Al è di un grum di timp che o pensìn che ve un unic prodot Supporter cul stes presit in plui di 120 paîs al vedi limitât il numar di utents che a puedin comprâ il Supporter par gjoldi di plui il zûc. O volevin sedi corets tai confronts dai nestris utents, proponint un presit uguâl par ducj, ma come che o savês e son grandis diferencis di redit jenfri diferents paîs. E la realtât e je che in cierts paîs i utents no puedin permetisi di comprâ il Supporter, pierdint un grum dal divertiment ufiert di Hattrick.
Duncje, tai ultins 6 mês o vin fat une gruesse ricercje jenfri i utents di Hattrick, cul jutori di une agjenzie esterne, par capî cetant fa paiâ e cemût pachetizâ il prodot Supporter.
Arint, Aur e Platin – i gnûfs pachets SupporterIl pachet Supporter atuâl al sarà dividût in trê pachets diferents:
Supporter Arint: Un pachet plui piçul e economic che al à dome funzionalitâts di base pe comunitât, profîl de scuadre e statistichis.
Supporter Aur: Compagn dal pachet Supporter atuâl (ducj i utents che al moment e son Supporter e varan chest pachet).
Supporter Platin: Il pachet definitîf che tui darà acès cence limits aes federazions, puescj par supuartâ altris scuadris e ancje la pussibilitât di vê cirî plui di un candidât ae volte. Tu varâs ancje la pussibilitât di votâ pes prossimis funzions dal Supporter e ultin, ma no mancul impuartant, la opzion di vê une seconde scuadre uficiâl! Plui informazions su chestis dôs opzions chi sot.
Tu cjatis plui informazions sui pachets Supporter su la
pagjine di paragon.
Presits diferents par ogni paîsIn zonte ai gnûfs pachets Supporter o fasarìn dai presits diferents par ogni paîs, come che e fasìn za ancje altris aziendis che a operin su plui marcjâts. Chest al vûl disi che pe prime volte in dôi agns, in cualchi paîs al sarà un aument dal presit dal Supporter. Però, pe pluipart dai paîs, il presit al sarà plui bas!
I gnûfs presits e jentrin in vigôr a cun vuê.
Seconde scuadreCome menzonât parsore, la opzion di vê une seconde scuadre e sarà includude tal pachet Supporter Platin apene che cheste funzion e sarà ativade (no je ancjemò stade completade). Vê une seconde scuadre al vûl disi che o learìn une altre scuadre al to acont. In pratiche, tu varâs la pussibilitât di gjestî dôs scuadris: ogniune des dôs scuadris e varà i siei zuiadôrs, financis, scuadre dai zovins e vie indenant. Però tu lis gjestissis dal stes acont. Duncje, in chest sens al sarà un utent, ma dôs scuadris.
No tu podarâs trasferî zuiadôrs jenfri lis dôs scuadris e o pontìn a lassâti sielzi in cuâl paîs creâ a seconde scuadre: tal to paîs atuâl o in cualsisei altri se tu vuelis. In cualsisei câs, lis dôs scuadris no podaran mai zuiâ te stesse serie.
O screarìn la opzion de seconde scuadre te prossime pause di stagjon (a mieç Mai). O darìn plui informazions su chest plui indevant.
Votâ pes funzions dal SupporterIncludude tal pachet Platin e je ancje la pussibilitât di votâ pes prossimis funzions dal Supporter - tu varâs il podê di influençâ il svilup dal Supporter. Al mancul une volte al an o darìn une liste di funzions Supporter di sielzi - probabilmentri ciertis di chestis e saran stadis proponudis de comunitât - e la funzion che a cjaparà plui vôts e vignarà svilupade!
par finîO crodìn che chescj cambiaments a daran la pussibilitât a plui utents di gjoldi des plenis funzionalitâts di Hattrick e che a judaran la comunitât a cressi. Chest al sarà bon pro sei par te come zuiadôr sei par Hattrick come zûc, e nus permetarà di continuâ a investî sul svilup dal zûc par fâ si che Hattrick al sedi simpri miôr!
O sperìn che tu la pensis ae stesse maniere!