Novitâts

I gno coleghis tal ufici a son ducj une vore bogns e zentîi, ma a voltis mi sint taiât fûr. Chest parcè che a son ducj "seglots" (tal gno mont, ducj chei che lavorin come programadôrs a son seglots), e io no soi (cussì) seglot. Chest al vûl dîsi ancje che fevelin une lenghe dute lôr, che io no capîs. Ancje cussì, a voltis o rivi a imparà robis gnovis. Tai ultims timps a son rivâts a insegnâmi une gnove peraule: Dotnetify. O dubiti che a esistedi (a jessi onest o soi avonde sigûr che no esistedi), ma i gno ben scuelâts coleghis programadôrs la doprin dût il timp, intun mût che ti fâs pensâ che stedin fevelant dal Messie.

Cjalant un dai lôr grues libris o ai viodût che al vares di sedi .NET (e .NETify di conseguence). Ma tant che lôr a pensin che al sedi fantastic, io o ai viodût dome un grum di probelmis leâts a cheste robe. O sai ancje che no soi l'unic utent di Hattrick che al è stuf e frustrât di ducj i problemis. Savint che i gno coleghis no son stupits o ai capît che a vevin reson, .NET e je une biele robe. Chel che no rivi a capî al è parcè che e je une buine robe, o parcè che o varessin di doprâlu. Cuant che mi àn dite dut al è di fâ in .NET


ASP e .NET
L'ultime volte che o vin riviodût Hattrick, tal 2000, dutis lis pagjinis web a jerin fatis in ASP. Tradusût in leghe potabile, ASP (Active Server Pages) e je une plataforme par costruî pagjinis web. .NET e je chê robe che i programadôrs a clamin framework, che cjalant il gno vocabolari e vûl dîsi "une struture scheletriche, fate par tignîs su o includi alc". Une part di chest framework al è ASP.NET, une gnove version di ASP. In ASP dutis lis pagjinis a son unitâts a sè, e dutis lis pagjinis in .NET a son colegadis tra di lôr e a lavorin insieme.

Resons pe dotnetificazion
I gno coleghis mi àn dite che o sin rivâts a un pont dulà che lis nestris pagjinis e àn di sedi riscritis. Cualchi codiç al à za cualchi an e al pues sedi fat in mût plui eficient. Tignint cont di chest, cuant che son stadis zontadis gnovis funzionalitâts a lis pagjinis, al è stât zontât ancje un gnûf codiç, e ogni zonte e à fat deventâ la pagjine plui dificile di capî e doprâ. Tornâ a scrivi dût in ASP.NET al miorarà lis nestris prestazions. Plui impuartant ancjemò, o varin une plataforme standard dulà che al sarà plui svelt svilupà gnûfs aspiets, e o podin ancje fâju miôr - dût chest cun mancul lavôr.

A disin ancje che al è plui divertent lavorâ in .NET "Lavorâ in ASP al è come vê ogni dî une discussion cence fin sul daytrading, cuant che lavorâ in .NET al è come fevelâ di gnovis ideis pal motôr di zûc".

.NET par Hattrick
A la fin dal 2006, o vin vût la prime pagjine scrite in .NET. Di chê volte dutis lis gnovis pagjinis a son stadis scritis in .NET e o vin dotnetificât cualchi vecje pagjine. La scuadre Zovanîl, la liste di partidis e i segnelibris a son esemplis di pagjinis .NET. Al è facil viodi cualis pagjinis a son scritis in .NET e cualis in .ASP; dutis lis pagjinis che finissin in asp a son scritis in ASP, chês che finissin in aspx a son scritis in .NET.

.NET al somee volê ben a la pagjine principâl
Te lenghe dai elaboradôrs no esist une peraule par amôr, ma .NET al somee inamorât de pagjine principâl. No mi visi tropis voltis che o volevi viodi la liste de partidis o la scuadre zovanîl e invesit o ven mandât te pagjine principâl. A sorprese i gno coleghis mi àn dite che e je une reson logjiche par chest:
Cuant che tu jentri in Hattrick tu lu fasis in ASP. In chel moment o crein un "fals" login a .NET par te. Ma viodût che al è fals, a voltis .NET al piert la connession. Normalmentri (cuant che tu pierdis la connession ASP) ti ven dât un time-out e tu âs di tornâ a jentrâ, ma cumò tu vegnis dome mandât indaûr a la pagjine principâl, viodût che no tu âs pierdût la connession ASP.

Prime di savê la reson, chest probleme al jere ancjemò plui fastidiôs di un normâl time-out. Ma cumò no mi dâ masse fastidi.Dite chest, clarementri o cirarin di ridusi chescj problemis e cul timp al miorarà. Par sfortune il probleme nol vignarà sistemât dal dût fin cuant che dût il sît nol sarà voltât in .NEt

.NET al cree fastidis?
Al sares facil dâ le colpe a la dotnetificazion par ducj i problemis, ma ancje un pôc espert come me al capis che nol sares just e nol miorares nuie. Intun ambient in continui cambiament e svilup come Hattrick al è inevitabil vê cualchi probleme leât a problemis hardward o software, o une cumbinazion di dutis dôs. O pensi che une buien part di utents di Hattrick e acete chescj problemis, ma cul probleme de pagjine principâl e robis dal gjienar tu podaressis restâ infastidît. Se tu sês come me, cognosi la reson ti fasarà restâ mancul infastidît.

Al è alc di rot…
…al è un messaç che no nus plâs e o fasarin il pussibil par tignî chescj messaçs a un nivel plui bas pussibil. O fin fat cualchi cambiament a la struture dal sisteme che nus àn preparât par un caric sul sît plui alt, tignint la cualitât dal servizi dal sît a un bon nivel. Chest cambiament nus à puartât a vê un server in plui di doprâ par provâ la dotnetificazion. Cuant che un pagjine e je stade dotnetificade la fasarin provâ prime di dût ai volontaris dal nestri staff, cualchi timp prime di dâlis ancje a voaltris.

Lis provis no son a prove di proietii
Mi plasares dîsi che lis provis a son a prove di proietil, ma no je vere. A voltis un bau al passe lis provis cence jessi cjatât. La reson e je simpri par vie di sgarfadôrs diferents e problemis che par cualchi motîf a vegnin fûr dome in ocasions specifichis, o une cumbinazion di situazions une vore diviersis.

Imprometi monts dorâts

No cirarai di fâ promessis vueidis che o sai che no rivarai a mantignî, e o pensi che i gno coleghis a sedin in acuardi. Il fat al è che tornâ a scrivi il sît al puartarà al nassi di cualchi gnûf bau. O fasarin il pussibil par tignîju lontans e o fermarin plui a la svelte pussibil chei che passin. Ma o speri ancje che o podedis cjapâju in mût miôr, savint ce che al stâ sucedint e cual che al sarà il risultât finâl - un sît di Hattrick miôr e plui svelt.