Mer benotze Cookien - Se hëllefen eis, fir däin Hattrick-Erliefnes ze verbesseren.
Andeems de eise Site benotz, akzeptéiers de datt mer Cookien op dengem Apparat setzen an drop zougräifen.

Hattrick Masters

Den Hattrick Masters ass den internationalen Tournoi fir all d'Vainqueure vun enger Coupe an d'Championen. En dauert véier Wochen, a fänkt nom 4. Spilldag vun enger Saison un. D'Mätscher gi méindes an donneschdes um 20:00 Auer gespillt.

Spillplang

E Maximum vun 256 Équipë kann am Hattrick Masters matmaachen an e gëtt als Coupe mat aacht Ronne gespillt. D'Auslousung fir all Ronn ass komplett zoufälleg an d'Mätscher ginn op neutralem Terrain gespillt.

Wann et net genuch Équipë gëtt, fir déi éischt Ronn komplett ze spillen, da kréien e puer glécklech Équipen (déi per Zoufall ausgewielt ginn) e Fräilous fir déi éischt Ronn a spillen eréischt an der zweeter Ronn mat. Verléiert eng Équipe, déi d'Coupe oder de Championat gewonnen huet, hire Besëtzer (oder kritt en neie Besëtzer), da mécht se net am Masters mat. Wann eng Équipe an enger Saison Championat a Coupe gewënnt, wäert et déi eenzeg Équipe sinn, déi am nächste Masters fir dat Land dobäi ass.

Besonnesch Regele fir den Tournoi

Am Hattrick Masters ginn et e puer speziell Regelen:

Kaarten a Verletzungen: Kaarte spille keng Roll (ausser natierlech datt eng Rout Kaart am Match selwer wichteg ass), mä Verletzunge gi ganz normal gezielt.

Haltung vun der Équipe: "Match vun der Saison" (MvdS, Mots) oder "Relax spillen" (Rs, Pic) ze benotze wäert d'Équipestëmmung net souvill senken/hiewe wéi en normale Match. Den Effet am Match ass awer de selwechte wéi an engem normale Match.

Training: Mätscher am Masters zielen net fir den Training vun engem Spiller.

Revenu am Masters

D'Heeméquipe an d'Auswäertséquipe deele sech de Revenu, sou datt jidderee 50% kritt. Déi bescht Équipë kréien och eng Prime wéi ënne beschriwwen.

De Gewënner vum Masters kritt eng Prime vun 800 000 US$, den anere Finalist kritt 400 000 US$ an déi zwee Verléierer aus den Halleffinalen 200 000 US$. D'Verléierer aus de Véirelsfinalë kréien alleguerten 100 000 US$, d'Verléierer aus den Aachtelsfinalë jeeweils 50 000 US$.

 
 
Server 095