Novitâts

Di cuant che o zui a Hattrick (par 1/3 de me vite aromai) o ai a lunc sperât di podê fâ cambiaments tatics a seconde dal risultât de partide.Podê sielzi di zuiâ cul clostri se o soi in vantaç, o lâ ducj disperatementri in atac par cirî il gol. Mi impensi di dutis lis voltis che, sentât denant dal schermi cjalant la partide, o ai pensât "Ehi, arbitri, o âi voie di fâ une sostituzion tatiche!". Par me planificâ lis sostituzions e je une part dal sedi alenadôr, e o pensi che in tancj e sedin in acuardi cun me. Al fâs deventâ la esperience di alenadôr plui realistiche e vive.

Ancje se lis sostituzions a son une opzion che in tancj e volevin e no o savin che e mioraran la esperience dai alenadôrs, bisugne visâsi che e je une robe grande di implementâ. Par chest motîf nmo je mai stade fate in passât, no vevin lis risorsis e il timp necessaris par un progjiet da gjienar. A voltis o vin ancje pensât che il motôr di zûc, tal sô stât curint, nol sares rivât a tignî su dût, dopo dût Hattrick al è un zûc semplicistic. Ma a voltis i miracui e sucedin, e i siums si realizin: Cheste volte e je sucedude intune matine d'Inviâr dal 2007, cuant che Daniel mi à clamât:


- O ai implementât lis sostituzions.
- Ce robe?
- Îr o ai vût une idee par meti a puest lis sostituzions e i 'nd ai lavorât dût il dopodimisdi, la sere e ancje la gnot. No ai durmît nuie. Ma cumò les vîn.

Dîsi che chest al è stât un moment classic di Hattrick al è pôc. Clarementri nol jere za pront di doprâ - avonde lontan. Ma la base de struture pal motôr di zûc e jere pronte, dopo dût al jere pussibil. Al è di dîsi che nol sares stât pussibil se no vesin za tornât a scrivi dût il motôr di zûc pe scuadris zovanîls. Duncje, si podares dîsi che chest al è ancje un risultât de implementazion des gnovis zovanîls.

Se preparâ il motôr di zûc pe sostituzions al è stât plui facil di ce che o crodevin, al è stât plui dificil disegnâ une interface cuntune buine logjiche come che o pensavin. E no jerin preparâts a mandâ fûr nuie che nol fos avonde bon, cussì o vin rimandât la jessude.

I nestris motîfs
A part il gno desideri personâl, la nestre intenzion cun lis sostituzions e jere che di rindi pussibil cambiâ un zuiadôr strac cuntun fresc. Chest al vierç a gnovis tatichis e strategjis te partide, come par esempli vê une scuadre plui grande. Ma po dopo o vin pensât che no vevin di contentâsi di chest, o vevin voie di vierzi a plui opzions tatichis. Cussì o vin zontât la possibilitât di dâ ordins a seconde dal risultât de partide, e ancje se un zuiadôr al ven butât fûr.

Come in dutis lis robis che o fasin, o vin pensât un grum su cemût zontâ lis sostituzions cence complicâ masse lis robis. Hattrick al è un zûc semplicistic, e no o volin tignîlu cussì. Cuant che o butin dentri robis gnovis, o cirin di dâ profonditât al zûc, no complessitât. Lis sostituzions a zontin sugurementri profonditât; e zovin a la esperience e il zûc al devente plui interatîf. Ancje se al è impussibil evitâ completementri la complessitât, o sin sigûrs che chestis sostituzions a son tal stîl di Hattrick.


A proposit dai infortunis alore?
O vin pensât a zontâ la possibilitât di reagjî ancje ai infortunis, ma sfortunatementri o vin viodût che al è masse complicât cun chest motôr ndi zûc. La part plui problematiche e jere che o varessin vût di disegnâ e implementâ un gnûf sisteme automatic di sostituzions. A saressin stadis ancje un altri pâr di robis che al sares stât biel vê, ma o vin scugnût fermâsi par no fâ deventâ la robe masse grande - se di no no saressin mai rivâts a mandâ fûr il gnûf sisteme. Duncje, o vin decidût di tignî il sisteme corint pe sostituzions dai infortunâts e lassâlu dût in automatic - par cumò. Chest al vûl dîsi che cheste e je la prime verison de sostituzions, no chê finâl.

La nestre part plui dificile
Il motôr di zûc di Hattrick al è costruît ator ator dal 4-4-2, e se tu vuelis altris formazions tu âs di riposizionâ i zuiadôrs. Par di plui no tu puedis ordenâ ai zuiadôrs riposizionâts, par esempli un centricjampist zontât, di zuiâ ofensîfs o difensîfs. Il sô ordin al è chel di zuiâ "Centricjampist zontât". Di fat, chest "centricjampist zontât" al è riposizionât di une altre posizion. Cumò che o vin rindût pussibil cambiâ i ordins individuâi vie pe partide, tu âs di capî che se tu ordenis a un "centricjampist zontât" di zuiâ ofensîf dopo 60 minûts - nol deventarà un "centricjampist zontât" ofensîf. Nol sarà plui un centricjampist zontât e al scomençarà a zuiâ ofensîf te so posizion origjinâl di un altre bande dal teren di zûc.

Scambiâ di posizion i zuiadôrs al è facil. La uniche volte che tu scugnis pensâ a ce che tu stâs fasint al è cuant che tu vuelis cambiâ ande a un zuiadôr riposizionât. Come risultât la robe plui dificile e je stade chê di disegnâ une interface che lu rindi in buine maniere. A sedi onescj, la miôr soluzion che o vin cjatât no je che perfete. Sfortunatementri il motôr di zûc al dâ cualchi limitazion jessint costruît sul 4-4-2, ogni altre formazion e je dome une version dal 4-4-2 ai voi dal motôr di zûc.

Parcè un beta-test pe scuadris zovanîls?
Cuant che o vin mandât fûr la scuadre zovanîl un an fâ, o vin ancje dît che le varesin doprade par provâ lis gnovis funzions che forsi, o forsi no, a saresin stadis implementadis ancje tal "vêr" Hattrick. Duncje al è avonde naturâl sielzi di introduziprime te scuadre zovanîl. O stin provantt cheste funzion za di cualchi timp, ma ancje cussì o savin che o podaressin cjatâ cualchi bau che no vin viodût vie pe fase di test. A podaressin jessi problemis cun cualchi sgarfadôr, ma ancje problemis che si viodin dome cuntun alt caric (un grum di utents online tal stès moment e un grum di partidis di zuiâ, par esempli). Par di plui o vin voie di savê ce che o pensais de gnove funzion prime di fâle partî ancje in prime scuadre. Dopo di dût, cheste e je une grande novitât e un grant cambiament.

O sperin che cheste gnove funzion ti plasedi (Io o soi sigûr che ti plasarà!) e o sin contents di sintî la tô opinion tai forums. Come dite al inizi, par palsè dâ un cuc al gnûf cjapitul dal menu par capî cemût che al funzione il dût. Buine fortune!