Ne përdorim cookies - ato na ndihmojnë ne për tju dhuruar juve një ekzperincë më të mirë online.
Duke përdorur faqen tonë ju pranoni që ne mund të ruajmë dhe të aksesojmë cookies në paisjen tuaj.

Sistemi i Kupës

Pjesëmarrja në një nga kupat e Hattrick është një sfidë emocionuese për çdo menaxher, si edhe një mënyrë e mirë për të fituar përvojë (eksperiencë) për lojtarët tuaj dhe për të fituar para shtesë për klubin tuaj. Sistemi i kupës së Hattrick është dizenjuar për të ofruar një përvojë kuptimplotë për ekipet në çdo nivel. Ai ka qenë gjithashtu i projektuar për të siguruar që çdo ekip ka të garantuara të paktën tre ndeshje në kupë çdo sezon.

Çdo ekip në Divizionin e 6 dhe mbi të do të futet për të luajtur në Kupën Kombëtare. Nëse eliminohet herët nga Kupa Kombëtare, ekipi do të futet për të marrë pjesë në një kupë shtresore të ulët. Nëse liga juaj ka më shumë se gjashtë divizione, atje do të jetë gjithashtu një Kupë e divizionit për secilin divizion më poshtë Divisionit 6. Ekipet në këto ndarje (Divizionit 7 dhe më poshtë) do të luajnë në Kupën e tyre përkatëse divizionale në vend të Kupës Kombëtare.

Nëse ekipi juaj është eliminuar herët nga kupa divizionale ju, ashtu si në Kupën Kombëtare, do të keni shansin për të marrë pjesë në një kupë shtresore më të ulët.

Çiftet e Kupës

Ndeshjet e kupës luhen gjithmonë në mesin e javës. Raundi i parë i Kupës Kombëtare dhe Kupës Divizionale gjithmonë zhvillohet disa ditë përpara ndeshjes tuaj të parë të sezonit në ligë. Kupat e Sfidave përbëhen nga ekipe që janë eliminuar nga Kupa Kombëtare ose Kupa Divizionale, dhe për këtë arsye Kupa e parë e Sfidës fillon një javë pas Kupës Kombëtare dhe Kupës Divizionale. Ka Kupa të veçanta Sfidash që korrespondojnë me Kupën Kombëtar dhe me Kupën Divizionale. Kundërshtari juaj i parë i kupës dhe kupa ku ju do të luani do të shpallet një javë më parë. Në raundet e tjera kundërshtari juaj i ardhshëm dhe kupa ku do të luani do të shpallet pasi të gjitha ndeshjet e raundit të kupës të kenë përfunduar.

Ekipet që hyjnë në kupë në një raund të mëvonshme janë të prirura të takojnë ekipe që kanë hyrë në fillim. Nëse ekipet hyjnë në garë në të njëjtën kohë, ekipet me renditjen më të lartë janë të prirura të takohen me ekipet me renditjen më të ulët. (Në praktike kjo do të thotë se në qoftë se keni arritur të qëndroni në Kupën Kombëtare deri raundin e 5 ose 6, kur ju të hyni në një Kupë Sfide ju do të jeni të prirur të luani kundër çdo ekipi që është eliminuar në Kupën Kombëtare në raundin e 1 ose 2, pavarësisht renditjes tuaj në Kupë).

Ekipet fillimisht renditen sipas divizionit ku ato do luajnë këtë sezon, pastaj renditen përbrenda një divizioni të veçantë siç ndjek:

1. Ekipet aktive të degraduara
2. Ekipet aktive që as u ngjitën as u degraduan
3. Ekipet që u ngjitën me forcat e tyre
4. Ekipet që u ngjitën "falas" (duke zëvendësuar një bot)
5. Bot-e, në rast vendesh bosh.

Ekipet brënda secilit grup të mësipërm zgjidhen sipas renditjes që arritën në mbarim të sezonit të fundit. Kjo renditje qëndron e pandryshuar për gjithë kohëzgjatjen e kupës.

Ekipi me renditjen më të lartë do të luajë jashtë deri gjashtë raundet e fundit të Kupës, në të cilën të gjitha ndeshjet do të luhen në fushë neutrale. Të gjitha ndeshjet e kupës, të cilat nuk nxjerrin dot një fitues gjatë kohës së rregullt, do të kemi kohë shtesë. Nëse edhe pas kohës shtesë nuk kemi një fitues, do të kemi gjuajtjen e penalltive. Për më shumë informacion rreth zgjedhjes së lojtarëve që do të gjuajnë penalltitë, shikoni kapitullin “Rreshtimi: Eksperienca dhe konfuzioni”.

Formati i kupës

Kupa më e rëndësishme në çdo ligë është Kupa Kombëtare. Kjo është e hapur për çdo ekip, që ka një menaxher, në Divizionin e 6 dhe më lart. Vetëm ekipet më të mira do të ketë një shans për të fituar Kupën Kombëtare, por çdo ekip që përparon në këtë konkurs do të shpërblehet mirë.

Megjithatë, në qoftë se ekipi juaj është eliminuar herët nga Kupa Kombëtare ju do të keni një shans të dytë. Nëse ju jeni eliminuar në një nga gjashtë raundet e para të Kupës Kombëtare, ju do të fitoni një vend në një nga tre Kupat kombëtare të Sfidave. Pjesëmarrja në Kupat e Sfidave do të vazhdojë të jetë tërheqës për ekipin tuaj, por shpërblimet janë shumë më të vogla se në Kupën Kombëtare. Nëse ju mundeni, duke qëndruar në Kupën Kombëtare gjithmonë do të paguheni.

Tre Kupat e Sfidës janë quajtur fillimisht Smerald, Rubin dhe Zafir. Kupa e Sfidës (Smerald) merr çdo ekip që është eliminuar nga Kupa Kombëtare në raundin 1 ose 6. Ekipet eliminuara në raundet 2 dhe 5 janë zhvendosur në Kupën e Sfidës (Rubin). Dhe ekipet e eliminuara në raundet 3 dhe 4 janë zhvendosur në Kupën e Sfidës (Zafir). Të tre Kupat do të zhvillohen paralelisht me njëra-tjetrën dhe me Kupën Kombëtare, dhe një fitues do të kurorëzohet në secilën prej tyre. Ju lutem mbani mend se Kupat e Sfidave mund të kenë emra të ndryshme nga ato origjinale në disa liga.

Ekipet që janë eliminuar në raundin e parë të Kupës së Sfidës (Smerald) dhe në raundin e parë të Kupës së Sfidës (Rubin) do të fitojnë një vend në Kupën e Ngushëllimit. Kjo Kupë nuk jep asnjë çmim me para, por fituesi merr një trofe.

Në ligat me më shumë se gjashtë divizione, Kupat e Divizionit organizohen për Divizionin 7 dhe më poshtë. Kupat e Divizionit ndjekin një model të ngjashëm me Kupën Kombëtare, tre Kupat e Sfidës (Smerald, Rubin dhe Zafir) dhe Kupën e Ngushëllimit. I vetmi ndryshim është se çmimi i përgjithshëm është më i ulët.

Madhësia e Kupave përcaktohet nga numri i ekipeve që janë të kualifikuar për kupën dhe që kanë menaxherë. Madhësia më e vogël e mundur e Kupës ende arrin të ketë vend për të gjitha ekipet me menaxher. Pasi të gjitha ekipet me menaxherë janë kualifikuar, kupa do të mbushet me ekipe bot për të përfunduar në fushën e lojës.

1. Shuma e ekipeve të kualifikuar që menaxhohet nga njerëzit është llogaritur.
2. Madhësia më e vogël e kupës që i përshtaten të gjitha ekipet e menaxhuara nga njerëzit është zgjedhur.
3. Kjo Kupë është e mbushur fillimisht nga ekipet e menaxhuara nga njerëz.
4.Më pas do të përdoren ekipet bot nga sistemi i ligës.
5.Nëse kjo nuk është e mjaftueshme, ekipe të reja bot do të krijohen vetëm me qëllim të Kupës.


Java Kupa kombëtare Kupa e sfidës
(Smerald)
Kupa e sfidës
(Rubin)
Kupa e sfidës
(Zafir)
Kupa e Ngushëllimit
Ekipet Ekipet Ekipet Ekipet Ekipet
1 16384
2 8192 8192
3 4096 4096 4096 4096
4 2048 2048 2048 2048 4096
5 1024 1024 1024 2048 2048
6 512 512 1024 1024 1024
7 256 512 512 512 512
8 128 256 256 256 256
9 64 128 128 128 128
10 32 64 64 64 64
11 16 32 32 32 32
12 8 16 16 16 16
13 4 8 8 8 8
14 2 4 4 4 4
15 - 2 2 2 2
16 - - - - -
  • Ekipet që skualifikohen në raundin e parë dhe të gjashtë të Kupës Kombëtare do të kalojnë në Kupën e Sfidës (Smerald).
  • Ekipet që skualifikohen në raundin e dytë dhe të pestë të Kupës Kombëtare do të kalojnë në Kupën e Sfidës (Rubin).
  • Ekipet që skualifikohen në raundin e tretë dhe të katërt të Kupës Kombëtare do të kalojnë në Kupën e Sfidës (Zafir).
  • Ekipet që skualifikohen në raundin e parë të Kupës së Sfidës (Smerald) dhe në raundin e parë të Kupës së Sfidës (Rubin) do të kalojnë në Kupën e Ngushëllimit.

Efektet e skuadrës

Një aspekt i rëndësishëm i Kupave është opsionet taktike që ato paraqesin. Duke qëndruar në Kupë për një kohë të gjatë, ajo ju jep ndeshje më konkurruese, të cilat gjithashtu të japin më shumë mundësi për rritjen e vetëbesimit dhe shpirtin e ekipit në përgatitje për ligë. Ndeshjet e Kupës gjithashtu u japin lojtarëve tuaj më shumë përvojë (eksperiencë), e cila së bashku me shitjet e biletave e bën këtë udhëtim në kupë më të vlefshëm. Megjithatë, jo të gjitha Kupat do të kenë ndikim në ekipin tuaj në të njëjtën mënyrë.

Kartonat dhe dëmtimet janë në fuqi të plotë në të gjitha kupat. Në qoftë se ju ndëshkoheni me një karton në kupë, kartoni është i vlefshëm për lojtarin edhe në ndeshjen e rradhës në ligë.

Shpirti i Ekipit, Vetëbesimi dhe Gjendja e Tifozëve: Vetëm ndeshjet e Kupës Kombëtare dhe Kupave të Divizioneve do të kenë një efekt mbi këto vlera. Ndeshjet e luajtura në çdo kupë tjetër sillen si një miqësore, kur është fjala për ndikimin në Shpirtin i Ekipit, Vetëbesimin dhe Gjendjen e Tifozëve.

Përvoja (Eksperienca): Kupa Kombëtare dhe Kupa e Divizioneve u jep lojtarëve në fushë sasinë e dyfishtë të eksperiencës në krahasim me një ndeshje të ligës. Ndeshjet në Kupat e Sfidave dhe Kupën e Ngushëllimit u jep lojtarëve tuaj gjysmën e eksperiences që ata do të përfitonin në një ndeshje lige.

Të ardhurat nga Kupa

Shitja e biletave është një përfitim i rëndësishëm nga një rrugëtim i suksesshëm në Kupë. Sa më shume të përparoni në çdo Kupë, aq më shumë spektatorë do të vijnë në stadium dhe kështu më shumë të ardhura do të gjenerohen. Kupa Kombëtare dhe Kupat Divizionale janë dukshëm më tërheqëse për tifozët se sfidantët korrespondues dhe Kupat e Ngushëllimit. Ndërsa një ndeshje në Kupën Kombëtare dhe Kupën Divizionale (të paktën në raundet e mëvonshme) mund të tërheqë pjesëmarrjen e ngjashme me një ndeshje të ligës, kupat e tjera janë të krahasueshme me miqësoret kur është fjala për të pranishmit. Kupa Kombëtare e Sfidës do të tërheqë tre herë më shumë spektatorë se një miqësore ndërkombëtare midis dy ekipeve. Kupa Kombëtare e Ngushëllimit do të tërheqë dy herë më shumë spektatorë se një miqësore ndërkombëtare midis dy ekipeve. Kupa Divizionale e Sfidës do të tërheqë dy herë më shumë spektatorë se një miqësore ndërkombëtare midis dy ekipeve. Kupa Divizionale e Ngushëllimit do të tërheqë 50% më shumë spektatorë se një miqësore ndërkombëtare midis dy ekipeve.

Ekipi vendas merr 67% e të ardhurave nga tifozët dhe ekipi mik merr 33%. Në gjashtë raundet e fundit ekipet ndajnë të ardhurat 50/50. Në përgjithësi, tifozët nuk janë shumë të interesuar për të parë raundet e para të kupës, por interesi i tyre do të rritet në raundet e tjera. Është gjithashtu e vërtetë se tifozët e një ekipi të një divizioni më të ulët do të duan të shohin një ndeshje kundër një ekipi të një divizioni më të lartë, por e anasjellta nuk është e vërtetë. Ekipet më të mira në kupa marrin edhe çmime në para siç tregohet në tabelën më poshtë. Nuk ka çmim të lartë për golashënuesin më të mirë të kupës.

Kupa kombëtare

Renditja Kupa kombëtare Kupa e sfidës Kupa e Ngushëllimit
Fituesi 1 500 000 US$ 300 000 US$ -
Fituesi pasardhës 1 000 000 US$ 150 000 US$ -
Gjysëm-finale 750 000 US$ 100 000 US$ -
Çerek-finale 500 000 US$ 50 000 US$ -
Raundi për 16 250 000 US$ 25 000 US$ -
Raundi për 32 200 000 US$ - -
Raundi për 64 180 000 US$ - -
Raundi për 128 160 000 US$ - -
Raundi për 256 140 000 US$ - -
Raundi për 512 120 000 US$ - -

Kupa e serive

Renditja Kupa e serive Kupa e sfidës Kupa e Ngushëllimit
Fituesi 300 000 US$ 150 000 US$ -
Fituesi pasardhës 150 000 US$ 100 000 US$ -
Gjysëm-finale 100 000 US$ 50 000 US$ -
Çerek-finale 50 000 US$ 25 000 US$ -
Raundi për 16 25 000 US$ - -
 
 
Server 080