Mer benotze Cookien - Se hëllefen eis, fir däin Hattrick-Erliefnes ze verbesseren.
Andeems de eise Site benotz, akzeptéiers de datt mer Cookien op dengem Apparat setzen an drop zougräifen.

Zousätzleche Veräin

Mat Supporter Platin an Diamant hues de d'Méiglechkeet fir en zousätzleche Veräin ze managen. Du këmmers dech ëm dee Veräi genee sou wéi ëm däin éischte Veräin. Dat heescht, datt dësen zousätzleche Veräi säin eegene Kader, säin eegene Stadion, seng eege Jugend an esou weider huet.

En zousätzleche Veräi grënnen

Du kanns zu all Ament en zousätzleche Veräi grënnen. Däin zousätzleche Veräi kann am selwechte Land wéi däin éischte Veräi spillen oder an engem anere Land, soulaang wéi et do fräi Plaze gëtt.

En zousätzleche Veräin kritt um Ufank e klenge Budget (sou wéi all neie Veräin), allerdéngs muss de Besetzer net erëm eng Kéier d'Manager-Lizenz maachen.

Generell Regelen

Du kanns bis zu zwee zousätzlech Veräiner hunn.

Du kanns keng Transferten tëschen denge Veräiner duerchféieren a kee vun de Veräiner kann e Spiller kafen, fir den däin anere Veräin Suen als Heemechtsveräin oder fréiere Veräin kréie géif.

Zousätzleche Veräin am selwechte Land

Däin éischten an däin zousätzleche Veräi kënnen net an der selwechter Liga spillen oder sech an engem Relegatiounsmatch gesinn. Se kënnen och net an der Coupe géintenaner spillen (ausser an der Finale). Déi zwee Veräiner kënnen an der selwechter Divisioun spillen, awer nëmmen a verschiddene Ligaen.

Wa béid Veräiner gläichzäiteg an déi iewescht Liga opsteigen, kritt dee Veräin, deen als leschten era géif kommen, den Opstig net autoriséiert. Déi Plaz geet dann un den nächste Veräin am Ranking, dee fir déi nächst Saison nach net fir den Opstig an d'éischt Liga qualifizéiert ass.

Wa béid Veräiner zu der selwechter Zäit an d'iewescht Divisioun opsteigen, kritt nëmmen den éischte Veräin den Opstig erlaabt.

Zousätzleche Veräin an engem anere Land

D'Zuel vun de Plazen déi an engem Land fir auslännesch Manager disponibel sinn hänkt dovun of, wéivill Plazen onbenotzt sinn, an dat hänkt dovun of, wéi grouss d'Land ass a wéivill Benotzer schonn do spillen.

E Minimum vu 50% vun de Veräiner vun engem Land si fir déi lokal Benotzer reservéiert. An engem Land mat 168 Veräiner sinn der also 84 fir lokal Benotzer reservéiert (an déi aner 84 Plaze kënne vun all Manager besat ginn, lokal oder aus dem Ausland). Allerdéngs ginn all d'Plaze fir lokal Benotzer reservéiert, wann e Land zu 90% voll ass.

Liga wiessele während der Saisonspaus

En zousätzleche Veräi kann (wou dat méiglech ass) d'Liga wiesselen an där Zäit vun der Saisonspaus wou dat méiglech ass. Et ass allerdéngs net méiglech an déi Liga ze wiesselen, wou däin anere Veräi spillt.

Fändelen

All Veräi sammelt seng Fändelen. Zousätzlech Veräiner hunn hir eege Sammlungen.

Wann s de géint en zousätzleche Veräi spills, kriss de e Fändel, genee sou wéi wann s de géint all anere Veräin spills, an de zousätzleche Veräi kritt e Fändel fir seng Sammlung.

Leeschtungen

De Manager ass responsabel fir d'Leeschtungen. D'Leeschtunge ginn also pro Manager gespäichert (an net fir all Veräin eenzel).

Wielen

Du kanns net bei de Wale fir d'Nationaléquipë vum Land vun dengem zousätzleche Veräi matmaachen. Du kanns nëmmen am Land vun dengem éischte Veräi wielen.

Faillite

Wann däin éischte Veräi Faillite geet, verléiers de och den Accès op däin zousätzleche Veräin.

Wann däin zousätzleche Veräi Faillite geet, kanns de 16 Wochen nodeems de de Veräi gegrënnt hues, dee grad Faillite gaangen ass, en neie Veräi grënnen (du kanns also direkt mat engem neien zousätzleche Veräin ufänken, wann dem Veräi méi wéi 16 Wochen al ass).

Den zousätzleche Veräin zoumaachen

Du kanns däin zousätzleche Veräin zu all Ament zoumaachen. Wann s de dat allerdéngs méchs, muss de waarde bis op d'mannst 16 Woche vergaange sinn, zënter datt s de däi leschten zousätzleche Veräin opgemaach hues éiers de en neien grënne kanns.

Platin / Diamant Supporter ass eriwwer

Wann deng Zäit als Platin oder Diamant Supporter eriwwer ass, bass de nach fir eng Woch Manager vun dengem zousätzleche Veräin, mä du kanns en net méi managen. No 7 Woche gëtt däin zousätzleche Veräi vun der deconnectéiert. Du kriss nees Accès op de Veräin, wann s de an dene 7 Woche Platin oder Diamant keefs. Méchs de dat net, verléiert de Veräin de Besëtzer an du kriss ni méi Accès drop.

 
 
Server 080