Jugendspiller

D'Spiller

Deng Futtballschoul kann gläichzäiteg maximal 18 Spiller ophuelen . Déi Spiller, déi an d'Jugendekipp kommen, sinn tëschent 15 a 16 Joer al. Déi meescht vun hire Fäegkeete mussen nach entdeckt ginn, sou datt s de all hir Fäegkeeten an hir Perséinlechkeet net direkt gesäis, am Géigendeel zu deem, wat s de vum Profiskader gewinnt bass. Fir ze wëssen, wat an denge Spiller stécht, muss de se op verschiddene Positiounen um Terrain asetzen. Sou fënns de eraus, wou se gutt spillen a wou net. Fir der ze hëllefen, hues de eng Bewäertung mat Stären, dem Scout seng Kommentaren an dem Trainer säi Rapport. Duerch den Training kënnen hir Fäegkeeten opgedeckt ginn, méi Informatiounen doriwwer kënnen ënner "Training" fonnt ginn. Zousätzlech Hiweiser kënnen am Rapport vum Match fonnt ginn.