Novitâts
9-3-2012
Editoriâl: Competizion par ospitâ la XIX Cope dal Mont
E je rivade la ore pe seste competizion par ospitâ la Cope dal Mont. Chest colp e jê la pussibilitât di ospitâ la XIX Cope dal Mont o la XIX Cope dal Mont U20: il vincidôr al podarà sielzi.
Ai paîs che a àn voie di ospitâ la Cope dal Mont: coinvolzêt la comunitât e metêt adun un video che al fasedi viodi parcè che la Cope dal Mont e varès di sedi ospitade di voaltris.
Cui?
O acetìn une candidadure par paîs. Par fâ in maniere che al vegni presentât un sôl candidât, chest al varà di sedi anunciât tal forum. Ten di ments che se il tô paîs al à bielzà ospitât la Cope dal Mont, chest al podarà invalidâ la candidadure. Oviementri, i ultins vincidôrs: Israêl, Trinidad e Tobago, Polonie e il secont classificât de ultime edizion Finlandie, no podaran partecipâ.
Cuant?
La gare è sarà vierte di vuê a Joibe ai 20 di Setembar aes 23:59 Ore di HT.
La votazion e sarà vierte di Lunis 24 di Setembar a Domenie 30 e il vincidôr al sarà comunicât la setemane dopo.
Cemût?
Il contat uficiâl pe candidadure al à di sedi dal paîs candidât in Hattrick, e al à di mandâ:
- un leam al video, cjamât su Youtube, che daspò al sarà includût tal canâl Youtube uficiâl di Hattrick.
- un leam ae discussion uficiâl tal forum dal so paîs, dulà che a ven dade conferme de candidadure
- il messaç al va inviât tramit il modul di contat de National Team Administration (NTA) cun ogjet XIX World Cup Bid (controle di ricevi une rispueste di conferme).
Ten di ments che chescj videos a saran viodûts a nivel mondiâl, duncje l'inglês al à di sedi almancul une des lenghis dopradis te presentazion.
Criteris
- Coinvolziment de comunitât
- Creativitât
- Cualitât dal lavôr
O sielzarìn lis miôr 5 candidaturis che a saran presentadis ae comunitât par sedi votadis.
Zurie :
A son 3 vôts :
- Un vôt ae comunitât (no tu podarâs votâ pal to paîs)
- Un vôt pai alenadôrs di NT e U20
- Un vôt pai NTA
In câs di paritât, il paîs che al varà cjapât plui vôts di bande de comunitât al cjaparà un vôt in plui.
Il vincidôr al sielzarà se ospitarà la XIX Cope dal Mont o la XIX COpe dal Mont U20 e il secont classificât al ospitarà la competizion che a vanze!
Buine fortune a ducj!