Novitâts

Turni 5

Al somee che chest al sedi il turni dal CA, viodût che la maiôr part de scuadre e à sielt cheste tatiche. Al è strani viodi che sîs scuadris su vot e vedin sielt il cuintripît. Par di plui, ches altris scuadris e àn decidût di doprâ pressing. Cualchidun al à vût sucès, altris no, ma al mancul lis partidis e son stadis bielis e divertentis.

La uniche partide cence pressing o cuintripît e je stade che tra FC Granit, la scuadre ucraine usade a zuiâ in cheste competizion, e Artest FC che e je rivade a concuistâ alts centricjamp e difese par superà l'aversari e restâ in zûc.

Il centricjamp di PFC_Beroe nol jere avonde cuintri TURKSTRIKERS. Cheste volte TURKSTRIKERS e à zuiât in cuintripît, e e 'nd à fât ben. Il so atac nol jere fuart, ma al è bastât cuintri la difese bulgare.

Ancje Xeq Matt e à decidût di zuiâ cuintripît, e ancje in chest câs e à funzionât. I undis di Magnificent no àn batût la difese brasiliane, ancje se no jere cussì fuarte. Poco Panthers no son rivâts a vinci gracie al cuintripît: la sô valutazion di titanic e la grande difese no son rivâts a fermâ l'atac di Zeta. Cuntune biele difese e un bon atac, Zeta al è zuiât di inteligjience e al veve capît cemût che vares zuiât la scuadre canadese. Par chest motîf il centricjamp nol jere cussì fuart, ma si è concentrât sul atac.

BeoPower al àdoprât la stesse tatiche cuintri Hashalom Beer-Sheva. Zuiât in Israêl, Hashalom Beer-Sheva al veve il vantaç, e no lu à butât vie. BeoPower si è concentrât su la difese e il centricjamp. Al à cirût dome di atacâ di une bande... ma nol jere avonde. Cumò Hashalom Beer-Sheva e zuiarà il prossim turni.

AC Ziky team, un dai candidâts plui famôs di cheste stagjon, al à zuiât cuntri Condenados FC. In cjase al è cuasi impussibil di fermâ. Condenados e à decidût di zuiâ pressing, ma dût câs Ziky al à segnât un grum, a dispiet de grande difese di Condenados.

La scuadre todescje di TSV Kalkspur Oedheim e continue a vinci, e il so atac centrâl nol à lassàt scjampe al aversari. l'aversari al à cirût di zuiâ cuntripît... ma l'atac di Kalkspur al jere massè fuart e, come tal turni prime, al à fat là indenant la scuadre todescje par un altri turni.


FightClub Football Club, par no sedi di mancul de altris partidis, e à cirût di zuiâ cuintripît par bati la fuarte scuadre portughêse MADP SAD, che à decidût di concentrâsi sul centricjamp ma rivant a buinis valutazions ancje in difese e atac. FightClub al à cirût il cuntripît su lis alis, lassant l'atac centrâl cuasi inutil. La partide e je stade simpri vierte, e MAPD SAD e à finît cuntune vitorie.

Prossim turni...

Cuarts di finâl! O viodarin l'ultim turni cul fatôr cjase/fûr. Lis semifinâls e la finâl e vignaran zuiadis in cjamp neutri. Probabilmentri AC Ziky - TURKSTRIKERS e determinarà une de finalistis de competizions. Dutis dôs lis scuadris a stan spindint un grum di bêçs par vinci la competizion, e e 'nd àn scuadris avonde fuartis par fâlu.

Hashalom Beer-Sheva - TSV Kalkspur Oedheim e je une altre partide interesante. Kalkspur si concentre di plui sul centricjamp e sul atac centrâl, al sarà interesant viodi cemût che al zuiarà cuintri Hashalom Beer-Sheva in Israêl. Artest FC e je une altre scuadre di Israêl (la uniche Nazion cun dôs scuadris ancjemò in zûc) ma e zuiarà cuintri MADP SAD.

Zeta e zuiarà in cjase, e a sarà une altre partide dificile par Xeq Matt. Ancje se al à une grande scuadre, il brasilian al varà vite dure cuintri Zeta in Svezie. Zeta al è superiôr, ma une sielte sbaliade e podares clamâlu fûr dai zûcs. O viodarin se Xeq Matt e rivarà a maraveâ ducj, dimostrant il "jogo bonito" dai brasilians.

Turni 6

AC Ziky team - TURKSTRIKERS:
Ziky al à decidût par un 3-5-2, e si è concentrât soredût sul centricjamp, doi fuarts atacants e cualchi difensôr. Simpri belançade. Il so aversari invesit al à sielt un 4-5-1, cirint di sierâ la partide cul centricjamp alt e une buine difese, dome un fuart atacant, TURKSTRIKERS e scugne cjatâ lis ocasions cun l'atac just, o su situazions da tîrs plaçâts. I events speciâi a son un dai vantaçs che Ziky al volares vê.

La partide e je finide 1-1 e si scugne là ai suplementars. TURKSTRIKERS e je stade avonde fortunade di cjapâ un altre ocasion, sfrutade dal sô fuart atac, fasint là cjase Ziky. Cuntune grande scuadre e 500 hatstats, no je le prime volte che Ziky al à di là cjase dopo vê piardût ancje se superiôr, ma chest nol ridus il lavôr che cadsiz e à fat par là in semifinâl.

Hashalom Beer-Sheva - TSV Kalkspur Oedheim:
Cheste volte dutis dôs lis scuadris si son concentradis soredût sul centricjamp, e poc su la difese, la partide e podaress sedi plene di goi. la scuadre todescje e saveve che cheste partide fûr cjase e podeve sedi dificile... jessint prevedibil (nol veve tantis opzions come l'aversari), basant la sô fuarce sul centricjamp e sul atac centrâl, e à mostrât cemût che vares zuiât. Ma cheste volte il centricjamp nol è bastât, e a pocs minûts de fin Beer-Sheva e à decidût la partide cuntun spetacolâr 4-3.

MADP SAD - Artest FC:
Dôs de scuadris mancul fuartis restadis te competizion, ma ancje dôs de plui inteligjentis, viodût che son rivadis fin chi no cun la fuarce, une cuintri che altre. Secont lis valutazions a jerin une vore dongje, e ducj i doi e an zuiât un 3-5-2 cun fuarts centricjamps e une biele valutazion totâl.

La partide e jere 2-1 dopo il prin timp, cence un possès dominant. Artest al à segnât il 2-2 al 65esim minût, ma MADP SAD al jere une vore agresîf tai ultims dîs minûts, finint la partide par 5-2, mandant cjase Artest. Dopo dût Beer-Sheva al à ben rapresentât la sô Nazion!

Zeta - Xeq Matt:
In teorie Zeta al veve di sedi une vore superiôr: valutazions altis, pussibilitât di zuiâ cemût che al voleve, fuart sui tîr plaçâts, un grum di pussibii events speciâi, zuiâ in cjase, forsi il vantaò dal spirit di scuadre, e altris. La scuadre brasiliane e jere fuarte, ma no avonde par Zeta.

Chescj vantaçs si puedin viodi tal risultât de partide: Zeta al à fat fûr Xeq Matt par 6-1. Al uziarà la prossime partide cuntune buine scuadre che podaress vê cualchi gnûf zuiadôr, viodint il cont in bancje di Zeta. O vares voie di viodi cemût che al rinfuarçarà la scuadre cuintri scuadris che àn mostris monoskill, come la scuadre turche.

Turni 7 - Semifinâls

Hashalom Beer-Sheva - TURKSTRIKERS: Doi 3-5-2 cun bielis valutazions in difese. La scuadre turche e à zuiât cuntun tacant difensîf e, di gnûf cun dome un fuart tacant. parcè un 3-5-2 invesit dal 4-5-1 come te ultime partide? E à vendût un dai difensôrs cheste setemane, duncje no veve tantis sieltis se voleve zuiâ difensive. Chest al vûl ancje dîsi che la so scuadre e je curte in chest moment, un vantaç pai aversaris.

Beer-Sheva al à une scuadre plui grande, e ancje bêçs par comprâ ce che i covente. Al à decidût di zuiâ cuntune formazion conservative, cence concentrâsi su nuie di speciâl (al difûr di un poc di centricjamp). La partide e je stade decidude di un gol di TURKSTRIKERS tai suplementars.

Zeta - MADP SAD:
Zeta al è indevant a centricjamp, gracie a lis alis che dan un grant contribût. MADP al à di zuiâ cuntune ale viers il mieç par tignî su il centricjamp e cence dà un grant vantaç in difese o atac. Zeta invesit al à decidût di zuiâ cuntun difensôr ofensîf. Il possès al è stât di 56% par Zeta.

Cun chest vantaò, Zeta al à podût vê plui ocasions dal aversari, e cheste volte, al è rivât a sfrutâlis segnant 3 goi. MADP al à zuiât ben, ma nol è rivât a segnâ in cheste partide, duncje Zeta al và in finâl. Dût câs, o scugni fâ lis congratulazions a ducj i doi parcè che son rivâts fin in semifinâlcun dôs grandis scuadris.

Finâl

Plui di 100.000 tifôs a son lâts in Norvegjie par viodi la partide jenfri Zeta e TURKSTRIKERS. Zeta al à zuiât grant part de competizion cun la scuadre principâl, invesit TURKSTRIKERS al à zuiât cun zuiadôrs temporaniis (soredût parcè che e jerin une vore costôs). In fat, come che si spietâvisi, e à decidût di vendîju dopo la partide.

Dutis dôs lis scuadris e àn decidût par un 3-5-2. TURKSTRIKERS e je stade prevedibile, e veve mancul opzions e pocs bêçs par comprâ altris zuiadôrs. Centricjamp+difese e dome un fuart tacant e je stade la sô sielte. Zeta al veve plui opzions... e al à decidût di concentrâsi soredût sul centricjamp, cun difese e atac fuarts. Al jere decidût a vinci, no impuarte a cost di ce, e lu à dimostrât metint in cjamp 4 centricjampiscj centrâi, pierdint l'alenament.

La scuadre turche e je subite lade in vantaò, gracie al fuart atac. Zeta al à segnât a la svelte, e dopo di gnûf gracie al portîr che al è fuart ancje tai tîrs plaçâts. Il prin timp al è finît sul 3-1 dopo un altri gol di Zeta, che al veve ancje il possès. TURKSTRIKERS no je rivade a superâ Zeta tal secont timp, e la partide e je finide 4-2. Il gnûf campion, Zeta, e je la prime scuadre de Svezie a vê vint chest titul, chest al vûl dîsi che la Svezie e je la uniche nazion che à vint la Cope dal Mont, la Cope dal Mont U20 e i Hattrick Master.

Congratulasions a Zeta, e ancje a TURKSTRIKERS, parcè che nol è faicl rivâ te finâl de competizion plui impuartante, e ancje parcè che e je la prime femine a rivâ fin chi. Viodarin cui che al rivarà fin chi la prossime stagjon, sperant che sedi divertente come cheste.

Gracie pe leture...