Ungdomsspelarar

Ungdomsspelarar

Du kan skaffe deg nye spelarar til seniorlaget ditt ved å rekruttere unge spelarar. Dette kan gjerast på to ulike vis.

• Den enklaste måten er å nytta speidarnettverket til klubben din. Ved å nytta dette nettverket, så kan du instruera speidarane til å sjå etter spelarar som du trur er eigna til å spela for seniorlaget ditt med det same.
• Det andre alternativet er å oppretta eit ungdomslag. Speidarane dine vil då sjå etter talent for dette laget i staden. Du vil rekruttera yngre spelarar som treng meir tid på å utvikla seg. Med eit ungdomslag, så kan du spela kampar mot andre ungdomslag i private eller offentlege ligaer. Gjennom desse kampane, så vil du kunne oppdage det verkelege potensialet i spelarane, og i tillegg gje dei trening fram til dei er klar for seniorlaget.

Å finna ein spelar gjennom speidarnettverket og rekruttera dei direkte til seniorlaget er ein enkel og effektiv måte å tiltrekka seg talent. Å drifte eit ungdomslag er meir utfordrande, men om du gjer ein god jobb, så kan det òg vere meir lønsamt.

For begge systema treng du ungdomsspeidarar for å gjera jobben. Kvar speidar vil presentera eit prospekt kvar veke til deg. Å tilsetta fleire speidarar kostar meir pengar, men gir deg eit betre utval av prospekt å velja mellom. Du kan berre nytte eit system om gongen. Speidarnettverket er sett som standard, men du kan byrja eit ungdomslag kor tid som helst. Det er langsiktig prosjekt, ettersom du ikkje kan forventa nokon spelarar til seniorlaget ditt før det har gått minst ein sesong. Når du fyrst har byrja med ungdomslag, kan du ikkje forfremma spelarar frå speidarnettverket. Du kan likevel gå attende. Det kan du gjere ved å stengja ungdomslaget, og byrja nytte nettverket i staden. Merk deg at ved å gjera dette vil du miste all framgang og alle spelarane dine i ungdomslaget.