Jugendspiller
Talent-Sich
Du kanns all Woch een neie Spiller kréien, andeems de e Jugendspiller an däi Profikader ophëls. Wat deng Talent-Sich besser ass, wat d'Chancë méi grouss sinn, fir en uerdentleche Spiller ze kréien. Du hues kee Choix, wéi eng Zort vu Spiller et gi wäert, ausser datt s de tëschent engem Goalkeeper an engem Feldspiller wiele kanns. Reche léiwer net domatter, all Woch en Top-Spiller aus denger Talent-Sich ze kréien. Déi meeschte Spiller wäerten net staark genuch si fir deng Ekipp. Du kanns schonn zefridde sinn, wann der een oder zwee de Sprong packen - an der Realitéit funktionéiert dat jo och esou!
Déi meeschte Veräiner investéiere vill Suen an hir Talent-Sich, mä anerer dogéint nëmme bëssen oder guer näischt, well se dofir léiwer Verstäerkungen um Transfermaart kafen. Wéi och ëmmer, wann s de dech décidéiers, op den Nowuess ze setzen, da sief doropper virbereet, datt et seng Zäit brauch, fir datt sech dës Investitioune mat uerdentleche Spiller rentéieren. Du wäers erausfannen, datt et zum Beispill wéineg Sënn mécht, aus enger aarmséileger Talent-Sich Spiller an de Profikader opzehuelen.
All Woch kanns de eng kleng (5 000 US$), eng duerchschnëttlech (10 000 US$) oder eng gréisser (20 000 US$) Zomm an deng Talent-Sich investéieren. Vill kleng Investitioune si méi effizient wei e puer grousser. An anere Wierder, et ass méi schlau fir laangfristeg ze plangen - wann s de awer séier Erfolleg mat denger Talent-Sich wëlls hunn, kënnen héich Zommen eng Méiglechkeet sinn, fir séier Resultater ze kréien. Wann s de wëlls no an no eng uerdentlech Struktur opbauen, ouni zevill ze investéieren, sou kanns de nëmme kleng Bäitreeg dran investéieren. Ginn d'Investitiounen awer net regelméisseg oprecht erhalen, kann d'Qualitéit vun der Talent-Sich ganz séier falen. Wann de Niveau bis gefall ass dann, dauert et nees eng laang Zäit, bis datt en sech erëm erkritt huet.
Du kanns nëmmen ee jonke Spiller pro Woch an däi Kader ophuelen. Wann s de d'Cotisatioun net änners, gëtt dono déi gläich Zomm an den Nowuess investéiert wei déi Woch virdrun.
Et kascht all Kéier 2 000 US$, fir e Jugendspiller opzehuelen.
Informatiounen iwwert d'Stäerkt vun der Jugendekipp fënns de am Menü "Mäi Veräin", an zwar ënner "Jugendekipp". Op dëser Plaz kenns de och d'Zomm astellen, déi an deng Talent-Sich investéiert gi soll, an d'Spiller an däi Kader ophuelen.