Novitâts

Ai 5 di Avost, i vieris parons di HAttrick (includûts me e il co-fondadôr di Hattrick HT-Daniel) o vin fat un acuardi cun Zattikka par tornâ a comprâ il zûc.

Zattikka e à problemis finanziariis di un pôc di timp e al ere il riscli che chescj problemis e podessin puartâ disfunzions a Hattrick, o adiriture che al fos vendût intune aste.

O sin une vore contents che cun chest acuardi il zûc al è al sigûr: Hattrick al continuarà a funzionâ ancjemò par tant timp tal futûr, o continuarìn a svilupâ e o rindarìn onôr ai bêçs spindûts dai zuiadôrs par Supporter e Credits cun la gjestion passade.

Bisugne disi che chescj events nus àn fât pensâ parsore a un grum di robis.

Cuant che pôc plui di un an indaûr o vin decidût di vendi, o erin intune crosere par decidi ce che o vevin voie di fâ cul zûc. I utents e jerin daûr a calâ e al ere une vore dificil cuistionâ sul fat che o varessin vût di investî di plui sul svilup dal zûc.

Zattikka e rapresentave une vision positive par HT, e crodeve di podê incressi il zûc e i afârs. Duncje o vin vendût, ispirâts dal fat di zontâsi a un grup plui grant e dal viodi dulà che la gnove relazion e podeve puartâ il zûc.

Come che al sucêt spes in chescj câs, lis robis e son diventadis subit plui complicadis di ce che o crodessin. Lavorâ come une aziende publiche al compuarte un grum di lavôr aministratîf che al puarte vie il timp al lavôr creatîf. E al puarte ancje coscj plui alts. O vin scuviert che al ere plui dificil e plui costôs fa incressi il zûc.

Invezit, al è stât dedeât un grum di timp a fâ incressi i vuadagns a tiermin curt dai utents esistents, fasint une schirie infinide campagnis promozionâls e di sconts.

La robe plui frustrante pai "vieris" HT e jere che, ae fin, un grum di decisions e vignivin mandadis indenant ancje se o savevin che no cjalavin avonde indevant. O vin simpri vût une vision dal zûc une vore a lunc tiermin, e chest nol va dacuradi cul sedi une aziende publiche che e à di fâ viodi biei vuadagns ogni trê mês.

Purtrop la vevin nasade juste. Dal moment che o vin tornât a cjoli Hattrick, o podin constatâ che la situazion finanziarie e je une vore piês di cuant che o vin vendût. Par tabaiâ clâr: e son stadis vendudis cuantitâts di Supporter une vore grandis e une vore scontadis, e i bêçs e son lâts cun Zattikka, une compagnie che e je entrade in aministrazion controlade e che forsit e smetarà di esisti in curt

In dì di vuê il Supporter medi al à 270 dîs prime di vê bisugne di rinovâ, cuasi il dopli se paragonât a 18 mês indaûr. Dut chest al vûl disi che lis nestris risorsis e son plui piçulis dal moment che al podarès volê un an par tornâ a un regjim di vendite normâl. O vin di cjatâ une maniere di vuadagnâ miôr di che che e veve cjatât Zattikka. Un esempi al è che o smetarìn di fâ sconts gjenerics, e che o tornarìn a viodi il fat di vê presits diferents secont il paîs. Dut câs il zûc al sarà simpri gratis par ducj.

Dal moment che si preparìn a tornâ a mandâ indevant chest zûc, o vin voie di sedi une vore realistics su cemût che e stâ la nestre economie.

Ce che al fâs grant Hattrick e je la sô comunitât une vore leâl e ative e i utents che e son chi di 5 o ancje 10 agns. No vin di cirî la incressite a ducj i coscj. Forsit Hattrick nol sarà plui un zûc che al incrès. Di fat, al è une vore probabil che il cal di utents al continuarà ancjemò par cualchi timp. E je une robe che o vin di acetâ, e impen di concentrâsi sui numars o vin voie che la nestre mission e sedi che il zûc al à di sedi divertent par chei che e zuin. Magari o podìn rivâ a un pont dulà che il numar di utents si stabilize o magari al torne a cressi, ma al va ben ancje se nol sucêt. La uniche robe che no va ben e je che no o pierdedin timp daûr a robis che no interessin ai nestris utents o che no judin a tignî in pîts il zûc.

In chest gnûf inizi di Hattrick o varin une scuadre di HT une vore ridote, cuntun cost di gjestion che al sarà sustignibil par un grum di agns.

O rindarìn il nestri lavôr plui sempliç lassant pierdi lis robis inutilis. Cun mancul svilupadôrs o varìn bisugne di mancul gjestôrs. Il nestri marketing al sarà fat dai utents contents impen che trami la publicitât. No varìn svilupadôrs dedeâts al svilup de app par i smartphone, ma o estindarìn lis funzions CHPP par cui che al à voie di dopralis. La liste e je lungje, ma si concentrarìn sul cûr dal zûc, zontant lis funzions che e coventin e sperant che voaltris o continuedis a supportanus.

La gnove scuadre ridote e je formade di personis une vore in gjambe e che àn Hattrick tal cûr, come HT-Gusy e HT-Bodin, supuartâts di HT-Daniel che al è simpri stât la eminence grise dal svilup di HAttrick. Purtrop, cualchi vieri amì nus lassarà, come HT-Klas e HT-Tjecken, e in chest moment si sintìn une vore scunîts. Ancje jo o restarai e o sarai responsabil de comunitât insiemit a HT-Aartspam.

Duncje, cuai sarano i nestris plans pal zûc e par dutis chês altris robis che o vin prometût timp indaûr?

Prime di dut o vin voie di clarî ce che o podeis spietâsi di noaltris. O cjaparìn lis nestris decisions considerant cheste gnove situazion. Chest al vûl disi che no podarìn mantignî dutis lis "vieris" promessis che o vin fat rivuart al svilup. Però o pensìn che o podarìn fâ gnovis sieltis une vore miôr.

La setemane stade o vin metût adun la nestre gnove tabele di marce. A part la "funzion dal complean" che i utents e son daûr a votânt, o metarìn adun dôi progjets che o vin "ereditât" di Zattikka.

Il prin e je une gnove pagjine iniziâl. Nol è un grues progjet, ma al somee ben fat e o vin voie di provalu par viodi se al va miôr.

Il secont al è il gnûf sisteme di jutori pai gnûfs utents. Chest progjet al è in prove di plui di un mês, e al sta dant dai risultâts che e prometin ben - la percentuâl di gnûfs utents che e restin e je aumentade dal 20%.

Pal rest de sierade o varin dôi temis principâi.

Un al è che o lavorarìn suntun gnûf sisteme dal Staff. O studiarìn un sisteme che al sedi facil di mantignî e di espandi, alc che al sarà sigurementri miôr dal sisteme atuâl ancje se nol sarà il sisteme dinamic che o tabaiavin timp indaûr. O vin voie di abandonâ lis discussions infinidis su la progjetazion par dedeâsi a zontâ gnovis funzions plui ae svelte, che funzionedin, e sedin divertentis e che si puedin miorâ intun secont moment.

Il secont al è che o fasarìn grancj lavôrs sul CHPP. O crodìn che cuntune scuadre plui piçule, nol vedi sens continua a investî su lis nestris aplicazions par i telefonis. La miôr maniere che o vin di servî la comunitât e je di permeti ai svilupadôrs CHPP di creâ facilmentri lis lôr aplicazions e sîts. Duncje o podeis spietâsi une schirie di funzionalitâts in plui jenfri de fin dal an.

A part chest, o continuarìn a miorâ il Supporter e i nestris altris prodots, come i Torneus. E o podaressin zontâ gnovis opzions di paiament te Buteghe. O vin voie di dedeâ il nestris timp al svilup dal zûc, ma no podìn lassâ indaûr ciertis funzions che al moment e pain chest zûc gratis.

Part de nestre filosofie e sarà di tignî lis robis plui semplicis pussibil, e part di chest al consist tal gjavâ lis robis che no nus plasin o che no funzionin. La prime te liste e je la funzion Offerwall che e jere stade introdote di Zattikka. O vin ricevût un grum di protestis su Offerwall, e no podin fa nuie altri se no declarâsi dacuardi cul fat che Hattrick al è miôr cence Offerwall. I utents che e àn Ponts Ricompense tal lôr acont e àn di doprâju parcè che nol sarà plui pussibil vuadagnâ altris.

O sin ancje daûr a gjavâ il vieri sisteme di SMS. Dal moment che no vin plui un contrat di invii di SMS e che il servizi al è stât doprât di pocjissims utents tai ultims agns o pensìn che e sedi ore di tirâ vie il servizi pluitost che pierdi timp a metilu a puest e a cirî un gnûf contrat. Invezit o pontìn a miorâ il supuart aes notifichis su celulâr tramit lis funzions CHPP.

Personalmentri, o soi une vore content di ve podût viodi Hattrick dal pont di viste di un esterni par alc di plui di un an. O sai che e son tantis ronbis che e o vin fat mâl timp indaûr, ma o vin simpri fat in mût che il zûc al podès vê vite lungje. Dal moment che cheste e je la nestre second pussibilitât, o crôt che cumò o fasarìn un lavôr miôr di ce che al è stât fat tal ultin an.

O vin voie di continua a condividi e a gjoldi chest viaç cun voaltris, e o sperìn che par voaltris al sedi il stes!