ჩვენ ვიყენებთ მზა ფაილებს(cookies) - რაც აუცილებელია თქვენთვის უკეთესი ონლაინ სერვისის უზრუნველსაყოფად.
ჩვენი საიტით სარგებლობასთან ერთად, თქვენ ეთანხმებით, რომ თქვენს მოწყობილობაზე მოხდეს მზა ფაილების(cookies) მიღება და შენახვა ბრაუზერის საშუალებით, რომელიც განკუთვნილია შემდგომი გამოყენებისთვის ვებ-გვერდზე აქტივობის პროცესში.

ჰეთთრიქის განცხადებები

6-16-2022 კეთილი იყოს თქვენი მობრძანება Countdown Ladder-ში

ამ მოენტისთვის 75 დღეღა დარჩა ჩვენი 25 წლის იუბილემდე. და მანამდე თავი რომ შეიქციოთ, გთავაზობთ Anniversary Countdown Ladder, გლობალურ ladder უფასო შეჯიბრს!

პირობები მარტივია: გაწევრიანდი ladder-ში, ეცადეთ მოექცეთ და შეინარჩუნოთ ადგილი სათავეში, მანამ, სანამ საიუბილეო თარიღი არ დადგება. ყოველი მონაწილე ტოპ-10 დან დაჯილდოვდება, მაგრამ ამავე დროს, რა თქმა უნდა, ვერავითარი ჯილდო ვერ შეედრება იმ პატივს, იყოთ საუკეთესო ჰეთთრიქში ასეთ ისტორიული დღის მომენტისთვის.

როგორც ყველა ladder შეჯიბრი, „Anniversary Countdown ladder“ რეგულარური ჰეთთრიქის კონტექსტიდან დამოუკიდებლად იარსებებს. ამგვარად არ რისკავთ არც ტრავმების თუ ბარათების მიღებით რაიმეს, როდესაც ამ ტურნირში მონაწილეობთ, და შესაბამისად არც ვარჯიშის ეფექტს იღებთ.

6-11-2022 ფეხბურთელებსაც უნდათ ჯილდოები!

პლატინის მხარდამჭერთა საბჭომ წარმატებული სამუშაო გაწია და შედეგად ჰეთთრიქის ფეხბურთის ასოციაციამ დღეს დაადასტურა დამატებით პრიზების გამოჭედვის ფაქტი. შედეგად ყველა ფეხბურთელს თავისი საკუთარი საპრიზო კაბინეტი ექნება. ყოველი მოთამაშე, რომელიც თუნდაც ერთ შეხვედრაში მონაწილეობდა გამარჯვებული გუნდის შემადგენლობაში, ამ პრიზით დაჯილდოვდება.

ასევე მენეჯერთათვის შეიქმენბა კუთხე, სადაც ყველა ის პრიზი იქნება წარმოდგენილი, რომელიც ამა თუ იმ კლუბის მართველობისას თუ ეროვნულ ნაკრების მწვრთნელის ან ასისტენტის როლში მოიპოვა.

HFA-ის წარმომადგენელმა, ბობ სანსონმა ამასთან დაკავშირებით განაცხადა:

„ჩვენთვის დიდი პატივია, რომ მოვახერხეთ და დავაკმაყოფილეთ ეს მოთხოვნა, რომელიც ყოველწლიური მხარდამჭერთა კვირეულის დროს წამოიწია. მომხმარებელთა ზეიმი, რომელიც ჰეთთრიქის არსებობას რეალურს ხდის. ჩვენ გვიყვარს ყველა ჩვენი მომხმარებელი, მაგრამ ხანდახან ძნელია არ გაგიჩნდეს სურვილი, მწარდამჭერებს მცირედით უფრო თბილად არ ჩაეხუტო.“

ამავე დროს მხარდამჭერთა კვირეულის ფარგლებში სამშაბათიდან მოყოლებული წარმოგიდგენთ 15% ფასდაკლებას ყველა მხარდამჭერის პაკეტზე. შეთავაზება ძალაშია კვირამდე, 12 ივნისის შუაღამემდე (CET)

სხვა სიტყვებით რომ ვთქვათ, ჯერ კიდევ გაქვთ დრო, თუ გსურს მხარდამჭერის პაკეტის გახანგრძლივება, ან უბრალოდ მოსინჯოთ ბედი და ცხოვრებაში პირველად გემო ბობ სანსონთან ვირტუალურ ჩახუტებას გაუსინჯოთ გემო.

ახალი პრიზების არე ყველაზე გვიან იქითა კვირის დასაწყისში გახდება წვდომადი.

5-31-2022 DarthFenuz მასტერსის გამარჯვებულია!

რა შეიძლება იყოს იმაზე ამაღელვებელი, ვიდრე ჰეთთრიქის მასტერსის ფინალი, სადაც ორივე გუნდმა ყველაფერი გაიღო, ფანებისვის კარგი სანახაობის მოსაწყობად, რომლებმაც თავიანთი გუნდის სანახავად შორი გზა გაიარეს, ცხოვრებაში ალბათ მათთვის ყველაზე მნიშვნელოვანი მატჩზე დასასწრებლად. გასულ ხუთშაბათს imparartenia იტალიიდან და DarthFenuz გვატემალადან მოედანზე ყველაფერი გაიღეს და მატჩის ბედი პენალტების სერიაშიღა გადაწყდა. DarthFenuz იყო ის გუნდი, რომელმაც თერთმეტმეტრიანები შეცდომის გარეშე შეასრულა და შესაბამისად მასტერსის თასსაც დაეუფლა.

პირველ ნახევარში imparartenia დომინირებდა. ეს არამარტო ბურთის ფლობაში, არამედ მომენტების შექმნაშიც აისახა. მაგრამ Darthfenuz-ის ბედად მათ მეტოქეს სიზუსტე აკლდა, ანაც მცველები ახერხებდნენ დარტყმის ბლოკირებას. ასე რომ შესვენებაზე გუნდები იმავე ანგარიშით გავიდნენ, რა ანგარიშიც 45 წუთით ადრე ტაბლოზე ისედაც იყო ასახული - 0 : 0.

შესვენების 15 წუთი მიილია. მოთამაშეებმა გასახდელები დატოვეს და მოედანს დაუბრუნდნენ. DarthFenuz კი აქტიურად ცდილობდა ბურთი როგორმე მეტოქის ბადეში გაეხვია. რვა წუთიც მიილია და მათ ამ მიზანს თითქმის უწიეს კიდეც, მაგრამ იტალიელები გააფთრებით იცავდნენ თავს. მეორე ნახევრის მე-18 წუთზე კი ანგარიში სწორედ იტალიელებმა გახსნენ 1 : 0, როდესაც მათ მეტოქის ცენტრალურ დაცვას ღრიჭო უპოვეს. გვატემალელთა მწვრთნელმა არ დააყოვნა და მყისიერად ორი ცვლილება განახორციელა. დანამდვილებით ვერ ვიტყვით, ამ ცვლილებების ხარჯზე, თუ მეტოქე გუნდის ერთ-ერთი ფეხბურთელის ტრავმის შედეგად, მაგრამ ფაქტია, მატჩის დასრულებას ცხრა წუთი ეკლდა და DarthFenuz-მა მოახერხა გამათანაბრებელი გოლის შეგდება 1 : 1. ვინაიდან მეტი გოლი აღარც გასულა, მატჩმა დამატებით დროში გადაინაცვლა.

მცირე პაუზა და მატჩი კვლავ განახლდა, ხოლო ცამეტი წუთის გასვლის შემდეგ ანგარიში ისევ იტალიელებმა წაიყვანეს 2 : 1. მაგრამ გვატემალელი ფანების გასახარად, მათ გუნდმა მოახერხა და ანგარიში კვლავ გაათანაბრა. მიუხედავად ორივე გუნდის მხრიდან მცდელობებისა, მეტი გოლი მატჩი აღარ გასულა და თასის ბედიც პენალტების სერიაში გადაწყდებოდა. მეხუთე დარტყმამადე ორივე გუნდი სიზუსტეს ინარჩუნებდა. და აი ეს ბოლო მეხუთე დარტყმა იტალიელებმა გააფუჭეს, მეტოქემ კი ისიც ზუსტად შეასრულა და შესაბამისად თასიც გვატემალაში წავიდა.

ჩვენი მილოცვები DarthFenuz-ს და მათ მენეჯერს LA-DoctorDestiny-ს!

5-25-2022 “ბობ, მე მამაშენი ვარ”

ჰეთრრიქი თაობათა თამაშია, სადაც ჩვენ დიდ სიამოვნებას ვიღებთ, თუ როგორ იზრდებიან ახალგაზრდა, პერსპექტიული ფეხბურთელები და თანდათან თავის კვალსაც ტოვებენ მოედანზე. მაგრამ მათი წვლილი ხშირად მხოლოდ ამით არ შემოიფარგლება - ზოგიერთი ეს ლეგენდა მაგალითი ხდება თავიანთი პატარებისთვის, შვილებისთვის, ვინც იქნებადა ასევე გაიკვალოს გზა ჩვენს სამყაროში. დღევანდელი სიახლით წარმოვადგენთ ჰეთთრიქში ოჯახურ კავშირებს - ყოველ ახალ მოთამაშეს დავურთავთ ინფორმაციას, თუ ისინი სხვა ჰეთთრიქის გმირებთან რაიმე გზით დაკავშირებულები არიან. ეს დეტალი - იყო ძმა, თუ შვილი სხვა ფეხბურთელის, ან თუნდაც სტაფის წევრის, თამაშზე რაიმე გავლენას არ მოახდენს. მაგრამ, ვფიქრობთ, ამავე დროს მნიშვნელოვანია ვიცოდეთ, სად მიყავხართ თქვენს ფესვებს.

5-12-2022 განახლებული ვარჯიშის მგეგმავი

ცოტა ხნის წინ, ჩვენმა პლატინის მხარდამჭერის მფლობელმა მომხარებლებმა გამოკითხვაში მიიღეს მონაწილეობა. ამ გამოკითხვის გამარჯვებული კი ვარჯიშის მგეგმავისთვის ახალი ფუნქციების დამატება გახლდათ.

უკვე დღეიდან შესაძლებელი იქნება ერთდროულად არაერთი სავარჯიშო გეგმა შექმნათ. ამასთანავე შეგეძლებათ ფეხბურთელთა იმპორტი პირდაპირ სატრანსფერო სიიდან და მათი თქვენს სავარჯიშო მგეგმავში შეყვანა, რაც ახალი მოთამაშის შესაძლებლობების სანახავად უფრო მოსახერხებელი იქნება. ასევე შესაძლებელი იქნება მგეგმავში სავარჯიშო ქცევის დამატება, რათა იმ ფეხბურთელის ვარჯიშის დაგეგმვას უფრო მოსახერხებელს გახდის, რომელიც მატჩების მხოლოდ ნაწილს თამაშობს.

მრავალფუნქციური მგეგმავი ხელმისაწვდომი იქნება პლატინის მხარდამჭერთათვის და უფრო ზემოთ, სხვა ფუნქციები ასევე ხელმწისაწვდომი იქნება ოქროს მხარდამჭერთათვისაც. მადლობა გვსურს გადავუხადოთ პლატინის მხარდამჭერთ მათ მიერ გაწეული შრომისათვის და იდეებისთვის, იმედი გვაქვს ისიამოვნებთ ახალი ფუნქციებით!

5-4-2022 მოთამაშეზე სწრაფი თვალის გადავლება და დეტალები

დღეს ჩვენ ორ ახალ მახასიათებელზე ვისაუბრებთ! „სწრაფი თვალის გადავლება“ გაშლადი ფანჯარაა მოთამაშეზე ძირითადი ინფორმაციით, რომელიც ფორუმზე, ჩატში, თუ პრესის სიახლეებში მის ლინკზე მაუსის გადატარებით აქტიურდება. თქვენ შეძლებთ ნახოთ სახელი, ასაკი, მეპატრონე, პირადი თვისებები, TSI, ხელფასი, სპეციალობა, ფორმა და გამძლეობა, გვერდის დატოვების გარეშე, რომელზეც იმ მომენტისთვის იმყოფებით. თქვენ იხილავთ მის უნარებსაც, თუ ფეხბურთელი თქვენს გუნდში ირიცხება, ან ტრანსფერზეა დაყენებული.

ჩვენ ასევე მატჩის რეპორტის გვერდზე შეხვედრის ძირითადი მომენტების უფრო დეტალური აღწერა დავამატეთ. ნაცვლად გამოჩნდეს მხოლოდ გოლები, ტრავმები და ცვლილებები, თქვენ ამიერიდან მიღებულ შანსებზე სრული სურათის ხილვასაც შეძლებთ. როდესაც ამ ვარიანტს აირჩევთ და დაიმახსოვრებთ, მომავალშიც ძირითად მომენტებზე მუდმივად ინფორმაციას ამ გზით იხილავთ.

სიყვარულით HT გუნდისგან

4-29-2022 შემოუერთდი ახალ ლოკალურ წრეს

ახლა უკვე შესაძლებელია რომ შეუერთდეთ დამატებით კიდევ ერთ ლოკალურ წრეს. ამასთან შეგიძლიათ შექმნათ ახალი წრე იმ ლოკაციისთვის, რომელშიც იგი არ არსებობს.

მეორე წრეში გაწევრიანება შეგიძლიათ თუ ერთ ქალაქს ტოვებთ და გადადიხართ საცხოვრებლად მეორეში. მაგალითად წრის შესაცვლელად გეოგრაფიული მდებარეობის დადგენა კვლავ დაგჭირდებათ, მაგრამ აღარ დაგჭირდებათ უკვე არსებული წრის დატოვება ახალში გასაწევრიანებლად.

როდესაც ახალი წრის ძებნას დაიწყებთ აპლიკაციის მეშვეობით ზოგიერთი მათგანი შესაძლოა იქნეს არააქტიური. მიუხედავად ამისა შეგიძლიათ შეუერთდეთ მას, ასევე საჭირო იქნება, რომ მომდევნო 7 დღის მანძილზე წრეს დაემატოს ორი ან მეტი წევრი, რათა დარჩეს აქტიური.

შევხვდებით ერთმანეთს წრეში!

4-25-2022 ჰეთთრიქ მასტერსის კენჭისყრა

ჰეთთრიქ მასტერსი მომდევნო კვირიდან დაიწყება. კენჭისყრა კი გაიმართება დღეს 15:00 საათზე (ცედ).

4-21-2022 ახალი მისიები

ამ კვირაში ჩვენ ახალ მისიების პაკეტს გამოვუშვებთ, ამჯერად იმ გუნდებისთვის, ვინც აქტიურია, მაგრამ რიგი მიზეზების გამო ერთგვარად მრავალი სეზონია უკვე ერთ ადგილზე გაიყინნენ. წინდაწინ არასოდეს გეცოდინება, როდის გადაწყვეტს ბორდი ახალი მისია წარგიდგინოთ და თუ ასეთ შანსს მიიღებთ, თქვენს დივიზიონში სხვა გუნდებს ამის შესახებ არაფერი ეცოდინებათ... და ეს თუ მოხდა, თქვენზეა დამოკიდებული, ღირს თუ არა ჯილდო გაწეულ რისკად.

4-15-2022 აღდგომას გილოცავთ!

რადგან დასვენების დღეები უკვე მოგვიახლოვდა, გვსურს ბოდიში მოგიხადოთ იმ ხარვეზებისთივის, რომლებმაც ბოლო პერიოდში მატჩის მიმდინარეობისას იჩინეს თავი.

შეფერხების გამომწვევი მიზეზი რამდენიმე იყო: ახალ სერვერთან დაკავშირებული პრობლემები, საიუბილეო ლიგის გაზრდილი ზომა, სერიების შერჩევისას დაფიქსირებული ხარვეზები. საბოლოოდ თითოეული ეს პრობლემა ნელ-ნელა აღმოიფხვრა, მაგრამ მთლიანობაში უარყოფითი გავლენა იქონია ჩვენი მომხარებლების განწყობაზე.

ბოდიშს გიხდით, ცუდი წარსულს ჩაბარდა.

ასევე გვსურს, რომ ჩვენს მომხარებლებს ვუსურვოთ ბედნიერი აღდგომის დღესასწაული და მისი ხალისიანად გატარება. ვიმედოვნებთ ყველანი შეძლებთ და იპოვნით თქვენთვის განკუთვნილ ყველა კვერცხს!


პატივისცემით HT-გუნდი.

4-3-2022 U21 ჩილე ჩემპიონია

პარასკევს ღამით მსოფლიო თასის ფინალის ღამეა და ჩილემ უნგრეთს თითქმის 116 000 იღბლიანი მაყურებლის წინაშე U21 მსოფლიო თასის ფინალი ეთამაშა. ორივე გუნდი შემტევი ფეხბურთის სათამაშო განწყობით წარდგა მოედანზე, კერძოდ ჩილემ კი საერთოდ ცოტა უცნაური განლაგება აირჩია და ძირითად დროში 2 – 1 ანგარიშით გამარჯვებით U21 მსოფლიო ჩემპიონის ტიტულსაც დაეუფლა.

მატჩი ახალი დაწყებული იყო მე-17 წუთზე უნგრეთს რეალური შანსი რომ მიეცა, მაგრამ მათ ეს შანსი ვერ გამოიყენეს. შემდეგ კი შეხვედრის დაწყებიდან სანამ ნახევარი საათი მიილეოდა, ჩილემ შორეული გასროლით ანგარიში გახნა 1 – 0. მაგრამ მათ უპირატესობა მხოლოდ 7 წუთი თუ შეინარჩუნეს, 1 – 1 ტაბლოზე და ორივე გუნდი ისევ ნულიდან იწყებდა საქმეს. და წუთი არ იყო გასული 2 -1, ბურთი კვლავ ბადეში გაეხვა. უნგრეთს ამოსუნთქვის საშუალება არ მიცემია, მათთვის საქმე კიდევ უარესად შეიძლება წასულიყო, მაგრამ ბურთი ხარიხას აცდა და ანგარიში 2 – 1 შენარჩუნდა. ამის მერე ბევრიც არაფერი დარჩა სათამაშო და მსაჯმა სასტვენს ჩასტვინა, რითაც უნგრელებს საჭირო დრო მიეცათ შესვენებაზე გასულიყვნენ და მათ სტრატეგიაზე დაფიქრებულიყვნენ.

ერთი ფინჯანი ჩაის მირთმევის შემდეგ, იმედი გვქონდა, უნგრელები შეძლებდნენ თამაშში დაბრუნებას, თუმცა თითქმის ავტოგოლის ხილვა ეს ის არ იყო, რაც ჩვენ მაყურებელს გვსურდა. საბედნიეროდ ეს გოლი არ შედგა, რასაც ჩილეს კიდევ რამოდენიმე მომენტი მოყვა, მაგრამ ყოველივე უშედეგოდ. ერთადერთი რამ, რაც საჭირო იყო, ეს უნგრელების გამათანაბრებელი გოლი. და ვინაიდან ეს გოლი, მატჩი ისე მიილია, ვერ ვიხილეთ, ჩილე ჩვენი ახალი ჩემპიონია!

მივულოცოთ ჩილეს და მათ მენეჯერს maui_rox-ს.

3-31-2022 არჩევნები ახლოვდება!

U21 მსოფლიო თასის გათამაშება დასასრულს უახლოვდება (ხვალ ნახევარფინალებია, ხოლო კვირას კი ფინალი) და ეს ნიშნავს იმას, რომ დადგა დრო ახალგაზრდული ნაკრების მწვრთნელის არჩევნებისა.

თუ თქვენ გსურთ იყოთ კანდიდატი, ასეთად დარეგისტრირებას მოახერხებთ არჩევნების გვერდიდან. რეგისტრაცია დაიწყება ამ კვირის პარასკევ დღეს ჰეთთრიქის (CET) დროით 07:00 სთ-დან, ხოლო ხმის მიცემა შეგეძლებათ ორშაბათიდან ერთი კვირის განმავლობაში, არჩევნები გაიმართება 144 ჰეთთრიქის ლიგაში რომლებიც წარდგენილნი არიან მსოფლიო თასზე.

არჩევნებში კანდიდატობის ან ხმის მიცემისთვის, თქვენ უნდა იყოთ მინიმუმ ერთი სეზონის გამოცდილების მქონე მომხმარებელი - ეს პირობები იმისთვისაა, რათა თავიდან ავიცილოთ რიგი უსიამოვნებები.

დაე დაიწყოს კამპანია!

3-30-2022 ფეხბურთელთა განახლებული გვერდი

ჩვენი ჰეთთრიქის ფეხბურთელები მუხლჩაუხრელად შრომობენ, ყოველთვის მზადყოფნაში არიან დღის ნებისმიერ მონაკვეთში შეაბიჯონ მოედანზე და ითამაშონ მატჩი, გაემგზავრონ საერთაშორისო შეხვედრის გასამართად ნაკრების შემადგენლობაში. და ამ ყველაფერს ისე გააკეთებენ, სამახსოვროდ ერთ სელფსაც კი არ გადაიღებენ დუბაის ფონზე! სულ მცირე ამ ყველაფრის სანაცვლოდ იქნებ მათ უფრო კომფორტული „სახლი“ მოვუწყოთ მენეჯერის მენიუში... რაც დღეიდან აღსრულდება.

ჩვენ ვანახლებთ ფეხბურთელების ჩამონათვალის და დეტალების გვერდს. ჩვენი მიზანია შევამციროთ ქვე-გვერდების რაოდენობა, რომ ძირითადი ინფორმაცია მოთამაშეების შესახებ უფრო იოლად წვდომადი გახდეს.

ძირითადი ცვლილებები ფეხბურთელთა დეტალების გვერდს შეეხება. ჩვენ დავნერგავთ ახალ “ღილაკების-სისტემას“, სადაც გექნებათ არჩევანი ერთი დაჭერით ამოირჩიოთ მოთამაშის გამოსვლების, ტრანსფერების, სახელფასო და ტრავმების ისტორია. მხარდამჭერთთათვის ამ ყველაფერს უნარების განვითარების ხივლის საშუალებაც დაემატება. და კიდევ მეტი - ძველი ტკბილი „სამახსოვრო მომენტები“ ჩანაცვლდება „საკვანძო მომენტებით“ და ამ ყველაფრისთვისაც გამომსახველი ღილაკი იქნება.

ჩვენ ასევე დავამატეთ მატჩების ჩამონათვალში მეტი ინფორმაცია, სადაც ისეთი დეტალების ნახვა იქნება შესაძლებელი, როგორიცაა „იოლი გასეირნება“, ტრავმები, წითელი ბარათები, მატჩის ტიპები და გოლები.

მხარდამჭერებისთვის არსებული სპეციალური სექაცია „ვარჯიშის ინფორმაციის“ ნაცვლად, სავარჯიშო კონუსის სახით სიმბოლო იქნება გამოსახული მატჩების ჩამონათვალში, იმის სანახავად, აღნიშნული მატჩი თუ ჩაითვლება მომავალ სავარჯიშო სესიისას. „საუკეთესო გამოსვლამ“ გადაინაცვლა კვლავ არსებულ ქვე-გვერდზე - „გამოსვლების ისტორიის“ სათავეში.

ფეხბურთელის ჩამონათვალის გვერდზე, ჩვენ მოვაშორეთ „საკვანძო ფეხბურთელები“ და ნაცვალდ ჩავამატეთ მხარდამჭერის ფუნქცია „საუკეთესო პოზიციის“ ფილტრი, ამიერიდან ყველასთვის წვდომადი. ეს ყველაფერი მეტ აზრს შეიცავს, ვინაიდან „საკვანძო ფეხბურთელების“ ჩვენება უფრო ახალბედებზე იყო გათვლილი. ყოველივე ეს, ნაცვლად მხოლოდ მხარდამჭერებისა, ყველსთვის წვდომადი გახდება - ბევრად უფრო მრავალფეროვანი ფუნქცია. ჩვენ ასევე გავააქტიურეთ ყველაზე მნიშვნელოვანი უნარის გამომყოფი ფილტრი.

და ასევე, რიგი დიზაინერული დეტალები ჩასწორდა მარჯვნივ განთვასებულ სტატისტიკის ჩარჩოზე.

იმედი გვაქვს თქვენ და თქვენ ფეხბურთელებს მოგეწონებათ ეს მოკრძალებული განახლებები.

3-30-2022 ბოლო შანსი საიუბილეო ლიგაში მონაწილეობისთვის

40 000 ზე მეტი მომხარებელი დარეგისტრირდა ჰეთთრიქის საიუბილეო ლიგაში მონაწილეობის მისაღებად, იგი სტარტს მომდევნო კვირიდან აიღებს. პირველი კენჭისყრით ყველას არ მისცემია შანსი, მაგრამ ორშაბათს ვაპირებთ ჩავატაროთ მეორე კენჭისყრა რათა შევავსოთ დარჩენილი სლოტები, ამ ეტაპზე შეგვიძლია ვთქვათ რომ ლიგა მთლიანად არაა შევსებული, ხოლო მათ ვისაც მონაწილეობა სურდათ კვლავ აქვს შანსი რომ შემოუერთდეს. ნეტავ იცოდეთ როგორი სახალისო იქნება ეს ყველაფერი!

ადგილები ჯერ კიდევ თავისუფალია. ლიგაში ადგილის მოასაპოვებლად გექნებათ საშვალება რომ მანწილეობა მიიღოთ ჰეთთრიქის თავისუფალ შეჯიბრში. ყველას შეუძლია გუნდის მიღება, მიუხედავად იმისა ყავთ თუ არა გუნდი საიბულიეო ლიგაში. თუნდაც თავდაპირველ კენჭისყრაში მონაწილენიც რომ არ ყოფილან მათაც.

თქვენ მხოლოდ მოგეთხოვებათ, რომ გადახვიდეთ ამ გვერდზე, იმ შემთხვევაში თუ გუნდის მიღება იქნება ხელმისაწვდომი მაშინ შეგეძლებათ რომ საიუბილეო ლიგას შემოუერთდეთ დაუყოვნებლივ. პირველი მოხვედი, პირველი მიიღებ. რიგითობა არ იქნება.

დღეს ღამით იქნება Hattrick პირდაპირი ჩართვა სადაც გიწვევთ ყველას Twitch-ზე. პირდაპირი ეთერი დაიწყება ცენტრალური ევროპის დროით 21:00 საათზე და ვისაუბრებთ სამომავლო დაგეგმილ ცვლილებებზე.


შევხვდებით ერთმანეთს პირდაპირ ეთერში!

3-29-2022 დივიზიონის შეცვლის ფანჯარა

როგორც ყოველთვის, HFA უფლებას მისცემს ზოგიერთ გუნდს, რომ შეიცვალოს დივიზიონი სეზონის ბოლოს:

- შეცვლა შესაძლებელი იქნება ხუთშაბათის (31 რიცხვში) 00:00 საათიდან პარასკევის (1 რიცხვის) 23:59 საათამდე (ჰეთთრიკის (CET) დროით);
- Hattrick International-ის გუნდებს შეცვლის ვადა ექნებათ მხოლოდ პარასკევის 16:00 საათამდე (ჰეთთრიკის (CET) დროით), რადგან იმ დროისთვის უკვე უნდა დაიგეგმოს მომავალი სეზონის მატჩების განრიგი;
- შეცვლა შესაძლებელია მხოლოდ იმ შემთხვევაში, თუკი ასპარეზობთ თქვენი ქვეყნის ყველაზე დაბალი სამი დონის დივიზიონიდან ერთ-ერთში;
- ადგილის გაცვლა შესაძლებელია მხოლოდ ბოტ გუნდთან, რომელიც ასევე ასპარეზობს თქვენივე დონის ნებისმიერ სხვა დივიზიონში;
- შეცვლა შესაძლებელია მხოლოდ ერთხელ და ამის საშუალება აღარ გექნებათ მეორედ, ამიტომ კარგად დაფიქრდით სანამ საბოლოო გადაწყვეტილებას მიიღებთ.

ბოტ გუნდთან ადგილის გაცვლა შესაძლებელია, ამავე გუნდის დივიზიონის გვერდიდან. ადგილის გასაცვლელი ბმული გამოჩნდება ბოტი გუნდის დივიზიონის ცხრილში, მისივე დასახელების გასწვრივ. გაითვალისწინეთ, რომ ადგილის გაცვლა შესაძლებელია მხოლოდ ბოტ გუნდთან(რომელსაც აქვს "რობოტის ლოგო") და არა მფლობელის გარეშე დარჩენილ გუნდთან.

 
 
Server 080