Come che o ai menzonât tal editoriâl sui Torneus, il nestri progjet al è chel di screâ la prossime version jenfri pôcs mê. Chest progjet nol è cambiât, ma o vin decidût di dividi in dôi la version, in maniere di screâ une part un pôc prime. No crôt che o vedis alc in contrari, nomo?
La prossime version dai TorneusDuncje, la prossime version dai Torneus - che o clamarìn 1.1 - e varà:
- Cope a cuadrant cun eliminatoriis a 12 e 16 scuadris
- Cope a eliminazion direte par 4, 8 e 16 scuadris
- Vitrine pai trofeus
- Une opzion pal creatôr dal torneu di podê paiâ par ducj i partecipants
- Pussibilitât di sielzi di no ricevi invîts pai torneus.
O pontìn a prontâ cheste version jenfri pocjis setemanis.
Pe version dopo, la version 1.2, o varìn:
- Torneus vierts (si pues iscrivisi cence invît)
- Opzion par creâ un torneu cence partecipâ
- Opzion pai no-Supporter par creâ un torneu doprant Gears
- Mioraments ae doprabilitât e visibilitât
O pontìn a prontâ cheste version prime de istât (Europeane).
A saran altris inzornaments daspò di chescj, no si fermarìn di sigûr ae version 1.2. Juste par che lu savedis.
Valutazions detaiadis des partidisLis valutazions detaiadis des partidis a son stadis in progjet, par tant, tant timp; al è facil e che tu mi vedis sintût tabaiâ di chest, timp indaûr. Chest al è un progjet che mi sta a cûr, al è une vore impuartant pe esperience di zûc e duncje o soi content di podê disi che o vin tacât a lavorai parsore. O sin ancjemò al inizi dal svilup, ma man man che o larìn indenant us darìn plui informazions (imagjins e altri, tant par capîsi) sul nestri
blog dai svilupadôrs.
Nol covente disi che chest al rindarà lis tôs partidis e i rapuarts di partide une vore plui interessants di analizâ. Chest al permetarà ancje une analisi plui profonde e al permetarà di capî miôr cemût che al funzione il motôr di zûc, che a so volte al rindarà plui facil capî (o cjatâ une spiegazion) il risultât finâl di une partide.
Chest al è ce che al sucedaràLa maniere predefinide di mostrâ lis valutazions e sarà la medie de partide, propit come vuê (dome che e sarà plui biele di viodi). Però tu podarâs viodi ancje:
- Valutazions par setôr in diferents moments de partide (a intervai frecuents)
- Grafics sul svilup dal rindiment di un setôr te partide
- Valutazions pai zuiadôrs (valutazion a stelis) in moments diferents de partide (a intervai frecuents)
- Grafics sul svilup dal rindiment di un zuiadôr te partide
- Events in evidence, par viodi cemût che un event (par esempli une sostituzion) al influence lis valutazions
Cumò come cumò, no pues disi cuâl che al sarà l'interval minim pes valutazions, ma di sigûr al sarà fat almancul ogni 10 minûts.
Dome stelis zalisCun chest inzornament o gjavarìn il colôr diferent pes stelis. A sedi onescj, nol è mai stât un mût tant pratic par mostrâ trop che al rint un zuiadôr strac. Al ere dificil capî ce che a volevin disi - e cundiplui nol coventarà mostrâ tancj colôrs parcè che al lôr puest e saran i grafics.
Metude in voreCuant saraial metût in vore chest inzornament? La miôr rispueste che o pues da e jê: cuant che al sarà pront. O vin apene scomençât a lavorâ su chest progjet che al è une vore impuartant pal zûc - e o vin voie di fâlu une vore ben. No vin voie di fa lis robis di corse e meti in vore alc che no nus sodisfe a plen. Invezit o vin voie che al sedi alc che al vâl la pene spietâ.