Ne përdorim cookies - ato na ndihmojnë ne për tju dhuruar juve një ekzperincë më të mirë online.
Duke përdorur faqen tonë ju pranoni që ne mund të ruajmë dhe të aksesojmë cookies në paisjen tuaj.

Ndihmë »   Manuali »   Stafi 

Stafi

Është e rëndësishme të punësosh anëtarët e duhur të stafit për ekipin tuaj. Stafi juaj nuk mund të gjendet në gropë në ditën ndeshje, por ata do të punojnë me lojtarët gjatë javës duke përmbushur detyra të tjera të rëndësishme për klubin. Ata plotësojnë trajnerin kryesor dhe për ju si menaxher është e rëndësishme për t'u siguruar që ju keni njerëzit e duhur në ekip.

Efektet e stafit dhe nivelet e aftësive

Çdo kontribut që ju merrni nga punësimi i një anëtari të stafit është aplikuar si një bonus në krye të një statistike ekzistuese të ekipit. Ky bonus do të jetë gjithmonë i dukshëm për ju. Por, pasi që statistikat e ekipit janë të ndikuara nga faktorë të ndryshëm, efekti përfundimtar mund të jetë i vështirë të parashikohet saktësisht. Për çfarë ju mund të jeni të sigurt është se ju jeni duke lëvizur në drejtimin e duhur. Anëtarë stafi me nivele më të larta të aftësive natyrisht japin një kontribut më të lartë. Këto bonuse janë drejtvizore - që do të thotë se secili nivel shtesë në aftësi gjithmonë kontribuon më shumë se niveli paraardhës. Nëse ju keni disa anëtarë të stafit brenda të njëjtës kategori, bonuset e tyre janë të kombinuara dhe do të aplikohen vetëm një herë. Në këtë mënyrë, një Ndihmës Trainer i nivelit 4 ka të njëjtin efekt si dy Ndihmës Trainer të nivelit 2. Për t'i bërë gjërat më të lehta, ju gjithmonë do të shihni bonuset aktuale të dhëna nga stafi juaj. Një tabelë me të gjitha kategoritë e stafit dhe bonuset mund ta gjeni në fund të këtij seksioni.

Përmasat e stafit

Ju mund të punësoni deri në 4 anëtarë të stafit në total. Ju mund të punësoni deri në 2 Ndihmës Trainer njëkohësisht. Për të gjitha kategoritë e tjera të personelit bordi juaj do të lejojë vetëm një punonjës.

Punësimi dhe pushimi

Kur ju punësoni një anëtar të ri të stafit, ju do keni mundësinë të zgjidhni sa kohë do të zgjasi kontrata. Maksimumi është 16 javë. Sa më e gjatë do jetë kontrata, aq më e lirë do jetë rroga javore. Nëse dëshironi mund ta prishni kontratën para kohe por, në këtë rast, do duhet të paguani dyfishin e shumës që keni kursyer deri atëherë. Pra të ndryshoni mendjen do tju kushtojë shumë shtrenjtë. Gjithashtu, nuk do jetë e mundur që të prishni një kontratë gjatë javës së parë apo të fundit. Përveç kësaj, nuk ka limite të tjera mbi sa herë do keni dëshirë të bëni ndryshime në stafin tuaj.

Prishja e një kontrate

Kur prishni një kontratë, ju do duhet të paguani një gjobë që do jetë e barabartë me dyfishin e gjithë shumës që keni kursyer deri atëherë. Për shembull, ju keni një kontratë 13 javë-she me një anëtar stafi nivel 3 dhe doni ta prishni atë në javën e 8-të. Ju keni paguar deri tani 8 herë rrogën javore që është 4 800 US$ ose 38 400 US$ gjithsej. Mirëpo, nëse ju do kishit një kontratë 8 javore, ju do kishit paguar 8 herë rrogën që do ishte 6 000 US$ ose 48 000 US$. Kursimi është i barabartë me 9 600 US$ dhe gjoba do jetë pra 19 200 US$.

Kostoja/javë

Gjatësia e kontratës Niveli 1 Niveli 2 Niveli 3 Niveli 4 Niveli 5
1 javë 2 115 US$ 4 230 US$ 8 460 US$ 16 920 US$ 33 840 US$
2 javë 2 055 US$ 4 110 US$ 8 220 US$ 16 440 US$ 32 880 US$
3 javë 1 890 US$ 3 780 US$ 7 560 US$ 15 120 US$ 30 240 US$
4 javë 1 770 US$ 3 540 US$ 7 080 US$ 14 160 US$ 28 320 US$
5 javë 1 710 US$ 3 420 US$ 6 840 US$ 13 680 US$ 27 360 US$
6 javë 1 650 US$ 3 300 US$ 6 600 US$ 13 200 US$ 26 400 US$
7 javë 1 575 US$ 3 150 US$ 6 300 US$ 12 600 US$ 25 200 US$
8 javë 1 500 US$ 3 000 US$ 6 000 US$ 12 000 US$ 24 000 US$
9 javë 1 440 US$ 2 880 US$ 5 760 US$ 11 520 US$ 23 040 US$
10 javë 1 380 US$ 2 760 US$ 5 520 US$ 11 040 US$ 22 080 US$
11 javë 1 320 US$ 2 640 US$ 5 280 US$ 10 560 US$ 21 120 US$
12 javë 1 260 US$ 2 520 US$ 5 040 US$ 10 080 US$ 20 160 US$
13 javë 1 200 US$ 2 400 US$ 4 800 US$ 9 600 US$ 19 200 US$
14 javë 1 140 US$ 2 280 US$ 4 560 US$ 9 120 US$ 18 240 US$
15 javë 1 080 US$ 2 160 US$ 4 320 US$ 8 640 US$ 17 280 US$
16 javë 1 020 US$ 2 040 US$ 4 080 US$ 8 160 US$ 16 320 US$

Kategoritë e stafit

Ndihmës trajner

Shpejtësia bonus e trajnimit të dhënë nga Ndihmës Trajnerët është shtuar në efikasitetin ekzistuese të trajnimit të ekipit tuaj. Sigurohuni që ju keni një trajner të mirë para se të merrni parasysh të shpenzoni shumë për ndihmës trajnerët. Por kur ju keni një trajner kompetent, punësimi i shumë Ndihmës Trajnerë të aftë mund të jetë një strategji e mirë për çdo ekip të fokusuar në stërvitje.

Niveli Shpejtësia stërvitjes Rreziku për dëmtim Forma
Niveli: 0
Ska bonus 40% Ska bonus
Niveli: 1
+3,5% +2,5% +0,05
Niveli: 2
+7% +5% +0,1
Niveli: 3
+10,5% +7,5% +0,15
Niveli: 4
+14% +10% +0,2
Niveli: 5
+17,5% +12,5% +0,25

Detajet e efektit

Ky bonus është shtuar si një shumëzues në krye të efikasitetit ekzistuese të stërvitjes siç vendoset nga aftësitë e stërvitjes së trajnerit tuaj, duke zgjedhur intensitet e stërvitjes, si dhe pjesën e rezistencës. Për shembull, nëse keni një trajner Mirë, 100% intensitetin e stërvitjes, dhe 10% pjesën e rezistencës, shpejtësia e stërvitjes në vijim do të arrihet për një lojtar 22 vjeçar fenomenal në organizim:

Pa ndihmës trajner: 8 javë deri në nivelin e ardhshëm.
Kombinimi deri në nivelin 5 : 7 javë deri në nivelin e ardhshëm.
Kombinimi deri në nivelin 10: 6 javë deri në nivelin e ardhshëm.

Ju mund të punësoni deri në 2 Ndihmës Trajnerë në të njëjtën kohë. Nëse ju keni disa Ndihmës Trajnerë, nivelet e aftësive të tyre do të krijojë një bonus të vetëm. Kjo do të thotë se një Ndihmës Trajner Niveli 4 kontribuon njësoj si dy Ndihmës Trajner Niveli 2.

Krahas efekteve në trajnim, Ndihmës trajnerët gjithashtu kanë dy efekte anësore. Forma është rritur, por ka rrezik dëmtimi.

Rreziku i dëmtimit llogaritet si numri mesatar i dëmtimeve për lojë, jo për lojtar por për ekip. Vlera bazë është 0,4 dëmtime per ndeshje për ekipin tuaj. Me një Mjek nivel 5 kjo mund të reduktohet në 0,025. Ndihmës trajnerët kontribuojnë për një rrezik më të lartë të dëmtimit me 0,025 dëmtime për ndeshje në çdo nivel aftësie të punësuar. Kjo do të thotë një Ndihmës trajner nivel 5 rrit rrezikun e dëmtimit bazë me 0,525 dëmtime në ndeshje (0,15 me një Mjek nivel 5), dhe me dy Ndihmës trajnerë niveli 5 ke një rrezik dëmtimi bazë 0,65 dëmtime në ndeshje (0.275 me një Mjek nivel).

Siç është përmendur tashmë, nga ana pozitive Ndihmës trajnerët rrisin formën e lojtarëve tuaj. Nëse ju keni plotë 10 nivele aftësish të Ndihmës trajnerëve, forma do të rritet me 0.5 nivele. Me fjalë të tjera, dy Ndihmës trajnerë të nivelit 5 kontribuojnë sa gjysma e kontributit të Trajnerit të Formës nivel 5.

Prapa tek kategoritë

Mjeku

Mjekët janë përgjegjës për gjendjen e përgjithshme fizike të lojtarëve tuaj. Kjo do të thotë se ata punojnë në mënyrë proaktive për parandalimin e lëndimeve, si dhe me rehabilitimin e çdo lojtari të dëmtuar. Duke pasur një Mjek në ekip ju do të zvogëloni rrezikun e lëndimit, si dhe zvogëlimin e kohës së shërimit për lojtarët e lënduar.

Niveli Shpejtësia rekuperimit Rreziku për dëmtim
Niveli: 0
Ska bonus 40%
Niveli: 1
+20% -7,5%
Niveli: 2
+40% -15%
Niveli: 3
+60% -22,5%
Niveli: 4
+80% -30%
Niveli: 5
+100% -37,5%

Detajet e efektit

Sa herë që ekipi juaj luan një ndeshje, ka një rrezik të caktuar lëndimi për lojtarët tuaj. Duke pasur një Mjek në staf, do të zvogëlohet rreziku bazë i lëndimit për ekipin tuaj. Një Mjek i nivelit 5 do të zvogëlojë rrezikun e lëndimit bazë nga 0,4 lëndime në ndeshje në 0,025 lëndime në ndeshje, por duhet të jeni të vetëdijshëm se faktorë të tjerë - si punësimi i Ndihmës trajnerëve - mund të rrisë rrezikun.

Nëse një lojtar përjeton një lëndim, Mjekët ndihmojnë në përshpejtimin e rimëkëmbjes së tij. Në Hattrick, dëmtimet shfaqen me një kohë shërimi në javë. Gjatë çdo përditësimi të përditshëm, lojtari rimëkëmbet pak nga pak deri sa shërohet 90% (kur ai mund të luajë sërish, por është ende i lënduar) dhe pastaj, kur shërohet 100%, ai nuk ka asnjë shenjë lëndimi të ngelur.

Grafiku tregon se sa shpejt një lojtar do të shërohet plotësisht nga i njëjti lëndim, në varësi të Mjekut që keni. Pa asnjë Mjek, një lojtar 19 vjeçar do të marrë 3 javë për t'u shëruar. Me një Mjek nivel 2, lojtari do të marrë rreth 2 javë për t'u shëruar. Një Mjek nivel 5 zvogëlon përafërsisht në një javë e gjysmë.

Një lojtar 29 vjeçar me të njëjtin lëndimit do të marrë 6 javë për t'u shëruar pa Mjek. Një Mjek nivel 1 e redukton në rreth 5 javë. Një Mjek nivel 5 e zvogëlon atë më tej për vetëm 3 javë.

Prapa tek kategoritë

Psikologu sportiv

Loja mendore është pothuajse aq e rëndësishme sa ajo fizike. Punësimi i një psikologu sportiv mund të ju ndihmojë të krijoni një atmosferë të mirë. Ky anëtar i stafit do të ju ndihmojë të mbani vetëbesimin e ekipit tuaj në lojë, si dhe do të ndihmojë të ushqejë shpirtin e ekipit në të gjithë skuadrën.

Niveli Shpirti i Ekipit Vetëbesimi
Niveli: 0
Ska bonus Ska bonus
Niveli: 1
+0,1 +0,2
Niveli: 2
+0,2 +0,4
Niveli: 3
+0,3 +0,6
Niveli: 4
+0,4 +0,8
Niveli: 5
+0,5 +1

Detajet e efektit

Shpirti i ekipit vendoset nga qëndrimi i ekipit në lojërat e mëparshme. Menjëherë pas një ndeshje shpirti i ekipit mund të rritet ose të ulët, në varësi të qëndrimit të ekipit. Por në çdo përditësimin ditor ekipi ka tendencën për të normalizuar shpirtin e ekipit, që do të thotë se në qoftë se është i lartë, atëherë do të bjerë ngadalë dhe në qoftë se është i ulët, atëherë do të shërohet ngadalë. Një psikolog sportiv mund t'ju ndihmojë të përmirësoni këtë proces duke ngritur vlerën bazë drejt të cilit shpirti i ekipit lëviz natyrshëm. Një vlerë më e lartë bazë do të thotë se vlerat e larta të shpirtit të ekipit do të bien më ngadalë dhe ato të ulëta do të rriten më shpejt. Bonusi i marrë është një e dhjeta e një niveli të shpirtit të ekipit për çdo nivel aftësie të punësuar. Kjo do të thotë se një psikolog sportiv në nivel 5 do të rrisë vlerën bazë të shpirtit të ekipit tuaj një gjysmë niveli.

Vetëbesimi i ekipit juaj është ndihmuar gjithashtu nga Psikologu Sportiv. Vetëbesimi është nxitur kryesisht nga rezultatet e ekipit tuaj dhe sa gola keni shënuar. Por Psikologu Sportiv shton një bonus në vetëbesim. Ky bonus është i barabartë me një nivel të plotë të vetëbesimit për një Psikolog Sportiv të nivelit 5, ose një e pesta e nivelit të besimit për çdo nivel aftësie të punësuar.

Prapa tek kategoritë

Trajneri Formës

Performanca e lojtarit nuk është vetëm për shkak të aftësive teknike dhe qëndrueshmërisë fizike. Lojtarët kanë tendencë për të qënë në formë dhe jashtë forme, dhe shumë faktorë mund të ndikojnë në këtë, jo më pak ato mendore.

Trajneri Formës është specializuar në marrjen maksimale të kontributit të lojtarit që ju keni. Ai mban skuadrën të përgatitur dhe të motivuar. Të punësosh një Trajner Forme nuk është një zgjidhje e shpejtë dhe nuk ka efekt të përhershëm - por për disa ekipe dhe disa situata mund të jetë një zgjidhje e mirë.

Niveli Forma
Niveli: 0
Ska bonus
Niveli: 1
+0,2
Niveli: 2
+0,4
Niveli: 3
+0,6
Niveli: 4
+0,8
Niveli: 5
+1

Detajet e efektit

Forma e lojtarit është një matje se sa afër është ai që të performojë në potencialin e tij maksimal. Vlera që ju shihni tek lojtarët është forma aktuale, dhe kjo është ajo që është përdorur në simulimin e ndeshjes. Megjithatë, forma aktuale gjithmonë ka një prirje dhe vlerat e formës që lëvizin në një drejtim të caktuar quhen sfondi i formës. Duke përdorur një Trajner Forme ju do të merrni një bonus për sfondin e formën tuaj. Sido që sfondi i formës të rillogaritet (kjo ndodh mesatarisht çdo javë të dytë) çdo nivel i aftësive të Trajnerit të Formës do të ndeshet me sfondin e formës me 0.2 nivele më lart. Kjo do të thotë se një Trajner Forme i nivelit 5 do të shtojë një nivel të plotë në sfondin e formës. Ju lutem vini re se sfondi i formës mund të bjerë, por mesatarja juaj me kalimin e kohës do të jetë më e lartë.

Prapa tek kategoritë

Drejtori Financiar

Drejtori Financiar rrit fleksibilitetin ekonomik të manaxherit. Kjo është e dobishme vetëm për menaxherët e klubeve të pasur.

(Nëse ju jeni një përdorues i ri, nuk ka nevojë të merrni në konsideratë një Drejtor Financiar.)

Normalisht, Bordi do të caktojë një afat për paratë në dispozicion ndaj menaxherit për shpenzime të tilla si pagat, taksat e transferimit për lojtar, apo projekte të stadiumit. Çdo aset përtej këtij kapitali pune do të jetë i rezervuar nga Bordi për të siguruar stabilitetin e ardhshëm të klubit. Nëse është e nevojshme, Bordi do të nxjerrë para nga rezervat në kapitalin e punës, por vetëm në një normë të matur. Teprica e kapitalit të punës do të konvertohet në rezerva me një normë prej 2% të parave të përgjithshme në javë.

Me punësimin e një Drejtori Financiar, Bordi do të lejojë edhe një kapital më të lartë të punës dhe një normë më të shpejtë të kthimit në rezervat e parave të gatshme. Nga ana tjetër, kjo do të lejojë menaxherin të investojë më shumë. Punësimi i një Drejtori Financiar mund të jetë i nevojshëm për ekipet që kanë kursyer para për disa sezone dhe tani duan të investojnë shpejt dhe fuqishëm për Kupën ose titullin e ligës.

Niveli Fondet maksimale Kthimi/javë
Niveli: 0
15 000 000 US$ 50 000 US$
Niveli: 1
17 000 000 US$ 100 000 US$
Niveli: 2
19 000 000 US$ 200 000 US$
Niveli: 3
21 000 000 US$ 300 000 US$
Niveli: 4
23 000 000 US$ 400 000 US$
Niveli: 5
25 000 000 US$ 500 000 US$

Shembull: Ekipi Tycoon ka grumbulluar 40 000 000 US$. Pa Drejtor Financiar, Bordi do t'i lejojë akses menaxherit vetëm në 15 000 000 US$ njëherësh. Nëse menaxheri shpenzon 2 000 000 US$, dhe bilanci i ri i parave është 13 000 000 US$, Bordi do të bëjë investime në dispozicion të menaxherit, por vetëm me një normë të ngadaltë me 50 000 US$ në javë.

Tani Ekipi Tycoon punëson një Drejtor Financiar të nivelit 3. Bordi bindet se paratë duhen trajtuar me më përgjegjësi. Kapitali i lejuar i punës është rritur në 21 000 000 US$ dhe norma javore e kthimit ka shkuar deri në 300 000 US$. Për sa kohë që llogaria e klubit qëndron poshtë 21 000 000 US$, një shtesë 300 000 US$ në javë do të transferohen automatikisht nga Bordi tek rezervat. Nëse paratë rriten përtej 21 000 000 US$, për shembull, nëpërmjet shitjes së lojtarëve, paratë fillojnë të rrjedhin tek rezervat me një normë prej 2% të parave të gatshme të përgjithshme, në javë.

Prapa tek kategoritë

Ndihmës Taktik

Punësimi i një ndihmësi taktik do t'ju lejojë një menaxhim më të mirë të ekipit, duke pasur më shumë lëvizje stategjike dhe rreshtime më të përparuara. Efektet e tij janë kryesisht afatshkurtra sepse influencojnë vetëm ndeshjen e rradhës, pra kujdesuni që ta punësoni një të tillë vetëm kur të ketë nevojë klubi juaj.

Niveli Zëvendësime / urdhëra shtesë Fleksibilitet i stilit të lojës
Niveli: 0
Ska bonus Ska bonus
Niveli: 1
+1 +20pp
Niveli: 2
+2 +40pp
Niveli: 3
+3 +60pp
Niveli: 4
+4 +80pp
Niveli: 5
+5 +100pp

Detajet e efektit

Normalisht ju keni në dispozicion 5 urdhëra për lojtarët në fushë (mund të zgjidhni midis zëvendësimeve, sjellje të re, ndryshim pozicioni). Duke patur një ndihmës taktik, ju do keni në dispozicion një urdhër më shumë për çdo nivel të ndihmësit tuaj, pra deri në 10 urdhëra nese e keni nivel 5. Kini parasysh ama që, edhe me një ndihmës taktik, mbetet regulli i maksimumi 3 zëvendësimesh për ndeshje.

Stli i lojës shkon nga 100% mbrojtës (për ato që kanë një tranjer me tipare mbrojtëse) deri te 100% sulmues (për ata që kanë një tranjer me tipare sulmuese), kurse tranjeri neutral arrin vlera mesatare midis këtyre. Ju do mund ta impostoni këtë në faqen e formacionit për ndeshjen e rradhës. Duke pasur parasysh stilin e lojës të preferuar nga trajneri juaj, ju do keni mundësine të ndyshoni mentalitetin e ekipit tuaj deri ne 20% të vlerave bazë për çdo nivel të ndihmësit taktik.

Për shembull, nëse ju keni një trajner me tipare mbrojtëse dhe gjithashtu një ndihmës taktik me nivel 5, ju do keni mundësi të ndryshoni mentalitetin e lojës së ekipit tuaj nga 100% mbrojtës në neutral. Nëse keni një tranjer neutral (pra pa tipare mbrojtëse ose sulmuese) me një ndihmës taktik me nivel 5, ju do mund të ndyshoni vlerat e ekipit tuaj nga neutral bazë në 50% mbrojtës ose 50% sulmues.

Ju duhet ta keni të punësuar ndihmësin taktik në momentin kur luhet ndeshja. Nëse keni vendosur urdhërat e ndeshjes duke patur një ndihmës taktik, por më vonë e keni pushuar nga puna apo atij i ka skaduar kontrata dhe nuk ja keni shtyrë, ndeshja do simulohet pa llogaritur urdhërat shtesë dhe duke përdorur vetëm stilin e lojës të tranjerit tuaj.

 
 
Server 080