Novitâts
12-13-2013
Editoriâl: Competizion par ospitâ la XXI Cope dal Mont
E je rivade la ore pe otave competizion par ospitâ la Cope dal Mont. Chest colp e jê la pussibilitât di ospitâ la XXI Cope dal Mont o la XXI Cope dal Mont U20: il vincidôr al podarà sielzi.
Cui?
O acetìn une candidadure par paîs. Par fâ in maniere che al vegni presentât un sôl candidât, chest al varà di sedi anunciât tal forum. Ten di ments che se il tô paîs al à bielzà ospitât la Cope dal Mont, chest al podarà invalidâ la candidadure. Oviementri, i ultins vincidôrs: Tunisie e Norvegje e i seconts classificâts Italie e Montneri no podaran partecipâ.
Cuant?
La gare è sarà vierte di vuê a Domenie ai 22 di Dicembar aes 23:59 Ore di HT. La votazion e sarà vierte di Lunis 23 di Dicembar a Joibe 26 e il vincidôr al sarà comunicât la setemane daspò.
Cemût?
Il contat uficiâl pe candidadure al à di sedi dal paîs candidât in Hattrick, e al à di mandâ:
- un leam al video, cjamât su Youtube, che daspò al sarà includût tal canâl Youtube uficiâl di Hattrick.
- un leam ae discussion uficiâl tal forum dal so paîs, dulà che a ven dade conferme de candidadure
- il messaç al va inviât tramit il modul di contat de National Team Administration (NTA) cun ogjet XXI World Cup Bid (controle di ricevi une rispueste di conferme).
Ten di ments che chescj videos a saran viodûts a nivel mondiâl, duncje l'inglês al à di sedi almancul une des lenghis dopradis te presentazion.
Criteris
Jenfri dutis lis candidaduris o sielzarìn lis 5 miôrs e lis presentarìn ae comunitât pes votazions. Lis candidaduris e saran sieltis cun chescj criteriis:
- Coinvolziment de comunitât
- Creativitât
- Cualitât dal lavôr
Zurie :
A son 3 vôts :
- Un vôt ae comunitât (no tu podarâs votâ pal to paîs)
- Un vôt pai alenadôrs di NT e U20
- Un vôt pai NTA
In câs di paritât, il paîs che al varà cjapât plui vôts di bande de comunitât al cjaparà un vôt in plui.
Il vincidôr al sielzarà se ospitâ la XXI Cope dal Mont o la XXI Cope dal Mont U20 e il secont classificât al ospitarà la competizion che a vanze!
Buine fortune a ducj!