Novitâts

Il grup di HT al è stât ondât tal 2001 e al è responsabil dal svilup di Hattrick. Tai prins agns di ativitât, cuasi ducj i HT e arin volontariis par vie che i vuadagns dal zûc a erin pluitost bas. Vie pai agns o vin continuât a svilupâ e a miorâ Hattrick, e o vin ancje rindût il sît une vore plui stabil, fidabil e veloç. O sin ancje cressûts un grum, dal sedi un piçul grup di volontariis fin a deventâ un grup di plui di 20 personis che e puedin vivi svilupant il zûc che tant ur plâs, o cun cui a àn almancul une intense relazion. Lassait che us presentedi i membris dal grup di Hattrick di Març 2009:

HT-Johan
Johan al è un dai fondadôrs dal grup di HT e il responsabil da architeture dal zûc. Chest al vûl disi che al è la persone che o vin di cunvinci par mudâ in realtât dutis lis nestris lusintis ideis. In graciis dal so rûl, Johan al è impegnât ancje in altris areis come il svilup de comunitât e dai afârs. Johan al è un vêr 'drogât' dal zûc e il so computer al fâs ormai part dal so cuarp (e son come zimui Siamês).

HT-Jacob
Jacob al è il gnûf aministradôr delegât de Hattrick Ltd, la aziende proprietarie di dut ce che al rivuarde Hattrick e che nus ufrìs chest servizi. Jacob al à esperience intal cjamp de telefonie mobile e al è il fradi plui vecjo di Johan (cualchi racomandazion no fâs mâl nomo? Ma di ce che o vin viodût di Jacob, o podin disi che si è vuadagnât il so puest sul scagn tal nestri ufici a Gjibiltiere).

HT-Daniel
Daniel al è il nestri espert di database. Daniel al à il control complet sul motôr des partidis, su la maiôr part di chei altris algoritmis (trasferiments e v.i.) e sui inzornaments zornalîrs. Cence dubi al è l'om plui positîf dal grup (probabilmentri di dut il mont). Al à une ossession par cualsisei tip di mieç mecanic (cingulâts, pacaris – clamaitju cemût che o volês).

HT-Thomas
Thomas al è un svilupadôr web e di database e al è il nestri guru di .NET. Thomas al à tacât a zuiâ a Hattrick dal 2003 e al are un svilupadôr CHPP (di fat lu è ancjemò) prime di zontâsi al grup dai HT tal Avost dal 2006. Al è ancje, insiemit cun Daniel, responsabil dai server e dal software. O crôt che si podedi disi che nol à problemis a cjatâ alc di fâ.

HT-Sarah
Sarah a è stade tal grup dai svilupadôrs dal Novembar dal 2004 e in di di vuê a è ancje che che comande. A è l'aministradôr delegât de Extralives, la aziende che svilupe Hattrick par cont di Hattrick Ltd, che e implee la maiorance di noaltris. A è apene tornade di une spedizion di foropadure dal glaç al Polo Sud (une di chês robis che a fasin lis feminis...).

HT-Hommik
Hommik al usave doprâ il so timp tal svilup dal sisteme di aministrazion, ma di un pôc di timp si dedee a svilupâ un pôc di dut. Hommik al è un membri dai HT dal 2006. Tal so timp libar o podeis cjatâlu cuasi simpri su Xbox live…

HT-Tjecken
O ai tacât a zuiâ tal 1998, ducnje o ai zuiât a Hattrick par 1/3 de mê vite. O soi stât un moderatôr e un GM, e un membri dal grup dai HT dal inizi dal 2001. Il gno lavôr principâl a è la comunitât e o soi responsabil des informazions sul zûc, fasint in mût che dutis lis gnovis e rivedin aes vuestris orelis. Naturalmentri o stoi un grum di timp sui forum a discuti e a rispuindi a lis vuestris domandis.

HT-Josef
Josef al are un zuiadôr online e frecuentadôr di forum incagnît. Un dî so pari si è stufât e i a dit di cjatâsi un lavôr. O sin rivâts in so socors e di chê volte al lavore par nô come frecuentadôr di forum incagnît. Josef al è il nestri principâl svilupadôr dal forum e al passe un grum di timp (plui che altri di gnot) su chest. Al declare che une volte ogni tant al cjale ancje un film...

HT-Jyrg
Jyrg al è espert di database e svilup web e si è zontât al grup l'an passât. Al à cjapât su la responsabilitât dal negozi di Hattrick, e al à tacât a dâ apontaments al nestri sisteme di aministrazion (e podaressin formâ propit une biele cubie). Jyrg al è il fotograf dal grup, viodût che al à un “ciert” interès par la fotografie.

HT-Magnus
Magnus al è il nestri espert di interfacis e doprabilitât, e al è l'autôr principâl de nestre gnove grafiche. Tal futûr prossim si ocuparà di altris progjets de Extralives (ancje se al restarà une risorse di Hattrick par ce che al rivuarde la grafiche). Al dedearà plui timp ancje a la sô cariere di rock star.

HT-Stefan
Stefan al è un svilupadôr che si è simpri ocupât di interfacis e doprabilitât. Al à judât Magnus a creâ il gnûf stîl tant che al finive la universitât, e si è zontât al grup a timp plen l'istât passade. Cheste a è la seconde volte su Hattrick par Stefan, viodût che al veve bielzà zuiât agns indaûr. Al è ancje un apassionât di stelis jessint un 'drogât' di Star Trek e di Starcraft.

HT-Mattias
Mattias si ocupe di afârs. Al è fantastic al taulin des negoziazions e a procurâ afârs par Hattrick. Al è famôs par no sedi bon di stâ fer tant che al tabaie par telefon, e al è il plui fresc di gnocis dal grup.

HT-Aartspam
Aartspam al à tacât a zuiâ a Hattrick tal 2003 e al è stât LA, GM e GM anzian. Alc plui di un an indaûr lu vin cunvint a emigrâ de Olande ae Svezie, imparâ il Svedês e tignî di ments ducj i membris dal staff. Di sigûr no si sin pintîts di chest!

HT-Frid
Frid al zuie a Hattrick dal 2001 e si è zontât ai HT dal 2004. Frid al è il nestri aministradôr di sisteme. In pocjis peraulis, al fâs in mût che ducj i inzornaments di sisteme e vadin a bon pro. Al è ancje un cjantant di opare diletant, ma par sfortune nus abandonarà cheste vierte. Al lassarà il grup, ma al continuarà a zuiâ a Hattrick.

HT-Klas
Ancje Klas si è zontât al grup dopo vê zuiât a Hattrick par un pôcs di agns (dal 2000) e ancje lui al è stât GM. Klas al è un svilupadôr web cuntun grant sintiment par Hattrick. Forsit al è il plui apassionât di balon di ducj noaltris e al seguìs regolarmentri lis partidis e i alenaments de sô scuadre preferide: Örebro.

HT-Per
“Per il muradôr” al lavore come svilupadôr a al è il nestri gjenerâl par ce che al rivuarde il mandâ fûr il codiç. Dôs voltis par setemane (almancul) o mandin fûr gnûf codiç, corezions di erôrs e gnovis funzions. Fasint chest o crein une gnove “build” ("costruzion", il sorenon al rive di chi) dal codiç gnûf e pre-esistent. Dal moment che Per al è une vore precîs a è la persone plui indicade par sedi il nestri gjenerâl. Al à dit che nol viôt la ore di tornâ tal pantan dal prossim festival di Roskilde.

HT-Oxidus
Oxidus al è un Inglês che al vîf in Gjermanie e il nestri gjeni di Flash. Par esempli, il maraveôs disegnadôr di divisis, a è opare sô. Ancje Oxidus al è un svilupadôr che o vin cjatât jenfri i zuiadôrs di Hattrick, al à tacât a zuiâ dal 2003 e si è zontât al grup dal 2007.

HT-weird_ed
Weird_ed al è un altri svilupadôr cun lidrîs in Hattrickis. Chest norvegjês al à tacât a zuiâ dal 2004, e cul timp al à tacat a svilupâ il so servizi statistic CHPP Alltid. Cumò al è daûr a integrâ Alltid cun Hattrick, e dopo al continuarà a svilupâ servizis statistics par Hattrick.

(HT-)Durelas
Ancje Durelas al à une lungje storie su Hattrick. Al à tacât a zuiâ dal 2003 e al è deventât un membri dal staff in Cile tal 2004. Di chê volte al è stât moderadôr, GM e GM anzian. Di cumò indenant al sarà il nestri om te Americhe Latine, judantnus a svilupâ il marcjât pe Americhe Latine, dal Messic a la Patagonie.

HT-Trapper, HT-Pelle, HT-Calle and HT-Hasse
Trapper, Pelle, Calle e Hasse e lavorin plui che altri par altris progjets de Extralives, ma ogni tant o podin aprofitâ de lôr esperience. Ancje Trapper al à une lungje storie su Hattrick a tal ultin an al ò lavorât par avonde par nô.

Flameron
Flameron nol è verementri un membri dal grup di Hattrick, ma al è avonde dongje. Ron al è un zuiadôr dal Israêl verementri espert e al è daûr a lavorâ cun nô di doi agns come consulent, sie de bande statistiche che de bande dal svilup dal zûc (soredut il control e la stabilizazion de economie).

Chest al è il grup dai HT in dì di vuê, ma come che o ai dit disore, o sin daûr a cirî altris colaboradôrs che si zontin al grup e che a vegnin a lavorâ cun nô a Stocolme. No vin dome bisugne di jemplâ lis busis che a lassaran Frid e Magnus (ancje se chest al restarà in zone), ma o vin bisugne di assumi altris membris. O sin particolarmentri interessâts tai svilupadôrs cun esperience tal ambient .NET, e se si à ancje esperience di Hattrick al è ancjemò miôr.

Oltri a chei menzonâts parsore, o vin ancje Lars e Alejandra (oviementri doi vecjos zuiadôrs di Hattrick) che a lavorin tal servizi di supuart ai clients, e o vin ancje un grum di jutori dal nestri staff (GM, LA, Mod, CHPP, Editôrs). O cirin in continuazion di rindi Hattrick simpri miôr!