Mer benotze Cookien - Se hëllefen eis, fir däin Hattrick-Erliefnes ze verbesseren.
Andeems de eise Site benotz, akzeptéiers de datt mer Cookien op dengem Apparat setzen an drop zougräifen.

De Match: D'Grondlagen

Déi richteg Opstellung ze fannen ass eng vun de schwéiersten Aufgabe bei Hattrick. An dësem an am anere Kapitel iwwer d'Matcher wäerte mer eis op d'Wierkung vun de Spillerfäegkeeten an engem Match konzentréieren. An dësem Kapitel ginn d'Grondlagen erkläert, déi wichtegst Saachen, déi ee wësse muss.

D'Grondlage vun der Match-Simulatioun

An all Halschent ginn eng gewëssen Unzuel un Attacke gespillt an d'Mëttelfeld décidéiert, wéi eng Ekipp d'Attack duerchféiere kann. D'Ekipp mat dem stäerkste Mëttelfeld (d'Ekipp mat dem héchste Ballbesëtz) ass déi Ekipp, déi am wahrscheinlechsten déi meeschten Attacken duerchféiere kann.   Wann eng Ekipp eng Attack duerchféiert ass décidéiert, wéi eng Zort vun Attack et ass. Et ginn dräi verschidden Zorte vun Attacken (iwwer d'riets Bande, d'lénk Bande an den zentrale Stuerm) an et ginn och nach Strofstéiss (duerch Fräistouss an Eelefmeter). De Stuerm an deem Secteur vun der Ekipp, déi den Ugrëff krut, wäert da versichen, fir der Ekipp, déi verteidege muss, hir Verteidegung an deem Secteur ze duerchbriechen.

Déi normal Attacken

An all Match gëtt et eng bestëmmten Zuel vun normalen Attacken (sou wéi uewendriwwer schonn erkläert). Puer vun dësen Attacke si genereller a fir all Ekipp méiglech, anerer kann nëmmen eng Ekipp exklusiv kréien.

Bei de generellen Attacken entscheet d'Mëttelfeld wéi eng Ekipp d'Attack kritt. Déi exklusiv Attacke funktionéieren no dem selwechte Prinzip, mat enger Ausnam: wann däi Mëttelfeld eng vun den exklusiven Attacke vum Géigner "gewënnt", da stopps de d'Attack - mä du kriss awer selwer keng dofir. Du kanns dem Géigner seng exklusiv Chancen net kréien, an hie kann och net deng kréien.

Déi meescht normal Attacke ginn am Rapport vum Match agedroen, mä Attacken, déi ganz wäit dovu fort ware fir zu engem Goal ze féieren, ginn net rapportéiert.  Du kanns nach zousätzlech Attacken duerch "Spezialevenementer" kréien an duerch Konterattacken. Déi zousätzlech Attacke ginn an den zwee anere Kapitelen iwwer de Match erkläert.

Avantage fir d'Heemekipp

D'Heemekipp kann op d'Mathëllef vun hire Supporteren zielen. Normalerweis hues de méi Ballbesëtz, wanns de doheem spills, wéi wanns de auswäerts spills.  Wa béid Ekippen an engem Match aus der selwechter Regioun sinn, gëtt de Match als Derby behandelt. An dësem Fall huet d'Heemekipp nach ëmmer den Avantage vum Heemmatch, mä d'Auswäertsekipp kritt och e klengen Avantage, deen ongeféier der Halschent vun deem vun der Heemekipp entsprécht. Fir Matcher op neutralem Terrain gëtt et kee Bonus fir d'Heemekipp, souguer wann de Match an der Regioun vun der Heemekipp gespillt gëtt.

Psychologie an dem Trainer seng taktesch Ausriichtung

Ekippestëmmung, Selbstvertrauen an hir Haltung beaflossen d'Performance vun der Ekipp. Am Kapitel "Psychologie" kanns de liesen, wéi Hattrick déi Saache simuléiert.
Dem Trainer seng Ausriichtung ("offensiv", "defensiv" oder "neutral") huet och hiren Afloss. Dozou kanns de méi am Kapitel "Den Trainer" liesen.

Op d'Bewäertunge vun der Ekipp solls de dech konzentréieren

Nodeems e Match gespillt ginn ass, kriss de eng Bewäertung vun der Ekipp fir all Deel vun der Ekipp. Dës Bewäertunge soen der, wéi gutt d'Leeschtunge vun de verschiddenen Deeler vun denger Ekipp am Match war an déi Bewäertungen zielen och, wann de Match berechent gëtt.

D'Dénominatiounen an de Bewäertunge vum Match (d'Skala geet vun "inexistent" bis "gëttlech") gëtt mat véier Sub-Niveauen präziséiert: ganz niddereg, niddereg, héich, ganz héich. Doduerch ass fir dech méi liicht erauszefannen, wéi gutt deng Bewäertungen op deem Niveau sinn. Zum Beispill heescht dat, datt "staark (ganz héich)" nëmme ganz e bësse méi schlecht ass wéi "excellent (ganz niddereg)", mä vill besser wéi "passabel (ganz niddereg)".

Stären

No engem Match kréien deng Spiller fir hir Performance am Match eng Bewäertung, déi mat Stären ausgedréckt gëtt. Hei ass hir Bedeitung:

Et sief bemierkt, datt d'Stären nëmmen d'individuell Leeschtung vun engem Spiller op senger ganz bestëmmter Positioun bewäerten a se dowéinst nëtzlech sinn, fir verschidde Spiller, déi op der selwechter Positioun spillen, ze vergläichen. Et ass keen ideale Wäert, fir d'Stäerkt vun enger Ekipp ze moossen. Fir gewuer ze ginn, wéi deng Ekipp sech geschloen huet (a fir se mat aneren Ekippen ze vergläichen), muss de op d'Bewäertunge vun der Ekipp kucken.

Gutt ze wëssen ass och, datt Auswierkungen op d'Bewäertung vun der Ekipp (sou wéi d'Verloschter fir méi wéi engem zentrale Spiller an engem Beräich, kuck dozou d'Kapitel iwwert d'Opstellungen) net an der Stäre-Bewäertung vun de Spiller berücksichtegt gëtt.

En normale Fall

Kuerz gesot, décidéiert den Zoustand vum Mëttelfeld, wéivill Chancë fir deng Ekipp an engem Match generéiert ginn. Déi aner Deeler vun der Ekipp entscheeden, wéi héich d'Chancen op e Goal duerch eng Attack sinn.

D'Tabellen, déis de hei ënnendrënner fënns, kënnen der hëllefen, wanns de deng Ekipp opbaus. Du muss awer dorunner denken, datt et nëmmen approximativ Wäerter sinn.  Wann e puer Niveaue vu Fäegkeeten eng hannert där anerer stinn, heescht dat, datt do nëmme kleng Differenzen an der Leeschtung sinn, a fir déi aner sinn d'Differenze méi grouss. Individuell Ausstellungen oder de Leeschtungsverloscht fir e Beräich wéinst zwee oder méi Spiller an enger zentraler Positioun fléissen net an d'Tabell an (méi iwwer dee Sujet fënns de am Kapitel virdrun).

Deel vun der Ekipp um Terrain Faktoren (déi wichtegst als éischt)
Mëttelfeld Spillmaacher vun den zentrale Mëttelfeldspiller
Spillmaacher vun de Banden
Spillermaacher vun den zentrale Verteideger
Spillmaacher Stiermer
Spillmaacher vun den Ausseverteideger
Lénk Säit vum Stuerm Bande vum lénke Bande
Bande vum lénken Ausseverteideger
Buteur vun de Stiermer
Passpill vum lénken zentrale Mëttelfeldspiller
Passpill vun der lénker Bande
Bande vun de Stiermer
Passpill vun de Stiermer
Passpill vun den zentrale Mëttelfeldspiller
Lénk Säit vun der Verteidegung Verteidegung vum lénken Ausseverteideger
Golkipp vun de Golkippen
Verteidegung vum lénken zentrale Verteideger
Verteidegung vun der lénker Bande
Verteidegung zentrale Verteideger
Verteidegung vum Golkipp
Verteidegung vum lénken zentrale Mëttelfeldspiller
Verteidegung zentrale Mëttelfeldspiller
Zentrum vum Stuerm Buteur vun de Stiermer
Passpill vun de Stiermer
Passpill vun den zentrale Mëttelfeldspiller
Buteur zentrale Mëttelfeldspiller
Passpill vun de Banden
Zentrum vun der Verteidegung Verteidegung vun den zentrale Verteideger
Golkipp vun de Golkippen
Verteidegung vun den zentrale Mëttelfeldspiller
Verteidegung vun den Ausseverteideger
Verteidegung vum Golkipp
Verteidegung vun de Banden
Riets Säit vum Stuerm Bande vun der rietser Bande
Bande vum rietsen Ausseverteideger
Buteur vun de Stiermer
Passpill vum rietsen zentrale Mëttelfeldspiller
Passpill vun der rietser Bande
Bande vun de Stiermer
Passpill vun de Stiermer
Passpill vun den zentrale Mëttelfeldspiller
Riets Säit vun der Verteidegung Verteidegung vum rietsen Ausseverteideger
Golkipp vun de Golkippen
Verteidegung vum rietsen zentrale Verteideger
Verteidegung vun der rietser Bande
Verteidegung zentrale Verteideger
Verteidegung vum Golkipp
Verteidegung vum rietsen zentrale Mëttelfeldspiller
Verteidegung zentrale Mëttelfeldspiller
 
 
Server 080