Маладыя гульцы
Юнацкая школа
Кожны тыдзень у Вашым клюбе можа зьявіцца новы гулец. Гэта здараецца, калі Вы абіраеце аднаго з гульцоў юнацкай школы ў асноўны склад. Чым вышэй узровень юнацкай школы, тым вышэй шанец атрымаць больш таленавітага маладога гульца. Акрамя выбару паміж палявым гульцом ці брамнікам, у Вас няма магчымасьці паўплываць на тое, які гулец зьявіцца. Не спадзявайцеся, што кожны тыдзень у камандзе будуць зьяўляцца новыя зоркі - вялікая частка пачаткоўцаў у склад не патрапіць. Калі ў Вас ёсьць адзін або два гульца, якія патрапілі ў асноўны склад наўпрост зь юнацкага, гэта ўжо нямала - узгадайце, як гэта адбываецца ў рэчаіснасьці!
Большасьць клюбаў укладае ў сваю юнацкую школу шмат грошай, але ёсьць і такія, якія плацяць менш або не робяць гэтага наогул, аддаючы перавагу набыцьцю гульцоў на трансфэрным рынку. Майце на ўвазе, што калі Вы вырашыце ўзмацніць сваю юнацкую школу, спатрэбіцца нямала часу, перш чым Вашыя ўкладаньні дадуць плён у выглядзе добрых маладых гульцоў. У асаблівасьці, ня варта шмат чакаць ад гульца, толькі што абранага зь юнацкай школы, узровень якой, напрыклад, "дрэнны(3)".
Кожны тыдзень Вы можаце ўкласьці вялікую (20 000 US$), сярэднюю (10 000 US$) або маленькую (5 000 US$) суму інвестыцыяў у юнацкую школу. Шмат маленькіх інвестыцыяў дасьць большы плён, чым некалькі вялікіх. Вялікая колькасць маленькіх узносаў дадуць больш выніку, чым некалькі вялікіх. Іншымі словамі, лепш планаваць загадзя - калі Вы хочаце ў будучыні ўносіць у сетку спартыўных школ вялікую суму, больш высокія ўкладання дазволяць дасягнуць мэты хутчэй, але калі Вы не спяшайцеся павысіць узровень сеткі спортшкол без значных інвестыцый, то можна ўкладаць маленькую суму. Аднак, улічыце, што калі ўзносы не будуць рэгулярнымі, то ўзровень развіцця сеткі спартыўных школ хутка ўпадзе, і для таго, каб павысіць яго зноў, спатрэбіцца значна больш часу.
Кожны тыдзень можна абраць толькі аднаго гульца. Калі памер інвестыцыяў не зьмяняецца, то з рахунку кожны тыдзень будзе здымацца адная і тая ж сума.
За адбор маладога гульца клюб плаціць 2 000 US$.
Інфармацыя аб бягучым становішчы справаў у юнацкай школе знаходзіцца ў мэню "Ваш клюб", у падзеле "юнацкая каманда". Там жа паказваецца памер інвестыцыяў у юнацкую школу, і там жа знаходзіцца спасылка, з дапамогай якой Вы раз на тыдзень здолееце абіраць маладога гульца.