Novitâts

Cuant che o ai tacât a zuiâ a Hattrick dal 1988 e tai agns subit daspò, ve zuiadôrs plui vieris di 26 al ere considerât di mats e alenâ gjenerâl une pierdite di timp. Chest pinsîr al è in contrast cun chel di vuê, dulà che une buine strategjie e je chê di vê zuiadôrs vieris (che a àn un stipendi bas) e alenâ gjenerâl par tignî la forme alte. A dîle dute, cheste strategjie e je une vore potente.

Ancje se o cjati divertent il fat che i vieris e l'alenament gjenerâl a vedin fat un grum strade passant di refudâts a ricercjâts, o ai di disi che il fat che i vieris alenâts in gjenerâl a sedin une strategjie vincente al è tant pôc divertent come il considerâ finîts i zuiadôrs di 26 agns. Nol è par nuie divertent.

Doprâ zuiadôrs vieris e continuarà a sedi une strade di podê sielzi, ma cui cambis de prossime stagjon la rindarìn une tatiche mancul potente. Come che o vin dit tantis voltis, e àn di esisti tantis stradis che a puartin al sucès, ma nissune di chestis e à di sedi miôr di chês altris.

Eliminazion dal alenament gjenerâl
Cul scomençâ de prossime stagjon no tu varâs plui la pussibilitât di alenâ gjenerâl e tu varâs di sielzi un altri alenament. Ancje se o crodìn che la idee che i gjestôrs a podedin controlâ in cualchi maniere la forme dai zuiadôrs, o sin fermementri cunvints che nol à di sedi pussibil fâlu in maniere costante. Duncje, pal moment si limitarìn a gjavâ chest tip di alenament, ma nol è dit che un doman al torni a saltâ fûr in maniere modificade.

A rivuart de forme ecelent
Par cualchi timp nol è stât pussibil rivâ a vê une forme ecelent cence alenâ gjenerâl. Chest al cambiarà e al sarà di gnûf pussibil rivâ a vê zuiadôrs cun forme ecelent.

Modifichis al stipendi pai zuiadôrs vieris
O aumentarìn il stipendi pai zuiadôrs vieris (di 29 agns in su) in doi pas. Al moment, i vieris a àn un scont pe etât di 1/8 dal stipendi. La prossime stagjon il scont al sarà di 1/9 e la stagjon daspò al sarà di 1/10.

Chest nol vûl disi che i zuiadôrs a varan un stipendi plui alt (tant che lis abilitâts e restin lis stessis), ma che a varan un scont sul stipendi plui bas al inzornament (al lôr complean).

Par fâ un esempli:
Adam Adams al à 28 agns e il so stipendi al è 80.000. Cumò il so scont al è 1/8 (80000/8=10000). Chest al vûl disi che il so stipendi al sarà 70.000 cuant che al fasarà 29 agns, 60.000 a 30 agns e v.i.

Doprant il stes esempli cul scont di 1/9 (8889), al salte fûr un stipendi di 71.111 a 29 agns e 62222 a 30. E cuntun scont di 1/10 (8000) al ven fûr un stipendi di 72.000 a 29 agns e 64.000 a 30.

In dì di vuê l'ultin scont pe etât al ven dât a 35 agns. La prossime stagjon al vegnarà dât a 36 e des stagjons a divignì al vegnarà dât a 37 agns. Ten di ments che i cambiaments des abilitâts a cambiin il stipendi e di conseguence ancje il scont.

Une maniere facile par calcolâ il scont
Se tu vuelis savê cemût che chest cambiament al incidarà sui stipendis dai tiei zuiadôrs da prossime stagjon, il calcul parsore al pues someâ complicât, ma al è une vore facil:

Passâ di 1/8 a 1/9, in pratiche al vûl disi che i zuiadôrs a varan un stipendi plui bas di cirche il 10%. Chest indipendentementri dal fat che a vedin 29, 32 o 35 agns o di trop alts che a sedin i lôr stipendis. Al val par ducj i zuiadôrs. Se il stipendi di un zuiadôr al è di 100.000 prime dal so complean la prossime stagjon, daspò al sarà su par ju 90.000.

Passâ di 1/9 a1/10 la stagjon daspò la prossime al vûl disi su par ju la stesse robe: stipendis cirche il 10% plui bas cualsisei a sedi la etât. Se il stipendi al è 90.000, daspò al sarà 81.000.

Gnûf sistemi pal staff
Tal gno editoriâl de stagjon passade o ai scrit cualchi peraule a rivuart dal gnûf sistemi pal staff che al è in vie di svilup. Logjichementri tancj si son incuriosîts e a àn tacât a domandâ cuant che chest sistemi al vegnarà metût in vore. E ancje se no pues dâ une date definitive, ce che o scrîf chi sot al pues sodisfâ un pocje de vuestre curiositât:

Il gnûf sistemi pal staff e sarà la prossime grande riforme dal zûc a sedi metude in vore. Al plui prest, chest gnûf sistemi al sarà introdusût ca di dôs stagjons. Ma al pues ancje sedi che al vegni introdusût ancjemò plui indevant. Us tignarìn inzornâts.

Gnovis gjenerichis sul svilup
Si sin trasferîts a Malmö e o sin daûr a meti adun la gnove organizazion. I volarà dal timp par là e regjim e chest al è in part il mutîf par ce che no podin da une date precise su la metude in vore dal gnûf sistemi pal staff. Al è dificil disi trop che o rivarìn a là indevant cheste sierade.

O vin ancje voie di là planc cun lis modifichis par un pôc, parcè che ultimementri o vin fat un grum di cambiaments e o crodìn che al sedi miôr lassâ che chescj si stabilizedin prime di fâ altris cambiaments. Cundiplui, a son altris progjets vierts in pîts (che a no rivuardin il motôr di zûc) che o vin voie di sierâ prime di metisi in vore su robis gnovis.

Cheste sierade e sarà dedeade a sierà chescj progjets (par esempli il CHPP), e si concentrarìn ancje tal corezi i piçui erôrs che di solit a vegnin metûts in spiete par robis "plui impuartantis".