Mer benotze Cookien - Se hëllefen eis, fir däin Hattrick-Erliefnes ze verbesseren.
Andeems de eise Site benotz, akzeptéiers de datt mer Cookien op dengem Apparat setzen an drop zougräifen.

Nationalekippen

Grad ewéi an der realer Welt, trieden och bei Hattrick Nationalekippen géinteneen un. Den Ënnerscheed ass awer datt bei Hattrick de Coach vun der Nationalekipp vun Dir gewielt gëtt! All Hattrick-Natioun huet eng Nationalekipp, an eng U21 Nationalekipp mat Spiller déi 21 Joer oder manner aal sinn. Dat bedäit datt all Nationalekipp zwee Kadertraineren huet, déi allen zwéin vun de User gewielt ginn. D'Format fir d'WM huet an der Saison 77 (17. Januar 2021) geännert.

Nationalekippen-Kompetitiounen

D'Nationalekippen trieden an dräi mateneen verbonnen Tournoien géinteneen un. An der Regionaler Coupe, der Interkontinentaler Coupe an an der aktueller Weltmeeschterschaft. De ganzen Kompetitiounszyklus ëmfasst zwee Saisonen. Et geet mat den kontinentale Coupen lass - fir Europa, Amerika, Afrika an Asien/Ozeanien - an et hällt mat der Weltmeeschterschaft op.

D'Nations Coupe ass méi ee gerénge Tournoi fir all d'Ekippen déi et net an d'Weltmeeschterschaft packen a gëtt parallel zur Weltmeeschterschaft gespillt.

D'Nationalekippen hunn hiren eegene Kaartestatus. De System ass getrennt vum giel- a roude Kaartesystem am normale Hat-Trick-Spillverlaf. Dofir zielen d'Kaarte vun den NT/U21 Spiller nëmme fir d'Spiller vum jeweilegen NT/U21 Concours. Och e Spiller, dee vum reguläre Hattrick-Spillverlaf suspendéiert ass, ass berechtegt fir d'NT/U21-Ekipp ze spillen (ausser wann hien do eng separat Suspensioun ofsëtzen muss). D'Kaarte ginn um Enn vun all Concours zréckgesat oder wann d'Ekipp éliminéiert gouf.

Kontinental Coupe

All Nationalekipp bei Hattrick huet eng garantéiert Plaz an der kontinentale Coupe geséchert. D'Kontinental Coupe gëtt a 6er Gruppen gespillt. D'Gruppen ginn op Basis vum Nationalekippen-Ranking bestëmmt (kuck weider ënnen).

D'Kontinental Coupen ginn am Heem-Auswäertsmodus gespillt, an dauert 10 Wochen un, an der leschter Woch ginn Véirels-, Hallef-, a Finall gespillt.

Déi beschten acht Natiounen vun engem Kontinent - baséierend op hirer Positioun, Punkten, Goldifferenz a geschosse Goler - spillen Véirelsfinall, Halleffinall a Finall géinteneen, all di aner Natioune kënne freides Frëndschaftsmatcher organiséieren. An de Véierelsfinalle spillen d'Top 4 Ekippen (baséierend op Positioun, Punkten, Goldifferenz, geschosse Goler, Zoufall wann alles anescht gläich ass) zoufälleg géint déi ënnescht 4 Ekippen, déi sech fir d'Véirelsfinalle qualifizéiert hunn. Zwou Equipen aus der selwechter Grupp treffen an de Véierelsfinallen net op eneen. De Gewënner gëtt Kontinentalmeeschter a kritt eng gëlle Coupe. Sëlwer a Bronze ginn un déi zweet- an drëtt-, respektiv véiertplazéiert verdeelt.

Weltmeeschterschaft

D'Weltmeeschterschaft fänkt an der 13ter Woch vun der éischter Saison un - a leeft bis de Schluss vun der zweeter Saison. D'WM ass opgedeelt a fënnef Ronnen, plus d'Halleffinallen an der Finall.

96 Natiounen huelen un der éischter Ronn deel, déi aus 16 Gruppen vu sechs Teams besteet. Och hei spillt jiddereen geint jiddereen - Modus mat Heem- an Auswärtsmatch. Déi beschte véier vun all Grupp kommen an di zweet Ronn, di aner sinn eraus.

Déi zweet Ronn besteet aus 16 Gruppen mat jee 4 Natiounen. Gespillt gëtt am jiddereen géint jiddereen Format mat Hin- a Réckmatch. Déi bescht Ekippen packen et an déi drett Ronn.

An der drëtter Ronn hu mer 8 Gruppen mat 4 Ekippen déi op neutralem Terrain een Match géint all Géigner spillen an déi beschte zwee kommen dann an d'Ronn 4.

Déi véiert an déi fënneft Ronn besteet aus véier respektiv zwee Gruppen zu jee 4 Natiounen. All Ekipp spillt eng Kéier op neutralem Buedem géinteneen. Di beschte zwee kommen an déi nächst Ronn.

D'Halleffinall an d'Finall ginn op neutralem Terrain gespillt. De Gewënner vun der Finall gëtt Weltmeeschter, a gëtt mat enger gëllener Coupe belount. Sëlwer a bronze Coupen ginn et fir déi zweet respektiv drëtt Plaz.

Virun all Ronn ginn d'Ekippestëmmung (TS) an d'Selbstvertrauen (SV) ganz oder deelweis op den Reset-Wert zerëckgesat. Wann z Bsp. déi aktuell Ekippestëmmung op 9 steet (an den Standartwert läit bei 4.75 TS) da géing bei engem 80%-Reset deng Ekippestëmmung ëm (9 - 5) * 0.8 = 3.2 verrëngert ginn. De Standardwert läit onverännert bei ongeféier 5.0 an an déi Richtung wäerte sech deng TS an SV och op natirlechem Wee histeieren.

Nations Coupe

Natiounen, déi aus der Kontinentalmeeschterschaft ausscheeden huelen un der Natioune Coupe deel, déi paralell zur WM ausgedroë gëtt. Den Tournoi gëtt am Schweizer Format gespillt, d'nämlecht wei d'Supporter Woch Coupe.

D'Natioune Coupe ass eng Zort "Trouscht Tournoi" - awer nett nëmmen - d'Natioune Coupe ass grad fir kleng Natiounen interessant, vue datt hir Plazéierung an dësem Tournoi bei der Auslousung vun de zukünftege Kontinental Coupen mat abezunn gëtt. Zum Schluss vun der Natioune Coupe spillen déi acht beschte Natiounenen ee K.O. Tournoi ënnert sech, an de Gewënner kritt eng gëlle Coupe. Dëse Tournoi gëtt während den Halleffinallen an der Finall vun der WM gespillt.

An der Natiouns Coupe kënne d'Spiller sech net verletzen, d'Kaarten gi awer gezielt, wéi bei all anerem Tournoie. D'Formatiouns-Erfahrung gëtt vun der kontinentaler Coupe, inklusiv der Méiglechkeet fir d'Formatiouns-Erfarung wéi virun der Weltmeeschterschaft zréck ze setzen, mat eriwwer geholl an duerno, no all eenzelnen Natiouns Coupe Match, wéi ëmmer aktualiséiert.

De Gewënner kritt den Nations Coupe-Pokal.

WM Qualifikatioun

96 Ekippen packen ët vun der kontinentaler Coupe an d'Weltmeeschterschaft.

All Kontinent huet fix WM-Plazen ze gutt. D'Startplazen bei der WM ginn an den Kontinentalmeeschterschaften ausgespillt. D'Plazen sinn folgendermoossen verdeelt : Europa 32, Asien/Ozeanien 21, Afrika 12 an Amerika 20 Ekippen


Kontinent Total Ekippen WM Startplazen
Europa 48 32 (4 Promotiounen / Grupp)
Asien-Ozeanien 42 21 (3 Promotiounen / Grupp)
Afrika 24 12 (3 Promotiounen / Grupp)
Amerika 30 20 (4 Promotiounen / Grupp)

Et gi nach zousätzlech Wildcard-Plazen fir Ekippen, déi sech net direkt fir d'WM qualifizéiere konnten. Fir déi verbliwwen 11 Plazen trieden déi 22 Natioune, baséiert op hir Positiounen, mat de meeschte Punkten an der beschter Goaldifferenz an geschosse Goaler aus der Kontinental Coupe geinteneen un fir eng Wildcard ze wannen.

Bei den Wildcard-Playoffs, tried déi Natioun mat der beschter Bewertung (och fréier WM Resultater ginn matgerechent) géint déi Natioun mat der schlechtester Bewertung un, déi zweetbescht geint déi zweetlescht,,etc. De Playoff gëtt mat engem Hin- a Réckspill ausgedroën, bei deem d'Ekippe-Stëmmung an Selbstvertrauen komplett zréckgesat ginn. Bei engem Gläichspill géing et beim zweete Match zu enger Verlängerung an Eelefmeterschéisse kommen. De Gewënner vum Playoff kritt eng Wildcardplaz fir d'WM.

Nationale Team Ranking

All Nationalekipp kritt eng eegen Bewertung, déi bei der Auslousung vun der Kontinental Coupe berücksichtegt gëtt. Dobäi ginn déi leschte fënnef Saisons gezielt, bei der rezent Resultater méi heich bewert ginn wéi eeler Resultater.

Dräi Faktoren ginn bei der Bewertung vun der Nationalekipp konsideréiert: D'Resultat vum Match (R), d'Wichtegkeet vum Match (W) an d'Stäerkt vum Géigner (S). D.h. de Ranking gëtt duerch d'multiplizéieren vun dëse Faktoren errechent: P= R x W x S.


Match Resultat (M) Punkten Match Wichtegkeet (I) Punkten
Victoire 3 Weltmeeschterschaft Hallef/Finall 4
Gläichspill 1 WM aner Ronnen 2.5
Nidderlag 0 Kontinental Finall 3
Victoire Eelefmeterschéissen 2 Kontinental aner Matcher 2
Néierlag Eelefmeterschéissen 1 Nations Coupe 1
Frëndschaftsmatcher 0

Fir d'Variabel S, gëtt de Ranking vum géignerësche Team vun der Nummer 250 ofgezunn.

Den endgültege Ranking ass den Duerchschnëtt vun de Punkten (P) vun de leschte 5 Saisonen déi mat 100%, 70%, 50%, 30%, 20% verrechent ginn. 100% ginn fir déi aktuell Saison an 20% fir déi véiert lescht Saison gezielt. De Ranking gëtt no all Match nes néi berechent.

Kontinental Coupe Auslousung

D'Auslousung vun de Kontinental Championnater baséiert sech op de Ranking vun de Nationalekippen. Déi éischt Positioun an de Gruppe gëtt ëmmer vun engem vun den Top-Teams beluecht, woubäi an all Grupp nëmmen ee vun de beschten Ekippe vertrueden ass. Duerno ginn ët fënnef Lousdëppen (déi den iwweregbliwwene Plazen an all Grupp entsprécht) aus deenen déi iwwreg Ekippe je no Plazéierung am Ranking verdeelt ginn. Als Beispill: Am Kontinental Championnat Amerika ginn et je 5 Gruppe mat 6 Ekippen. D'Gruppeleader gi mat de beschten Ekippen, baséierent op hirem Ranking, opgefëllt. Déi zweet Plaze vun de Gruppe gi vun Ekippen op de Rankings 6-10 besat, déi drëtt Plaze vun den Ekippen op de Rankings 11-15 etc. D'Auslousung vun de Gruppe gëtt live ausgefouert, bis datt all Gruppepositioune vergi sinn.

Weltmeeschterschaft Auslousung

D'Performance vun enger Natioun bei de Kontinentalmeeschterschaften ass d'Basis fir d'Andeelung vun de Lousdëppen bei der Auslousung vun der WM. Et ginn 16 Gruppen an der éischter Ronn vun der WM an dat éischt Team vun all Grupp gëtt automatesch ausgewielt. Dat beschten europäesch Team aus der Kontinentalmeeschterschaft (EU#1 an der Tabell ënnen) wäert ëmmer dat eischten Team an der Grupp 1 sinn, an dat achten Team aus Amerika wäert ëmmer dat eischten Team an der Grupp 16 sinn.

Nodeems fir all Grupp dat eischt Team festgesat gouf, ginn déi aner Natiounen an enger Live-Auslousung verdeelt. D'Plazéierung an de Kontinentalmeeschterschaften bleiwen wéiderhinn ee Kritère, awer amplaz direkt enger Grupp zougedeelt ze ginn, ginn se een anert Lousdëppen gesat.An der Tabell ënnen ass ze erkennen, datt der Spalt "Team 2" véier Natiounen an d'Lousdëppen kommen. Dat sinn d'Ekippen op der Plaz 8, 7, 6 a 5 aus Afrika. Aus dësem Lous-Pott gi si als zweet Team an d'Gruppen 1,2,3 a 4 geloust. Duerno ginn véier nei Natioune nom gläiche Prinzip an de Louseemer gehéit an de Gruppen 5,6,7 an 8 zougedeelt, bis all 16 Gruppen mat 6 Natioune beluecht sinn.

Dëse System soll verhënneren, datt nett all déi Bescht aus engem Kontinent an eng Grupp gesat ginn. Mir wollten awer eng gewësse Zoufallsfunktioun bei der Auslousung beibehalen fir ze verhënneren datt schonn am Kontinental-Championnat mutwëlleg Matcher verluer ginn, fir engem eventuell stärkeren Gruppegéigner bei der WM aus de Féiss ze goën. Ausserdem bleift doduerch och eng gewëss Spannung bei der Auslousung weiderhin bestoên.


Grupp Ekipp 1 Ekipp 2 Ekipp 3 Ekipp 4 Ekipp 5 Ekipp 6
1 EU#1 AFR#8
POTT#1
AME#9
POTT#5
ASO#16
POTT#9
EU#17
POTT#13
W#11
POTT#17
2 EU#2 AFR#7
POTT#1
AME#10
POTT#5
ASO#15
POTT#9
EU#18
POTT#13
W#10
POTT#17
3 EU#3 AFR#6
POTT#1
AME#11
POTT#5
ASO#14
POTT#9
EU#19
POTT#13
W#9
POTT#17
4 EU#4 AFR#5
POTT#1
AME#12
POTT#5
ASO#13
POTT#9
EU#20
POTT#13
W#8
POTT#17
5 EU#5 AFR#4
POTT#2
AME#13
POTT#6
ASO#12
POTT#10
EU#21
POTT#14
W#7
POTT#18
6 EU#6 AFR#3
POTT#2
AME#14
POTT#6
ASO#11
POTT#10
EU#22
POTT#14
W#6
POTT#18
7 EU#7 AFR#2
POTT#2
AME#15
POTT#6
ASO#10
POTT#10
EU#23
POTT#14
W#5
POTT#18
8 EU#8 AFR#1
POTT#2
AME#16
POTT#6
ASO#9
POTT#10
EU#24
POTT#14
W#4
POTT#18
9 AME#1 ASO#8
POTT#3
AME#17
POTT#7
EU#16
POTT#11
EU#25
POTT#15
W#3
POTT#19
10 AME#2 ASO#7
POTT#3
AME#18
POTT#7
EU#15
POTT#11
EU#26
POTT#15
W#2
POTT#19
11 AME#3 ASO#6
POTT#3
AME#19
POTT#7
EU#14
POTT#11
EU#27
POTT#15
W#1
POTT#19
12 AME#4 ASO#5
POTT#3
AME#20
POTT#7
EU#13
POTT#11
EU#28
POTT#15
ASO#21
POTT#19
13 AME#5 ASO#4
POTT#4
AFR#9
POTT#8
EU#12
POTT#12
EU#29
POTT#16
ASO#20
POTT#20
14 AME#6 ASO#3
POTT#4
AFR#10
POTT#8
EU#11
POTT#12
EU#30
POTT#16
ASO#19
POTT#20
15 AME#7 ASO#2
POTT#4
AFR#11
POTT#8
EU#10
POTT#12
EU#31
POTT#16
ASO#18
POTT#20
16 AME#8 ASO#1
POTT#4
AFR#12
POTT#8
EU#9
POTT#12
EU#32
POTT#16
ASO#17
POTT#20

EU: Europa
AME: Amerika
AFR: Afrika
ASO: Asien / Ozeanien
Wp: Wildcard Plaz

Walen

Um Ufank vun all Saison ginn Walen ofgehale, direkt zwee Deeg no enger WM-Finall. All zweet Saison gi souwuel een Nationaltraier wéi och een U21-Coach gewielt. Jiddfer Coach gëtt fir eng Dauer vun zwee Saisonen gewielt, säin Engagement hällt bis eng Woch no der WM-Finall un. Vergiess nett, datt s Du op mannst eng Saison aktiv bei Hattrick gewees si muss, éier's Du deng Stëmm bei den nationalen Walen ofginn kann.

Stëmmkraaft

Du kanns nëmmen eng Kéier oftstëmmen bäi enger Wal. Deng Ofstëmmung kéint awer an der Gesamtwäertung, ee gréissert Gewiicht droën. Dëse System vu Ofstëmmungsmuecht belount Engagement mam Spill, mee den Haaptgrond ass, fir eng Manipulatioun vun de Walen ze verhënneren.

Wanns du ee lokale Benotzer bass, kanns du no denger éischter Saison am Spill mat ofstëmmen. Duerno kannst du fir zweete Kéier no denger 5. Saison, fir drëtte Kéier no der 10. Saison an eng véierte Kéier no denger 15. Saison am Spill mat ofstëmmen. Lokal Veräiner kréien sou am Ganzen 4 Oftëmmungen.

Wanns de eng zweet Ekipp an enger anerer Liga hues (ausser Hattrick International), kriss du deng éischt Ofstëmmung no denger 2. Saison an eng zweet an lescht Anciennitéits Ofstëmmung no denger 10. Saison.

All d'Benotzer kréien ausserdeem bis zu zwee Engagement Ofstëmmungen, wat dovunner Ofhängeg ass, wéi aktiv hiren Ekippen-Management gewiescht ass. Mir erklären net wéi dat Ganzt funktionéiert, fir Manipulatioun méi schwéier ze maachen, mee se sinn sou entwéckelt ginn, dass eng Ekipp, déi normal gemanaged gëtt, et ganz einfach erreeche kann, mee ganz schwéier ze erreechen ass, wann een eng Rëtsch gefälschten Ekippen huet. Wichteg ass, dass een als Benotzer d'Gewiicht vu senger eegener Ofstëmmung net gesäit, mir wäerten nëmmen d'Prinzipien hannert dem System erklären.

De Nationalkader

De Nationaltrainer wielt bis zu 26 Spiller (aus Teams mat reellen Manager) aus, selbstverständlech nëmmen Spiller mat der richteger Nationalitéit.U21 - Spiller mussen op mannst 19 Joer aal sinn, a Spiller fir de Kader mussen op mannst 22 Joer aal sinn. Eemol nomminéiert, huet den Trainer Zougang op déi nämlecht Informatiounen op de Spiller wéi's Du.

All Nationalekipp huet seng eege Formatiounserfahrung an um Ufank vun all Continental Championnat a Weltmeeschterschaft/Nations Cup hunn d'Nationaltrainer ongeféier eng Woch Zäit fir ze entscheeden wéi eng 6 Formatiounen eng formidabel Erfahrung hunn, während de Rescht mat aarmséileg unfänkt. D'Auswielzäit fänkt mat den ofgeschlossene Walen un an ass disponibel bis d'Zerëcksetzen vum Selbstvertrauen an vun der Ekippestëmmung virum éischte Match fir kontinental Coupe, an an der Woch 12 bis d'Zerécksetzen vun der Ekippestëmmung an Selbstvertrauen an der Woch 13.

Een Nationalspiller besëtzen

Wann ee vun denge Spiller am Kader ass, geet d'Méiglechkeet datt hien fir dech spillt nett verluer. D'Terminer vun de Matcher vun de Nationalekippen an de Matcher vun dengem Veräin iwwerschneide sech nett. Den Asatz fir d'Nationalekipp brëngt dengem Spiller och kee wéidere Training an, et besteet awer de Risiko, datt ee Spiller sech bei engem Lännerspill kéint verletzen.

Wann ee Spiller een Asatz fir ee Lännerspill huet, da kritt de Veräin folgend Entschiedegungen:

- Salaire-Reduktioun tëscht 33 an 40 % je nodeem ob de Spiller fir en auslännesche oder nationale Kader agesat gëtt.

- De Spiller kritt ganz vill Erfahrung. Den Erfahrungswert variéiert nom Match-Typ an ofsteigender Réiefolleg: WM Hallef-Finall a Finall, WM-Matcher, Kontinental Véirels-, Hallef- a Finallen; Kontinental Matcher, Nations Cup an d'national Frëndschaftsmatcher.

- Wann ee Spiller bei engem Kader-Asatz, sech sollt verletzen a vum Terrain erof muss, kritt de Veräin eng Entschiedegung vun 100 % vu sengem Basis-Salaire fir d'Dauer vu senger Verletzung. Dëst ass een Zousatz zur regulärer Gehaltsreduktioun.

Bei Frëndschaftsmatcher vun der Nationalequipp ginn et keng Verletzungen.

W.e.g. huel an Uecht datt et nett erwënscht ass, fir Nationalekippen ze sabotéieren an deems potentiell Nationalspiller manipuléiert ginn. D'NTA's (National Team Administrators) kënnen als leschten Instanz ee Spiller fir de Transfertmaart fräischalten fir ze évitéieren datt de Spiller Affer vun enger Sabotage-Aktioun gëtt.


Wanns de Kandidat fir d'Plaz als Nationaltrainer wëlls ginn oder einfach méi Informatioune kréie wëlls, da recommandéiere mer der d'Lecture vun de Regele fir d'Nationalekippen.

WM Spillplang - Saison 1

Wo Méi Dën Mët Don Fre Sam Son
1 Walen Walen Walen Walen Walen Walen Walen Walen Walen Walen/Live Auslousung
/Frëndschaftsmatcher
Walen Walen Walen Walen
2 Walen
Resultater
- - - Frëndschaftsmatcher - -
3 - - E.St./E.C. Zrécksetzen 100% Zereckstellung - K.C. Match 1 - -
4 K.C. Match 2 - - - K.C. Match 3 - -
5 K.C. Match 4 - - - K.C. Match 5 - -
6 - - - - K.C. Match 6 - -
7 - - - - K.C. Match 7 - -
8 - - - - K.C. Match 8 - -
9 - - - - K.C. Match 9 - -
10 - - - - K.C. Match 10 - -
11 - - - - K.C. Véirelsfinallen - E.St./E.C. Zrécksetzen 100% Zereckstellung
(Nëmme Wildcards)
12 K.C. HalleffinallenW Match 1 - - - K.C. FinallW Match 2 - Live Auslousung
13 - - E.St./E.C. Zrécksetzen 100% Zereckstellung - WM R1 Match 1 - -
14 WM R1 Match 2 - - - WM R1 Match 3 - -
15 - - - - WM R1 Match 4 - -
16 - - - - WM R1 Match 5 - -

WM Spillplang - Saison 2

Wo Méi Dën Mët Don Fre Sam Son
1 - - - - WM R1 Match 6 - -
2 - - - - WM R1 Match 7 - -
3 - - - - WM R1 Match 8 - -
4 - - - - WM R1 Match 9 - -
5 - - - - WM R1 Match 10 - -
6 - - E.St./E.C. Zrécksetzen 80% Zereckstellung - WM R2 Match 1 - -
7 WM R2 Match 2 - - - WM R2 Match 3 - -
8 WM R2 Match 4 - - - WM R2 Match 5 - -
9 - - - - WM R2 Match 6 - -
10 - - E.St./E.C. Zrécksetzen60% Zereckstellung - WM R3 Match 1 - -
11 WM R3 Match 2 - - - WM R3 Match 3 - -
12 - - E.St./E.C. Zrécksetzen 40% Zereckstellung - WM R4 Match 1 - -
13 WM R4 Match 2 - - WM R4 Match 3 - -
14 - - - - WM R5 Match 1 - -
15 WM R5 Match 2 - - - WM R5 Match 3 - -
16 WM Halleffinallen - - WM Finall - -

R.C.: Regionaalt Championnat
WM.: Weltmeeschterschaft
W.: Wildcard
T.S.: Team Stëmmung
T.V.: Team Vertrauen
 
 
Server 080