2-10-2016 Inativitât e trasferiments
Hattrick, îr, al jere jù par cualchi ore par cualchi probleme tecnic al nestri ISP, tacât atôr 18.30 e comedât atôr miezegnot. No jere colpe nestri ma nus displâs tant, soredut par chêi che a zuiavin la Setemane dal Trofeu dai Supporter.
Ma ce che nol à funzionât al è stât il fat che no vin fermât, come che fasìn di solit, il motôr dai trasferiments, duncje une vore di trasferiments a son stâts fats cence che nissun al vedi podût fâ ufiertis e duncje cualchidun al à pierdût bêçs. Di solit no din compensazions (che a son dificilis di cuantificâ), ma cheste volte i vin decidût di fâlu. Di pôc o vin un gnûf algoritim par analizâ i presits dal marcjât e chest nus judarà a stimâ un just (plui o mancul) risarciment. O domandìn ai utents coinvolts di vê un pocje di pazience par vê i bêçs.
Chest al vignarà fat par ducj i trasferiment di zuiadôrs che a vevin almancul une ufierte. No cjaparìn in considerazion i zuiadôrs che a valevin mancul di 10.000 EUR.
O stin ancje lavorant a une soluzion par fermâ automatichementri i trasferiments cuant che il sît al va jù. Fintant che no jentrarà perfetementri in funzion, al podarà sucedi che il marcjât si fermarà ancje se il sît al funzione benon, ma i sperìn di rivâ a meti in vore dutis lis precauzions par fâ in mût che nol sucededi ce che al è sucedût îr.