Duncje e vegnaran dopradis la forme, abilitâts, esperience e stât di salût di un zuiadôr tal dì de partide. Però e son dôs ecezions: i torneus a òn i lôr cartelins e il spirt di scuadre (e la fidance) a son impostadis a un valôr fis uguâl par ducj. Cjale chi sot par plui detais. Par chest mutîf, no tu as la pussibilitât di impostâ le ande de scuadre prime di une partide; tu puedis zuiâ dome "normâl".

Efiets daspò de partide
Lis partidis di torneu no òn nissun efiet sui zuiadôrs. Duncje, i zuiadôrs no cjapin nissun tip di alenament o esperience di chestis partidis, e no ven dade nissun tip di esperience nancje ae formazion doprade, al spirt di scuadre e vie indenant. In pocjis peraulis, nuie nol ven trasferît al Hattrick "normâl" daspò de partide.

Detais
O ai bielzà menzonât la plui part dai detais, ma un struc nol fâs mai mâl:

Spirt di scuadre: Il spirt di scuadre al ven impostât a un nivel fis (contents) tes partidis di torneu.

Fidance: La fidance e ven impostade a magnifiche tes partidis di torneu.

Infortuniis: Tes partidis di torneu no saran mai infortuniis, ma i zuiadôrs infortunâts tes partidis "normâls" no podaran zuiâ.

Cartelins: I torneus e òn i lôr cartelins. Duncje un cartelin ricevût intune partide di torneu al vâl dome par chel torneu (e no pes partidis "normâls" di Hattrick), e vicevierse. Duncje un zuiadôr scualificât tal Hattrick "normâl" al pues zuiâ une partide di torneu.

Alenament: I zuiadôrs no ricevin nissun alenament des partidis di torneu.

Esperience: I zuiadôrs no cjapin nissune esperience des partidis di torneu.

Formazions: La tô esperience par une formazion tal Hattrick "normâl" e ven doprade ancje pes partidis di torneu. Però, no tu vuadagnis esperience di formazion zuiant une partide di torneu.

Storie dal torneu: La classifiche finâl e vegnarà salvade e archiviade, ma lis partidis e vegnaran scanceladis daspò dôs stagjons.

Includût tal Supporter
La version di base dai torneus (che e jê chê che o fasìn partî vuê) e je includude tal Supporter. Duncje, come Supporter tu puedis partecipâ a un torneu ae volte.

Versions a divignî
Prime che tu scomencis a esplorâ cheste gnove funzionalitât, o ai voie di spindi cualchi peraule sul futûr dai torneus. Cun cheste prime version o vin vût voie di creâ une buine version di base; alc dulà che o podedin zontâ e svilupâ gnovis funzions e opzions. Dal moment che chest al è ce che o vin voie di fâ. Di fat o vin bielzà scomençât a fa plans pe prossime version, che o sperìn di fa partî tai prossims mês. Cheste gnove version e includarà plui formâts e dimension di torneu, torneus vierts (cence invît), e une opzion pal creatôr par paiâ dut il torneu. E forsit ancje alc altri, o viodarìn.

Ultin, ma no par chest mancul impuartant. O vûl ringraziâ ducj i uficiâi e i utents dal Stage par vê provât cheste funzionalitât, cjatant i erôrs e dantnus preseâts conseis - graciis!

Cumò o ai finît, duncje va e zuie cualchi torneu. O speri che tu sedis entusiast.

Psst, se tu vuelis controla cemût che al funzione un torneu cuant che lis partidis a son in cors, Hattrick Press al ospite un < a href="/Community/Tournaments/Tournament.aspx?tournamentId=37313" >torneu promozionâl speciâl< /a > par 8 editôrs. A zuiaràn une partide in dì a scomençâ di vuê as 20.00 HT-time.