Community » Hattrick Press

Sálin hans Jóns míns í Hattrick?

Written by Sjoher__

Sálin hans Jóns míns er þekkt hljómsveit sem margir hverjir kannast við og hafa gert heilann helling af lögum en hver hefur ekki hugsað til þess hvort þeir hafi nokkurntímann spilað Hattrick? Ég veit að margir hafa hugsað til þess og hef ég fundið sönnun og staðfestingu á því að þeir hafi spilað Hattrick.

Til þess að sjá samhengið skulum við taka fyrir lagið Orginal eftir þessa frábæru hljómsveit en í því lagi er verið að tala almennt um Hattrick ásamt því að sá sem lagið samdi reyndi eftir bestu getu að hafa einungis Íslenska leikmenn í sínu liði.

Eins og ég gerði þegar ég sannaði að Bubbi hafi spilað Hattrick mun ég setja texta lagsins sem feitletrað og svo skýringar þar fyrir neðan. Hefst þá sönnunin.

Sálin virðist byrja lagið á Almennu tali um Hattrick þar sem inngangurinn hljómar þannig.

---♦ Inngangur ♦---
Það er ekki nóg að hafa sannanir, staðreyndir
Tilvitnun í það að það er ekki nóg að lesa Handbókina í Hattrick
þó þú þykist vita um hvað málið snýst, fyrir víst.
Handbókin gefur gott yfirlit um hvað Hattrick snýst en það er meira bakvið allt heldur en bara það sem handbókin segir.
Það er allt á huldu hér og í raun og veru er
ekkert svar að fá nema þetta hér:
Hver stjóri getur gert mismunandi skipanir sem erfitt er að rýna í fyrirfram hvernig verða framkvæmdar.

---♦ Viðlag ♦---
Ég er bara ég
þú ert bara þú
ég er bara mynd.
Tilvitnun í það að hver notandi veit ekkert um hver situr bakvið skjáinn. Eina sem er víst er andlitsmyndin sem blasir við hverjum stjóra fyrir sig.

Ég er spegilmynd af þér
Sá sem skrifaði textann varð undrandi á því að sjá það að myndin sem hann valdi var eins og næsti andstæðingurinn hans.
ég veit ekki hver ég er
hver er orginal?
Höfundur textans er ekki viss hvor gerði myndina sína fyrr og því er spurningin hvor er að herma eftir hvorum.
Ég er spegilmynd af þér
ég veit ekki hver ég er
hver er orginal?
Endurtekning vegna ruglingslegs hugarástands texta skrifara

Það er því augljóst hér að textahöfundur varð fyrir áfalli þegar hann sá að hann var ekki sá eini með þessa tilteknu andlitsmynd. Það virðist vera að höfundurinn hafi ekki loggað sig mikið inn í Hattrick vegna þess að þegar hann er kominn yfir þetta hugarástand og stilla upp fyrir leikinn fer hann í það að taka upp ungling í aðalliðið sitt.

---♦ 2 erindi ♦---
Ég get ekki fundið neina ástæðu, útskýringu.
Sá sem skrifaði textann tók upp nýann ungling sem hafði ekki Íslenskt nafn.
Kannski eru þetta bara ofsjónir, vísindi.
Hér fer textahöfundur að velta fyrir sér hvað hafi gerst.
Þú skalt ekki trúa mér, það má rækta hvað sem er
Hann ákveður að vera ekki fordómafullur því þetta er jú eftir allt bara leikmaður sem má þjálfa hvernig sem er.
nýjan líkama, þúsund manna her.
Smá öfgakennt hér en textahöfundur er að tala um það að hægt sé að þjálfa bara eins og "farm" (þ.e. að vera bara að þjálfa ákveðinn hæfileika og enga auka hæfileika)

---♦ Viðlag ♦---
Ég er bara ég,
þú ert bara þú,
ég er bara mynd.
Smá tilvitnun í þetta atvik hér að ofan þar sem hann er að benda á það að hver leikmaður er einstakur.

Ég er spegilmynd af þér
ég veit ekki hver ég er
hver er orginal?
Er það að hafa Íslenskt nafn það sem þarf til að geta sagst vera að þjálfa íslenskt lið eða er nóg að hafa íslenskann ríkisborgararétt er það sem textahöfundur er að velta fyrir sér hér.
Ég er spegilmynd af þér
ég veit ekki hver ég er
hver er orginal?
Endurtekning.

---♦ Lokakafli ♦---
Hér eru bara eintómar endurtekningar til að geta lengt lagið aðeins svo þetta hljómi nú ekki eins og bara eitthvað rugl. Hef ég textann hér fyrir þá sem vilja skoða hann nánar.

Mynd af þér -ég er
alveg orginal.

Ég er spegilmynd af þér
ég veit ekki hver ég er
hver er orginal?
Ég er spegilmynd af þér
ég veit ekki hver ég er
hver er orginal?

Ég veit ekki hver ég er
ég er spegilmynd af þér
alveg orginal
alveg orginal
alveg orginal
ég veit ekki hver ég er
er ég orginal?
Þessi lína er eina undantekningin þar sem textahöfundur er orðinn svo ringlaður að hann veit hreinlega ekki hver gerði hvað fyrst og hver er "hreinastur" og því er hann að velta því fyrir sér hvað þarf til að vera orginal.

Hérmeð líkur mínum sönnunum um þetta málefni og vona ég að ég hafi sannfært ykkur um að ekki þarf að leita lengur að því hvort Sálin Hans Jóns míns hafi spilað Hattrick. Nú höfum við loksins sannanirnar um það og getum hvílt okkur á þessum tónlistarmönnum, þá er bara að sjá hvort fleirri hafi tekið Sálina og Bubba til fyrirmyndar í tónlistargeiranum og gert lög um Hattrick.

Ef þið eruð enn ekki alveg sannfærð, hlustið á lagið hér (http://www.youtube.com/watch?v=sYSHfFGsOUc) með textann til hliðsjónar og þá sjáið þið það sama og ég :)

Takk fyrir að nenna að lesa ruglið í mér :)
(◕‿◕)