Lojtarët e rinj

Stërvitja

Lojtarët e rinj të akademive mund të përqëndrohen në dy lloje trajnimesh në të njëjtën kohë, një parësore dhe sekondare. Stërvitja kryesore ka më shumë efekt se dytësorja. Ju mund të vendosni të stërvitni të njëjtën gjë (për shembull mbrojtjen) njëkohësisht si stërvitje kryesore dhe dytësore, por efekti i stërvitjes do të jetë më i madh nëse vendosni dy lloje të ndryshme stërvitjesh.

Lojtarët rinorë marrin stërvitje si nga ndeshjet zyrtare (ndikim të plotë), ashtu edhe nga ndeshjet miqësore (ndikim më të vogël). Stërvitja për lojtarët rinorë llogaritet për ndeshje, ndaj ata mund të marrin dy herë stërvitje brenda të së njëjtës javë. Ju duhet të jepni udhëzimet tuaja të stërvitjes së paku 10 minuta para se të fillojë ndeshja. Ndikimi i stërvitjes shfaqet menjëherë pas ndeshjes. Menjëherë pas përfundimit të ndeshjes, trajneri do t’ju japë një raport rreth asaj që ka ndodhur me skuadrën, me shumë informata të vlefshëm për përparimin e lojtarëve. Gjithashtu do keni mundësinë të zbuloni disa aftësi:

Për stërvitjen parësore, trajneri juaj do t'ju njoftojë rreth shkallës së tanishme të aftësisë për një nga lojtarët që ka luajtur të paktën 44 min në një vend stërvitor (pra që ka marrë stërvitje më shumë sesa ndikimi më i vogël). E njejta gjë vlen edhe për stërvitjen dytësore por kësaj rradhe do merrni informata rreth mundësisë të mundshe të aftësisë dhe jo shkallës së tanishme. Një raport për mundësinë e lojtarit nuk do të shfaqet nëse ai lojtar arrin shkallën e tij më të lartë, të aftësisë që stërvitet në të njëjtën javë, në një rast të tillë trajneri do të raportojë se lojtari nuk mund të vazhdojë më stërvitjen për atë aftësi të veçantë. Mbani mend se nuk do merrni asnjë raport mbi stërvitjen dytësore nëse është e njëjta me atë parësore. Nëse të gjithë lojtarët që luajnë në një vend stërvitor dhe i kanë aftësitë e zbuluara atëhere trajneri juaj nuk do t'ju thotë ndonjë gjë të re. Gjithashtu, nëse ju keni më pak se 8 lojtarë në fushë kur ndeshja mbaron, nuk do të zbuloni asnjë aftësi.

Për më tepër trajneri do raportojë për një prej tre lojtarëve me mundësinë më të madhe (shkalla më e lartë e aftësisë) në një aftësi të cilën ju nuk e stërvisni.