Як я ўжо ўзгадваў у выпуску, прысьвечанаму Турнірам, у нашых плянах выпусьціць новую вэрсыю Турніраў цягам некалькіх месяцаў. Гэты плян не зьмяніўся, але, тым ня менш, мы падзелім гэтую вэрсыю на дзьве часткі, каб вы атрымалі некаторыя функцыі раней. Я ня думаю што вы будзеце супраць гэтага, правільна?
Наступная вэрсыя ТурніраўТакім чынам, наступная вэрсыя турніраў – мы можам назваць яе 1.1 – будзе ўключаць у сябе наступнае:
- Ліга з плэй-офф на 12 і 16 каманд
- Ліквідаваны просты кубкавы фармат на 4, 8 і 16 каманд
- Асобная паліца трафеяў
- Варыянт, пры якім стваральнік кубку можа заплаціць за ўсіх удзельнікаў
- Магчымасьць адмовіцца, калі вы не жадаеце атрымліваць запрашэньні ў турніры.
Нашая мэта – выпусьціць гэтую вэрсыю цягам некалькіх тыдняў.
Наступная пасьля гэтай вэрсыі (вэрсыя 1.2) будзе ўключаць:
- Адкрытыя турніры (любы жадаючы можа далучыцца без запрашэньня)
- Магчымасьць стварыць турнір ня ўдзельнічая ў ім
- Магчымасьць для тых, хто ня мае падпіскі Supporter, ствараць турніры праз Gears
- Невялікія візуальныя паляпшэньні
Нашая задача зрабіць гэтую вэрсыю да наступленьня (Эўрапейскага) лета.
Пасьля гэтых двух будуць і іншыя абнаўленьні, мы ня спынімся на гэтым.
Падрабязныя гульнявыя рэйтынгі Паляпшэньне гульнявых рэйтынгаў было на стадыі плянаваньня на працягу доўгага-доўгага часу, вы напэўна чулі як я шмат разоў пра гэта казаў раней. І гэта вельмі каштоўны для мяне праект, ён займае цэнтральнае месца ў засваеньні гульні. Такім чынам, я рады паведаміць вам, што мы нарашце пачалі працу над ім. Праца толькі пачалася, але пра ўсе нашыя рухі наперад мы будзем дзяліцца больш падрабязнай інфармацыяй (скрыншотамі ды інш.) у нашым
блозе распрацоўшчыкаў.
Няма чаго і казаць, гэта зробіць вашыя гульні і справаздачы больш цікавымі для чытаньня і аналізу. Гэта таксама адкрывае больш глыбокі аналіз вашай гульні і дае лепш зразумець, як працуе гульнявы рухавік, а гэта ў сваю чаргу, зробіць прасьцей вам зразумець (або знайсьці тлумачэньне) канчатковы вынік у гульні.
Што гэта значыцьПа змаўчаньні будзе паказвацца сярэдні рэйтынг за гульню, як і сёньня (хаця, вядома, будзе палепшаны зьнешні выгляд).Вы таксама зможаце ўбачыць:
- Сэктар рэйтынгаў у розныя інтэрвалы часу гульні (кароткія прамежкі часу)
- Графікі сэктару рэйтынгаў на працягу ўсяго матчу
- Рэйтынгі гульца (зоркі) у розныя інтэрвалы часу гульні (кароткія прамежкі часу)
- Графікі рэйтынгаў гульца на працягу ўсяго матчу
- Падсьветка падзей, каб убачыць як падзея (напрыклад замена) паўплывала на рэйтынгі
Я не магу зараз дакладна сказаць, за які інтэрвал будуць брацца рэйтынгі, але думаю праз кожныя 10 хвілін.
Жоўтыя зоркіРазам з гэтым мы таксама выдалім розныя колеры зорак, і будзем проста паказваць сярэдні рэйтынг зоркамі жоўтага колеру. Калі быць шчырым, розныя колеры ніколі добра не адлюстроўвалі, наколькі моцна гулец стаміўся, было цяжка зразумець, што яны значаць. А зараз няма болей патрэбы карыстацца рознымі колерамі, бо замест іх у вас будуць графікі.
Выхад рэйтангаўКалі яны будуць выпушчаныя? Найлепшы адказ, які я вам магу даць – калі мы будзем упэўненыя, што яны гатовыя да выхаду. Мы ўсё яшчэ толькі ў самым пачатку гэтай працы, а так як гэта сапраўды цэнтральная частка працэсу гульні, мы хочам сапраўды зрабіць яе якаснай. Мы ня хочам сьпяшацца і рабіць нешта, чым мы будзем не задаволеныя. Таму варта пачакаць пакуль праца ня будзе гатовая да канца.