Jugendspiller
Training
Jugendspiller kënne sech op zwou Zorte vun Training konzentréieren, eng primär an eng sekundär Trainingsaart. De primären Training wierkt méi wéi de sekundären. Du kanns och zweemol déi selwecht Saach (zum Beispill Verteidegung) trainéiere loossen, also als primären an als sekundären Training, mä den Effet vum Training ass méi grouss, wann s de zwou verschidde Saachen trainéiere léiss.
D'Jugendspiller ginn trainéiert, wa se a Championatsmatcher spillen (vollen Effet) an a Frëndschaftsmatcher (méi klengen Effet), wat bedeit, datt se an enger Woch kënnen duebel trainéiert ginn (an eventuell souguer dräifach). Du muss deng Trainingsastellunge mindestens 10 Minutten éier de Match ufänkt maachen. Den Effet vum Training ass nom Match ze gesinn. Direkt nom Match mécht däin Trainer der e Rapport iwwer dat, wat an der Ekipp geschitt ass, mat enger ganzer Rëtsch vu gudden Indikatiounen iwwer de Spiller hir Fortschrëtter. Du hues och d'Méiglechkeet fir Fäegkeeten opzedecken:
Beim Training an der primärer Fäegkeet wäert den Trainer dir Informatioune ginn iwwer den aktuellen Niveau vun der Fäegkeet vun engem vun denge Spiller ginn, wann deen op d'mannst 44 Minutten op enger Trainingspositioun gespillt huet (also méi wéi nëmmen e klengen Trainingseffet matkritt). Dat zielt och fir de sekundären Training. An deem Fall wäert den Trainer der awer just déi maximal méiglech Fäegkeet vum Spiller an där Fäegkeet verroden, an net den aktuellen Niveau vun der Fäegkeet. De Trainer deelt dir da mat dat de Spiller net méi an der Fäegkeet trainéiert ka ginn, wann de Spiller säi Maximum schonn erreecht huet.
Du kriss allerdéngs keng Informatiounen iwwert de sekundären Training wann et deeselwechte wéi de primären Training ass. Wann den Trainer schonn eppes iwwer all d'Spiller op enger Trainingspositioun gesot huet, wäert en der natierlech kee Rapport maachen. Wann um Enn vum Match manner wéi aacht Spiller um Terrain stinn, gi keng Fäegkeeten opgedeckt
Zousätzlech dozou wäert däin Trainer der normalerweis bei engem vun dräi Spiller mat dem héchste Potential an enger Fäegkeet, déi net trainéiert gëtt, e Rapport maachen iwwer deem säi Potential, also de maximal méiglechen Niveau vun der Fäegkeet bei deem Spiller.