Unglingaleikmenn

Þjálfun

Unglingaleikmenn geta stundað tvær þjálfanir á sama tíma, eina aðalþjálfun og eina aukaþjálfun. Aðalþjálfunin gefur meira vægi heldur en aukaþjálfunin. Þú getur ákveðið að þjálfa það sama í aðal- og aukaþjálfuninni (til dæmis vörn), en áhrif þjálfunar verða meiri ef þú þjálfar tvær mismunandi tegundir þjálfunar.

Unglingaleikmenn fá þjálfun úr bæði deildarleikjum (full áhrif) og æfingaleikjum (minni áhrif), svo þeir geta fengið þjálfun tvisvar í sömu vikunni. Þú verður að gefa þjálfunarskipanir í síðasta lagi 10 mínútum áður en leikur hefst. Áhrif þjálfunarinnar kemur í ljós strax eftir hvern leik. Kemur þjálfarinn þá með skýrslu um hvað gerðist og vísbendingar um hvernig leikmönnum gengur í þjálfun. Þú getur einnig fengið tækifæri til þess að afhjúpa hæfileika:

Fyrir aðalþjálfunina mun þjálfarinn segja til um hver núverandi hæfileiki einhvers leikmanns er sem hefur spilað a.m.k. 44 mínútur í þjálfunarstöðu (t.d. sá sem hefur fengið meira en mjög lítil áhrif). Það sama á við um aukaþjálfunina nema þar segir hann um hvað leikmaður getur náð í þeim hæfileika. Athugaðu að þú færð ekki tilkynningu um aukaþjálfunina ef þú þjálfar það sama í aðal- og aukaþjálfuninni. Hæfnisskýrsla leikmanns verður ekki sýnd ef leikmaðurinn nær hámarksgetu sinni sömu vikuna. Í slíkum tilfellum lætur þjálfarinn vita að leikmaðurinn geti ekki lengur haldið áfram í settri æfingu. Ef allir leikmenn í þjálfunarstöðum hafa fengið afhjúpun á sínum hæfileikum, þá getur hann auðvitað ekki sagt mikið um þá. Einnig ef þú ert með færri en 8 leikmenn á vellinum þegar leikurinn endar, þá færðu enga afhjúpun á hæfni.

Til viðbótar, þá mun þjálfarinn láta þig vita af einum af þremur leikmönnum þínum sem getur náð hvað lengst í sínum hæfileika (hámarks hæfnisgeta) sem ekki hefur verið þjálfaður.