Mer benotze Cookien - Se hëllefen eis, fir däin Hattrick-Erliefnes ze verbesseren.
Andeems de eise Site benotz, akzeptéiers de datt mer Cookien op dengem Apparat setzen an drop zougräifen.

Auswiesselungen

Wann e Spiller sech verletzt, gëtt hien duerch den Auswiesselspiller fir déi Positioun automatesch ersat, wéi et am Kapitel iwwer d'Opstellung geschriwwe steet. Du kanns och Auswiesselunge plangen.

Geplangten Auswiesselungen

Du kanns am viraus Auswiesselunge fir e Match plangen, vläicht wëlls de jo eng genial taktesch Ännerung duerchféieren oder awer du wëlls just e midden duerch e frësche Spiller ersetzen. Aus engem Stiermer kanns de zum Beispill en zousätzleche Verteideger maachen, fir d'Féierung ze verteidegen, oder du méchs aus engem Verteideger e Stiermer, wann deng Équipe am Réckstand ass. Du kanns och d'perséinlech Astellung vun engem eenzele Spiller änneren.

Eng Auswiesselung plangen

Fir eng Auswiesselung ze plangen, klicks de op der Opstellungssäit op "Auswiesselungen / Neit Behuelen". Du wiels dee Spiller, deen den Terrain verloosse soll, an dee Spiller, deen a senger Plaz weiderspillt. Dono décidéiers de d'Conditioune vun der Auswiesselung. Du kanns wielen, ob d'Auswiesselung no enger gewësser Minutt passéiert an/oder vum Spillstand ofhänkt, andeems de den Display "Weider Konditiounen" opklapps. Du kanns am Display "Weider Konditiounen" et och dovun ofhängeg maachen, ob ee vun denge Spiller (oder e Spiller vum Géigner) eng Roud Kaart kritt huet, an d'Positioun vum Spiller änneren.

Eng Ännerung vum Behuelen aplangen

Du kanns iwwer "Auswiesselungen / Neit Behuelen" och d'Behuele vun engem Spiller änneren. Ähnlech wéi bei den Auswiesselunge wiels de ee Spiller aus an dono d'Conditiounen fir eng Ännerung vu sengem Behuelen.

Fënnef Spillerastellunge si méiglech

Du kanns bis zu fënnef Spillerastellunge maachen (Auswiesselungen an Ännerunge vum Behuelen). Mä denk drun, datt den Arbitter an engem Match net méi wéi dräi Auswiesselunge wäert zouloossen.

D'Ännerunge ginn duerchgefouert, wann d'Conditiounen erfëllt sinn

All deng Spillerastellunge ginn am Match duerchgefouert, soubal all d'Conditiounen erfëllt sinn, déi s de am viraus gestallt hues. Wann d'Conditioun net erfëllt ass, gëtt d'Ännerung net duerchgefouert. Wann s de fir déi 65. Minutt eng Auswiesselung plangs an déi net vum Spillstand ofhängeg soll sinn, gëtt se an der 65. Minutt duerchgefouert. Wann s de fir déi 70. Minutt eng Auswiesselung ukënnegs, fir de Fall wou deng Équipe a Féierung läit, gëtt déi Auswiesselung no der 70. Minutt ausgefouert, soubal wéi d'Conditioun erfëllt ass. Wann deng Équipe also an der 80. Minutt a Féierung géif goen, gëtt d'Auswiesselung och dee Moment duerchgefouert.

Wann s de fir déi 70. Minutt zwou Ännerunge plangs, eng fir de Fall wou s de a Féierung läis, eng fir de Fall wou s de mat méi wéi engem Goal Differenz a Féierung läis, gi béid Ännerungen duerchgefouert, wann s de zum Beispill dee Moment mat 3:0 féiers.

Sief dir bewosst: Wann s de zwou Ännerungen mat deene selwechte Konditiounen (z.B. Minutt am Match a Resultat) astells, da ginn déi NET de genau selwechte Moment ausgefouert mä an der Reiefolleg, wéi se kreéiert goufen.

Nom Match kanns de (däi Géigner net) iwwer d'Stärebewäertung vun denge Spiller d'Lëscht vun Astellunge gesinn, mat Informatiounen iwwer de Moment wou se duerchgefouert goufen oder firwat se net duerchgefouert gi sinn.

Du kanns net op Verletzunge reagéieren

Et ass net méiglech fir Verletzungen als Conditioun ze hunn. Wann ee vun denge Spiller sech am Match verletzt, mécht de System automatesch eng Auswiesselung. Dat heescht och, datt eng Auswiesselung den Pläng kann duerchkräizen, sou wéi am richtege Futtball och.
 
 
Server 095